ବିଏସଏନଏଲ୍ ଆଣିଲା କ୍ୟାସବ୍ୟାକ୍ ପ୍ଲାନ୍, ଜାଣନ୍ତୁ କିଏ ଉପକୃତ ହେବେ?

ସମସ୍ତେ କହୁଥିଲେ ବିଏସଏନଏଲ ବନ୍ଦ ହୋଇଯିବ । କିନ୍ତୁ ଏହାର ପୁନରୁଦ୍ଧାର ପାଇଁ କେନ୍ଦ୍ର ସରକାରଙ୍କ ତରଫରୁ ପ୍ୟାକେଜ୍ ଘୋଷଣା କରାଯିବା ପରେ ଏହା ଅଧିକ ଉତ୍ସାହିତ ହୋଇପଡିଛି ।

ନିକଟରେ କମ୍ପାନୀ କିଛି ଅଂଚଳରେ  ଏହାର ୪ଜି ସେବା ଆରମ୍ଭ  କରିବା ସହିତ କିଛି ନୂତନ ଅଫର ବଜାରକୁ ଛାଡ଼ିଛି । ସବୁଠୁ ନୂଆ କଥା ହେଉଛି ବିଏସଏନଏଲ୍ ଗ୍ରାହକମାନଙ୍କୁ କ୍ୟାସବ୍ୟାକ ଦେବ ।  ଗ୍ରାହକମାନେ ଫୋନରେ  କଥା ହେଲେ କମ୍ପାନୀ ତରଫରୁ ଟଙ୍କା ଦିଆଯିବ । ଅର୍ଥାତ  ପ୍ରତି ୫ ମିନିଟର ଭଏସ୍ କଲ୍ ଉପରେ କମ୍ପାନୀ ପକ୍ଷରୁ ୬ ପଇସା ଲେଖାଏଁ ପ୍ରଦାନ କରାଯିବ ।

ବର୍ତ୍ତମାନ ସୁଦ୍ଧା ଯାହା ଖବର ମଳିଛି,  କେବଳ ବି.ଏସ୍.ଏନ୍.ଏଲ ଲ୍ୟାଣ୍ଡଲାଇନ, ବ୍ରଡ୍ ବ୍ୟାଣ୍ଡ ଓ  ଏଫ୍.ଟି.ଟି.ଏଚ୍ ଗ୍ରାହକମାନଙ୍କୁ ହିଁ ଏହି  କ୍ୟାସ୍ ବ୍ୟାକ୍ ମିଳିବ । କ୍ୟାସବ୍ୟାକ୍ ଆକାରରେ ଏହି ଟଙ୍କା ଗ୍ରାହକଙ୍କ ଆକାଉଣ୍ଟରେ ଅପଡେଟ୍ ହୋଇଯିବ ।

ବର୍ତ୍ତମାନ ସମୟରେ ଦୂରସଞ୍ଚାର ବଜାରରେ ରାଜ୍ କରୁଥିବା ପ୍ରମୁଖ କମ୍ପାନୀ ରିଲାଏନ୍ସ୍ ଜିଓ ଆଇୟୁସି ଚାର୍ଜ ରୂପେ  ଅନ୍ୟ ନେଟୱର୍କ ସହ କଥା ହେଲେ ୧ମିନିଟ୍ ପିଛା ୬ ପଇସା ଲେଖାଏଁ ଆଦାୟ କରିବ ବୋଲି ଘୋଷଣା କରିଥିଲା  । ଏଭଳି ସମୟରେ ବିଏସଏନଏଲର ଏଭଳି ଅଫର୍ ଗ୍ରାହକମାନଙ୍କୁ ନିଜ ଆଡକୁ ଆକର୍ଷିତ କରିବ ବୋଲି ଅନୁମାନ କରାଯାଉଛି । ')}