ବିଲଡରଙ୍କ ବିବାହ ବେପାର, ବିନା ଛାଡପତ୍ରରେ ୩ ସ୍ତ୍ରୀ
ଭୁବନେଶ୍ୱର: ବିଲ୍ଡରଙ୍କ ସିରିଜ୍ ବିବାହ । ଜଣେ ପରେ ଜଣେ ଯୁବତୀଙ୍କୁ କରିଚାଲିଥିଲେ ବିବାହ । ସେପଟେ ବିବାହ ନାଁରେ ଦେଇଚାଲିଥିଲେ ଧୋକା । ଯୌତୁକ ନିର୍ଯାତନା ଅଭିଯୋଗରେ ବିଲଡର ପ୍ରିୟବ୍ରତ ମିଶ୍ରଙ୍କୁ ଗିରଫ କରିଛି କ୍ୟାପିଟାଲ ଥାନା ପୋଲିସ। ମିଳିଥିବା ସୂଚନା ମୁତାବକ ବିଲଡର ପ୍ରିୟବ୍ରତ ଏକାଧିକ ଯୁବତୀଙ୍କୁ ବିବାହ ନାଁରେ ପ୍ରତାରଣା କରିଥିବା ଅଭିଯୋଗ ରହିଛି। ଏନେଇ ଉଭୟ କ୍ୟାପିଟାଲ ଥାନା ଓ ମହିଳା ଥାନାରେ ଏକାଧିକ ମାମଲା ରୁଜୁ ହୋଇଛି।
ସେପଟେ ପ୍ରିୟବ୍ରତଙ୍କର ସିରିଜ ବିବାହର ଏକ୍ସକ୍ଲୁସିଭ୍ ଫଟୋ ନନ୍ଦିଘୋଷ ଟିଭି ହାତରେ ଲାଗିଛି । ବିବାହ ନାଁରେ ଅନେକ ଯୁବତୀଙ୍କୁ ବିବାହ କରିବା ସହ ମୋଟା ଆକାରର ଯୌତୁକ ଆଣୁଥିଲେ । ସେପଟେ ତାଙ୍କର ପ୍ରଥମ ପତ୍ନୀ ଏନେଇ ସମସ୍ତ ଘଟଣା ବିଷୟରେ ଖୁଲାସା କରିବା ସହ ତାଙ୍କ ସ୍ୱାମୀ ଶାରୀରିକ ଓ ମାନସିକ ନିର୍ଯାତନା ଦେଇଥିବା ନେଇ ଅଭିଯୋଗ ଆଣିଛନ୍ତି ।
