ବଜେଟ୍ ୨୦୨୧: ଅର୍ଥମନ୍ତ୍ରୀଙ୍କ ଘୋଷଣା, ୩ ବର୍ଷରେ ନିର୍ମାଣ ହେବ ୭ଟି ଟେକ୍ସଟାଇଲ ପାର୍କ
1 min read
ନୂଆଦିଲ୍ଲୀ: ଦେଶରେ ବୟନଶିଳ୍ପ ସ୍ଥାପନ ଏବଂ ଉନ୍ନତି ପାଇଁ ନିର୍ମାଣ ହେବ ୭ଟି ମେଗା ଟେକ୍ସଟାଇଲ ପାର୍କ । ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ ଅଭିଭାଷଣରେ କହିଛନ୍ତିଯେ, ଦେଶରେ ଏହି ମେଗା ଟେକ୍ସଟାଇଲ ପାର୍କର ଯଥେଷ୍ଟ ଗୁରୁତ୍ୱପୂର୍ଣ୍ଣ ଭୂମିକା ରହିବ । ଯାହାଦ୍ୱାରା ବୟନଶିଳ୍ପ କ୍ଷେତ୍ରରେ ଭାରତ ରପ୍ତାନି କରିବାରେ ଏକ ଅଗ୍ରଣୀ ଦେଶ ହୋଇପାରିବ । ଏହି ଟେକ୍ସଟାଇଲ ପାର୍କ ତିନି ବର୍ଷ ମଧ୍ୟରେ ନିର୍ମାଣ କରାଯିବ ।
ପୂର୍ବରୁ ବୟନ ମନ୍ତ୍ରଣାଳୟ ୭ଟି ମେଗା ଇଣ୍ଟିଗ୍ରେଟେଡ୍ ଟେକ୍ସଟାଇଲ ରିଜନ ଏବଂ ଆପାରେଲ ଉକ୍ତ ପାର୍କର ସ୍ଥାପନ ପାଇଁ ପ୍ରସ୍ତାବ ରଖିଥିଲେ । ଏହାଦ୍ୱାରା ବୟନଶିଳ୍ପରେ କାରବାର ବଢି ୨୨ କୋଟି ପର୍ଯ୍ୟନ୍ତ ପହଞ୍ଚିବାକୁ ଲକ୍ଷ୍ୟ ରଖାଯାଇଛି ।
ଆଧୁନିକ ସୁବିଧା:
ସରକାର ୨୦୦୫ରେ ଇଣ୍ଟିଗ୍ରେଟେଡ୍ଟେକ୍ସଟାଇଲ ପାର୍କର ଆରମ୍ଭ କରିଥିଲେ । ଏଥିରେ ଅନ୍ତଃରାଷ୍ଟ୍ରୀୟ ମାନକକୁ ଆଧାର ଗୋଟିଏ ସ୍ଥାନରେ ଥିବା ଏକାଧିକ କାରଖାନାରେ ସମସ୍ତ ପ୍ରକାରର ସୁବିଧା ପ୍ରଦାନ କରାଯାଏ । ତେବେ ମେଗା ଟେକ୍ସଟାଇଲ ପାର୍କ ତିଆରି କରିବାର ମୁଖ୍ୟ ଲକ୍ଷ୍ୟ ହେଉଛି ଦେଶରେ ଇଣ୍ଟିଗ୍ରେଟେଡ୍ଗ୍ଲୋବାଲ ପ୍ରତିଯୋଗୀତା କରିବାକୁ ଥିବା ଉତ୍ପାଦନ ଏବଂ ଏକ୍ସପର୍ଟ ହବ୍ଗଠନ କରାଯିବ । ଏହା ବ୍ୟତୀତ ଅର୍ଥମନ୍ତ୍ରୀ ଡେଭଲପମେଣ୍ଟ ଫାଇନାନଶିୟଲ ଇଂଷ୍ଟିଚ୍ୟୁଟ୍ବା DFI ତିଆରି ପାଇଁ ଘୋଷଣା କରିଛନ୍ତି । ଏଥିରେ ତିନି ବର୍ଷରେ ୫ ଲକ୍ଷ କୋଟି ଟଙ୍କାର ମେଗା ପ୍ରକଳ୍ପ ସାମିଲ ରହିଛି ।
ବଜେଟରେ ଏହା ମଧ୍ୟ ଘୋଷଣା କରାଯାଇଛିଯେ, ରେଲଓ୍ୱେ,NHAI ଏବଂ ଏୟାରପୋର୍ଟ ଅଥୋରିଟି ଏବେ କେତେକ ପ୍ରକଳ୍ପକୁ ପାସ୍କରିପାରିବେ । ତେବେ ପୂର୍ବ ବଜେଟ୍ଅପେକ୍ଷା ଏହି ଘୋଷଣା ୩୦ ପ୍ରତିଶତ ଅଧିକ ରହିଛି ।
