ରାଜ୍ୟର ବିଭିନ୍ନ ସ୍ଥାନରେ ବସ୍‌ ଓଲଟି ଜଣେ ମୃତ ୪୦ ଆହତ

1 min read

ଭାରସାମ୍ୟ ହରାଇ ଓଲଟିଲା ବସ୍‌ । ବିଭିନ୍ନ ସ୍ଥାନରେ ଭିନ୍ନ ଭିନ୍ନ ଦୁଇଟି ବସ୍‌ ଓଲଟିଛି । ଯାହାଫଳରେ ୪୦ରୁ ଅଧିକ ଯାତ୍ରୀ ଆହତ ହୋଇଥିବାବେଳେ ଜଣଙ୍କର ମୃତ୍ୟୁ ହୋଇଛି । ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଅନ୍ତର୍ଗତ ବୋରି ରାସ୍ତାରେ ଥିବା ପାଣି ଫ୍ୟାକ୍ଟ୍ରି ନିକଟରେ ଦର୍ପ ନାମକ ଏକ ମିନିବସ ଭାରସାମ୍ୟ ହରାଇ  ଓଲଟି ପଡ଼ିଛି  । ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ହେବା ସହ ୧୦ ଜଣ ଗୁରୁତର ଆହତ ହୋଇଛନ୍ତି ।

ସୂଚନା ଅନୁଯାୟୀ, ଭୋଜିଖାଇ ବିଳମ୍ବିତ ରାତିରେ ବୋରି ଗାଁରୁ ତନରଡା ଫେରିବା ବେଳେ ଗାଙ୍ଗପୁର ନିକଟରେ ଭାରସାମ୍ୟ ହରାଇ ରାସ୍ତାକଡକୁ ମିନି ବସ୍‌ ଓଲଟି ଯାଇଥିଲା । ଫଳରେ  ଗାଡ଼ିରେ ଥିବା ୧୦ ରୁ ଉର୍ଦ୍ଧ ଯାତ୍ରୀ ଆହତ ହୋଇଥିବା ବେଳେ ଜଣଙ୍କର ମୃତୁ ହୋଇଥିଲା । ମୃତକ ଜଣକ ହେଲେ ତନରଡା ଗ୍ରାମର ଗୋବର୍ଦ୍ଧନ ଜେନା l ଘଟଣା ସ୍ଥଳରେ ଗାଙ୍ଗପୁର ଥାନା ପୋଲିସ ପହଂଚି ସମସ୍ତ ଆହତଙ୍କୁ ବ୍ରହ୍ମପୁର ବଡ଼ ମେଡିକାଲକୁ  ପଠାଇଛି ।

ସେପଟେ ପୁରୁଣା କଟକ ସମ୍ବଲପୁର ରାସ୍ତାର ହିନ୍ଦୋଳ ଥାନା ପଡା ଗାଁ ଛକ ଠାରେ ଭୋର୍ ୪ଟା ବେଳେ ଭାରସାମ୍ୟ ହରାଇ ବସ୍ ଓଲଟି ପଡ଼ିଛି । ସମ୍ବଲପୁର ରୁ ଭୁବନେଶ୍ୱର ଅଭିମୁଖେ ଯାଉଥିବା ବେଳେ ଏହି ଦୁର୍ଘଟଣା ଘଟିଛି । ଏହି ବସ୍‌ଟିରେ ପ୍ରାୟ ୫୦ ଜଣ ଯାତ୍ରୀ ଥିବା ବେଳେ ସେଥିରୁ ୩୦ରୁ ଉର୍ଦ୍ଧ୍ୱ ଆହତ ଏବଂ ୫ଜଣ ଗୁରୁତର  ହୋଇଛନ୍ତି । ଆହତ ମାନଙ୍କୁ ୧୦୮ ଯୋଗେ ଖଜୁରିଆକଟା, ହିନ୍ଦୋଳ ଏବଂ ହତୁରା ମେଡ଼ିକାଲରେ ଭର୍ତି କରାଯାଇଛି । ଏମାନଙ୍କ ମଧ୍ୟରେ ୫ଜଣ ମହିଳା ଏବଂ ୩ଜଣ ଶିଶୁ ଅଛନ୍ତି।

 

 

  ')}

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.