ପୁଣି ପ୍ରଶ୍ନ ପଚାରି ମନ ଜିଣିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
ଭୁବନେଶ୍ୱର: ପ୍ରକୃତିପ୍ରେମୀ, କବିତା ପ୍ରେମୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପୁଣି ପ୍ରଶ୍ନ ପଚାରି ମନ ଜିଣିଲେ ମୁଖ୍ୟମନ୍ତ୍ରୀ । ପୂର୍ବରୁ ମନଲୋଭା ପରିବେଶର ଫଟୋ ଦେଇ ଟ୍ୱିଟରରେ ପ୍ରଶ୍ନ ପଚାରୁଥିବା ମୁଖ୍ୟମନ୍ତ୍ରୀ ପୁଣି କବିତାକୁ ନେଇ କୁଇଜ୍ କରିଛନ୍ତି । ‘ନୀଳ ପାରାବାର ଅଦୂରେ ଗାଏ ଅମର ଗୀତ, ଅମର ତରଙ୍ଗ ନର୍ତ୍ତନେ ବେଳା ହୁଏ ଧ୍ୱନିତ’ ପଂକ୍ତିକୁ ମୁଖ୍ୟମନ୍ତ୍ରୀ କୋଣାର୍କ ବେଳାଭୂମିର ଭିଡିଓ ସହ ପୋଷ୍ଟ କରି କବିଙ୍କ ନାମ ପଚାରିଥିଲେ ।
ଏଥିସହ ପଢ଼ନ୍ତୁ ଝଲସୁଛି ବେଳାଭୂମି, ପୁରୀ କୋଣାର୍କ ମେରିନ୍ ଡ୍ରାଇଭରେ ଆରମ୍ଭ ହେଲା ୪୯ ଦିନିଆ ଉତ୍ସବ
'ନୀଳ ପାରାବାର ଅଦୂରେ ଗାଏ ଅମର ଗୀତ,
ଅମର ତରଙ୍ଗ ନର୍ତ୍ତନେ ବେଳା ହୁଏ ଧ୍ୱନିତ'With sea on one side, starry skies above & historic town of Konark in backdrop, #EcoRetreat is an ethereal experience. Can you name the iconic poet whose poem immortalized its venue? Ans by 6PM #KnowYourOdisha pic.twitter.com/d5pek84aw1
— Naveen Patnaik (@Naveen_Odisha) December 15, 2019
ଆଉ ଏହାର ଉତ୍ତର ମଧ୍ୟ ମୁଖ୍ୟମନ୍ତ୍ରୀ ପୂର୍ବଭଳି ରଖିଛନ୍ତି । ସନ୍ଧ୍ୟା ୬ଟାରେ ଟ୍ୱିଟ୍ କରି ଉତ୍ତର ଦେଇଛନ୍ତି ମୁଖ୍ୟମନ୍ତ୍ରୀ । କବିବର ରାଧାନାଥ ରାୟଙ୍କ ଏହି ଉଚ୍ଚକୋଟିର ସୃଜନ ସୃଷ୍ଟି ଓଡ଼ିଆ ସାହିତ୍ୟର ଆଧୁନିକ ଯୁଗ ଆରମ୍ଭ କରିଥିବା ମୁଖ୍ୟମନ୍ତ୍ରୀ କହିଛନ୍ତି । ରାଧାନାଥ ରାୟ ଓଡ଼ିଶାର ପ୍ରାକୃତିକ ଦୃଶ୍ୟରାଜିକୁ ନିଜ ରଚନାରେ ଖୁବ୍ ସୁନ୍ଦର ଭାବେ ଦର୍ଶାଉଥିଲେ ।
ବହୁ ଲୋକ ମୁଖ୍ୟମନ୍ତ୍ରୀଙ୍କ ଟ୍ୱିଟକୁ ରି ଟ୍ୱିଟ୍, ଲାଇକ୍ କରିବା ସହ ପ୍ରଶ୍ନର ଉତ୍ତର ରଖିଥିଲେ । ସେମାନଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଧନ୍ୟବାଦ ଜଣାଇଛନ୍ତି । କୋଣାର୍କ ବେଳାଭୂମିରେ ଇକୋ ରି-ଟ୍ରିଟ୍ ଉତ୍ସବ ଚାଲିଥିବା ବେଳେ ମୁଖ୍ୟମନ୍ତ୍ରୀଙ୍କ ଏହି ଟ୍ୱିଟ୍ ପର୍ଯ୍ୟଟକଙ୍କୁ ଆହୁରି ଆକର୍ଷିତ କରିବ ନିଶ୍ଚୟ ।
https://nandighoshatv.comodisha-cm-naveen-pattnaik-asks-question-to-guess-a-place/
