ସଫଳତା ଏବଂ ଆର୍ଥିକ ସମୃଦ୍ଧି ପାଇଁ ଘରକୁ ଆଣନ୍ତୁ ଏହି ଲାଫିଙ୍ଗ ବୁଦ୍ଧ

ଜୀବନରେ ସୁଖ, ଶାନ୍ତି ଏବଂ ସମୃଦ୍ଧି ପାଇଁ ଅନେକ ଲୋକ ନିଜ ଘରେ ବିଭିନ୍ନ ଜିନିଷ ରଖନ୍ତି, ଯାହାକୁ ସେମାନେ ଭାଗ୍ୟର ସଙ୍କେତ ବୋଲି ବିବେଚନା କରନ୍ତି । ହେଲେ ବାସ୍ତୁ ଶାସ୍ତ୍ର ବା ଫେଙ୍ଗ୍ ଶୁଇରେ ଲାଫିଙ୍ଗ ବୁଦ୍ଧଙ୍କ ବିଶେଷ ଗୁରୁତ୍ୱ ବିଷୟରେ କୁହାଯାଇଛି । ଏହାର ପ୍ରତିମାକୁ ଲକୀ ଚାର୍ମ ଭାବରେ ବିବେଚନା କରାଯାଏ, ତେଣୁ ଲାଫିଙ୍ଗ ବୁଦ୍ଧ ଘରେ ଏବଂ ଅଫିସରେ ରଖାଯାଏ । ଏହା ସୁଖ ସମୃଦ୍ଧି, ସଫଳତା ଏବଂ ଅର୍ଥନୈତିକ ସମୃଦ୍ଧି ଆଣିଥାଏ । ଏହା ମଧ୍ୟ ନକାରାତ୍ମକ ଶକ୍ତିକୁ ସକାରାତ୍ମକରେ ପରିଣତ କରିଥାଏ । ଲାଫିଙ୍ଗ ବୁଦ୍ଧଙ୍କ ପ୍ରତିମୂର୍ତ୍ତି ଅନେକ ପ୍ରକାରର ହୋଇଥାଏ ଏବଂ ପ୍ରତ୍ୟେକ ଇଚ୍ଛା ପାଇଁ ସ୍ୱତନ୍ତ୍ର ଲାଫିଙ୍ଗ ବୁଦ୍ଧଙ୍କ ମହତ୍ତ୍ୱ ରହିଛି । ତେବେ ଆସନ୍ତୁ ଜାଣିବା କେଉଁ ଲାଫିଙ୍ଗ ବୁଦ୍ଧ କେଉଁ ଇଚ୍ଛା ପୂରଣ କରେ…

ଏହି ଲାଫିଙ୍ଗ ବୁଦ୍ଧ ଆଣିଥାଏ ଆର୍ଥିକ ସ୍ଥିତିରେ ସୁଧାର

ଯଦି ଆପଣଙ୍କର ବ୍ୟବସାୟରେ ବାରମ୍ବାର କ୍ଷତି ହେଉଛି, କିମ୍ବା ଆପଣ ଟଙ୍କା ପଇସା ସମସ୍ୟାର ସମ୍ମୁଖୀନ ହେଉଛନ୍ତି, ତେବେ ଅଫିସ୍ ଟେବୁଲ ଉପରେ ଦୁଇ ହାତ ଉପରକୁ କରି ରହିଥିବା ବୁଦ୍ଧଙ୍କୁ ରଖିବା ଲାଭଦାୟକ ଅଟେ । ଏହା କରିବା ଦ୍ୱାରା କ୍ଷତି ପରିବର୍ତ୍ତେ ଉନ୍ନତି ହୁଏ ଏବଂ ଲାଭ ହୁଏ ।

ଏହି ଲାଫିଙ୍ଗ ବୁଦ୍ଧ କରଜ ସମସ୍ୟାକୁ ଶେଷ କରିଥାଏ

ଯଦି ଆପଣ ଧାର କରଜ ସମସ୍ୟା ନେଇ ଚିନ୍ତିତ ରହୁଛନ୍ତି, ତେବେ ଘରେ ଧନର ଗଣ୍ଠିଲି ଧରି ରହିଥିବା ବୁଦ୍ଧଙ୍କୁ ଘରକୁ ଆଣନ୍ତୁ । ମାନ୍ୟତା ରହିଛି ଯେ, ଏହା ନିଜ ଗଣ୍ଠିଲିରେ ସବୁ ସମସ୍ୟାକୁ ଭର୍ତ୍ତି କରି ଜୀବନରେ ଖୁସି ଆଣିଥାନ୍ତି । ଏହା ସହିତ ଧନ ସମ୍ବନ୍ଧିତ ସମସ୍ୟାର ମଧ୍ୟ ସମାଧାନ ହୋଇଥାଏ ।

