ଦୁନିଆରେ ଏମିତି ଏକ ଗାଁ, ଯେଉଁଠି ଲୋକମାନେ ପୋଷାକ ପିନ୍ଧନ୍ତି ନାହିଁ
ବ୍ୟୁରୋ ରିପୋର୍ଟ : ଦୁନିଆରେ ଏକ ଏମିତି ଗାଁ ଅଛି ଯେଉଁଠାରେ ଲୋକମାନେ ଆଦୌ ପୋଷାକ ପିନ୍ଧନ୍ତି ନାହିଁ। ଏମାନେ ନିବସ୍ତ୍ର ରହିବାକୁ ପସନ୍ଦ କରନ୍ତି। ସବୁଠୁ ଆଶ୍ଚର୍ଯ୍ୟର କଥା ହେଉଛି ଯଦି ଏଠାକୁ ଆପଣ ଛୁଟି କାଟିବାକୁ ଯାଆନ୍ତି ତେବେ ଆପଣଙ୍କୁ ବି ନିବସ୍ତ୍ର ରହିବାକୁ ପଡ଼ିବ। ତେବେ ଚାଲନ୍ତୁ ଜାଣିବା ଏହା ଗାଁ ବିଷୟରେ ।
ଦୁନିଆରେ ଅନେକ ରହସ୍ୟମୟ ସ୍ଥାନ ରହିଛି। ଅନେକ ସ୍ଥାନଗୁଡିକ ସେମାନଙ୍କର ଅଜବ ଖାଦ୍ୟ ଏବଂ ଜୀବନଶୈଳୀ ପାଇଁ ବେଶ୍ ଜଣାଶୁଣା। ସାଧାରଣତଃ ଲୋକମାନେ ପୋଷାକ ପିନ୍ଧିଥିବା ଆପଣ ଦେଖିଥିବେ। ତଥାପି, ଦୁନିଆରେ ଏପରି ଏକ ଗାଁ ଅଛି ଯେଉଁଠାରେ ଏକ ଅଜବ ନିୟମ ପାଳନ କରାଯାଏ । ପିଲାଠୁ ନେଇ ବୃଦ୍ଧା ପର୍ଯ୍ୟନ୍ତ ଏଠାରେ କେହି ପୋଷାକ ପିନ୍ଧନ୍ତି ନାହିଁ । ୯୦ ବର୍ଷ ଧରି ଏହି ନିୟମକୁ ଅନୁସରଣ କରୁଛନ୍ତି ଗାଁ ଲୋକେ। ଏହି ଗାଁ ରହିଛି ବ୍ରିଟେନ୍ରେ ।
ବ୍ରିଟେନର ସ୍ପିଲପ୍ଲାଟ୍ଜ ନାମକ ଗାଁରେ ଗତ ୯୦ ବର୍ଷ ହେବ ଲୋକମାନେ ବିନା ପୋଷାକରେ ରହୁଛନ୍ତି। ବାହାରକୁ ଯାଆନ୍ତୁ କିମ୍ବା କୌଣସି ବନ୍ଧୁ ଘରକୁ ସେମାନେ ନିବସ୍ତ୍ର ହୋଇଯାଇଥାନ୍ତି। ଏକ ରିପୋର୍ଟ ଅନୁଯାୟୀ, ଏଠାରେ ବାସ କରୁଥିବା ଶିକ୍ଷିତ ଲୋକମାନେ ମଧ୍ୟ ଏହି ନିୟମ ପାଳନ କରିଥାନ୍ତି। ଯେତେ ଧନୀ ହୁଅନ୍ତୁ କି ଗରିବ ସମସ୍ତେ ବିନା ବସ୍ତ୍ରରେ ରହିଥାନ୍ତି। ସବୁଠୁ ବଡ କଥା ହେଉଛି ଏହି ଗାଁରେ ରହୁଥିବା ଲୋକଙ୍କ ପାଖରେ ସମସ୍ତ ପ୍ରକାରର ସୁବିଧା ଅଛି । କିନ୍ତୁ ବିଶ୍ୱାସ ଏବଂ ପରମ୍ପରା ହେତୁ ଏଠାକାର ଲୋକମାନେ ପୋଷାକ ପିନ୍ଧନ୍ତି ନାହିଁ। 
ଏହି ଗାଁରେ ସୁନ୍ଦର ଘର, ସୁଇମିଂ ପୁଲ୍ ରହିଛି। କୁହାଯାଏ ଯେ, ୯୦ ବର୍ଷରୁ ଅଧିକ ସମୟ ଧରି ଏହି ଗାଁର ଲୋକମାନେ ଏହିପରି ଜୀବନ ବିତାଉଛନ୍ତି। ୧୯୨୯ ମସିହାରେ ସ୍ପିଲପ୍ଲାଟଜ୍ ଗ୍ରାମରେ ଏହି ସମ୍ପ୍ରଦାୟ ପ୍ରତିଷ୍ଠା ହୋଇଥିଲା। ଏହି ଗାଁର ଲୋକମାନେ ବିନା ପୋଷାକରେ ବୁଲିବାକୁ ଲାଜ କରନ୍ତି ନାହିଁ।
