ଆସନ୍ତାକାଲିଠୁ ବଜେଟ ଅଧିବେଶନ, ଫେବ୍ରୁଆରୀ ୧ରେ ଆସିବ ବଜେଟ

1 min read

ନୂଆଦିଲ୍ଲୀ: ଆସନ୍ତାକାଲିଠାରୁ ସଂସଦର ଆରମ୍ଭ ବଜେଟ ଅଧିବେଶନ । ସଂସଦର ଉଭୟ ଗୃହର ମିଳିତ ଅଧିବେଶନରେ ଉଦବୋଧନ ଦେବେ ରାଷ୍ଟ୍ରପତି ରାମନାଥ କୋବିନ୍ଦ । ଫେବ୍ରୁଆରୀ ୧ରେ ୨୦୨୨-୨୩ ବର୍ଷ ପାଇଁ ବଜେଟ ଆଗତ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ । ଏହି ଅଧିବେଶନର ପ୍ରଥମ ଦୁଇଦିନ ଅର୍ଥାତ ଜାନୁଆରୀ ୩୧ ଓ ଫେବ୍ରୁଆରୀ ୧ରେ କୌଣସି ଶୂନ୍ୟକାଳ ରହିବ ନାହିଁ । ଫେବ୍ରୁଆରୀ ୨ ତାରିଖରେ କୌଣସି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଶୂନ୍ୟକାଳରେ ଉଠାଯାଇପାରିବ ବୋଲି କୁହାଯାଇଛି ।

ଅଧିବେଶନ ପରିପ୍ରେକ୍ଷୀରେ ରାଜ୍ୟସଭା ସଚିବାଳୟ ପକ୍ଷରୁ ଜାରି କରାଯାଇଛି ଆଚରଣ ସଂହିତା । ଅଧିବେଶନ ପୂର୍ବରୁ ସମସ୍ତ ବ୍ୟବସ୍ଥାର ସମୀକ୍ଷା କରିଛନ୍ତି ଲୋକସଭା ବାଚସ୍ପତି ଓମ୍ ବିରଲା । ସେପଟେ ଅଧିବେଶନରେ ବେଶ୍ ହଟଚମଟ ସୃଷ୍ଟି କରିବ ପେଗାସସ୍ ମାମଲା । ଏହି ସ୍ପାଏଓ୍ବେୟାରକୁ ନେଇ ବିସ୍ଫୋରକ ତଥ୍ୟ ମିଳିଥିବା ବେଳେ ଏହି ପ୍ରସଙ୍ଗକୁ ଅସ୍ତ୍ର କରିବେ ବିରୋଧୀ । ଏହାସହ ଚାଷୀ, ଏମଏସପି ଆଦି ସମସ୍ୟାକୁ ନେଇ ଗୃହରେ ପ୍ରବଳ ହଟ୍ଟଗୋଳ ହୋଇପାରେ ।

Leave a Reply