ବିଦେଶରୁ ଆସିଲା ଖୁସି ଖବର, ପ୍ରତିବର୍ଷ ୩ ହଜାର ଭିସା ଯୋଗାଇବ ବ୍ରିଟେନ

ଲଣ୍ଡନ: ବଢିଲା ଭାରତ- ବ୍ରିଟେନ ସମ୍ପର୍କ । ଭାରତର ଯୁବ ବୃତ୍ତିଜୀବୀଙ୍କ ଲାଗି ପ୍ରତିବର୍ଷ ୩ ହଜାର ଭିସା ଯୋଗାଇବାକୁ ଘୋଷଣା କରିଛନ୍ତି ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ । ଭାରତ ଓ ବ୍ରିଟେନ ମଧ୍ୟରେ ମାଇଗ୍ରେସନ ଓ ମୋବିଲିଟି ପାର୍ଟନରସିପ୍ ବଢିବ ବୋଲି ଦୁଇ ପକ୍ଷ ଆଶାବାଦୀ ରହିଛନ୍ତି । ଗ୍ରୁପ-୨୦ ସମ୍ପିଳନୀରେ ଋଷି ସୁନକ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମଧ୍ୟରେ ଆଲୋଚନା ପରେ ଏହି ଘୋଷଣା କରିଛନ୍ତି ସୁନକ ।

ଏହି ଭିସା ବଳରେ ୧୮ରୁ ୩୦ ବର୍ଷ ବୟସ୍କ ଡିଗ୍ରୀଧାରୀ ବୃତ୍ତିଜୀବୀ ସର୍ବାଧିକ ୨ ବର୍ଷ ଯାଏ ବ୍ରିଟେନରେ କାର୍ଯ୍ୟ କରିବାର ସୁଯୋଗ ପାଇବେ । ଜଣେ ଭାରତୀୟ ବଂଶୋଦ୍ଭବ ଭାବେ ସୁନକ ବ୍ରିଟେନ ପ୍ରଧାନମନ୍ତ୍ରୀ ହେବା ପରେ ଏହି ବଡ଼ ଘୋଷଣା କରାଯାଇଛି । ବ୍ରିଟେନ କରିଥିବା ଘୋଷଣା ପ୍ରକାରେ ଭାରତ ସରକାର ବି ସେହି ଧରଣର ପଦକ୍ଷେପ ନେବେ । ଭାରତର ବିଭିନ୍ନ ନିବେଶ ଯୋଗୁଁ ବ୍ରିଟେନରେ ପ୍ରାୟ ୯୫ ହଜାର ଚାକିରି ସୃଷ୍ଟି ହୋଇଛି ।