ଭୁବନେଶ୍ବର : ଆଜି ମେଡିକାଲ ପ୍ରବେଶିକ ପରୀକ୍ଷା NEET। NEET ୨୦୨୫ ଆଜି ଅପରାହ୍ନ ୨ଟାରୁ ୫ଟା ପର୍ଯ୍ୟନ୍ତ ଅନୁଷ୍ଠିତ ହେବ। ଦେଶର ୫୪୫୩ ଓ ବିଦେଶର ୧୩ଟି କେନ୍ଦ୍ରରେ ହେବ ପରୀକ୍ଷା। ପାଖାପାଖି ୨୩ ଲକ୍ଷ ଛାତ୍ରଛାତ୍ରୀ ଏହି ପରୀକ୍ଷା ଦେବେ। NEET ପରୀକ୍ଷା ପାଇଁ ଆଉ ମାତ୍ର କିଛି ଘଣ୍ଟା ବାକି ଅଛି। ନ୍ୟାସନାଲ୍ ଟେଷ୍ଟିଂ ଏଜେନ୍ସି NTA ଦ୍ୱାରା ପରିଚାଳିତ, NEET ୨୦୨୫ ମାଧ୍ୟମରେ MBBS, BDS, BSc ନର୍ସିଂ ଏବଂ ଅନ୍ୟାନ୍ୟ ଡାକ୍ତରୀ ପାଠ୍ୟକ୍ରମରେ ନାମଲେଖାଇ ପାରିବେ ଛାତ୍ରଛାତ୍ରୀ। ପରୀକ୍ଷା ଲାଗି ବ୍ୟାପକ ବ୍ୟବସ୍ଥା କରାଯାଇଛି। ଗୋଟିଏ ପେପରରେ ଅନୁଷ୍ଠିତ ହେବ ଏହି ପରୀକ୍ଷା। ପୋଲିସ ସୁରକ୍ଷାରେ ପରୀକ୍ଷା କେନ୍ଦ୍ରରେ ପ୍ରଶ୍ନପତ୍ର ପହଞ୍ଚlଯାଉଛି। କଡ଼ା ସୁରକ୍ଷା ମଧ୍ୟରେ ଏହି ପରୀକ୍ଷା ଅନୁଷ୍ଠିତ ହେବ। ଗତ ବର୍ଷ ନିଟ୍ ପରୀକ୍ଷାରେ ବ୍ୟାପକ ଅବ୍ୟବସ୍ଥା ଯୋଗୁଁ ଏନଟିଏ ପକ୍ଷରୁ ସୁରକ୍ଷା ବ୍ୟବସ୍ଥା ଉପରେ ଗୁରୁତ୍ଵ ଦିଆଯାଇଛି।
ଶୌଚ ହେବା ପାଇଁ ଯାଇଥିବା ବେଳେ ଯୁବକଙ୍କୁ କଚାଡି ମାରିଲା ଦନ୍ତା
ସମ୍ବଲପୁର : ସମ୍ବଲପୁରର କୁନିଡୁମରୀ ପାଖରେ ଯୁବକଙ୍କୁ କଚାଡି ମାରିଲା ଦନ୍ତା । ଶୌଚ ହେବା ପାଇଁ ଯାଇଥିବା ବେଳେ ଯୁବକଙ୍କୁ ଦଳିଦେଲା ଦନ୍ତା । ମୃତ ଯୁବକ ଜଣଙ୍କ ହେଲେ ଯୁଯୁମୁରା ବ୍ଲକ ନୂଆଁ ବରଙ୍ଗାମାଲ ଧୋଲୋମୁଣ୍ଡାର ସନ୍ତୋଷ ବଢାଇ । ପୋଲିସ ଓ ବନ ବିଭାଗକୁ ଖବର ଦେବା ପରେ ମଧ୍ୟ କେହି ପହଂଚିନଥିବା ଜଣାପଡିଛି । ବାରମ୍ବାର ଏହି ଅଞ୍ଚଳରେ ହାତୀ ଉପଦ୍ରବ ବଢୁଥିବା ବେଳେ ବନ ବିଭାଗ କାହିଁକି ଚୁପ୍ ବୋଲି ପ୍ରଶ୍ନ ଉଠିଛି ।
ଏହି ୫ଟି ଯାନ ଭାରତୀୟ ସେନାର ଶକ୍ତି ବୃଦ୍ଧି କରେ
ନନ୍ଦିଘୋଷ ବ୍ୟୁରୋ : ଭାରତୀୟ ସେନା ବିଶ୍ୱର ସବୁଠାରୁ ଶକ୍ତିଶାଳୀ ସେନା ମଧ୍ୟରୁ ଗୋଟିଏ। ସେନା ପାଖରେ ଏପରି ଅନେକ ଯାନ ଓ ଅନେକ ଅତ୍ୟାଧୁନିକ ଅସ୍ତ୍ରଶସ୍ତ୍ର ଅଛି, ଯାହା ଏହାର ଶକ୍ତିକୁ ବହୁଗୁଣିତ କରିଥାଏ। ଭାରତୀୟ ସେନାରେ ବ୍ୟବଡଅତ ହେଉଥିବା କିଛି ଯାନ ବିଷୟରେ ଆସନ୍ତୁ ଜାଣିବା ।
୧. ମହିନ୍ଦ୍ରା ଆର୍ମାଡୋ
ଏହି ବିଶାଳ ଏସୟୁଭିକୁ ମହିନ୍ଦ୍ରା ସ୍ୱତନ୍ତ୍ର ଭାବରେ ସେନା ପାଇଁ ଡିଜାଇନ୍ କରିଥିଲା। ଏହା CEN B7 STANAG ଲେଭଲ୍ ଟୁ ବୁଲେଟ୍ପ୍ରୁଫ୍ ସୁରକ୍ଷା ଓ ୨୧୫ ହର୍ସପାୱର୍ ଉତ୍ପାଦନ କରୁଥିବା ୩.୨ ଲିଟର ଡିଜେଲ ଇଞ୍ଜିନ୍ ସହିତ ସଜ୍ଜିତ। ALSV (ମହିନ୍ଦ୍ର ଆର୍ମର୍ଡ ଲାଇଟ୍ ସ୍ପେଶାଲିଷ୍ଟ ଭେଇକେଲ)ରେ ଗ୍ରେନେଡ ଲଞ୍ଚର ଓ ଟ୍ୟାଙ୍କ ଆଣ୍ଟି-ଟ୍ୟାଙ୍କ ମିସାଇଲ ଭଳି ଅସ୍ତ୍ରଶସ୍ତ୍ର ମଧ୍ୟ ଲଗାଯାଇପାରିବ।
