ଭୁବନେଶ୍ୱରରେ ରଥଯାତ୍ରା ଭିଡ଼ରେ ସୁନା ଚେନ ଓ ମୋବାଇଲ ଚୋରି

ନନ୍ଦିଘୋଷ ବ୍ୟୁରୋ: ଭୁବନେଶ୍ୱରରେ ରଥଯାତ୍ରା ଭିଡ଼ର ମଉକା ଦେଖି ମାତିଲେ ପକେଟ ମାର ଓ ଛିନତାଇ ଗ୍ୟାଙ୍ଗ । ଭକ୍ତିର ଭାବନା ନେଇ ମହାପ୍ରଭୁଙ୍କ ଘୋଷ ଯାତ୍ରା ଦେଖିବାକୁ ଆସିଥିବା ଲୋକଙ୍କଠୁ ଚୋରି ଅଭିଯୋଗ । ଲୋକ ମାନେ ମୁଣ୍ଡିଆ ମାରିବା ବେଳେ ପକେଟରୁ ମାରିନେଲେ ମୋବାଇଲ । ସେପଟେ ସିଆରପି ଛକରୁ ଭିଡର ସୁଯୋଗ ନେଇ ମହିଳାଙ୍କ ବେକରୁ ଝାମ୍ପିନେଲେ ସୁନା ଚେନ । ସେଇ ଭଳି ଆଉ ଜଣଙ୍କ ମହିଳାଙ୍କ ଠାରୁ ମଧ୍ୟ ସୁନା ଚେନ ଝାମ୍ପି ନେଇଛନ୍ତି ଲୁଟେରା । ଏବେ ସୁଦ୍ଧା ୮ ଟି ଦାମୀ ମୋବାଇଲ ଓ ଦୁଇଟି ସୁନା ଚେନ ଚୋରି ହୋଇଛି  । ଏନେଇ ନାୟପଲ୍ଲୀ ଥାନାରେ ଅଭିଯୋଗ ହୋଇଛି । ପୋଲିସ ପକେଟ୍ ମାର ଓ ଛିନତାଇ ଗ୍ୟାଙ୍ଗକୁ ଧରିବା ପାଇଁ ତଦନ୍ତ ଆରମ୍ଭ କରିଦେଇଛି  ।