ଯାଜପୁର: ଯାଜପୁର ଜିଲ୍ଲା ଯାଜପୁର ରୋଡ଼ ବସ୍ ଷ୍ଟାଣ୍ଡରେ ଘଟିଛି ଅଭାବନୀୟ ଘଟଣା। ଯାତ୍ରୀଙ୍କୁ ଛାଡ଼ି ଷ୍ଟାଣ୍ଡରେ ଛିଡ଼ା ହୋଇଥିବା ବେଳେ ନିଆଁରେ ଜଳି ପାଉଁଶ ହୋଇଯାଇଛି ୨ଟି ଘରୋଇ ବସ୍। ଏଥିରେ କାହାରି କୌଣସି କ୍ଷତି ହୋଇନଥିବା ବେଳେ ଏହି ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି। ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି।
ସୂଚନା ମୁତାବକ ସୁଲୋଚନା ଓ ନିରୁପମା ନାମକ ଏହି ୨ଟି ବସ୍ ସବୁଦିନ ପରି ଆଜି ମଧ୍ୟ କଟକରୁ ଯାତ୍ରୀ ନେଇ ନିର୍ଦ୍ଧାରିତ ସମୟରେ ଯାଜପୁର ରୋଡ଼ ବସ୍ ଷ୍ଟାଣ୍ଡରେ ପହଞ୍ଚିଥିଲେ। ପରେ ଯାତ୍ରୀଙ୍କୁ ଛାଡ଼ି ବସ୍ ଧୁଆ ପୋଛା କରି ଚାଳକ ଓ ହେଲ୍ପର ଖାଇବାକୁ ଯାଇଥିଲେ। ବସ୍ ୨ଟି ପାଖା ପାଖି ରହିଥିଲା। କିଛି ସମୟ ପରେ ବସ୍ ରେ ନିଆଁ ଲାଗିଛି ବୋଲି ସୂଚନା ପାଇ ଆସି ଦେଖିଲା ବେଳକୁ ବସ୍ ୨ଟି ହୁତୁ ହୁତୁ ହୋଇ ଜଳୁଛି।
ପରେ ଅଗ୍ନିଶମ ବାହିନୀ ଖବର ପାଇ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ତେବେ କେଉଁ ପରିସ୍ଥିତିରେ ଛିଡ଼ା ହୋଇଥିବା ବସ ୨ଟି ଜଳି ଗଲା, ତାହା ଏବେ ଅସ୍ପଷ୍ଟ ରହିଛି।
କିଏ ସ୍ପିଡ୍ ଡ୍ରାଇଭିଂ କରି ଇଣ୍ଟରସେପ୍ଟର ମାଧ୍ୟମରେ ସ୍କାନରକୁ ଆସିଛି ତ ଆଉ କିଏ ମୋବାଇଲରେ ଗପି ଗାଡ଼ି ଚଳାଇବା ବେଳେ ଧରାପଡ଼ିଛି । ତିନିଜଣିଆ ବାଇକ୍ ଡ୍ରାଇଭିଂ, ରଙ୍ଗ ରୁଟରେ ଗାଡ଼ି ଚାଳନା, ବିନା ହେଲମେଟ ଓ ସିଟ୍ ବେଲ୍ଟ ନବାନ୍ଧି ଗାଡ଼ି ଚଲାଉଥିବା ଚାଳକଙ୍କ ଚାଲାଣ କଟାଯାଇଛି ।
ଗାଡ଼ି ନମ୍ବର OD 02 AS 1656 । ସମୟ ଦିନ ୧୨ଟା ୨୯ । ଖଲ୍ଲିକୋଟ ନିକଟରେ ବ୍ୟକ୍ତିଜଣଙ୍କ ମୋବାଇଲରେ ଗପି ବାଇକ୍ ଚଲାଇବା ବେଳେ ଧରାପଡ଼ିଛନ୍ତି । ଇଣ୍ଟରସେପ୍ଟର ମାଧ୍ୟମରେ ଧରାପଡ଼ିବା ପରେ ଗାଡ଼ି ମାଲିକ ଗଣେଶ ମହାରଣାଙ୍କ ନାଁରେ ୫୦୦୦ ଟଙ୍କାର ଇ-ଚାଲାଣ କାଟିଛି ଗଞ୍ଜାମ ଆରଟିଓ ।
ସେହିଭଳି ତ୍ରିପଲ ଡ୍ରାଇଭିଂ କରି ଫସିଛି OD 07 D 1657 ନମ୍ବର ବିଶିଷ୍ଟ ବାଇକ୍ । ଗାଡ଼ି ମାଲିକଙ୍କ ନାଁରେ ଚାଲାଣ କଟାଯାଇଛି । ରଙ୍ଗ ରୁଟରେ ଡ୍ରାଇଭିଂ ପାଇଁ OR 07L 5969 ଗାଡ଼ି ମାଲିକଙ୍କ ନାଁରେ ଚାଲାଣ କାଟିଛି ଗଞ୍ଜାମ ଆରଟିଓ । OD 33 D 5602 ନମ୍ବର ବିଶିଷ୍ଟ କାରଟି ବାରମ୍ବାର ଟ୍ରାକ୍ ଚେଞ୍ଜ ପାଇଁ ଚାଲାଣ କଟାଯାଇଛି । ଆଜି ଗୋଟିଏ ଦିନରେ ଏହିଭଳି ଜାତୀୟ ରାଜପଥ ୧୬ରେ ୧୮୩ ଜଣଙ୍କ ନାଁରେ ଗଞ୍ଜାମ ଆରଟିଓ ଚାଲାଣ କାଟିଛି ।
ଓଡ଼ିଶାର ପ୍ରାକୃତିକ ଶୋଭାରାଜିକୁ ନେଇ 
ମୁଖ୍ୟମନ୍ତ୍ରୀ ଟ୍ୱିଟ୍ କରି ଲେଖିଛନ୍ତି, ଏହା ସୋନପୁର-ବୌଦ୍ଧ ରାସ୍ତା । ପୂର୍ବରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