ନନ୍ଦିଘୋଷ ବ୍ୟୁରୋ: ବଢ଼ିପାରେ ପିଆଜ ଦର । ଦକ୍ଷିଣ ଏବଂ ମଧ୍ୟ ଭାରତରେ ପ୍ରବଳ ବର୍ଷା ଯୋଗୁ ପିଆଜ ଫସଲ ନଷ୍ଟ ହୋଇଛି । ଏଥିରେ ଚାଷୀଙ୍କର କୋଟି କୋଟି ଟଙ୍କା ନଷ୍ଟ ହୋଇଥିବାରୁ ବଜାରରେ ପିଆଜର ଅଭାବ ଦେଖାଦେଇପାରେ । ଏତେ ବର୍ଷା ହୋଇଛି ଯେ, ଚାଷୀମନେ ଏକର ପିଛା ଏକ ଲକ୍ଷ ଟଙ୍କା କ୍ଷତିପୂରଣ ଦାବି କରିଛନ୍ତି । ତେବେ ଏତେ କ୍ଷତି ଭିତରେ ଆଗାମୀ ଦିନରେ ପିଆଜ ଦର ବଢ଼ିବ ନା ନାହିଁ ଯଦି ବଢ଼ିବ କେତେ ବଢ଼ିବ ତାକୁ ନେଇ ଆଶଙ୍କା ସୃଷ୍ଟି ହୋଇଛି ।

ଚଳିତ ବର୍ଷ ମହାରାଷ୍ଟ୍ରରେ ପ୍ରବଳ ବର୍ଷା ହୋଇଛି । ଏଥିରେ ଜଲଗାଓଁ, ଧୁଲେ, ନାଶିକ, ଅହଲୀନଗର, ପୁଣେ, ସୋଲାପୁର, ବିଡ ଇତ୍ୟାଦି ଅଞ୍ଚଳରେ ପିଆଦ ଉତ୍ପାଦନ ବାଧାପ୍ରାପ୍ତ ହୋଇଛି ।

ଅମଳ ହୋଇ ସଂରକ୍ଷଣ ପାଇଁ ରହିଥିବା ପିଆଜ ମଧ୍ୟ ନଷ୍ଟ ହୋଇଯାଇଛି । କମ୍ ମୂଲ୍ୟରେ ଚାଷୀମାନେ ଫସଲ ବିକିବାକୁ ବାଧ୍ୟ ହେଉଛନ୍ତି । କ୍ଷେତରେ ହଜାର ହଜାର ଟନ୍ ପିଆଜ ପଚି ଯାଇଛି । ଯାହା ଫଳରେ ଚାଷୀ କୋଟି କୋଟି ଟଙ୍କାର କ୍ଷତି ସହିଛି ।

ତେବେ ଏହି ସବୁ କାରଣ ଯୋଗୁ ପିଆଜ ଦର ବୃଦ୍ଧି ହେବ ବୋଲି ଆଶଙ୍କା କରାଯାଉଛି । ପୂର୍ବ ବର୍ଷ ଗୁଡ଼ିକରେ ବର୍ଷା ଯୋଗୁ ଫସଲ ନଷ୍ଟ ହେବା ଫଳରେ ଦର ବଢ଼ିବାକୁ ଲାଗିଥିଲା ।

ନନ୍ଦିଘୋଷ ବ୍ୟୁରୋ: ଉତ୍ତର-ପୂର୍ବ ଆସାମ ମିଜୋରାମ, ଅରୁଣାଞ୍ଚଳ ପ୍ରଦେଶ ଏବଂ ମଣିପୁରରେ ମୁଷଳଧାରାରେ ବର୍ଷା । ଗତ ଦୁଇ ଦିନ ଧରି ପ୍ରବଳ ବର୍ଷା ଯୋଗୁ ହଠାତ ଅନ୍ୟା ଆସିଛି । ଏ ଯାଏ ଭୂସ୍ଖଳନ ଯୋଗୁ ୨୫ ଜଣଙ୍କର ମୃତ୍ୟୁ ହୋଇଛି । ସେଠାରେ ରିଲିଫ ଏବଂ ଉଦ୍ଧାର କାର୍ଯ୍ୟ ଦ୍ରୁତ ଗତିରେ କରାଯାଉଛି । ଆଗାମୀ ଦିନରେ ଆହୁରୀ ବର୍ଷା ହେବ ବୋଲି ସୂଚନା ଦେଇଛି ପାଣିପାଗ ବିଭାଗ । ନିରନ୍ତର ବର୍ଷା ଯୋଗୁ ବନ୍ୟା ଏବଂ ଭୂସ୍ଖଳନ ସମଗ୍ର ଉତ୍ତର ପୂର୍ବରେ ଜୀବନଯାତ୍ରାକୁ ପ୍ରଭାବିତ କରିଛି ।

ଆସାମର ରାଜଧାନୀ ଭୌହାଟୀରେ ଭୂସ୍ଖଳନ ଯୋଗୁ ଅନେକ ଘର କ୍ଷତିଗ୍ରସ୍ତ ହୋଇଛି । ଏହି ଦୁର୍ଘଟଣାରେ ୫ ଜଣଙ୍କର ମୃତ୍ୟୁ ହୋଇଛି । ସେମାନଙ୍କ ମଧ୍ୟରେ ଗୋଟିଏ ପରିବାରର ୩ ଜଣ ସଦସ୍ୟ ଅଛନ୍ତି ।