୨. ମହିନ୍ଦ୍ରା ସ୍କୋର୍ପିଓ କ୍ଲାସିକ୍
ଭାରତୀୟ ସେନା ୨୦୨୩ ମସିହାରେ ୧ହଜାର ୮୫୦ ରୁ ଅଧିକ ସ୍କୋର୍ପିଓ କ୍ଲାସିକ୍ ଏସୟୁଭି ଅର୍ଡର କରିଥିଲା। ଏହି ଯାନଗୁଡ଼ିକ 4×4 ଡ୍ରାଇଭ୍, ଅଲିଭ୍ ଗ୍ରୀନ୍ ପେଣ୍ଟ୍, ବ୍ଲାକଆଉଟ୍ ଲାଇଟ୍ ଓ ଟୋଇଂ ହୁକ୍ ଭଳି ବୈଶିଷ୍ଟ୍ୟ ସହିତ ସଜ୍ଜିତ । ଯାହା ସେମାନଙ୍କୁ କଷ୍ଟକର ଅଞ୍ଚଳରେ କାର୍ଯ୍ୟ କରିବା ପାଇଁ ଉପଯୁକ୍ତ କରିଥାଏ। ସେନାର ଆବଶ୍ୟକତା ଅନୁସାରେ କମ୍ପାନୀ ଏହି ଏସୟୁଭିକୁ ସେନା ପାଇଁ ପରିବର୍ତ୍ତନ କରିଥିଲା।
୩. ଟାଟା ସଫାରୀ ଷ୍ଟର୍ମ GS800
ସେନା ପାଇଁ ସ୍ୱତନ୍ତ୍ର ଭାବରେ ଡିଜାଇନ୍ ହୋଇଥିବା ଏହି ଏସୟୁଭିର ପେଲୋଡ୍ କ୍ଷମତା ୮୦୦ କିଲୋଗ୍ରାମ। 4×4 ଡ୍ରାଇଭ ଏବଂ ଏୟାର କଣ୍ଡିସନିଂ ଭଳି ବୈଶିଷ୍ଟ୍ୟ ସହିତ ସଜ୍ଜିତ। ଏହି ଏସୟୁଭି ଉଚ୍ଚତାରେ ଓ ତୁଷାରପାତ ଅଞ୍ଚଳରେ ଚାଲିବାରେ ପ୍ରଭାବଶାଳୀ।
୪. ଟୟୋଟା ହାଇଲକ୍ସ
ଏହି ପିକଅପ୍ ଟ୍ରକ୍, ଯାହାକୁ ୨୦୨୩ ମସିହାରେ ସେନା ନୌବାହିନୀରେ ସାମିଲ କରାଯିବ, ଏହାକୁ ୧୩ ହଜାର ଫୁଟ ଉଚ୍ଚତା ଏବଂ ମାଇନସ ୧୫ ଡିଗ୍ରୀ ସେଲସିୟସ୍ ତାପମାତ୍ରାରେ ପରୀକ୍ଷଣ ପରେ ଚୟନ କରାଯାଇଥିଲା। ଏହି ଯାନଟି କଷ୍ଟକର ଭୌଗୋଳିକ ପରିସ୍ଥିତିରେ ମଧ୍ୟ ନିର୍ଭରଯୋଗ୍ୟ ଭାବରେ କାର୍ଯ୍ୟ କରେ।
୫. ଫୋର୍ସ ଗୁରଖା
“ଦେଶୀ ଜି-ୱାଗନ୍” ଭାବରେ ଜଣାଶୁଣା, ଏହି ଏସୟୁଭି ୨୦୧୮ରେ ସେନା ପାଇଁ ଏକ ହାଲୁକା ଷ୍ଟ୍ରାଇକ୍ ଯାନ ଭାବରେ ଚୟନ କରାଯାଇଥିଲା। ଏହା 4×4 ଡ୍ରାଇଭ୍, ସ୍ନୋର୍କେଲ ଏବଂ ଡିଫରେନ୍ସିଆଲ୍ ଲକ୍ ଭଳି ବୈଶିଷ୍ଟ୍ୟ ସହିତ ସଜ୍ଜିତ । ଏହାକୁ କଷ୍ଟକର ଅଞ୍ଚଳରେ ଚଲାଇବା ପାଇଁ ପ୍ରଭାବଶାଳୀ ହୋଇଥାଏ।
ଭାରତର ବାଇକ୍ ଦାମରେ ମିଳୁଥିଲା ପାକିସ୍ତାନରେ ପ୍ରଥମ ସ୍ମାର୍ଟଫୋନ, ଯାହାର ଦାମ୍ ଥିଲା…
ନନ୍ଦିଘୋଷ ବ୍ୟୁରୋ : ପାକିସ୍ତାନରେ ପ୍ରଥମ ସ୍ମାର୍ଟଫୋନ୍ ପ୍ରାୟ ୨୦୦୮-୨୦୦୯ ମସିହାରେ ଲଞ୍ଚ କରିଥିଲା । ସେତେବେଳେ ଏହା ବଡ ସହର ପାଇଁ ଉପଲବ୍ଧ ଥିଲା । ଏହାର ମୂଲ୍ୟ ବହୁତ ଅଧିକ ଥିଲା । ସାହା ସାଧାରଣ ଚନତା କିଣିବା କଷ୍ଟକର ଥିଲା । ପାକିସ୍ତାନରେ ପ୍ରଥମ ସ୍ମାର୍ଟଫୋନ୍ HTC One ଥିଲା। ଯାହାକୁ ମୋବିଲିଙ୍କ ସହାୟତାରେ ଜୁଲାଇ ୨୦୧୩ରେ ଲଞ୍ଚ କରାଯାଇଥିଲା। ଏହାର ମୂଲ୍ୟ ପ୍ରାୟ ୭୨,୦୦୦ ପାକିସ୍ତାନୀ ଟଙ୍କା ଯାହା ଭାରତୀୟ ମୁଦ୍ରାରେ ପ୍ରାୟ ୨୧,୬୭୪ ଟଙ୍କା ଥିଲା। ଏହି ସ୍ମାର୍ଟଫୋନ୍ ଏହାର ଉଚ୍ଚମାନର ବୈଶିଷ୍ଟ୍ୟ ଏବଂ ଡିଜାଇନ୍ ପାଇଁ ଜଣାଶୁଣା ଥିଲା।
