ଦିଲ୍ଲୀ ଉପମୁଖ୍ୟମନ୍ତ୍ରୀଙ୍କ ଘରେ ଓ ଅଫିସରେ ସିବିଆଇ ଚଢାଉ

ନୂଆଦିଲ୍ଲୀ: ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ଅଫିସରେ ସିବିଆଇ ରେଡ । ସିବିଆଇର ଏକ ଟିମ୍ ଦିଲ୍ଲୀ ସେକ୍ରେଟାରିଏଟସ୍ଥିତ ମନୀଷଙ୍କ କାର୍ଯ୍ୟାଳୟରେ ରେଡ କରିଛି ବୋଲି ନିଜେ ସିସୋଦିଆ ଟୁଇଟ କରି କହିଛନ୍ତି । ସେ କହିଛନ୍ତି ଏହି ରେଡକୁ ସେ ସ୍ବାଗତ କରୁଛନ୍ତି । ସେମାନେ ମୋ ଘର, ଅଫିସ, ଲକର, ଏପରିକି ମୋ ଗାଁକୁ ଯାଇ ରେଡ କରିଥିବାବେଳେ ଏବେ ପୁଣି ଅଫିସରେ ରେଡ କରିଛନ୍ତି । ମୁଁ କୌଣସି ଭୁଲ କରି ନଥିବାରୁ ସେମାନେ କିଛି ପାଇଲେ ନାହିଁ ବୋଲି କହିଛନ୍ତି ସିସୋଦିଆ । ଗତ ଅଗଷ୍ଟରେ ସିସୋଦିଆଙ୍କ ବିଭିନ୍ନ ସ୍ଥାନରେ ସିବିଆଇ ରେଡ କରିଥିଲେ ବି ସେପରି କିଛି ପାଇ ନଥିଲା । ସେପଟେ ସିବିଆଇ ପକ୍ଷରୁ କୁହାଯାଇଛି-ଏକ ନଥି ସଂଗ୍ରହ କରିବା ଲାଗି ସିବିଆଇର ଏକ ଟିମ ସିସୋଦିଆଙ୍କ କାର୍ଯ୍ୟାଳୟକୁ ଯାଇଥିଲା । ଏହା ଏକ ରେଡ ନୁହେଁ ।