ଆଲିଗଡ଼: ଉତ୍ତରପ୍ରଦେଶ ଆଲିଗଡ଼ର ବହୁଚର୍ଚ୍ଚିତ ଶାଶୂ ଏବଂ ଜ୍ବାଇଁ ମାମଲାରେ ଉଭୟଙ୍କୁ ପଚରାଉଚରା ଚଳାଇଛି ପୋଲିସ୍ । ଦୁହେଁ ପୋଲିସ ଆଗରେ ଏପରି କଥା କହୁଛନ୍ତି ଯେ, ପୋଲିସକୁ ମଧ୍ୟ ଆଶ୍ଚର୍ଯ୍ୟ କରିଛି । ଶାଶୂଙ୍କ କହିବା କଥା ହେଲା ସ୍ବାମୀ ତାଙ୍କୁ ପିଟୁ ନଥିଲେ । ମୋ ଝିଅ ହିଁ ହେଉଛି ସବୁ ଅସୁବିଧାର ମୂଳ କାରଣ । ସେ ପ୍ରଥମେ ମୋ ସହ ଖରାପ ବ୍ୟବହାର କରିଥିଲା । ମୁଁ ଯେତେବେଳେ ଜ୍ବାଇଁଙ୍କ ସହ କଥା ହେଉଥିଲି ସେ ମୋ ସହ ଖରାପ ଭାଷାରେ କଥା ହେଉଥିଲା ।

ମୋ ଝିଅର ଶିବାନୀର ବିବାହ ରାହୁଲ ସହ ଠିକ୍ କରିଥିଲି । କିନ୍ତୁ ସେ ମୋତେ ସନ୍ଦେହ କରିବା ଆରମ୍ଭ କଲା । ରାହୁଲଙ୍କ ସହ କଥା ହେଲାବେଳେ ସେ ମୋତେ ବାଧା ଦେଉଥିଲା । ଯେଉଁ ସମୟରେ କି ରାହୁଲଙ୍କ ସହ ମୋର କୌଣସି ସମ୍ପର୍କ ନଥିଲା । ପରିବାର ସଦସ୍ୟ ଏହାକୁ ଭଲ ଭାବେ ନେଉଥିଲେ । ଝିଅ ପରେ ସ୍ବାମୀ ସବୁ ପ୍ରକାର ସୀମା ଟପି ଯାଇଥିଲେ । ସେ ସବୁଦିନ ମଦ ପିଇ ରାହୁଲଙ୍କ ବିଷୟରେ ମୋତେ ଚିଡାଉଥିଲେ । ସବୁ କଥାରେ ମୋତେ ଦୋଷ ଦେଉଥିଲେ । ଏ ସବୁ କଥାରେ ମୁଁ ବିରକ୍ତ ହୋଇଯାଇଥିଲି । ରାହୁଲ ସବୁ କଥା ବୁଝି ପାରୁଥିଲେ ବୋଲି ମୁଁ ତାଙ୍କୁ ସବୁ କହୁଥିଲି ।

ଶାଶୂ ଆହୁରି ମଧ୍ୟ କହିଛନ୍ତି ଯେ, ସ୍ବାମୀ ମୋତେ ଜ୍ବାଇଁଙ୍କ ସହ ପଳାଇ ଯିବାକୁ ଯେତେବେଳେ କହିଲେ ସେତେବେଳେ ସବୁ ସୀମା ଟପିଗଲା । ଏହାପରେ ଆମେ ଏକାଠି ରହିବାପାଇଁ ନିଷ୍ପତ୍ତି ନେଲୁ । ଏହା ପରେ ଆମେ ଘରୁ ପଳାଇଯାଇ ମୁଜାଫରପୁରରେ ରହିଥିଲୁ । ଏହା ପରେ ବିହାର ନେପାଳ ସୀମାରେ କିଛି ଦିନ ରହିବା ପାରେ ଆମେ ଜାଣିବାକୁ ପାଇଲୁ ଯେ, ପୋଲିସ ଆମକୁ ଖୋଜୁଛି । ଏହା ପରେ ଆମେ ନିଜେ ଆତ୍ମସମର୍ପଣ କରିବାକୁ ନିଷ୍ପତ୍ତି ନେଲୁ ।

