ନୂଆଦିଲ୍ଲୀ: ଭଡ଼ାରେ ରହୁଥିବା ଲୋକଙ୍କ ପାଇଁ ଖୁବଶୀଘ୍ର ବଡ଼ ପଦକ୍ଷେପ ନେବାକୁ ଯାଉଛନ୍ତି କେନ୍ଦ୍ର ସରକାର । ଗୃହ ଓ ନଗର ଉନ୍ନୟନ ମନ୍ତ୍ରାଳୟର ସଚିବ ଦୂର୍ଗା ଶଙ୍କର ମିଶ୍ର ଏହି ସୂଚନା ଦେଇଛନ୍ତି । ତାଙ୍କ କହିବା ଅନୁସାରେ କେନ୍ଦ୍ର ସରକାର ଭଡ଼ା ଘରକୁ ପ୍ରୋତ୍ସାହନ ଦେବା ପାଇଁ ଏହି ପଦକ୍ଷେପ ନେଇଛନ୍ତି । ତେବେ ବାଣିଜ୍ୟ ଏବଂ ଉଦ୍ୟୋଗ ସଙ୍ଗଠନ ଆସୋଚ୍ୟାମ ଦ୍ୱାରା ହାଉସିଂ ସେକ୍ଟର ଉପରେ ଆୟୋଜିତ ଏକ କାର୍ଯ୍ୟକ୍ରମରେ ସେ ଏହି ସୂଚନା ଦେଇଛନ୍ତି ।

ସଚିବ ଦୂର୍ଗା ଶଙ୍କରଙ୍କ କହିବା ଅନୁସାରେ  ୨୦୧୧ ଜନଗଣନା ଅନୁସାରେ ସାରା ଦେଶରେ ୧.୧ କୋଟିରୁ ଅଧିକ ଘର ଖାଲି ପଡ଼ିଛି । କାରଣ ହେଉଛି ସେହି ସମସ୍ତ ଘରକୁ ଭଡ଼ାରେ ଦେବା ପାଇଁ ଲୋକ ଡରୁଛନ୍ତି । ସଚିବ ଏହା ମଧ୍ୟ କହିଛନ୍ତି କି ଏକ ବର୍ଷ ମଧ୍ୟରେ ପ୍ରତ୍ୟେକ ରାଜ୍ୟରେ ଏହି ଆଦର୍ଶ ଆଇନ ଲାଗୁ କରିବା ପାଇଁ ଜରୁରୀ ପଦକ୍ଷେପ ନିଆଯିବ ।

ଉକ୍ତ ନିୟମ ଲାଗୁ ହେବା ପରେ ଖାଲି ପଡ଼ିଥିବା ୬୦ରୁ ୮୦ ପ୍ରତିଶତ ଘର ଭଡ଼ାରେ ଲାଗିଯିବ ବୋଲି କହିଛନ୍ତି ଦୂର୍ଗା ଶଙ୍କର । ଏହା ବ୍ୟତୀତ ରିୟଲ ଇଷ୍ଟେଟ ଡେଭଲପର ନିଜର ବିକ୍ରି ହୋଇ ନଥିବା ଘରକୁ ଭଡ଼ାରେ ଦେଇ ପାରିବେ ।

ନଗର ଉନ୍ନୟନ ମନ୍ତ୍ରାଳୟ ଜୁଲାଇ ୨୦୧୯ରେ ଆଦର୍ଶ ଭଡ଼ା ନିୟମର ରୂପରେଖ ଜାରି କରିଥିଲେ । ଯେଉଁଥିରେ ଉଲ୍ଲେଖ ଥିଲା କି,

୧.ଭଡା ବଢାଇବାର  ତିନି ମାସ ପୂର୍ବରୁ ଘର ମାଲିକଙ୍କୁ ଲିଖିତ ନୋଟିସ ପଠାଇବାକୁ ପଡିବ  ।

୨.ଏଥିରେ ଜିଲ୍ଲା କଲେକ୍ଟରଙ୍କୁ ଭଡ଼ାଟିଆଙ୍କ ଅଧିକାରୀ ଭାବରେ ନିଯୁକ୍ତି ଦେଇ ସମୟ ଠାରୁ ଅଧିକ ଦିନ ରହିଥିବା ବ୍ୟକ୍ତିଙ୍କ ଠାରୁ ଜୋରିମନା ସଂଗ୍ରହ କରାଯିବ ।

୩. ସଚିବ କହିଛନ୍ତି କି ଏହି କାର୍ଯ୍ୟକ୍ରମର ଉଦ୍ଦେଶ୍ୟ କେନ୍ଦ୍ର ଏବଂ ରାଜ୍ୟର ଲକ୍ଷାଧିକ ଫ୍ଲାଟକୁ ଖୁବ ଶସ୍ତାରେ ପ୍ରବାସୀ ଶ୍ରମିକଙ୍କ ପାଇଁ ଭଡ଼ା ଘର ଭାବରେ ପରିବର୍ତ୍ତନ କରାଯିବ । ସେ କହିଛନ୍ତିକି ରାଜ୍ୟମାନେ ଏହାକୁ ନେଇ ଆବଶ୍ୟକୀୟ ନିୟମ ପ୍ରଣୟନ କରିପାରିବେ । ଏହା ସହିତ ଆମେ ଏକ ବଡ଼ ସୁଧାର ଆଣିବା ପାଇଁ ଯାଉଛୁ ।

ଆମେ ଭଡ଼ା ନିୟମକୁ ପରିବର୍ତ୍ତନ କରୁଛୁ । ବିଭିନ୍ନ ରାଜ୍ୟରେ ଥିବା ଭଡ଼ାଟିଆଙ୍କ ସ୍ୱାର୍ଥ ରକ୍ଷା ପାଇଁ ଭଡ଼ା ଆଇନ ପ୍ରଣୟନ କରାଯାଇଛି ।

ତେବେ ଏହି ବିଷୟରେ ଅଧିକ ସୂଚନା ପାଇବା ପାଇଁ ଦିଆଯାଇଥିବା ଲିଙ୍କ୍: http://mohua.gov.in/upload/uploadfiles/files/Draft%20Model%20Tenancy%20Act%2C%202019(1).pdf