ସ୍ଥଗିତ ରହିଲା ମାଆ ବୁଢ଼ୀ ଠାକୁରାଣୀ ଯାତ୍ରା ଶୁଭଖୁଣ୍ଟି ସ୍ଥାପନ

ବ୍ରହ୍ମପୁର: ଦକ୍ଷିଣ ଓଡ଼ିଶାର ପ୍ରାଣକେନ୍ଦ୍ର ବ୍ରହ୍ମପୁରର ଆରାଧ୍ୟ ଦେବୀ ମା’ ବୁଢ଼ୀ ଠାକୁରାଣୀ ଯାତ୍ରା ଶୁଭଖୁଣ୍ଟି ସ୍ଥାପନକୁ ସ୍ଥଗିତ ରଖାଯାଇଛି । ମା’ଙ୍କ ଯାତ୍ରା ନିମନ୍ତେ ଶୁକ୍ରବାର ରାତି ୧୧ରୁ ୨ଟା ମଧ୍ୟରେ ଶୁଭଖୁଣ୍ଟି ସ୍ତାପନ କରାଯିବାର ଥିଲା । ଏହା ପୂର୍ବରୁ ବିଏମ୍‌ସି କମିଶନର ସିଦ୍ଧେଶ୍ୱର ବଳିରାମ ବନ୍ଦାରେ, ଯାତ୍ରା ପରିଚାଳକ ଦୁର୍ଗା ପ୍ରସାଦ ଦେଶୀବେହେରାଙ୍କ ସମେତ ଯାତ୍ରା କମିଟି ସଦସ୍ୟଙ୍କୁ ଡକାଇ ଏକ ବୈଠକ କରିଥିଲେ । କୋଭିଡର ପୁନଃ ସଂକ୍ରମଣ ଆଶଙ୍କା ଥିବାରୁ ସମସ୍ତ ନିୟମ ମାନି ମାତ୍ର ୭ ଦିନ ପାଇଁ ଯାତ୍ରା କରିବା ଓ ଅନ୍ୟ କେତେକ ପରାମର୍ଶ ଦିଆଯାଇଥିଲା ।ଯାତ୍ରା ସମୟରେ ମା’ ବାପା ଘରକୁ ଆସିବେ, କିନ୍ତୁ ରାଜା ଘରକୁ ଯିବେ ନାହିଁ ଓ ଘଟ ପରିକ୍ରମା କରାଯିବନାହିଁ ବୋଲି କହିଥିଲେ । ଏଥିରେ ଯାତ୍ରା କମିଟି ସମ୍ମତି ପ୍ରକାଶ ନ କରିବାରୁ ଠାକୁରାଣୀ ଯାତ୍ରାଙ୍କୁ ସ୍ଥଗିତ ରଖାଗଲା । ବୋଲି କମିଶନର ସୂଚନା ଦେଇଛନ୍ତି ।