ଏବେ ଏ ବିଷୟରେ ଜ୍ବାଇଁ କରିଛନ୍ତି ଯେ, ଆମେ କିଛି ଭୁଲ କରିନାହୁଁ । ତାଙ୍କ ସ୍ବାମୀ ତାଙ୍କୁ ନିର୍ଯାତନା ଦେଉଥିଲେ । ଯଦି ସେ ଚାହାନ୍ତି ତାହାଲେ ମୁଁ ତାଙ୍କୁ ବିବାହ କରିବାକୁ ବି ପ୍ରସ୍ତୁତ । ଏ ନେଇ ଶାଶୂ ବି ବିବାହ କରିବାକୁ ଚାହାନ୍ତି । ତାଙ୍କୁ ଯେତେବେଳେ ଛାଡ଼ପତ୍ର ବିନା ବିବାହ କରିପାରିବେ ନାହିଁ ବୋଲି ପଚରା ଯାଇଥିଲା ସେତେବେଳେ ସେ କହିଥିଲେ ଯେ, ମୁଁ ତାଙ୍କ ସହ ଏହିପରି ରହିବାକୁ ଚାହୁଁଛି ।

ନନ୍ଦିଘୋଷ ବ୍ୟୁରୋ: BCCI ନେଲା ବଡ଼ ପଦକ୍ଷେପ । ଗୌତମ ଗମ୍ଭୀରଙ୍କ ଘନିଷ୍ଠ ସହଯୋଗୀ ଏବଂ ଭାରତୀୟ କ୍ରିକେଟ ଦଳର ସହାୟକ ପ୍ରଶିକ୍ଷକ ଅଭିଷେକ ନାୟାରଙ୍କୁ ହଟାଇ ଦିଆଯାଇଛି । ଚଳିତବର୍ଷ ଅଷ୍ଟ୍ରେଲିଆରେ ଶେଷ ହୋଇଥିବା ବର୍ଡର ଗାଭାଷ୍କର ଟ୍ରଫି ସମୟରେ ଖରାପ ପ୍ରଦର୍ଶନ ଏବଂ ଡ୍ରେସିଂ ରୁମରୁ ଲିକ୍ ହୋଇଥିବା ବିଷୟକୁ ଧ୍ୟାନରେ ରଖି ବିସିସିଆଇ ଏହି ପଦକ୍ଷେପ ନେଇଛି । ଅଭିଷେକ ନାୟାରଙ୍କ ବ୍ୟତିତ ଫିଲ୍ଡିଂ ପ୍ରଶିକ୍ଷକ ଟି ଦିଲ୍ଲୀପ ଏବଂ ପ୍ରଶିକ୍ଷକ ସୋହମ ଦେଶାଇଙ୍କୁ ମଧ୍ୟ ଦଳରୁ ବାଦ ଦିଆଯାଇଛି । ରିପୋର୍ଟ ଅନୁସାରେ ଦୁହେଁ ୩ ବର୍ଷରୁ ଅଧିକ ସମୟ ଧରି ଦଳ ସହ ଜଡିତ ଥିଲେ । ତେଣୁ ନିୟମ ଅନୁସାରେ ସେମାନଙ୍କୁ ନୂଆ ସ୍ଥାନରେ ନିଯୁକ୍ତି ଦିଆଯିବ ।

ତେବେ ଅଭିଷେକ ନାୟାର ଏବଂ ଦିଲ୍ଲୀପଙ୍କ ସ୍ଥାନରେ ଅନ୍ୟ କାହାକୁ ଅଣାଯିବ ନାହିଁ । କାରଣ ସିତାଂଶୁ କୋଟକ ପୂର୍ବରୁ ବ୍ୟାଟିଂ କୋଚ ଭାବେ ଦଳ ସହ ଅଛନ୍ତି । ତେବେ ସୋହମ ଦେଶାଇଙ୍କ ବଦଳରେ ଜଣେ ଖେଳାଳିଙ୍କୁ ନିଯୁକ୍ତି ଦିଆଯାଇପାରେ । ଆଡ୍ରିଆନ୍ ଲେ ରକ୍ସ ତାଙ୍କ ସ୍ଥାନ ନେଇ ପାରନ୍ତି । ବର୍ତ୍ତମାନ ସେ ଏବେ ଆଇପିଏଲର ପଞ୍ଜାବ କିଙ୍ଗସ ସହିତ ଜଡିତ ଅଛନ୍ତି । ଏ ନେଇ ବିସିସିଆଇ ପକ୍ଷରୁ କୌଣସି ଅନୁଷ୍ଠାନିକ ଘୋଷଣା କରାଯାଇନାହିଁ ।

