ନନ୍ଦିଘୋଷ ବ୍ୟୁରୋ: ଅଭିନେତ୍ରୀ ଏବଂ ମଡେଲ ଶେଫାଲି ଜରିୱାଲା ଆଉ ଏହି ଦୁନିଆରେ ନାହାନ୍ତି । ତାଙ୍କ ମୃତ୍ୟୁକୁ ନେଇ ଅନେକ ଚର୍ଚ୍ଚା ହେଉଛି । କୁହାଯାଉଛି ଯେ ସେ ଆର୍ଟି ଏଜିଙ୍ଗ ଔଷଧ ଖାଉଥିଲେ। କିଛି ରିପୋର୍ଟରେ କୁହାଯାଇଛି ଯେ ଶେଫାଳି ଯୁବାବସ୍ଥା ବଜାୟ ରଖିବା ପାଇଁ ଅନେକ ଅସ୍ତ୍ରୋପଚାର ମଧ୍ୟ କରିଥିଲେ। ତଥାପି, ଏକ ସାକ୍ଷାତକାରରେ ଶେଫାଲି ଜରିୱାଲା କହିଥିଲେ ଯେ ସେ ସ୍କିନ ଡାକ୍ତରଙ୍କ ପାଖକୁ ଯାଉଥିଲେ। କିନ୍ତୁ ସେ କ’ଣ ପାଇଁ ଯାଉଥିଲେ ତାହା ପରିପ୍ରକାଶ କରିନଥିଲେ ।
ପାରସ ଛାବ୍ରାଙ୍କ ପଡକାଷ୍ଟରେ, ଶେଫାଲି କହିଥିଲେ ଯେ ଯେଉଁମାନେ ସୁନ୍ଦର ଦେଖାଯିବା ପାଇଁ ସର୍ଜରୀ କିମ୍ବା ଅନ୍ୟ କିଛି ଆଶ୍ରୟ ନିଅନ୍ତି ସେମାନେ ଭୁଲ ନୁହଁନ୍ତି। ସେ କହିଥିଲେ ଯେ ସମସ୍ତେ ସୁନ୍ଦର ଦେଖାଯିବାକୁ ଚାହାଁନ୍ତି। ଏଥିରେ କିଛି ଭୁଲ ନାହିଁ। ପଡକାଷ୍ଟ ସମୟରେ, ପାରସ ପଚାରିଥିଲେ, “ତୁମେ କ’ଣ ଜଣେ ପ୍ଲାଷ୍ଟିକ୍ ସର୍ଜନ ପାଖକୁ ଯାଅ? ବୋଟକ୍ସ, ଫିଲର୍ସ, ଫେସ୍ ସର୍ଜରୀ କର।” ଏହାର ଉତ୍ତରରେ, ଶେଫାଲି କୁହନ୍ତି, “ପ୍ଲାଷ୍ଟିକ୍ ସର୍ଜନମାନେ ଭିନ୍ନ ଏବଂସ୍କିନ ଡାକ୍ତର ଭିନ୍ନ।” ପରେ ପାରସ ପଚାରନ୍ତି, “ତାହେଲେ ତୁମେ କ’ଣ କରିଛ?” ଯାହାର ଉତ୍ତରରେ ଶେଫାଲି କୁହନ୍ତି, “ଏହା କହିବାର କଥା ନୁହେଁ।”
“ଏହା ବହୁତ କଷ୍ଟ ଦେଉଛି”
ଶେଫାଲି କହିଥିଲେ ଯେ ସମସ୍ତେ ସୁନ୍ଦର ଦେଖାଯିବାକୁ ଚାହାଁନ୍ତି । ଯଦି ଆପଣଙ୍କର ଉଚ୍ଚତା ଛୋଟ, ତେବେ ଆପଣ ଉଚ୍ଚ ହେବାକୁ ଚାହିଁବେ। ଏଥିରେ କ’ଣ ଭୁଲ ଅଛି ? ସେ କହିଥିଲେ, “ଯେଉଁମାନେ ଏହା କରିପାରିବେ ନାହିଁ। ଯେଉଁମାନଙ୍କର କୌଣସି ଉପାୟ ନାହିଁ। ଯେଉଁମାନେ ସମାଜକୁ ବହୁତ ଭୟ କରନ୍ତି। ସେମାନେ ଭାବନ୍ତି ଯେ ଏହା ଭୁଲ। ଏହା ଭୁଲ ନୁହେଁ। ଏହା ବହୁତ ମହଙ୍ଗା। ଏବଂ ଏହା ବହୁତ ଯନ୍ତ୍ରଣାଦାୟକ।”
ପରବର୍ତ୍ତୀ ଜନ୍ମକୁ ନେଇ କହିଥିଲେ ଏମିତି
ଶେଫାଲି କହିଥିଲେ, “ତୁମେ ଯେଉଁଥିରେ ଖୁସି କର ତାହା କର। ତୁମେ ମଣିଷ ଜନ୍ମ ପାଇଛ ତେଣୁ ତୁମେ ଭାଗ୍ୟବାନ। ତୁମେ ଯାହା କରିବାକୁ ଚାହୁଁଛ ତାହା କର। ଯଦି ତୁମେ ସବୁଥିରେ ଡରିବ ତାହେଲେ କଣ ହେବ ? ପରବର୍ତ୍ତୀ ଜୀବନରେ କ’ଣ ହେବ କହିହେବନି, ଯଦି ତୁମେ ମୂଷା ହୋଇଯାଅ ତେବେ କ’ଣ ହେବ। ତୁମେ କ’ଣ କରିବ? ତୁମେ ଜନ୍ମ ହୋଇଛ ଏବଂ ତୁମେ ଭାଗ୍ୟବାନ। ତେଣୁ ଏପରି କାମ କର ଯାହା ତୁମକୁ ଖୁସି ଦେବ । ହଁ, କାହାକୁ କଷ୍ଟ ଦିଅ ନାହିଁ। କିନ୍ତୁ ଯଦି ତୁମେ ନିଜକୁ ଉନ୍ନତ କରିବା ପାଇଁ କିଛି କରିପାରିବ, ତେବେ ସେଥିରେ ଅସୁବିଧା କ’ଣ।”
