ସୁଟିଂ ସମୟରେ ଇମ୍ରାନ୍ ହାସମି ଆହତ, ବେକରେ ଲାଗିଛି ଗଭୀର ଆଘାତ
ନନ୍ଦିଘୋଷ ବ୍ୟୁରୋ : ବଲିଉଡ ଅଭିନେତା ଇମ୍ରାନ ହାସମିଙ୍କୁ ନେଇ ଏକ ବଡ ଖବର ସମ୍ନାକୁ ଆସିଛି । ତାଙ୍କର ଆଗାମୀ ଚଳଚ୍ଚିତ୍ରର ସୁଟିଂ କରୁଥିବାବେଳେ ଅଭିନେତା ଏକ ବଡ଼ ଦୁର୍ଘଟଣାର ସମ୍ମୁଖୀନ ହୋଇଛନ୍ତି ଏବଂ ତାଙ୍କ ବେକରେ ଆଘାତ ଲାଗିଥିବାର ଚିତ୍ର ସୋସିଆଲ ମିଡିଆରେ ଭାଇରାଲ ହେଉଛି। ଯାହା ତାଙ୍କ ପ୍ରଶଂସକଙ୍କ ଚିନ୍ତା ବଢାଇ ଦେଇଛି ।
‘ଗୁଡାଚାରି ୨’ର ସୁଟିଂ ପାଇଁ ବଲିଉଡ ଅଭିନେତା ଇମ୍ରାନ ହାସମି ହାଇଦ୍ରାବାଦରେ ଅଛନ୍ତି । ଗତ ସୋମବାର, ଅକ୍ଟୋବର 7ରେ ଖବର ଆସିଥିଲା ଯେ ‘ଗୁଡାଚାରି ୨’ ପାଇଁ ଏକ ଆକ୍ସନ୍ ଦୃଶ୍ୟ କରୁଥିବାବେଳେ ଇମ୍ରାନ୍ ହାସମି ଆହତ ହୋଇଥିଲେ। ଅଭିନେତାଙ୍କ ବେକରେ ଆଘାତ ଲାଗିଛି। ଇମ୍ରାନଙ୍କ ବେକରେ ଗଭୀର ଆଘାତ ଲାଗିଛି। ମଙ୍ଗଳବାର ସେ ମୁମ୍ବାଇ ଫେରିବେ ବୋଲି ଆଶା କରାଯାଉଛି ।
ନିକଟରେ ଗୁଡାଚାରି ୨ ର କାଷ୍ଟରେ ଯୋଗ ଦେଇଥିବା ଇମ୍ରାନ୍ ହାସମି ହାଇଦ୍ରାବାଦରେ ଏକ ତୀବ୍ର ଆକ୍ସନ୍ ଦୃଶ୍ୟ ସୁଟିଂ କରୁଥିବାବେଳେ ବେକରେ ଆଘାତ ଲାଗିଛି। ଇମ୍ରାନ୍ ହାସମି ଏକ ଜମ୍ପିଂ ସିନ୍ ସୁଟିଂ କରୁଥିଲେ । ଏହି ସମୟରେ ତାଙ୍କ ବେକରେ ଆଘାତ ଲାଗିଥିଲା । ଏହି ଚଳଚ୍ଚିତ୍ରରେ ସାଉଥ ଅଭିନେତା ଆଦୀଭି ସେଶ ମଧ୍ୟ ଅଭିନୟ କରିଛନ୍ତି, ଯିଏ ‘ମେଜର’ ଚଳଚ୍ଚିତ୍ର ପାଇଁ ଅନେକ ପ୍ରଶଂସା ସାଉଁଟି ଥିଲେ । ଏହି ଚଳଚ୍ଚିତ୍ର ବିଷୟରେ ଦର୍ଶକଙ୍କ ମଧ୍ୟରେ ବହୁତ ଉତ୍ସାହ ଅଛି, କିନ୍ତୁ ଏହି ଦୁର୍ଘଟଣା କୁ ନେଇ ପ୍ରଶଂସକ ବିବ୍ରତ ହୋଇପଡିଛନ୍ତି ।