ସେହି ସମୟରେ, ସ୍ମାର୍ଟଫୋନଗୁଡ଼ିକ ସିମ୍ବିଆନ୍ ଓଏସ୍, ବ୍ଲାକବେରୀ ଏବଂ ୱିଣ୍ଡୋଜ୍ ମୋବାଇଲ୍ ଭଳି ଅପରେଟିଂ ସିଷ୍ଟମ ସହିତ ଆରମ୍ଭ ହୋଇଥିଲା। କିନ୍ତୁ ଆଣ୍ଡ୍ରଏଡ୍ ସ୍ମାର୍ଟଫୋନର ପ୍ରକୃତ ଆରମ୍ଭ ୨୦୧୦ ପରେ ହୋଇଥିବା ବୋଲି ବିବେଚନା କରାଯାଉଛି। ଆଣ୍ଡ୍ରଏଡ୍ ଓ ଆଇଫୋନ୍ ଆସିବା ପରେ, ପାକିସ୍ତାନର ଲୋକଙ୍କ ପାଖରେ ଧୀରେ ଧୀରେ ସ୍ମାର୍ଟଫୋନ୍ ପହଞ୍ଚିବା ଆରମ୍ଭ ହେଲା। ୨୦୦୯-୨୦୧୦ ମଧ୍ୟରେ, ପ୍ରଥମ ଥର ପାଇଁ ବଡ଼ ସହରଗୁଡ଼ିକରେ ଲୋକଙ୍କ ହାତରେ ସ୍ମାର୍ଟଫୋନ୍ ଦେଖାଯିବା ଆରମ୍ଭ ହୋଇଥିଲା। ୨୦୧୨ ପରେ, ଯେତେବେଳେ ଶସ୍ତା ଆଣ୍ଡ୍ରଏଡ୍ ସ୍ମାର୍ଟଫୋନ୍ ଆସିବା ଆରମ୍ଭ ହେଲା ପାକିସ୍ତାନର ସାଧାରଣ ଜନତା ଦ୍ରୁତ ଗତିରେ ସ୍ମାର୍ଟଫୋନ୍ ବ୍ୟବହାର କରିବା ଆରମ୍ଭ କଲେ। ପୂର୍ବରୁ ଏହି ସ୍ମାର୍ଟଫୋନର ମୂଲ୍ୟ ୭୦,୦୦୦ ରୁ ୮୦,୦୦୦ ପାକିସ୍ତାନୀ ଟଙ୍କା ଯାହା ଭାରତୀୟ ମୁତ୍ରାରେ ପ୍ରାୟ ୨୧,୬୭୪ ଟଙ୍କା ମଧ୍ୟରେ ଥିଲା। ସେ ସମୟରେ, ଏହି ମୂଲ୍ୟରେ ଭାରତରେ ଏକ ଭଲ ବାଜାଜ୍ ପଲସର କିମ୍ବା ହିରୋ ହୋଣ୍ଡା ବାଇକ୍ ଉପଲବ୍ଧ ଥିଲା। ତେଣୁ, ପାକିସ୍ତାନର ସାଧାରଣ ଲୋକ ଏହାକୁ ଏକ ବିଳାସପୂର୍ଣ୍ଣ ଜିନିଷ ବୋଲି ମାନିଥିଲେ।
ପାକିସ୍ତାନୀ ୱେବସାଇଟ୍ ଅନୁଯାୟୀ, ୨୦୨୪ ଶେଷ ସୁଦ୍ଧା, ପାକିସ୍ତାନର ସ୍ମାର୍ଟଫୋନ୍ ବଜାରରେ ଇନଫିନିକ୍ସ ବ୍ରାଣ୍ଡର ସର୍ବାଧିକ ଅଂଶ ରହିବ। ଏହାର ଅଂଶ ପ୍ରାୟ ୧୬.୫୩ ପ୍ରତିଶତ ଥିଲା। ତଥାପି, ୨୦୨୫ ପ୍ରାରମ୍ଭରେ, Vivo Infinixକୁ ପଛରେ ପକାଇ ପାକିସ୍ତାନର ସର୍ବବୃହତ ସ୍ମାର୍ଟଫୋନ୍ ନିର୍ମାତା ହୋଇଗଲା। ସ୍ଥାନୀୟ ଉତ୍ପାଦନ ବୃଦ୍ଧି କରି ଏବଂ ବଜେଟ୍-ଅନୁକୂଳ ସ୍ମାର୍ଟଫୋନ୍ ପ୍ରଚଳନ କରି ଇନଫିନିକ୍ସ ପାକିସ୍ତାନର ସ୍ମାର୍ଟଫୋନ୍ ବଜାରରେ ଏକ ଦୃଢ଼ ପାଦ ସ୍ଥାପନ କରିଛି। ଭିଭୋ, ସାମସଙ୍ଗ ଏବଂ ଓପୋ ଭଳି ବ୍ରାଣ୍ଡ ମଧ୍ୟ ପାକିସ୍ତାନରେ ବହୁତ ଲୋକପ୍ରିୟ।
ଲରେନ୍ସ ୱଙ୍ଗ କିଏ? ଯିଏ ପୁଣି ଥରେ ହେବେ ସିଙ୍ଗାପୁରର ପ୍ରଧାନମନ୍ତ୍ରୀ
ନନ୍ଦିଘୋଷ ବ୍ୟୁରୋ : ସିଙ୍ଗାପୁରରେ ୧୪ତମ ସାଧାରଣ ନିର୍ବାଚନରେ ପ୍ରଧାନମନ୍ତ୍ରୀ ଲରେନ୍ସ ୱଙ୍ଗ ଓ ତାଙ୍କ ପିପୁଲ୍ସ ଆକ୍ସନ ପାର୍ଟି ପୁଣି ଥରେ ବିଜୟୀ ହୋଇଛନ୍ତି। ଦଳ ୯୭ଟି ସଂସଦୀୟ ଆସନରୁ ୮୭ଟିରେ ବିଜୟୀ ହୋଇଛି। ପିଏପି ଏକମାତ୍ର ଦଳ ଥିଲା ଯାହା ସମସ୍ତ ଆସନରେ ପ୍ରତିଦ୍ୱନ୍ଦ୍ୱିତା କରିଥିଲା। ଏହା ବ୍ୟତୀତ ପ୍ରାୟ ୧୧ଟି ରାଜନୈତିକ ଦଳ ଏବଂ ୨୧୧ ଜଣ ପ୍ରାର୍ଥୀ ନିର୍ବାଚନ ମଇଦାନରେ ଥିଲେ। ୧୯୬୫ ମସିହାରୁ ନିରନ୍ତର କ୍ଷମତାରେ ରହିବା ପରେ, ପିଏପି ୨୦୨୫ ସାଧାରଣ ନିର୍ବାଚନରେ ଏକ ବଡ଼ ବିଜୟ ହାସଲ କରିଛି। ଏହି ବିଜୟ ପରେ, ପ୍ରଧାନମନ୍ତ୍ରୀ ଓଙ୍ଗ କହିଛନ୍ତି ଯେ ଦୃଢ଼ ଜନାଦେଶ ପାଇଁ ଆମେ କୃତଜ୍ଞ। ଆମେ ଆହୁରି କଠିନ ପରିଶ୍ରମ କରି ଆପଣଙ୍କ ବିଶ୍ୱାସକୁ ସମ୍ମାନ ଦେବୁ। ୧୯୪୮ ମସିହାରେ ପ୍ରଥମ ସାଧାରଣ ନିର୍ବାଚନ ପରେ ଏହା ସିଙ୍ଗାପୁରର ୧୯ତମ ସାଧାରଣ ନିର୍ବାଚନ । ୧୯୬୫ ମସିହାରେ ସ୍ୱାଧୀନତା ପରେ ୧୪ତମ ସାଧାରଣ ନିର୍ବାଚନ ଥିଲା। ଏହି ନିର୍ବାଚନରେ, କେବଳ ପିଏପି ଏବଂ ୱାର୍କର୍ସ ପାର୍ଟି ମଧ୍ୟରେ ପ୍ରତିଯୋଗିତା ହେବ ବୋଲି ବିବେଚନା କରାଯାଇଥିଲା। ୱାର୍କର୍ସ ପାର୍ଟି ମାତ୍ର ୨୬ ଟି ଆସନରେ ପ୍ରତିଦ୍ୱନ୍ଦ୍ୱିତା କରିଥିଲା।
ଲରେନ୍ସ ୱଙ୍ଗ କିଏ?
୧୫ ମଇ ୨୦୨୪ରେ, ସିଙ୍ଗାପୁର ୨୦ ବର୍ଷ ପରେ ଜଣେ ନୂତନ ପ୍ରଧାନମନ୍ତ୍ରୀ ପାଇଲା। ରାଷ୍ଟ୍ରପତି ଥରମାନ ଶନମୁଗ ରତ୍ନମ୍ ଦେଶର ଚତୁର୍ଥ ପ୍ରଧାନମନ୍ତ୍ରୀ ଭାବରେ ଅର୍ଥନୀତିଜ୍ଞ ଲରେନ୍ସ ୱଙ୍ଗଙ୍କୁ ଶପଥ ପାଠ କରାଇଲେ। ଏହା ପୂର୍ବରୁ, ସିଆନ୍ ଲୁଙ୍ଗ ଏଠାରେ ୨୦ ବର୍ଷ ପାଇଁ ପ୍ରଧାନମନ୍ତ୍ରୀ ଥିଲେ। ଦେଶ ସ୍ୱାଧୀନତା ପରେ ଜନ୍ମଗ୍ରହଣ କରିଥିବା ସିଙ୍ଗାପୁରର ପ୍ରଥମ ପ୍ରଧାନମନ୍ତ୍ରୀ ହେଲେ ଓଙ୍ଗ।ଲରେନ୍ସ ୱଙ୍ଗଙ୍କ ରାଜନୈତିକ କ୍ୟାରିୟର ବିଷୟରେ କହିବାକୁ ଗଲେ, ସେ ୨୦୨୦ ମସିହାରେ ମହାମାରୀ ଟାସ୍କ ଫୋର୍ସର ସହ-ଅଧ୍ୟକ୍ଷ ଭାବରେ କାମ କରିବା ସମୟରେ ଚର୍ଚ୍ଚାକୁ ଆସିଥିଲେ। ସେହି ସମୟଠାରୁ ଓଙ୍ଗ ଦେଶରେ ଖବରରେ ରହିଲେ। ଏହି କାରଣରୁ ତାଙ୍କ ଲୋକପ୍ରିୟତା ଯୋଗୁଁ ୨୦୨୨ ମସିହାରେ ତାଙ୍କର ଉତ୍ତରାଧିକାରୀ ତିଆରି କରାଯାଇଥିଲା। ପ୍ରଧାନମନ୍ତ୍ରୀ ଲରେନ୍ସ ୱଙ୍ଗଙ୍କୁ ୨୦୨୪ ମସିହାରେ ଦେଶର ଚତୁର୍ଥ ପ୍ରଧାନମନ୍ତ୍ରୀ କରାଯାଇଥିଲା।ପ୍ରଧାନମନ୍ତ୍ରୀ ହେବା ପରେ ଏହା ଓଙ୍ଗଙ୍କର ପ୍ରଥମ ନିର୍ବାଚନ ଥିଲା। ଯାହାକୁ ଦେଶର ସାମ୍ପ୍ରତିକ ପରିସ୍ଥିତିକୁ ବିଚାରକୁ ନେଇ କଷ୍ଟକର ବିବେଚନା କରାଯାଉଥିଲା। କାରଣ ମୁଦ୍ରାସ୍ଫୀତି ଏବଂ ପ୍ରବାସୀ ଲୋକଙ୍କ ସଂଖ୍ୟା ବୃଦ୍ଧି ଏଠାକାର ମୁଖ୍ୟ ସମସ୍ୟା ଥିଲା। ତଥାପି, ଏହି ସମସ୍ତ ସମସ୍ୟାକୁ ଦୂର କରି, ୱାଙ୍ଗ ତାଙ୍କର ପ୍ରଥମ ନିର୍ବାଚନରେ ବିଜୟୀ ହେଲେ ଓ ତାଙ୍କ ଦଳର ଚଳିତ ବିଜୟକୁ ମଧ୍ୟ ବଜାୟ ରଖିଲେ।
୧୯୪୮ ମସିହାରେ ସିଙ୍ଗାପୁରରେ ପ୍ରଥମ ସାଧାରଣ ନିର୍ବାଚନ ଅନୁଷ୍ଠିତ ହୋଇଥିଲା। ଏହା ପରେ ୧୯୬୫ ମସିହାରେ ଦେଶ ସ୍ୱାଧୀନ ହୋଇଥିଲା। ସ୍ୱାଧୀନତା ପରେ ଏହା ସିଙ୍ଗାପୁରର ୧୪ତମ ସାଧାରଣ ନିର୍ବାଚନ ଥିଲା, ଯେଉଁଥିରେ ପିଏପି ଦଳ ବିଜୟୀ ହୋଇଛି। ସ୍ୱାଧୀନତା ପରଠାରୁ ସିଙ୍ଗାପୁରରେ ପିଏପି କ୍ଷମତାରେ ଅଛି। ସିଙ୍ଗାପୁରରେ ଅନ୍ୟ ଅନେକ ଦଳ ଥିଲେ ମଧ୍ୟ ଗତ ୬୫ବର୍ଷ ଧରି ଅନ୍ୟ କୌଣସି ଦଳ ସରକାର ଗଠନ କରିନାହିଁ। ଏହା ପରେ ମଧ୍ୟ, କୌଣସି ଦଳ ଏଠାରେ ପିଏପି ସହିତ ପ୍ରତିଯୋଗିତା କରିପାରିନି।
