ଭୋଲେ ବାବା ଉପରେ ଜୋରଦାର ବର୍ଷିଲେ ବିଏସପି ମୁଖ୍ୟ ମାୟାବତୀ

ନନ୍ଦିଘୋଷ ବ୍ୟୁରୋ: ହାଥରସ ଦୁର୍ଘଟଣା ପରେ ଭୋଲେ ବାବା ଉପରେ ଜୋରଦାର ବର୍ଷିଛନ୍ତି ବିଏସପି ମୁଖ୍ୟ ମାୟାବତୀ । ସେ କହିଛନ୍ତି, ଲୋକମାନେ ଭଣ୍ଡ ବାବାଙ୍କ ମିଛ ପାଲରେ ପଡନ୍ତୁ ନାହିଁ।  ନିଜର ଭାଗ୍ୟ ନଜେ ପରିବର୍ତ୍ତନ କରନ୍ତୁ । ବାବା ସାହେବଙ୍କ ଦ୍ୱାରା ପ୍ରଦର୍ଶିତ ପଥ ଅନୁସରଣ କରନ୍ତୁ । ରାଜନୈତିକ ସ୍ୱାର୍ଥରେ ଦୁର୍ବଳ ପଡନ୍ତୁ ନାହିଁ । ଦେଶର ଗରିବ, ଦଳିତ ଲୋକଙ୍କ ଦାରିଦ୍ର୍ୟ ଦୂର କରିବାକୁ ହେଲେ ସେମାନେ ହାଥରସ ଭୋଲେ ବାବାଙ୍କ ପରି ଅନ୍ଧବିଶ୍ୱାସୀ ଏବଂ କପଟୀର ଶିକାର ହେଉଛନ୍ତି ।

ମାୟାବତୀ ଲୋକଙ୍କୁ ପରାମର୍ଶ ଦେଇ କହିଛନ୍ତି, ଭଣ୍ଡ ବାବାଙ୍କ କଥାରେ ଆସି ନିଜ ଦୁଃଖ ଏବଂ କଷ୍ଟକୁ ଆହୁରୀ ବଢାନ୍ତୁ ନାହିଁ । ହାଥରସ ଘଟଣାରେ ଭୋଲେ ବାବା ଏବଂ ଦୋଷୀ ଥିବା ଅନ୍ୟମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ। ଏହିପରି, ଅନ୍ୟ ବାବାଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ । ମାୟାବତୀ ବାବା ସାହେବ ଭୀମରାଓ ଆମ୍ବେଦକରଙ୍କ ଦ୍ୱାରା ପ୍ରଦର୍ଶିତ ପଥ ଅନୁସରଣ କରିବାକୁ ଲୋକଙ୍କୁ ନିବେଦନ କରିଛନ୍ତି।

ସେ ଆହୁରୀ ମଧ୍ୟ କହିଛନ୍ତି ଯେ, ଏହି ପ୍ରସଙ୍ଗରେ ସରକାର କଡା କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ ଯାହା ଦ୍ୱାରା ଭବିଷ୍ୟତରେ ଲୋକଙ୍କୁ ଜୀବନ ହରାଇବାକୁ ପଡିବ ନାହିଁ। ମାୟାବତୀ ହେଉଛନ୍ତି ଏକମାତ୍ର ନେତ୍ରୀ ଯିଏ ବାବା ସୁରଜପାଲଙ୍କ ବିରୋଧରେ ଖୋଲାଖୋଲି ଭାବେ କହିଛନ୍ତି। ବାବା ସୁରଜପାଲଙ୍କ ବିବୃତ୍ତି ପରେ ମାୟାବତୀଙ୍କ ବିବୃତ୍ତି ଆସିଛି। ଦୁର୍ଘଟଣାର ଚାରି ଦିନ ପରେ ବାବା ସୁରଜପାଲ ବା ଭୋଲେ ବାବା ପ୍ରଥମ ଥର ପାଇଁ ଆସି ଘଟଣାକୁ ନେଇ ଦୁଃଖ ପ୍ରକାଶ କରିଥିଲେ।

ବାବା ସୁରଜପାଲ ପ୍ରତିକ୍ରିୟା ଦେଇ କହିଛନ୍ତି ଯେ, ଜୁଲାଇ ୨ରେ ଘଟିଥିବା ଘଟଣାକୁ ନେଇ ସେ ଅତ୍ୟନ୍ତ ଦୁଃଖିତ । ଲୋକମାନେ ସରକାର ଏବଂ ପ୍ରଶାସନ ଉପରେ ବିଶ୍ୱାସ ବଜାୟୀ ରଖନ୍ତୁ । କୌଣସି ଦୋଷୀଙ୍କୁ ଛଡାଯିବ ନାହିଁ । ଏଭଳି ଦୁଃଖ ସମୟରେ ଭଗବାନ ଆମକୁ ଏହି ଯନ୍ତ୍ରଣା ସହିବାକୁ ଶକ୍ତି ଦିଅନ୍ତୁ ।  ବାବା ଆହୁରୀ ମଧ୍ୟ କହିଛନ୍ତି ଶୋକସନ୍ତପ୍ତ ପରିବାର ଏବଂ ଆହାତମାନଙ୍କ ସହିତ ଜୀବନ ସାରା ରଖି ତାଙ୍କୁ ସାହାର୍ଯ୍ୟ କରିବି ବୋଲି ବାବା କହିଛନ୍ତି ।