ନୂଆଦିଲ୍ଲୀ: ନୌସେନା କର୍ମଚାରୀଙ୍କୁ ମୋବାଇଲ ମନା । ଡକୟାର୍ଡ ଓ ଜାହାଜରେ ବ୍ୟାନ ହେଲା ସ୍ମାର୍ଟ ଫୋନ । ଏପରିକି ସୋସିଆଲ ମିଡିଆ ବ୍ୟବହାର ଉପରେ ମଧ୍ୟ ରୋକ୍ ଲାଗିଛି । ନୌସେନାର ସୂଚନା ଅନୁସାରେ, କିଛି କର୍ମଚାରୀ ସୋସିଆଲ ମିଡିଆ ଜରିଆରେ ଶତ୍ରୁ ଦେଶକୁ ସମ୍ବେଦନଶୀଳ ଓ ଗୁରୁତ୍ୱପୂର୍ଣ୍ଣ ତଥ୍ୟ ଲିକ୍ କରୁଥିବାର ଅଭିଯୋଗ ଆସିଛି ।
ସେଥିପାଇଁ ଏବେ ନୌସେନାର କର୍ମଚାରୀ ମେସେଜିଙ୍ଗ ଆପ୍, ବ୍ଲଗିଂ, କଣ୍ଟେଣ୍ଟ ସେୟାରିଂ ଆପ୍ ବ୍ୟବହାର କରିପାରିବେନି ବୋଲି ନିର୍ଦ୍ଦେଶନାମା ଜାରି କରାଯାଇଛି । କିଛିଦିନ ତଳେ ଆନ୍ଧ୍ରପ୍ରଦେଶରୁ ୭ ଯବାନଙ୍କୁ ଗିରଫ କରିଥିଲା ଗୁଇନ୍ଦା ବିଭାଗ ।
ଗାଜିଆବାଦ: ସର୍ଟ ସର୍କିଟ୍ କାରଣରୁ ଘରେ ଲାଗିଲା ନିଆଁ । ଘଟଣା ସ୍ଥାନରେ ୬ଜଣଙ୍କ ମୃତ୍ୟୁ । ସେମାନଙ୍କ ମଧ୍ୟରେ ୫ଜଣ ଥିଲେ ଶିଶୁ ।
ସୂଚନା ମୁତାବକ ଲୋନି ବର୍ଡର ପୋଲିସ ଷ୍ଟେସନ ଅନ୍ତର୍ଗତ ଆଜାଦ୍ କଲୋନୀରେ ଥିବା ଏକ ଘରେ ରବିବାର ରାତିରେ ସର୍ଟ ସର୍କିଟ୍ ହୋଇ ଲାଗିଥିଲା ନିଆଁ ।
ସେମାନଙ୍କ ମଧ୍ୟରେ ପ୍ରବିନ(୪୦ବର୍ଷ), ଫତିମା(୧୨ବର୍ଷ), ସହିମା(୧୦ବର୍ଷ), ରାତିୟା(୮ବର୍ଷ), ଅବଦୁଲ୍ ଆହାଦ୍(୫ବର୍ଷ) ଥିଲେ । ପରେ ଘଟଣା ସ୍ଥଳରେ ପୋଲିସ ଓ ଦମକଳ ବିଭାଗ ପହଞ୍ଚି ତନାଘନା ଆରମ୍ଭ କରିଥିଲା ।
ଝାରସୁଗୁଡ଼ା: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ । ପାନପାଲି ପାଞ୍ଚlୟତ ଜିଆରଏସ ଉଜ୍ୱଳ କୁମାରଙ୍କ ବଡ଼ମେରୀ ଝାରସୁଗୁଡ଼ା ବାଳିଜୁରୀ ସ୍ଥିତ ବାସଭବନରେ ଭିଜିଲାନ୍ସ ରେଡ୍ ।