ନନ୍ଦିଘୋଷ ବ୍ୟୁରୋ: ରିଲ୍ସ ପାଇଁ ସ୍ବାମୀଙ୍କୁ ହତ୍ୟା କଲା ସ୍ତ୍ରୀ । ଭାଙ୍ଗିଗଲା ସୁନାର ସଂସାର । ଏହି ଘଟଣା ଘଟିଛି ହରିୟାଣାରେ । ରିଲ୍ସ ନିଶା ଏତେ ଅଧିକ ହୋଇଯାଇଥିଲା ଯେ, ପତ୍ନୀ ଜଣଙ୍କ ତାଙ୍କ ୟୁଟ୍ୟୁବର୍ ପ୍ରେମିକକୁ ଡାକି ସ୍ବାମୀଙ୍କୁ ହତ୍ୟା କରିଛି ।

ପତ୍ନୀ ରବିନା ରିଲ୍ସ ତିଆରି କରୁଥିଲେ । ସ୍ବାମୀଙ୍କୁ କିନ୍ତୁ ଏ ସବୁ ପସନ୍ଦ ନଥିଲା । ସେ ଏହାକୁ ବାରଣ କରୁଥିଲେ । ଏହାକୁ ନେଇ ଘରେ ପ୍ରତିଦିନ ଝଗଡ଼ା ବି ହେଉଥିଲା । ହତ୍ୟାକାଣ୍ଡ ହୋଇଥିବା ରାତିରେ ମଧ୍ୟ ଏହାକୁ ନେଇ ଝଗଡ଼ା ହୋଇଥିଲା । ବିବାଦ ଏତେ ବଢ଼ି ଯାଇଥିଲା ଯେ, ରବିନା ତାଙ୍କ ୟୁଟ୍ୟୁବର ପ୍ରେମିକ ସୁରେଶକୁ ଡାକି ସ୍ବାମୀଙ୍କୁ ହତ୍ୟା କରିଥିଲେ । ଏହା ପରେ ମୃତଦେହକୁ ନାଳରେ ଫିଙ୍ଗି ଦେଇଥିଲେ ।

ଗତ ୨୮ ମାର୍ଚ୍ଚରେ ପୋଲିସକୁ ମୃତଦେହ ମିଳିଥିଲା । ରବିନାଙ୍କ ସ୍ବାମୀ ପ୍ରବୀଣଙ୍କ ମୃତ୍ୟୁ କିପରି ହେଲା ଏ ନେଇ ପୋଲିସ ତଦନ୍ତ ଆରମ୍ଭ କରିଥିଲା । ସିସିଟିଭି ଫୁଟେଜ ଯାଞ୍ଚ ଏବଂ ସମସ୍ତଙ୍କୁ ପଚରାଉଚରା କରିବା ପରେ ରିଲ୍ସ ପାଇଁ ହତ୍ୟା କରାଯାଇଛି ବୋଲି ଜଣାପଡ଼ିଥିଲା ।

ରବିନାଙ୍କର ଇଣ୍ଟାଗ୍ରାମରେ ୬୫୯ଟି ପୋଷ୍ଟ ରହିଛି । ଏବଂ ୩୫ ହଜାର ଫଲୋଅର୍ ଅଛନ୍ତି । ତାଙ୍କର ୬ ବର୍ଷର ପୁଅ ମଧ୍ୟ ରହିଛି । ରବିନାଙ୍କ ପ୍ରେମିକ ମଧ୍ୟ ବିବାହିତ । ଉଭୟଙ୍କୁ ଗିରଫ କରି ପୋଲିସ କୋର୍ଟ ଚାଲାଣ କରାଯାଇଛି ।

