CBSE ଦଶମ ଫଳାଫଳ ଯାଞ୍ଚ ଆରମ୍ଭ, ଆଜି ଦ୍ୱାଦଶ ପାଇଁ ଶେଷ ଦିନ

ନୂଆଦିଲ୍ଲୀ: ସେଣ୍ଟ୍ରାଲ୍ ବୋର୍ଡ ଅଫ୍ ସେକେଣ୍ଡାରୀ ଏଜୁକେସନ୍ ତଥା CBSE ର ଦଶମ ଶ୍ରେଣୀ ଛାତ୍ରଛାତ୍ରୀମାନେ ଆଜି (ଜୁଲାଇ ୨୦)ମାର୍କ ଯାଞ୍ଚ ପାଇଁ ଆବେଦନ କରିପାରିବେ । ମାର୍କ ଭେରିଫିକେସନ୍ ପାଇଁ ଆବେଦନ କରିବାକୁ ଚାହୁଁଥିବା ଛାତ୍ରଛାତ୍ରୀମାନେ, ସେମାନଙ୍କୁ ସିବିଏସ୍ଇ ବୋର୍ଡର ଆନୁଷ୍ଠାନିକ ୱେବସାଇଟ୍ ରେ ଏହା ଆବେଦନ କରିବାକୁ ପଡିବ । କେବଳ ସେତିକି ନୁହେଁ, CBSE ବୋର୍ଡର ଦ୍ୱାଦଶ ଶ୍ରେଣୀର ମାର୍କ ଯାଞ୍ଚ ପାଇଁ ଆଜି ଶେଷ ତାରିଖ । ତେଣୁ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀଙ୍କ ପାଖରେ କେବଳ ଆଜିର ସମୟ ରହିଛି ।

ଦଶମ ଶ୍ରେଣୀର ମାର୍କ ଯାଞ୍ଚ ପାଇଁ ଆବେଦନ କରିବାର ଶେଷ ତାରିଖ ହେଉଛି ଜୁଲାଇ ୨୪ । ଫଳାଫଳ ଯାଞ୍ଚ ଅନୁଯାୟୀ, ପ୍ରତ୍ୟେକ ବିଷୟ ପାଇଁ ୫୦୦ ଟଙ୍କା ଦେବାକୁ ପଡିବ । ମାର୍କ ଯାଞ୍ଚ ପ୍ରକ୍ରିୟାରେ, CBSE ଦୁଇଟି ଜିନିଷରେ ଧ୍ୟାନ ଦେବ । ପ୍ରଥମ ହେଉଛି, ମାର୍କ ଗଣତିରେ ଭୁଲ ନରହିଯାଏ । ଦ୍ୱିତୀୟଟି ହେଉଛି କୌଣସି ଉତ୍ତରରେ ଯଦି ମାର୍କ ନଦିଆଯାଇଥାଏ ତାହେଲେ ଯାଞ୍ଚ ହେବ ।

ଆବେଦନ କରିବାର ପ୍ରକ୍ରିୟା:

୧- CBSE cbse.nic.in ର ଆନୁଷ୍ଠାନିକ ୱେବସାଇଟ୍ ଲଗ ଇନ୍ କରିବା ଜରୁରୀ ।

୨- ଏହା ପରେ ମାର୍କ ଭେରିଫିକେସନ୍ ଆବେଦନ ଲିଙ୍କ୍ ଉପରେ କ୍ଲିକ୍ କରିବା ଆବଶ୍ୟକ ।

୩- ଏହା ପରେ ଏକ ନୂଆ ପେଜ୍ ଖୋଲିବ, ଯେଉଁଠାରେ ଛାତ୍ରଙ୍କୁ ନିଜର ରୋଲ୍ ନମ୍ବର, ୫ ଅଙ୍କ ବିଶିଷ୍ଟ ସ୍କୁଲ ନମ୍ବର ଏବଂ କେନ୍ଦ୍ର ନମ୍ବର ପୂରଣ କରିବାକୁ ପଡିବ ।

୪- ଛାତ୍ରଛାତ୍ରୀ ଯେଉଁ ବିଷୟଗୁଡ଼ିକ ପାଇଁ ପରୀକ୍ଷା ଦେଇଥିବେ ତାହା ପେଜ୍ ରେ ଖୋଲିବ ।

୫- ଯେଉଁ ବିଷୟଗୁଡିକର ସଂଖ୍ୟା ଯାଞ୍ଚ କରିବାକୁ ଚାହୁଁଥିବେ ତାହା ଚୟନ କରିବା ଜରୁରୀ ।

୬- ସବମିଟ୍ ବଟନ୍ ମାରିବା ପରେ ମାତ୍ରେ ପେମେଣ୍ଟ ୱିଣ୍ଡୋ ଖୋଲିବ । ଏଠାରେ ଫିସ୍ ଜମା କରିବାକୁ ପଡିବ ।  ପ୍ରତ୍ୟେକ ବିଷୟ ପାଇଁ ୫୦୦ ଟଙ୍କା ରହିଛି । ମାର୍କ ଯାଞ୍ଚ ପାଇଁ ଛାତ୍ରଛାତ୍ରୀମାନେ ସମସ୍ତ ବିଷୟ ଚୟନ କରିପାରିବେ ।

୭- CBSE ଏକ ଆପ୍ଲିକେସନ୍ ନମ୍ବର ଜାରି କରିବ, ଏହାକୁ ସୁରକ୍ଷିତ ରଖିବା ଜରୁରୀ ।