ଭାରତର କାର୍ଯ୍ୟାନୁଷ୍ଠାନରେ ଡରିକି ଏମିତି କହିଲା ପାକିସ୍ତାନ
ନନ୍ଦିଘୋଷ ବ୍ୟୁରୋ : ପହଲଗାମ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ପାଇବାରେ ଲାଗିଛି। ଏହି ସମୟରେ, ଭାରତ ପାକିସ୍ତାନ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛି। ସିନ୍ଧୁ ଜଳ ଚୁକ୍ତିନାମା ସ୍ଥଗିତ କରାଯାଇଥିଲା, ପାକିସ୍ତାନୀମାନଙ୍କ ଭିସା ବାତିଲ କରାଯାଇଥିଲା ଏବଂ ପାକିସ୍ତାନରୁ ଆମଦାନୀ-ରପ୍ତାନି ବନ୍ଦ କରାଯାଇଥିଲା। ତୁର୍କୀ ରାଷ୍ଟ୍ରଦୂତ ଡକ୍ଟର ଇରଫାନ ନେଜିରୋଗ୍ଲୁଙ୍କ ସହ କଥାବାର୍ତ୍ତା କରି ପ୍ରଧାନମନ୍ତ୍ରୀ ଶେହବାଜ ସରିଫ କହିଛନ୍ତି, ପହଲଗାମ ଘଟଣା ପରେ ଭାରତର ଉତ୍ତେଜନାମୂଳକ କାର୍ଯ୍ୟ ସତ୍ତ୍ୱେ, ପାକିସ୍ତାନର ପ୍ରତିକ୍ରିୟା ଦାୟିତ୍ୱପୂର୍ଣ୍ଣ ଏବଂ ମାପଚୁପ ରହିଛି।ପାକିସ୍ତାନର ପ୍ରଧାନମନ୍ତ୍ରୀ କହିଛନ୍ତି, ପାକିସ୍ତାନ ସବୁବେଳେ ଆତଙ୍କବାଦକୁ ନିନ୍ଦା କରିଆସିଛି। ଏହା ସହିତ ପାକିସ୍ତାନର ପ୍ରଧାନମନ୍ତ୍ରୀ ପୁଣି ଥରେ ଭାରତକୁ ଦୋଷ ଦେଇଛନ୍ତି। ସେ ଦାବି କରିଥିଲେ, ଭାରତ ପହଲଗାମ ଆତଙ୍କବାଦୀ ଆକ୍ରମଣ ସହିତ ପାକିସ୍ତାନକୁ ମିଥ୍ୟା ଭାବରେ ଯୋଡିଛି ଏବଂ ପାକିସ୍ତାନ ଦ୍ୱାରା ଆକ୍ରମଣ କରାଯାଇଥିବା ଦାବିକୁ ସମର୍ଥନ କରିବା ପାଇଁ ଭାରତ କୌଣସି ପ୍ରମାଣ ଉପସ୍ଥାପନ କରିନାହିଁ।
ଶାହବାଜ ସରିଫ ଆହୁରି ଅଭିଯୋଗ କରିଛନ୍ତି ଯେ ପହଲଗାମ ଘଟଣା ପଛରେ ଥିବା ତଥ୍ୟ ଉନ୍ମୋଚନ ପାଇଁ ପାକିସ୍ତାନର ଏକ ବିଶ୍ୱସନୀୟ, ସ୍ୱଚ୍ଛ ଏବଂ ନିରପେକ୍ଷ ଅନ୍ତର୍ଜାତୀୟ ତଦନ୍ତ ପ୍ରସ୍ତାବର ଭାରତ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ଦେଇନାହିଁ। ପାକିସ୍ତାନରେ ତୁର୍କୀ ରାଷ୍ଟ୍ରଦୂତଙ୍କ ସହ ଆଲୋଚନା ସମୟରେ ପ୍ରଧାନମନ୍ତ୍ରୀ ଶାହବାଜ କହିଛନ୍ତି ଯେ ତାଙ୍କ ଦେଶ ଅନ୍ତର୍ଜାତୀୟ ତଦନ୍ତରେ ପୂର୍ଣ୍ଣ ସହଯୋଗ କରିବ ଏବଂ ଚାହେଁ ଯେ ତୁର୍କୀଏ ମଧ୍ୟ ଏଥିରେ ସାମିଲ ହୁଅନ୍ତୁ। ସେ ପାକିସ୍ତାନକୁ ତୁର୍କୀର ସମର୍ଥନକୁ ସ୍ୱାଗତ କରିଥିଲେ ଓ ଦୁଇ ଦେଶ ମଧ୍ୟରେ ଐତିହାସିକ, ଦୃଢ଼ ସମ୍ପର୍କକୁ ରେଖାଙ୍କିତ କରିଥିଲେ।