ଭୁବନେଶ୍ୱର: ପୁରୀ-ହାୱଡ଼ା ପାଇଁ ସ୍ୱତନ୍ତ୍ର ଟ୍ରେନ୍ । ଦିନ ୧୨ଟା ୩୦ରେ ପୁରୀ ଛାଡ଼ିବ, ରାତି ୯ଟା ୪୫ରେ ହାୱଡ଼ା ପହଞ୍ଚିବ । ଖୋର୍ଦ୍ଧା ରୋଡ, ଭୁବନେଶ୍ୱର, କଟକ, ଯାଜପୁର କେନ୍ଦୁଝର ରୋଡ, ଭଦ୍ରକ, ବାଲେଶ୍ୱର, ଖଡ଼ଗପୁରରେ ଟ୍ରେନ୍ ରହଣୀ । ଟ୍ରେନରେ ୯ଟି ସ୍ଲିପର, ୬ଟି ସାଧାରଣ ବଗି ସହ ରହିଛି ଏସି କୋଚ ଓ ପ୍ୟାଣ୍ଟ୍ରି କାର ।
ଭୁବନେଶ୍ୱର: ଆପୋଲୋ ହସ୍ପିଟାଲକୁ NHRCଙ୍କ ନୋଟିସ ନେଇ ସ୍ୱାସ୍ଥ୍ୟମନ୍ତ୍ରୀ ନବ ଦାସଙ୍କ ପ୍ରତିକ୍ରିୟା । ନୋଟିସ୍ ଅନୁଧ୍ୟାନ କରିବାକୁ ବିଭାଗକୁ ନିର୍ଦ୍ଦେଶ ଦିଆଯାଇଛି । ସବୁ ଆଇନଗତ ଦିଗକୁ ଦେଖାଯାଇ ପଦକ୍ଷେପ ନିଆଯିବ ।
ବଲାଙ୍ଗିର: ପାଟଣାଗଡ଼ ବ୍ଲକ ଗଙ୍ଗସାଗର ଗାଁରେ ଗୁଳିମାଡ଼ । ଲୁଟ୍ ପାଇଁ ଆସି ଦୁର୍ବୃତ୍ତ ଗୁଳି ଚଳାଇଥିବା ସୂଚନା । ଗଙ୍ଗସାଗରର ନବୀନ ମେହେର ଗୁରୁତର, ମେଡିକାଲରେ ଭର୍ତ୍ତି । ପାଟଣାଗଡ଼ ପୋଲିସର ଛାନଭିନ୍
ଭୁବନେଶ୍ୱର: ରାଜ୍ୟରେ ଶୀତ ଲହରୀ ଜାରି । ସୋନପୁରରେ ସବୁଠୁ କମ ତାପମାତ୍ରା ୫.୪ ଡିଗ୍ରୀ ରେକର୍ଡ ।
ଭଞ୍ଜନଗର: ତାରାସିଂ ଥାନା ଲଣ୍ଡେଇ ପାହାଡ଼ରେ ପୋଲିସର ଚଢାଉ । ୨୫ଟି ଡିଟୋନେଟର ସହ ୫ ଟ୍ରାକ୍ଟର ଜବତ, ୧୧ ପଥର ମାଫିଆ ଗିରଫ ।
ଯୋଡ଼ା: ଚମ୍ପୁଆ ରେଞ୍ଜରେ ୨୩ ଟିକିଆ ହାତୀପଲଙ୍କ ଉପଦ୍ରବ । ରଜିଆ, କଞ୍ଚନପୁର ଓ ଶସାଙ୍ଗ ଗାଁରେ ଭାଙ୍ଗିଲେ ୩ ଘର । କଇଁତାରେ ହାତୀ ଘର ଭାଙ୍ଗିବା ବେଳେ କାନ୍ଥ ପଡ଼ି ଲୁବୁରୀ ମୁଣ୍ଡା ଗୁରୁତର, ଚମ୍ପୁଆ ଡାକ୍ତରଖାନାରେ ଭର୍ତ୍ତି ।
ବାଲିଗୁଡ଼ା: ପରମପଙ୍ଗାରେ ସିରିଜ୍ ଚୋରି । ବିଳମ୍ବିତ ରାତିରେ ୫ଟି ଦୋକାନ ତାଡ଼ି ଚୋରି ଅଭିଯୋଗ । ଏକଲକ୍ଷ ଟଙ୍କାରୁ ଅଧିକ ଟଙ୍କାର ସମ୍ପତ୍ତି ଚୋରି ସୂଚନା ।
