ମୁମ୍ବାଇ: ମୁଖ୍ୟମନ୍ତ୍ରୀ ହେବା ପରେ ଆଜି ପରୀକ୍ଷାର ସମୟ । ମହାରାଷ୍ଟ୍ର ବିଧାନସଭାରେ ବହୁମତ ସାବ୍ୟସ୍ତ କରିବେ ଉଦ୍ଧବ ଠାକରେ । ଦିନ୨ଟାରେ ଫ୍ଲୋର ଟେଷ୍ଟ ହେବ । ସପକ୍ଷରେ ୧୭୦ ବିଧାୟକଙ୍କ ସମର୍ଥନ ଥିବା ଶିବସେନା ଦାବି କରୁଛି ।
ରାଜ୍ୟପାଳ ଡିସେମ୍ବର ୩ ତାରିଖ ସୁଦ୍ଧା ନୂଆ ସରକାର ବହୁମତ ସାବ୍ୟସ୍ତ କରିବାକୁ ସମୟ ଦେଇଥିଲେ । ଏହାପରେ ଶିବସେନା, କଂଗ୍ରେସ ଓ ଏନସିପି ମିଶି ‘ମହା ବିକାଶ ଅଘାଡ଼ି’ ମେଣ୍ଟ କରିଥିଲେ । ମେଣ୍ଟ ପାଖରେ ୧୭୦ ବିଧାୟକଙ୍କ ସମର୍ଥନ ରହିଛି ଓ ଆମେ ଫ୍ଲୋର ଟେଷ୍ଟରେ ସଫଳ ହେବୁ ବୋଲୁ ଦାବି କରାଯାଇଛି ।
ଫ୍ଲୋର ଟେଷ୍ଟ ପାଇଁ ଏନସିପିର ବରିଷ୍ଠ ନେତା ଦିଲୀପ ୱାଲ୍ସେ ପାଟିଲଙ୍କୁ ମହାରାଷ୍ଟ୍ର ବିଧାନସଭାରେ ପ୍ରୋଟେମ ସ୍ପିକର ଭାବେ ନିଯୁକ୍ତି ଦିଆଯାଇଛି । ଆଜିର ସ୍ୱତନ୍ତ୍ର ଅଧିବେଶନରେ ଦିଲୀପ ଗୃହରେ ଅଧ୍ୟକ୍ଷତା କରିବେ ।
ବହୁମତ ପାଇଁ ଆବଶ୍ୟକ ୧୪୫ ସଦସ୍ୟଙ୍କ ସମର୍ଥନ
୨୮୮ ଆସନ ବିଶିଷ୍ଟ ମହାରାଷ୍ଟ୍ର ବିଧାନସଭାରେ ବହୁମତ ହେଉଛି ୧୪୫ । ଶିବସେନା ପାଖରେ ୫୬ ବିଧାୟକ ଥିବାବେଳେ ଏନସିପି ୫୪, କଂଗ୍ରେସ ପାଖର ୪୪ ବିଧାୟକ ଅଛନ୍ତି । ୩ ଦଳର ସଂଖ୍ୟା ମିଶିଲେ ୧୫୪ ହେଉଛି, ଯାହାକି ବହୁମତ ଠାରୁ ଅଧିକ । ଏହା ବାଦ୍ କିଛି ସ୍ୱାଧୀନ ବିଧାୟକଙ୍କ ସମର୍ଥନ ମିଳିବ ବୋଲି ଶିବସେନା ଦାବି କରୁଛି ।
https://nandighoshatv.comshiv-sena-leader-sanjay-raut-we-have-170-mla-support/
୨୦୧୩ ମସିହାରେ ଦେଶର ଅଭିବୃଦ୍ଧି ହାର ୪.୫ ପ୍ରତିଶତ ଥିଲା । ଗତ ତୈମାସରେ ଜିଡିପି ୫% ଥିବା ବେଳେ ୩ ମାସ ମଧ୍ୟରେ ୦.୫ ପ୍ରତିଶତ ଖସି ୪.୫%ରେ ପହଞ୍ଚିଛି । ଭାରତୀୟ ଅର୍ଥ ବ୍ୟବସ୍ଥାରେ ଏହା ସବୁଠୁ ଧିମା ବିକାଶ ଦର । ବର୍ଷକ ତଳେ ଜିଡିପି ୭ ପ୍ରତିଶତ ଥିଲା ।
କେନ୍ଦ୍ର ସରକାରଙ୍କ ଅନୁଯାୟୀ, ଏପ୍ରିଲରୁ ଅକ୍ଟୋବର ମଧ୍ୟରେ ସରକାର ୬.୮୩ ଟ୍ରିଲିୟନ ଟଙ୍କା ରାଜସ୍ୱ ପାଇଛନ୍ତି । ଯେତେବେଳେ କି ୧୬.୫୫ ଟ୍ରିଲିୟନ ଟଙ୍କା ଖର୍ଚ୍ଚ ହୋଇଛି ।