୨୨ ଏପ୍ରିଲରେ, ଜମ୍ମୁ ଏବଂ କାଶ୍ମୀରର ପହଲଗାମର ବୈସ୍ରାନ ଗ୍ରାଉଣ୍ଡରେ ଏକ ଆତଙ୍କବାଦୀ ଆକ୍ରମଣରେ ୨୬ ଜଣ ସାଧାରଣ ନାଗରିକ, ଅଧିକାଂଶ ପର୍ଯ୍ୟଟକଙ୍କ ମୃତ୍ୟୁ ହୋଇଥିଲା ଓ ଅନେକ ଆହତ ହୋଇଥିଲେ। ପାକିସ୍ତାନର ଏହି ଆକ୍ରମଣର ଜବାବ ଦେବା ପାଇଁ ଭାରତ ପଡ଼ୋଶୀ ଦେଶ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏଥିରେ ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିବା, ଅଟାରୀରେ ସମନ୍ୱିତ ଯାଞ୍ଚ ପୋଷ୍ଟକୁ ବନ୍ଦ କରିବା ଏବଂ ଉଚ୍ଚ କମିଶନର କର୍ମଚାରୀଙ୍କୁ ହ୍ରାସ କରିବା ଅନ୍ତର୍ଭୁକ୍ତ ଥିଲା। କେନ୍ଦ୍ର ସରକାର ପାକିସ୍ତାନୀ ନାଗରିକଙ୍କୁ ଦିଆଯାଉଥିବା ସମସ୍ତ ପ୍ରକାରର ଭିସା ମଧ୍ୟ ବାତିଲ କରିଦେଇଛନ୍ତି। ଭାରତ ପାକିସ୍ତାନ ଏୟାରଲାଇନ୍ସ ବିମାନ ପାଇଁ ଏହାର ଆକାଶପଥ ମଧ୍ୟ ବନ୍ଦ କରିଦେଇଥିଲା। ପ୍ରତିଶୋଧ ସ୍ୱରୂପ, ପାକିସ୍ତାନ ମଧ୍ୟ ଭାରତ ସହିତ ସମସ୍ତ ବାଣିଜ୍ୟ ସ୍ଥଗିତ ରଖିବା ଘୋଷଣା କରିଥିଲା ଓ ଭାରତୀୟ ବିମାନ ସେବାକୁ ଏହାର ଆକାଶ ସୀମା ବ୍ୟବହାର କରିବାକୁ ବାରଣ କରିଥିଲା। ଏହା ସହିତ, ଭାରତ ପାକିସ୍ତାନ ସହିତ ଆମଦାନୀ-ରପ୍ତାନି ମଧ୍ୟ ନିଷିଦ୍ଧ କରିଛି।
ଅଢ଼େଇ ମିନିଟରେ ପହଞ୍ଚି କାନ୍ଥ ଭାଙ୍ଗି ବୃଦ୍ଧଙ୍କ ଜୀବନ ବଞ୍ଚାଇଲା ପୋଲିସ
କାନପୁର : ଉତ୍ତର ପ୍ରଦେଶର କାନପୁର ଜିଲ୍ଲାର ଗୁଜୈନୀ ଥାନା ଅଞ୍ଚଳରେ ଏପରି ଘଟଣା ଦେଖିବାକୁ ମିଳିଛି । ଜଣେ ପୋଲିସ ବୃଦ୍ଧାଙ୍କ ଜୀବନ ବଞ୍ଚାଇବାରେ ସକ୍ଷମ ହୋଇଛି । ବୃଦ୍ଧ ଜଣଙ୍କ ଜୀବନ ହାଣିବାକୁ ଯାଇଥିବାର ବେଳେ ପୋଲିସ କାନ୍ଥ ଭାଙ୍ଗି ତାଙ୍କ ଜୀବନ ବଞ୍ଚାଇଛି । ପ୍ରକୃତରେ ବୃଦ୍ଧ ଜଣଙ୍କ ମଦ୍ୟପାନ କରି ତାଙ୍କ ସ୍ତ୍ରୀ ସହ ଝଗଡା କରୁଥିଲେ । ସେଦିନ ତାଙ୍କ ସ୍ତ୍ରୀ ସନ୍ଦେହ କରି ପୋଲିସକୁ ଖବର ଦେଇଥିଲେ । ଫଳରେ ପୋଲିସ ପହଞ୍ଚି କାନ୍ଥ ଭାଙ୍ଗି ବୃଦ୍ଧଙ୍କ ଜୀବନ ବଞ୍ଚାଇଥିଲା ।
ସ୍ତ୍ରୀ ସୁଶୀଳା ଦେବୀ ପେଶଲିସକୁ ଫୋନ କରି ତାଙ୍କ ସ୍ବାମୀ ଯଶପାଲ ଘର ବନ୍ଦ କରି ଜୀବନ ହାରିବାକୁ ବସିଛନ୍ତି । ଘର ଭିତରୁ ବନ୍ଦ କରି ଦେଇଛନ୍ତି ଯେତେ ଚେଷ୍ଟା କଲେ ମଧ୍ୟ ଖୋଲୁନାହାନ୍ତି । ସୂଚନା ପାଇବା ମାତ୍ରେ ପୋଲିସ ଆସି ପହଞ୍ଚି ଦେଖିଲା ଯେ, ଭିତରୁ କବାଟ ବନ୍ଦ ଅଛି । ତୁରନ୍ତୁ କବାଟ ଲୁହା ରଡ କାଟିବା ସହ କାନ୍ଥ ଭାଙ୍ଗିବା ଆରମ୍ଭ କରିଥିଲା । କିଛି ସମୟ କବାଟ ଖୋଲିବା ପରେ ଭିତରକୁ ପ୍ରବେଶ କରିଥିଲେ । ସେତେବେଳେ ବୃଦ୍ଧ ଜଣଙ୍କୁ ଝୁଲିକି ରହିଥିଲେ । ପୋଲିସ ତାଙ୍କୁ ଉଦ୍ଧାର କରି ହସ୍ପିଟାଲକୁ ନେଇଥିଲା । ପୋଲିସ ଏହି କାର୍ଯ୍ୟ ପାଇଁ ତାଙ୍କୁ ପ୍ରଶଂସା କରାଯାଉଛି ।
ହାଇଓ୍ବାକୁ ଧକ୍କାଦେଲା ଆଇରନ ବୋଝେଇ ଟ୍ରକ, ୨ ମୃତ
