୩ଦିନିଆ ମାଲକାନଗିରି ଗସ୍ତରେ ବିଏସଏଫ ଏଡିଜି ଆଶିଷ ଗୁପ୍ତା

ନନ୍ଦିଘୋଷ ବ୍ୟୁରୋ: ବିଏସ୍‌ଏଫ୍ ଏଡିଜି ଆଶିଷ ଗୁପ୍ତାଙ୍କ ୩ଦିନିଆ ମାଲକାନଗିରି ଓ ସ୍ବାଭିମାନ ଅଞ୍ଚଳ ଗସ୍ତ କରିଛନ୍ତି । ଏହି ସବୁ ଅଞ୍ଚଳ ଗସ୍ତ କରି ଏଡିଜି ଯବାନମାନଙ୍କ ସହ ଆଲୋଚନା କରିବା ସହ, ମାଓ ସ୍ଥିତି ନେଇ ସମୀକ୍ଷା କରିଥିଲେ । ସ୍ବାଭିମାନ ଅଞ୍ଚଳରେ ଏଡିଜି ସ୍ଥାନୀୟ ଲୋକଙ୍କ ସହ ଆଲୋଚନା କରିବା ସହ ମାଓବାଦୀଙ୍କ ଗତିବିଧି ସଂପର୍କରେ ଅଧିକାରୀଙ୍କ ସହ କଥା ହୋଇଥିଲେ । କୋରାପୁଟ ଜିଲ୍ଲାର ବିଭିନ୍ନ ମାଓ କ୍ୟାମ୍ପରେ ୩ ହଜାର ଚାରା ଲଗାଇଥିଲେ ।

ବନ୍ତାଳଗୁଡାରେ ଆୟୋଜିତ ବିଏସଏଫ ସୈନିକ ସମ୍ମିଳନୀରେ ଯୋଗଦେଇ ଯବାନମାନଙ୍କ କଠିନ ପରିଶ୍ରମକୁ ପ୍ରସଂଶା କରିଥିଲେ ଏଡିଜି ଆଶିଷ ଗୁପ୍ତା । ବାଲିମେଳା ଜଳଭଣ୍ଡାରରେ ଅନ୍ୟ ଅଧିକାରୀଙ୍କ ସହ ଡଙ୍ଗାରେ ପାଟ୍ରୋଲିଂରେ ସାମିଲ ହେବା ସହ ବେଞ୍ଜେଓ୍ବାରା ସଂରକ୍ଷିତ ଜଙ୍ଗଲରେ ମାଓବାଦୀଙ୍କ ଗତିବିଧି ଓ ଓଡିଶା-ଛତିଶଗଡ ସୀମାନ୍ତର ସ୍ଥିତି ନେଇ ଆକାଶମାର୍ଗରୁ ଅନୁଧ୍ୟାନ କରିଥିଲେ । ପୁର୍ବରୁ ଦିନେ ମାଓବାଦୀଙ୍କ ଗଡ ଥିବା ମାଲକାନଗିରି ଓ ସ୍ବାଭିମାନ ଅଞ୍ଚଳ ଏବେ ମାଓମୁକ୍ତ ହୋଇଥିବା ଓ ବିକାଶ ଧାରାରେ ସାମିଲ ହୋଇଥିବାରୁ ସେ ଖୁସି ବ୍ୟକ୍ତ କରିଥିଲେ ।