୩୧ ଡିସେମ୍ବର ପୂର୍ବରୁ ପ୍ୟାନ ସହ ଆଧାର ସଂଯୋଗ ଅନିବାର୍ଯ୍ୟ
ନୂଆଦିଲ୍ଲୀ: ପ୍ୟାନ୍ କାର୍ଡ ସହ ଆଧାର ଲିଙ୍କ୍ ବାଧ୍ୟତାମୂଳକ । ୩୧ ଡିସେମ୍ବର ସୁଦ୍ଧା ଏହାକୁ ସଂଯୋଗ କରିବା ଅନିବାର୍ଯ୍ୟ । ଏନେଇ ଆୟକର ବିଭାଗ ସୂଚନା ଦେଇଛି । ଆଗାମୀ ଦିନରେ ଆୟକର ସେବାର ଲାଭ ଉଠାଇବା ପାଇଁ ପ୍ୟାନକୁ ଆଧାର ସହ ଯୋଡ଼ିବା କାମ ଚଳିତ ଡିସେମ୍ବର ୩୧ ତାରିଖ ସୁଦ୍ଧା ସାରିବାକୁ କହିଛି ଆୟକର ବିଭାଗ ।
ଏନେଇ ଆୟକର ବିଭାଗ ଟ୍ୱିଟ୍ କରି ସୂଚନା ଦେଇଛି । ଗତ ସେପ୍ଟେମ୍ବରରେ କେନ୍ଦ୍ରୀୟ ପ୍ରତ୍ୟକ୍ଷ କର ବୋର୍ଡ (CBDT) ପ୍ୟାନ ସହ ଆଧାର ସଂଯୋଗ ସମୟ ସୀମା ଡିସେମ୍ବର ୩୧ ଯାଏଁ ବୃଦ୍ଧି କରିଥିଲା । ଏହା ପୂର୍ବରୁ ଲିଙ୍କ ଅବଧି ସେପ୍ଟେମ୍ବର ୩୦ ଥିଲା ।
Building a better tomorrow!
To reap seamless benefits of income tax services, complete the vital link before 31st December, 2019.
🔗: https://t.co/psNUjIYyTj pic.twitter.com/KJCIHXjsew
— Income Tax India (@IncomeTaxIndia) December 15, 2019
ଗତବର୍ଷ ସୁପ୍ରିମକୋର୍ଟ ମଧ୍ୟ ପ୍ରମୁଖ ସେବାରେ ଆଧାର ସଂଯୋଗକୁ ସାମ୍ବିଧାନିକ ରୂପେ ବୈଧ କହିଥିଲେ । ତାପରେ ଆୟକର ରିଟର୍ଣ୍ଣ ଦାଖଲ ପାଇଁ ପ୍ୟାନର ବାୟୋମେଟ୍ରିକ ପଞ୍ଜିକରଣ ସଂଖ୍ୟା ଅନିବାର୍ଯ୍ୟ ଜରୁରୀ କୁହାଯାଇଥିଲା ।
ଆୟକର ଆଇନ୍ ଧାରା ୧୩୯ଏଏ(୨) ପ୍ରକାରେ ଯେଉଁମାନଙ୍କ ପାଖରେ ଜୁଲାଇ ୨୦୧୭ ପୂର୍ବରୁ ପ୍ୟାନ କାର୍ଡ ଅଛି । ସେମାନେ ପ୍ୟାନ ସହ ଆଧାର ସଂଯୋଗ କରିବାକୁ ବାଧ୍ୟ ।
ଗଞ୍ଜାମ ନୂଆସାହିରେ ଭୟାବହ ଅଗ୍ନିକାଣ୍ଡ, ୩୦ରୁ ଅଧିକ ଘର ଭସ୍ମ
ପୁରୁଷୋତ୍ତମପୁର: ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଅନ୍ତର୍ଗତ ସୁନାଥର ଗାଁରେ ଭୟାବହ ଅଗ୍ନିକାଣ୍ଡ ଘଟିଛି । ସକାଳୁ ସକାଳୁ ସୁନାଥର ଗାଁର ନୂଆ ସାହିରେ ନିଆଁ ଲାଗିଛି ।
ଗାଁରେ ଅଧିକାଂଶ ଚାଳ ଘର ଥିବାରୁ ନିଆଁ ତୁରନ୍ତ ବ୍ୟାପି ଯାଇଥିଲା । ୩୦ରୁ ଅଧିକ ଘର ପୋଡ଼ି ଯାଇଛି । ବେସାହାରା ହୋଇଯାଇଛନ୍ତି ୩୦ରୁ ଅଧିକ ପରିବାର । ନିଆଁ ଲିଭାଇବା କାର୍ଯ୍ୟରେ ୨ଟି ଅଗ୍ନିଶମ ବାହିନୀ ନିୟୋଜିତ ହୋଇଛନ୍ତି ।
ତେବେ, ଅଗ୍ନିକାଣ୍ଡର ପ୍ରକୃତ କାରଣ ଜଣାପଡ଼ିନାହିଁ । ଘରେ ଥିବା ଖାଇବା, ପୋଷାକ, ଚାଉଳ ପତ୍ର ସବୁ ଜଳିଯାଇଛି । ଶୀତଦିନ ହୋଇଥିବାରୁ ଅଗ୍ନିବିପନ୍ନଙ୍କୁ ତୁରନ୍ତ ସହାୟତା ଜରୁରୀ ହୋଇପଡ଼ିଛି ।
