ଖେଳ ଦେଖି ଫେରୁଥିଲେ ବୁଡିଗଲା ଡଙ୍ଗା, ୩ ବର୍ଷର ଶିଶୁକୁ ଖୋଜୁଛି ଓଡ୍ରାଫ୍ ଟିମ୍

ବଲାଙ୍ଗୀର: ବଲାଙ୍ଗୀର ତୁଷୁରା ଥାନା ଅଂଚଳ କେନ୍ଦୁଘାଟରେ ବୁଡିଗଲା ଡଙ୍ଗା  । ବୌଦ୍ଧ ଜିଲ୍ଲା କଣ୍ଟାମାଳଙ୍କୁ କିଛି ଲୋକ ସାନ୍ଧ୍ୟରେ ଡଙ୍ଗାରେ ପାର ହେଉଥିବା ବେଳେ ଘଟିଛି ଅଘଟଣ । ଭାରସାମ୍ୟ ହରାଇ ଫାସରେଡ଼ ନିକଟରେ ଡ଼ଙ୍ଗା ଓଲଟିପଡିଥିବା ନେଇ ସୂଚନା ମିଳିଛି  । ସବୁଠାରୁ ବଡ଼ କଥା ହେଉଛି ଏହି ଡଙ୍ଗାରେ ଥିବା ଏକ ୩ ବର୍ଷୀୟା ଶିଶୁ ନିଖୋଜ ରହିଛି  । ସେପଟେ ଘଟଣାସ୍ଥଳରେ ଦମକଳ ବାହିନୀ ପହଁଚି ଉଦ୍ଧାର କାର୍ଯ୍ୟ ଜାରି ରଖିଥିବାବେଳେ ଶିଶୁଟି କୁ ଖୋଜିବା ଜାରି ରଖିଛନ୍ତି  ।

ସୂଚନା ମୁତାବକ ଦେଓଗାଁ ଅଂଚଳର ଏକ ଫୁଟବଲ ମ୍ୟାଚ ଦେଖି ଫେରୁଥିଲେ କିଛି ଲୋକ । କିନ୍ତୁ କଣ୍ଟାମାଳ ବ୍ଲକ କୁଲୁତାଜୋର ପଞ୍ଚାୟତ ଫାସେଡ଼ ଘାଟରେ  ଡ଼ଙ୍ଗାଟି ଭାରସମ୍ୟ ହରାଇ ବୁଡ଼ିବା ଆରମ୍ଭ କରିଥିଲା । ଅଗ୍ନିଶମ ବିଭାଗ ଓ ଓଡ୍ରାଫ ଟିମ ଘଟଣା ସ୍ଥଳରେ ପହଁଚି ୧୫ ଜଣଙ୍କୁ ସୁରକ୍ଷିତ ଉଦ୍ଧାର କରିଛନ୍ତି  । କିନ୍ତୁ ଶିଶୁଟି ନିଖୋଜ ରହିଥିବେଳେ ଏପର୍ଯ୍ୟନ୍ତ କୌଣସି ପତ୍ତା ମିଳିପାରୁ ନାହିଁ  । ଅନ୍ୟପଟେ ଶିଶୁଟିର ପିତାଙ୍କ ହାତ ଏହି ଦୁର୍ଘଟଣାରେ ଭାଙ୍ଗି ଯାଇଥିବା ଜଣାପଡିଛି  ।