ଅନ୍ୟପଟେ ଅରୁଣାଞ୍ଚଳ ପ୍ରଦେଶରେ ବନ୍ୟା ଯୋଗୁ ଏକ ଗାଡ଼ି ଭାସି ଯାଇଛି । ଏଥିରେ ୭ ଜଣଙ୍କର ମୃତ୍ୟୁ ହୋଇଛି । ଦୁଇ ଜଣ ବୁଡ଼ିଯାଇ ମୃତ୍ୟୁ ବରଣ କରିଛନ୍ତି ।

ଗତ ୨୪ ଘଣ୍ଟା ମଧ୍ୟରେ ମିଜୋରାମ, ତ୍ରିପୁରା ଏବଂ ମେଘାଳୟରେ ୮ ଜଣଙ୍କର ମୃତ୍ୟୁ ହୋଇଛି। ଅଧିକାରୀମାନେ କହିଛନ୍ତି ଯେ ବନ୍ୟା ଏବଂ ଭୂସ୍ଖଳନ ଯୋଗୁଁ ଏହି ମୃତ୍ୟୁ ଘଟିଛି। ଏଠାରେ ମଝିରେ ମଝିରେ ପ୍ରବଳ ବର୍ଷା ହେଉଛି।

ମଣିପୁରର ରାଜଧାନୀ ଇମ୍ଫାଲରେ ତିନି ଦିନ ଧରି ଲାଗି ରହିଥିବା ବର୍ଷା ଜୀବନକୁ ସମ୍ପୂର୍ଣ୍ଣ ଠପ୍ କରିଦେଇଛି। ସହରର ଅନେକ ସ୍ଥାନରେ ଜଳବନ୍ଦୀର ଏକ ଗମ୍ଭୀର ପରିସ୍ଥିତି ରହିଛି। ପ୍ରଶାସନ ଇମ୍ଫାଲ ନଦୀ କୂଳରେ ରହୁଥିବା ଲୋକମାନଙ୍କୁ ତୁରନ୍ତ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ ହେବାକୁ ନିବେଦନ କରିଛି। ବନ୍ୟା ସତର୍କତା ମଧ୍ୟ ଜାରି କରାଯାଇଛି।

ପାଟନା: ପରିବାର ଲୋକ ରାଜି ହେଲେନି । ପୋଲିସ କରାଇଲା ପ୍ରେମୀ ଯୁଗଳଙ୍କ ବିବାହ । ଏମିତି ଏକ ବିବାହ ଦେଖିବାକୁ ମିଳିଛି ବିହାରର ବକ୍ସର ଜିଲ୍ଲାରେ ।  ପରିବାର ଲୋକ ପ୍ରେମୀ ଯୁଗଳଙ୍କୁ ବିବାହ ଅନୁମତି ଦେଉ ନଥିବାରୁ ମହିଳା ଥାନାରେ ବାହା ହୋଇଛନ୍ତି । ଥାନା ଇନଚାର୍ଜ କନିଷ୍କ ତିଓ୍ବାରୀ ଏବଂ ଅନ୍ୟ ପୋଲିସମାନେ ଏହି ବିବାହର ସାକ୍ଷୀ ହୋଇଛନ୍ତି । ସମଗ୍ର ଜିଲ୍ଲାରେ ଏହା ଚର୍ଚ୍ଚାର ବିଷୟ ପାଲଟିଛି ।

ବକ୍ସର ଜିଲ୍ଲାର ସିକ୍ରେଲ ଥାନା ଅଞ୍ଚଳରେ ଏକ ରେଙ୍କା ଗାଁ ଅଛି । ଗାଁର ମହେନ୍ଦ୍ର ଶାହାଙ୍କ ପୁଅ ପିଣ୍ଟୁ ଶାହା ଏବଂ ମୁରାର ଥାନା ଅଞ୍ଚଳର ଆମସାରି ଗାଁର ଶିଳ୍ପୀ କୁମାରଙ୍କ ମଧ୍ୟରେ ଗତ ଦେଢ଼ ବର୍ଷ ଧରି ପ୍ରେମ ସମ୍ପର୍କ ଗଢ଼ି ଉଠିଥିଲା । ଶିଳ୍ପୀଙ୍କ ମାମୁଁ ଘର ଗାଁ ରେଙ୍କାରେ ଏକ ବିବାହ ଉତ୍ସବରେ ଉଭୟଙ୍କ ସାକ୍ଷାତ ହୋଇଥିଲା । ଉଭୟଙ୍କ ପ୍ରେମ ସମ୍ପର୍କ ବିଷୟରେ ପରିବାର ଲୋକ ଜାଣିବାକୁ ପାଇଲେ । ଏହା ପରେ ଉଭୟଙ୍କୁ ମିଶିବାକୁ ବିରୋଧ କଲେ । ଏହା ପରେ ପ୍ରେମୀ ଯୁଗଳ ଥାନାର ଦ୍ବାରସ୍ତ ହୋଇଥିଲେ  ଏବଂ ବିବାହ ପାଇଁ ଅନୁରୋଧ କରିଥିଲେ । ପରିବାର ସଦସ୍ୟ ଏଥିରେ ରାଜି ନ ହୋଇ ରାଗିକି ଫେରି ଯାଇଥିଲେ । ଏହା ପରେ ଥାନା ଇନଚାର୍ଜ କନିଷ୍କ ତିଓ୍ବାରୀ ଥାନା ପରିସରରେ ଥିବା ମନ୍ଦିରରେ ବାବାହ କରାଇଥିଲେ ।