ମୁମ୍ବାଇ: ଗୌରୀ ଖାନଙ୍କ ରେଷ୍ଟୁରାଣ୍ଟରେ ପରଷା ଯାଉଛି ନକଲି ପନୀର । ଏପରି ଦାବି କରିଛନ୍ତି ଜଣେ ଫୁଡ ବ୍ଲଗର୍ ତଥା ୟୁଟ୍ୟୁବର୍ ।  ବଲିଉଡ ସୁପରଷ୍ଟାର ଶାହାରୁଖ ଖାନଙ୍କ ପତ୍ନୀ ଗୌରୀଙ୍କର ରହିଛି ଏକ ଆଲିସାନ୍ ରେଷ୍ଟୁରାଣ୍ଟ । ମୁମ୍ବାଇରେ ଥିବା ଏହି ରେଷ୍ଟୁରାଣ୍ଟର ନାମ ହେଉଛି ତୋରି । ୟୁଟ୍ୟୁବର୍ ଜଣଙ୍କ ତୋରିକୁ ଯାଇ ପନିର ଚାଖିଥିଲେ । ଏହା ପରେ ସେଠାରେ ନକଲି ପନିର ପରଷା ଯାଉଥିବା ଅଭିଯୋଗ ଆଣିଛନ୍ତି ।

ଏହି ଭିଡିଓ ଏବେ ଇଣ୍ଟରନେଟରେ ଭାଇରାଲ ହୋଇଛି । ଏହି ଭିଡିଓ ତୋରିର ପରିଚାଳନା ପାଖରେ ପହଞ୍ଚିଥିଲା । ସେ କହିଛନ୍ତି ଆୟୋଡିନର ପରିମାଣ ରହିଛି ଏବଂ ଏହା ସୋୟା ଆଧାରିତ ତେଣୁ ପନିର ଏପରି ଲାଗୁଛି । ଆମେ ସବୁବେଳେ ଖାଦ୍ୟରେ ଶୁଦ୍ଧତା ବଜାୟ ରଖୁ । ଏ ସମ୍ପର୍କରେ ଗୌରୀ ଖାନ କିଛି ପ୍ରତିକ୍ରିୟା ଦେଇ ନାହାନ୍ତି ।

ନନ୍ଦିଘୋଷ ବ୍ୟୁରୋ: ପିତାମାତଙ୍କ ଇଚ୍ଛା ବିରୁଦ୍ଧରେ ବିବାହ କଲେ ମିଳିବନି ପୋଲିସ୍ ସୁରକ୍ଷା । ଏପରି ରାୟ ଶୁଣାଇଛନ୍ତି ଆହ୍ଲାହାବାଦ ହାଇକୋର୍ଟ କହିଛନ୍ତି । ଏ ନେଇ କୋର୍ଟ କହିଛନ୍ତି ଯେ, ପିତାମାତାଙ୍କ ଇଚ୍ଛା ବିରୁଦ୍ଧରେ ଯାଇ ବିବାହ କରୁଥିବା ପ୍ରେମିକମାନେ ପରେ ପୋଲିସ ସୁରକ୍ଷା ମାଗିଥାନ୍ତି । ଯଦି ତାଙ୍କ ଜୀବନ ଏବଂ ସ୍ବାଧୀନତା ପ୍ରତି ପ୍ରକୃତ ବିପଦ ନଥାଏ ତାହାଲେ ତାଙ୍କୁ ସୁରକ୍ଷା ଦିଆଯାଇପାରିବ ନାହିଁ ।

ଜଷ୍ଟିସ ସୌରଭ ଶ୍ରୀବାସ୍ତବ ଏକ ପ୍ରେମୀ ଯୁଗଳଙ୍କ ସୁରକ୍ଷା ପାଇଁ ଆଗତ ଏକ ଆବେଦନର ଶୁଣାଣି କରି ଏହି ନିଷ୍ପତ୍ତି ଶୁଣାଇଛନ୍ତି । ସେ କହିଛନ୍ତି ଯେ, ଯେଉଁମାନେ ନିଜ ଇଚ୍ଛାରେ ବିବାହ କରନ୍ତି ସେମାନେ ପୋଲିସ ସୁରକ୍ଷା ପାଇବାର ଅଧିକାର ନାହିଁ । ଯଦି ତାଙ୍କ ଜୀବନ ପ୍ରତି ବିପଦ ଥାଏ ତାହାଲେ ସୁରକ୍ଷା ଦିଆଯାଇପାରିବ ।

ଦଲିଲ ଏବଂ ବୟାନ ଯାଞ୍ଚ କରିବା ପରେ କୋର୍ଟ ଜାଣିପାରିଲେ ଯେ, ଏହି ପ୍ରେମୀ ଯୁଗଳଙ୍କ ଜୀବନ ପ୍ରତି କିଛି ବିପଦ ନାହିଁ । ତେଣୁ ଆବେଦନକୁ ଖାରଜ କରିଦିଆଗଲା ।