ପାରାଦୀପ : ପାରାଦୀପ ବନ୍ଦର ନିଷିଦ୍ଧାଞ୍ଚଳରେ ମର୍ମନ୍ତୁଦ ଦୁର୍ଘଟଣା । ଦୁର୍ଘଟଣାରେ ଦୁଇଜଣ ହାଇଓ୍ବା ଡ୍ରାଇଭରଙ୍କ ମୃତ୍ୟୁ ହୋଇଛି । ବନ୍ଦରର ଆଇ -ଟେନ୍ ପ୍ଲଟ ସମ୍ମୁଖରେ ଏକ ହାଇଓ୍ବା ଗାଡ଼ି ଖରାପ ହେବାରୁ ତାକୁ ଦୁଇଜଣ ଡ୍ରାଇଭର ମିଶି ସଜାଡୁଥିଲେ। ଏହି ସମୟରେ ଏକ ଆଇରନ ବୋଝେଇ ଟ୍ରକ ଦୃତ ଗତିରେ ଆସି ହାଇଓ୍ବାକୁ ଧକ୍କା ଦେଇଥିଲା । ଫଳରେ କେବିନ୍ ଭିତରେ ହାଇଓ୍ବା ଡ୍ରାଇଭର ଦୁଇଜଣ ଚାପି ହୋଇ ଯାଇଥିଲେ। ଅନ୍ୟ ଡ୍ରାଇଭର ମାନେ ତାଙ୍କୁ ଉଦ୍ଧାର କରି ଅଠରବାଙ୍କି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ହେଲେ ଡାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି । ମୃତ ଦୁଇ ଡ୍ରାଇଭର ହେଲେ ରତ୍ନାକର ସ୍ବାଇଁ ଓ ଚନ୍ଦନ ଜେନା । ଧକ୍କା ଦେଇଥିବା ଆଇରନ ଟ୍ରକ୍ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି । ଏହି ଘଟଣାକୁ ନେଇ ବନ୍ଦର ନିଷିଦ୍ଧାଞ୍ଚଳରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି । କାମ ବନ୍ଦ କରି ହାଇଓ୍ବା ଡ୍ରାଇଭର ମାନେ ନେହେରୁବଙ୍ଗଳା ରାସ୍ତା ସହିତ ବନ୍ଦରର ଦୁଇ ନମ୍ବର, ତିନି ନମ୍ବର ଗେଟକୁ ବନ୍ଦ କରି ଧାରଣା ଦେଇଛନ୍ତି । ରାତି ଦୁଇଟା ଠାରୁ ପଣ୍ୟ ପରିବହନ ସମ୍ପୁର୍ଣ୍ଣ ବନ୍ଦ ହୋଇଯାଇଛି ।
ଆହୁରି ୭ ଦିନ ବର୍ଷାରୁ ନାହିଁ ନିସ୍ତାର
ଭୁବନେଶ୍ବର : ଆହୁରି ୭ ଦିନ ବର୍ଷାରୁ ନାହିଁ ନିସ୍ତାର । ଜାରି ରହିବ କାଳବୈଶାଖୀର ତାଣ୍ଡବ l ବିଜୁଳି ଘଡ଼ଘଡ଼ି ଜନିତ ବର୍ଷାରେ ଭିଜିବ ଓଡିଶା l ଆଜି ଗୋଟିଏ କିମ୍ବା ଦୁଇଟି ସ୍ଥାନରେ କୁଆପଥର ବର୍ଷା ହେବାର ସମ୍ଭାବନା ରହିଛି l ଏହି ସମୟରେ ୫୦ରୁ ୬୦ କିମି ବେଗରେ ପବନ ବହିପାରେ । ଗଞ୍ଜାମ, ଗଜପତି, ମୟୂରଭଞ୍ଜ, ବାଲେଶ୍ଵର ଓ ଭଦ୍ରକ ଜିଲ୍ଲାରେ ବର୍ଷା ନେଇ ପୂର୍ବାନୁମାନ କରିଛି ପାଣିପାଗ କେନ୍ଦ୍ର ।
ଶିଶୁ ବାଟିକା ଖୋଲି ଏବେ ବାଉଳି ହେଉଛନ୍ତି ରାଜ୍ୟ ସରକାର
ନନ୍ଦିଘୋଷ ବ୍ୟୁରୋ: କହି କହି ମାନିଲେନି । ବିନା ଭିତ୍ତିଭୂମି ଓ ଶିକ୍ଷକ ନିଯୁକ୍ତିରେ ପ୍ରାଥମିକ ବିଦ୍ୟାଳୟରେ ଶିଶୁବାଟିକା ଖୋଲିଲେ । ଏବେ ସହରାଞ୍ଚଳରୁ ଶିକ୍ଷକ ନେଇ ଗ୍ରାମାଞ୍ଚଳରେ ନିଯୁକ୍ତି ଦେବାକୁ ନିଷ୍ପତ୍ତି ନେଲେ । ଯାହାକୁ ନେଇ ଶିକ୍ଷକଙ୍କଠାରୁ ଆରମ୍ଭ କରି ଅଭିଭାବକ ସମସ୍ତେ ରାଜ୍ୟ ବିଜେପି ସରକାରଙ୍କ ଅପରିଣାମ ନିଷ୍ପତ୍ତିକୁ କଡା ସମାଲୋଚନା କରିଛନ୍ତି । ସେପଟେ ସମ୍ପୂର୍ଣ୍ଣ ସାକ୍ଷରତା ଅଭିଯାନର କହିବା କଥା ଘରୋଇ ସ୍କୁଲରେ ଶିକ୍ଷା ଅଧିକାର ଆଇନ ବଳରେ ପିଲାଙ୍କୁ ପାଠ ପଢିବାରୁ ଚକ୍ରାନ୍ତ କରି ବଞ୍ଚିତ କରିବା ପରେ ଏବେ ସରକାରୀ ସ୍କୁଲକୁ ମଧ୍ୟ ବରବାଦ କରାଯାଉଛି ।
