ବ୍ରଜରାଜନଗରରେ ଜମୁଛି ନେତାଙ୍କ ଗହଳି, ଘରକୁ ଘର ବୁଲି ସମର୍ଥନ ସାଉଁଟୁଛନ୍ତି ୩ ଦଳର ପ୍ରାର୍ଥୀ

ବ୍ରଜରାଜନଗର: ତାରିଖ ଯେତେ ପାଖେଇ ଆସୁଛି, ସେତେ ଉଠୁଛି ପଡ଼ୁଛି ବ୍ରଜରାଜନଗର । ନେତାଙ୍କ ଗହଳି ସାଙ୍ଗକୁ ମାଳ ମାଳ ପ୍ରତିଶ୍ରୁତିରେ କମ୍ପୁଛି ମଇଦାନ । ଘରକୁ ଘର ଯାଇ ପ୍ରମୁଖ ୩ ଦଳର ପ୍ରାର୍ଥୀମାନେ ଭୋଟ ଭିକ୍ଷା କରୁଛନ୍ତି । ନିଜ ନିଜ ପ୍ରାର୍ଥୀଙ୍କ ପାଇଁ ପ୍ରଚାର ମଙ୍ଗ ଧରିଛନ୍ତି ସବୁ ଦଳର ହେଭିଓ୍ବେଟ । ବିଜୟ ପାଇଁ ଚାଲିଛି ଜୋରଦାର କସରତ । ଗାଁ ଗାଁରେ କର୍ମୀଙ୍କ ସହିତ ହେଉଛି ଘନଘନ ବୈଠକ । ଉପନିର୍ବାଚନରେ ରେକର୍ଡ ଭୋଟରେ ଜିତିବାକୁ ମାନସମନ୍ଥନ ଚାଲିଛି ।

ରାଜ୍ୟ ସରକାରଙ୍କ ବିକାଶ ଯୋଜନା ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ମଳ ଭାବମୂର୍ତ୍ତି ଯୋଗୁ ଦଳ ବିପୁଳ ଭୋଟରେ ଜିତିବ ବୋଲି ଦମ୍ଭୋକ୍ତି ପ୍ରକାଶ କରିଛି ବିଜେଡି । ଶାସକ ଦଳକୁ ଟକ୍କର ଦେବାକୁ ପ୍ରଚାରକୁ ଜୋରଦାର କରିଛନ୍ତି ବିରୋଧୀ ବିଜେପି ଓ କଂଗ୍ରେସ । ପ୍ରଚାରରେ ବିଜେଡି ଆଗରେ ରହିଥିବା ବେଳେ କଂଗ୍ରେସ ଓ ବିଜେପି ମଧ୍ୟ ଜୋରାଦାର ପ୍ରଚାର କରୁଛି ।