ସର୍ବଦଳୀୟ ବୈଠକ: କୃଷକଙ୍କ ସହ ପ୍ରଧାନମନ୍ତ୍ରୀଙ୍କ ଆଲୋଚନା ନେଇ ଗୋଟିଏ କଲ୍‌ର ଦୂରତା

ନୂଆଦିଲ୍ଲୀ: ବଜେଟ ଅଧିବେସନ ବେଳେ ଅନୁଷ୍ଠିତ ସର୍ବଦଳୀୟ ବୈଠକରେ ବଡ଼ ବୟାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କୃଷକଙ୍କ ସହ ଆଲୋଚନା ନେଇ ସରକାର ସର୍ବଦା ପ୍ରସ୍ତୁତ ଅଛନ୍ତି । ସେ କୃଷି ମନ୍ତ୍ରୀ ନରେନ୍ଦ୍ର ତୋମାରଙ୍କ କଥାକୁ ଦୋହରାଉଛି କହି କହିଥିଲେ ଯେ, ସରକାର ଏବଂ କୃଷକଙ୍କ ମଧ୍ୟରେ ସହମତି ହୋଇନପାରେ କିନ୍ତୁ କୃଷକଙ୍କ ନିକଟରେ ଆମେ ସର୍ବଦା ବିକଳ୍ପ ରଖି ଆସିଛୁ । ସେମାନେ ଏ ନେଇ ଚର୍ଚ୍ଚା କରନ୍ତୁ । କୃଷକ ଏବଂ ମୋ ମଧ୍ୟରେ ଆଲୋଚନା ନେଇ ଗୋଟିଏ କଲ୍‌ର ଦୂରତା ରହିଛି ।

"I want to reiterate what Narendra Singh Tomar told farmers. He said – we've not reached to consensus but we're giving you (farmers) the offer & you may go & deliberate. He told farmers that he was just a phone call away," PM Modi told the all-party meeting, as per sources. (1/2) https://t.co/SQTZFT7ch0 pic.twitter.com/XYcbUXScvs

— ANI (@ANI) January 30, 2021

            ସର୍ବଦଳୀୟ ବୈଠକରେ ପ୍ରଧାନମନ୍ତ୍ରୀ କହିଛନ୍ତି ଯେ, ସରକାର ସମସ୍ତ ବିଷୟରେ ଚର୍ଚ୍ଚା ପାଇଁ ପ୍ରସ୍ତୁତ ଅଛନ୍ତି । ଏବଂ ଏହି ଆଲୋଚନାରେ ସମସ୍ତ ପାର୍ଟିର ସଦସ୍ୟଙ୍କୁ ନିଜ ମତ ରଖିବାର ସୁଯୋଗ ଦିଆଯିବ । କୃଷି ମନ୍ତ୍ରୀଙ୍କ ପକ୍ଷରୁ କୃଷକଙ୍କ ଦିଆଯାଇଥିବା ଅଫର ଏବେ ମଧ୍ୟ ରହିଛି ।

ଏଥିସହିତ ପଢ଼ନ୍ତୁ: ବଜେଟ ଆଶା: ବେତନଭୋଗୀଙ୍କୁ ବଜେଟରେ ମିଳିପାରେ ବଡ଼ ଗିଫ୍ଟ

            ସର୍ବଦଳୀୟ ବୈଠକ ସମ୍ପର୍କରେ ସୂଚନା ଦେଇ ସଂସଦୀୟ କାର୍ଯ୍ୟମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି ଯେ, ଆଜି ସର୍ବଦଳୀୟ ବୈଠକରେ ୧୮ ପାର୍ଟି ଭାଗନେଇଛନ୍ତି । କୃଷକ ଏବଂ କୃଷି ଆଇନ୍ ନେଇ ଆଲୋଚନା ହୋଇଛି । ଏହାରି ମଧ୍ୟରେ ଚୋଟ ପାର୍ଟିଗୁଡ଼ିକୁ ମଧ୍ୟ ଆଲୋଚନା ନେଇ ଅଧିକ ସମୟ ଦିଆଯିବ । ଏହି ବୈଠକରେ ରକ୍ଷା ମନ୍ତ୍ରୀ ରାଜନାଥ ସିଂହ, ସଂସଦୀୟ କାର୍ଯ୍ୟମନ୍ତ୍ରୀ ପ୍ରହ୍ଲାଦ ଯୋଶୀ, ସଂସଦୀୟ କାର୍ଯ୍ୟ ରାଜ୍ୟ ମନ୍ତ୍ରୀ ଅର୍ଜୁନ ମେଘବାଲ ଏବଂ ବି ମୂରଲୀଧରଣ ଭିଡିଓ କନ୍‌ଫରେନ୍ସିଂ ଜରିଆରେ ସାମିଲ ହୋଇଛନ୍ତି । ବଜେଟ ଅଧିବେସନ କିଭଳି ସୂଚାରୁ ରୂପେ ଚାଲିବା,  ରାଷ୍ଟ୍ରପତିଙ୍କ ଅଭିଭାଷଣ ଉପରେ ହେବାକୁ ଥିବା ଆଲୋଚନାରେ ସବୁ ବିରୋଧୀ ଦଳ ସାମିଲ ହେବାକୁ ନେଇ ମଧ୍ୟ ବୈଠକରେ ଆଲୋଚନା ହୋଇଛି । ସରକାରଙ୍କ ପକ୍ଷରୁ କୃଷି ଆଇନ ସମେତ ଅନ୍ୟ ସମସ୍ତ ପ୍ରସଂଗରେ ସରକାର ଆଲୋଚନା କରିବାକୁ ପ୍ରସ୍ତୁତ ଥିବା ଶ୍ରୀ ଯୋଶୀ କହିଛନ୍ତି ।