୪ଟି ପ୍ରସ୍ତାବକୁ କ୍ୟାବିନେଟ ମଞ୍ଜୁରୀ ମିଳିଛି

ଭୁବନେଶ୍ବର : ଶେଷ ହେଲା ରାଜ୍ୟ କ୍ୟାବିନେଟ ବୈଠକ। ୪ଟି ପ୍ରସ୍ତାବକୁ କ୍ୟାବିନେଟ ମଞ୍ଜୁରୀ ମିଳିଛି। ବୈଠକ ପରେ ମୁଖ୍ୟ ଶାସନ ସଚିବ ସୂଚନା ଦେଇଛନ୍ତି। ସହରାଞ୍ଚଳ ପାଇଁ ମୁଖ୍ୟମନ୍ତ୍ରୀ ସହରୀ ବିକାଶ ଯୋଜନା କାର୍ଯ୍ୟକାରୀ କରାଯିବ।

୫ ବର୍ଷ ପାଇଁ ଏହି ଯୋଜନା ଲାଗୁ ହେବ। ଖର୍ଚ୍ଚ ହେବ ୬ ହଜାର ୧୦୦ କୋଟି ଟଙ୍କା। ୨୦୨୫-୨୬ରୁ ୨୦୨୯-୩୦ ପର୍ଯ୍ୟନ୍ତ ଚାଲିବ ଯୋଜନା। ସହରାଞ୍ଚଳ ଭିତ୍ତିଭୂମି, ଶ୍ରମିକଙ୍କ କରାଯିବ ଦକ୍ଷତା ବିକାଶ। ନାର୍କୋଟିକସ କଣ୍ଟ୍ରୋଲ ବୋର୍ଡ଼କୁ ଜମି ବାବଦ ଅତିରିକ୍ତ ପ୍ରିମିୟମ ଛାଡ଼ କରାଯିବ। ୨ କୋଟି ୬୦ ଲକ୍ଷ ୮୨ ହଜାର  ଟଙ୍କା ଛାଡ଼କୁ କ୍ୟାବିନେଟ ମଞ୍ଜୁରୀ ମିଳିଛି। ୫ ବର୍ଷ ପାଇଁ କାର୍ଯ୍ୟକାରୀ ହେବ ବାୟୋ ଇନୋଭେସନ ଯୋଜନା। ଖର୍ଚ୍ଚ ହେବ ୧ ହଜାର ୧୧୩ କୋଟି ଟଙ୍କା।

୨୦୨୫-୨୬ରୁ ୨୦୨୯-୩୦ ବର୍ଷ ପାଇଁ ହେବ କାର୍ଯ୍ୟକାରୀ। ଗଜପତି ଛେଳିଗଡ଼ ପ୍ରକଳ୍ପ ପାଇଁ ନିର୍ମାଣ ହେବ ଡ୍ଯାମ । ୧୫୧ କୋଟି ବ୍ୟୟ ଅଟକଳରେ ନିର୍ମାଣ ହେବ ଡ୍ୟାମ ଓ ସ୍ପିଲୱେ। ଆହୁତ ଟେଣ୍ଡରକୁ କ୍ୟାବିନେଟର ଅନୁମୋଦନ ୬,୩୬୦ ହେକ୍ଟର ଜମିକୁ ମିଳିବ ଜଳସେଚନ ସୁବିଧା ହେବ।