ବିଜେପି ଜିଲ୍ଲା ସାଧାରଣ ସଂପାଦକଙ୍କ କାରରୁ ଲକ୍ଷାଧିକ ଟଙ୍କା ଜବତ

ଟିଟିଲାଗଡ଼: ବିଜେପି ଜିଲ୍ଲା ସାଧାରଣ ସଂପାଦକଙ୍କ କାରରୁ ଲକ୍ଷାଧିକ ଟଙ୍କା ଜବତ ହୋଇଛି। ଟିଟିଲାଗଡ଼ ପୋଲିସ୍ ସହରରେ ବିଭିନ୍ନ ଗାଡି ଯାଞ୍ଚ କରୁଥିବା ସମୟରେ ବିଳମ୍ବିତ ରାତ୍ରିରେ ଏକ କାରକୁ ସନ୍ଦେହରେ ଅଟକାଇଥିଲା।

ଗାଡିଟି ବିଜେପି ଜିଲ୍ଲା ସାଧାରଣ ସମ୍ପାଦକ ଶ୍ରୀବତ୍ସ ବେହେରାଙ୍କର ଥିଲା। ଯାଞ୍ଚ ସମୟରେ ଶ୍ରୀବତ୍ସ ଏବଂ ଡ୍ରାଇଭର ସହଯୋଗ ନକରିବାରୁ ପୋଲିସ୍ ସ୍କ୍ବାଡକୁ ଡାକି ଯାଞ୍ଚ କରିଥିଲା। ଗାଡିରେ ଥିବା ଏକ ବ୍ୟାଗରୁ ୪ ଲକ୍ଷ ୪୮ ହଜାର ଟଙ୍କା ସହିତ ବିଜେପି କ୍ୟାପ୍ ଓ ଅନ୍ୟାନ୍ୟ ପୋଷ୍ଟର ସହିତ ଏକ ଡାଏରୀ ମିଳିଥିଲା।

ଟିଟିଲାଗଡ ସହରରେ ଥିବା ସନ ଭ୍ୟୁ ହୋଟେଲରେ ବିଜେପିର ଏକ ମିଟିଂ ଥିବାରୁ କାରଟି ସେହି ହୋଟେଲରୁ ବାହାରିଥିଲା। ପୋଲିସ୍ ହୋଟେଲରେ ପହଞ୍ଚି ଯାଞ୍ଚ କରିଛି। ଆସନ୍ତା ୨୦ ତାରିଖରେ ବଲାଙ୍ଗୀରରେ ନିର୍ବାଚନ ଥିବାରୁ ଭୋଟରଙ୍କୁ ପ୍ରଭାବିତ କରିବାକୁ ଟଙ୍କା ବାଣ୍ଟା ଯାଉଥିବା ନେଇ ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ଭଉଣୀ ଘରୁ ଜମି କିଣିବା ପାଇଁ ଟଙ୍କା ନେଉଥିବା ବେଳେ ପୋଲିସ୍ ଯାଞ୍ଚରେ ଧରାପଡିଥିବା ଶ୍ରୀବତ୍ସ ବେହେରା କରିଛନ୍ତି।