ଜାତୀୟ ଶିକ୍ଷା ନୀତିର ଅଗ ମୂଳ ନଜାଣି ଏକ ତରଫା ନିଷ୍ପତ୍ତି ନେବା ପଡୁଛି ମହଙ୍ଗା । ଫଳ ସ୍ବରୂପ ଓଡ଼ିଶାରେ ଶୈକ୍ଷିକ ବାତାବରଣ ବିପର୍ଯ୍ୟସ୍ତ ମୁହାଁ । ଏବେ ବି ଆବଶ୍ୟକୀୟ ଶିକ୍ଷକ ଓ ଭିତ୍ତିଭୂମି ଯୋଗାଇ ପାରୁନାହାନ୍ତି ନୂଆ ସରକାର । ଏନେଇ ବାରମ୍ବାର ଅଭିଯୋଗ ପରେ ସହରାଞ୍ଚଳ ଶିକ୍ଷକଙ୍କୁ ଗ୍ରାମାଞ୍ଚଳକୁ ନେବାକୁ ନିଷ୍ପତ୍ତି ନେଇଛନ୍ତି ସରକାର । ଯାହାକୁ ନେଇ ପ୍ରଶ୍ନ ଉଠାଇଛି ପ୍ରାଥମିକ ବିଦ୍ୟାଳୟ ଶିକ୍ଷକ ସଂଘ । ରାଜ୍ୟର ୪୫ ହଜାର ପ୍ରାଥମିକ ବିଦ୍ୟାଳୟରେ ଶିଶୁବାଟିକା ତିନି ଖୋଲିଥିବାରୁ ଜଣେ ଲେଖାଏଁ ଶିକ୍ଷକ ନିଯୁକ୍ତି କରାଗଲେ ଅତି କମରେ ୪୫ ହଜାର ଶିକ୍ଷକ ଆବଶ୍ୟକ । କିନ୍ତୁ ଏହି ନିଯୁକ୍ତି ତ ଦୂରର କଥା ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟରେ ରାଜ୍ୟରେ ଏକ ଲକ୍ଷରୁ ଅଧିକ ଶିକ୍ଷକ ପଦବୀ ଖାଲି ପଡିଛି । ଏବେ ବିରୋଧ ଓ ଦାବି ପରେ ସହରାଞ୍ଚଳରୁ ଗ୍ରାମାଞ୍ଚଳକୁ ଶିକ୍ଷକ ନେବାକୁ ସରକାର ନିଷ୍ପତ୍ତି ନେଇଛନ୍ତି । କିନ୍ତୁ ଏହାଦ୍ୱାରା ସମସ୍ୟାର ସମାଧାନ ହେବ ନାହିଁ ବୋଲି ରୋକଠୋକ ଜଣାଇ ଦେଇଛି ପ୍ରାଥମିକ ବିଦ୍ୟାଳୟ ଶିକ୍ଷକ ସଂଘ ।
ସେପଟେ ସହରାଞ୍ଚଳରୁ ଶିକ୍ଷକ ଗ୍ରାମାଞ୍ଚଳକୁ ନେଲେ ସହରାଞ୍ଚଳ ପିଲା କେମିତି ପାଠ ପଢିବେ ବୋଲି ପ୍ରଶ୍ନ ଉଠାଇଛି ଓଡିଶା ଅଭିଭାବକ ମହାସଂଘ । ଏମିତି ତ ସହରାଞ୍ଚଳର ସରକାରୀ ସ୍କୁଲ ଗୁଡିକର ଅବସ୍ଥା ଦୁର୍ବଳ । ଏବେ ଆହୁରି ଦୁର୍ବଳ କରିବାର ପ୍ରୟାସ ଚାଲିଛି ବୋଲି ଅଭିଯୋଗ ଆଣିଛି ଅଭିଭାବକ ମହାସଂଘ । ଶିକ୍ଷକ ନିଯୁକ୍ତି ନ କରି ଭିତ୍ତିଭୂମି ନ ସଜାଡି ସରକାର ଶିଶୁବାଟିକାରେ ଆଡମିଶନ କାହିଁକି କଲେ ବୋଲି ପ୍ରଶ୍ନ କରିଛି ମହାସଂଘ । ସରକାରୀ ସ୍କୁଲର ବ୍ୟବସ୍ଥାକୁ ସମ୍ପୂର୍ଣ ମାରିଦିଆଯାଇ ଘରୋଇ ସ୍କୁଲକୁ ସଶକ୍ତ କରାଯାଉଥିବା ଅଭିଯୋଗ ହୋଇଛି । ସେପଟେ ଘରୋଇ ସ୍କୁଲରେ ଶିକ୍ଷା ଅଧିକାର ଆଇନ ବଳରେ ପିଲାଙ୍କୁ ପାଠ ପଢିବାରୁ ବଞ୍ଚିତ କରାଯାଉଥିବା ଅଭିଯୋଗ ଆଣିଛି ସମ୍ପୂର୍ଣ୍ଣ ସାକ୍ଷରତା ଅଭିଯାନ ।
ପାରଦର୍ଶୀ ପୋର୍ଟାଲରେ ଷଡ଼ଯନ୍ତ୍ର କରି ଗରିବ ପିଲାଙ୍କୁ ଘରୋଇ ସ୍କୁଲରେ ଆଡମିଶନରୁ ବଞ୍ଚିତ କରାଯାଇଥିବା ଅଭିଯୋଗ ସହ ଆନ୍ଦୋଳନ ଜାରି ରହିଛି । କିନ୍ତୁ ଏସବୁକୁ ଭୃକ୍ଷେପ ନ କରି ଏବେ ସରକାରୀ ପ୍ରାଥମିକ ବିଦ୍ୟାଳୟକୁ ମଧ୍ୟ ଦୁର୍ବଳ କରାଯିବାକୁ ନେଇ ଅସନ୍ତୋଷ ତୀବ୍ର ହେବାରେ ଲାଗିଛି ।