ଏହା ସନ୍ତାନ ପ୍ରାପ୍ତ ଯୋଗ ଦେଇଥାଏ

ପିଲାମାନଙ୍କ ସହିତ ଖେଳୁଥିବା ଲାଫିଙ୍ଗ ବୁଦ୍ଧଙ୍କୁ ଘରକୁ ଆଣିବା ଦ୍ୱାରା ସକାରାତ୍ମକ ଶକ୍ତି ଆସିଥାଏ ଏବଂ ଯଦି ଏକ ସନ୍ତାନହୀନ ଦମ୍ପତି ଏହି ବୁଦ୍ଧଙ୍କୁ ନିଜ ଶୟନ କକ୍ଷରେ ରଖନ୍ତି, ତେବେ ସନ୍ତାନ ପ୍ରାପ୍ତିର ଯୋଗ ହୋଇଥାଏ । ଏହା ସହିତ ଜୀବନର ଅଧିକାଂଶ ଦିଗରେ ମଧ୍ୟ ଏହା ସହାୟକ ହୋଇଥାଏ ।

ବାଣିଜ୍ୟ ବା ଦୋକାନ ପାଇଁ ଆଣନ୍ତୁ ଏହି ଲାଫିଙ୍ଗ ବୁଦ୍ଧ

ଯଦି ବାଣିଜ୍ୟ ବା ଦୋକାନ ଠିକ ଭାବରେ ଚାଲୁନି ବା ବିକ୍ରି ହେଉନାହିଁ ତେବେ ଥଳି ଧରିଥିବା ବୁଦ୍ଧଙ୍କୁ ମୁଖ୍ୟ ଦ୍ୱାରରେ ରଖିବା ଦ୍ୱାରା ଗ୍ରାହକ ମାନେ ଆପଣଙ୍କ ଦୋକାନ ପ୍ରତି ଆକର୍ଷିତ ହୋଇଥାଆନ୍ତି । ଆପଣଙ୍କ ଧନ ବୃଦ୍ଧି ହୋଇଥାଏ, ଏହା ଦ୍ୱାରା ଆପଣଙ୍କ ଦୋକାନ ସମ୍ବନ୍ଧିତ ସମସ୍ୟା ଦୂର ହୋଇଥାଏ ।

ଖରାପ ନଜରରୁ ବଞ୍ଚିବା ପାଇଁ ଆଣନ୍ତୁ ଏହି ଲାଫିଙ୍ଗ ବୁଦ୍ଧ

ଖରାପ ନଜର ବା ଗୁଣି ଗାରେଡ଼ି ପାଇଁ ଚିନ୍ତିତ ଥିଲେ ଘରେ ହେଉ ବା ଅଫିସରେ ଆପଣ ଡ୍ରାଗନରେ ବସିଥିବା ଲାଫିଙ୍ଗ ବୁଦ୍ଧ ବସାଇ ପାରିବେ । ଏମିତି କରିବା ଦ୍ୱାରା ସମସ୍ତ ନକାରାତ୍ମକ ଶକ୍ତି ନଷ୍ଟ ହୋଇଥାଏ ଏବଂ ଘରର ସଦସ୍ୟଙ୍କ ଉପରେ ଖରାପ ନଜର କୌଣସି ପ୍ରଭାବ ପଡ଼ିନଥାଏ ।

ସୁଖ ଶାନ୍ତି ପାଇଁ ଆଣନ୍ତୁ ଏହି ଲାଫିଙ୍ଗ ବୁଦ୍ଧ

ଯଦି ଆପଣ ଚାହୁଁଛନ୍ତି ଯେ ଆପଣଙ୍କ ଘରୁ ସୁଖ ଶାନ୍ତି କେବେ ନଯାଉ ତେବେ ଆପଣ ହାତରେ ଏକ ପାତ୍ର ଧରି ହସୁଥିବା ବୁଦ୍ଧଙ୍କୁ ଘରକୁ ଆଣନ୍ତୁ । ଏହା କରିବା ଦ୍ୱାରା ସମସ୍ତ ଦୁଃଖ ସମାପ୍ତ ହୋଇଥାଏ ଏବଂ ଘରେ ଏକ ସକରାତ୍ମକ ବାତାବରଣ ସୃଷ୍ଟି କରିଥାଏ । ପରିବାର ସଦସ୍ୟଙ୍କ ମଧ୍ୟରେ ପାରସ୍ପରିକ ପ୍ରେମ ବଜାୟ ରହିଥାଏ ।

Leave a Reply