ନନ୍ଦିଘୋଷ ବ୍ୟୁରୋ: ଏବେ କ୍ରିକେଟ ଜଗତରେ ଗୋଟିଏ ଚର୍ଚ୍ଚା । ବିରାଟ କୋହଲି ଏବଂ ରୋହିତ ଶର୍ମା ୨୦୨୭ରେ ହେବାକୁ ଥିବା ଦିନିକିଆ ବିଶ୍ବକପ୍ ଖେଳିବେ ନା ନାହିଁ । ଯାହାକୁ ନେଇ କ୍ରିକେଟ ଏକ୍ସପର୍ଟ ଏବଂ ପୂର୍ବ ଖେଳାଳି ନିଜ ନିଜ ମତ ରଖୁଛନ୍ତି । କ୍ରିକେଟ ପ୍ରଶଂସକମାନେ ମଧ୍ୟ ଏମାନଙ୍କ ଖେଳିବା ନ ଖେଳିବାକୁ ନେଇ ଜାଣିବାକୁ ବ୍ୟଗ୍ରତାର ସହ ଅପେକ୍ଷା କରିଛନ୍ତି । ଏହାରି ଭିତରେ ଭାରତର ପୂର୍ବତନ କ୍ରିକେଟର ଇରଫାନ ପଠାନଙ୍କ ବୟାନ ଆସିଛି । ସେ ଏମିତି କିଛି କହିଛନ୍ତି, ଯାହା ବିରାଟ ଓ ରୋହିତଙ୍କ ପ୍ରଶଂସକଙ୍କୁ ଖୁସି କରିଦେବ ।
ଇରଫାନ ଫଠନଙ୍କ ଅନୁସାରେ, ବିରୋଟ ଏବଂ ରୋହିତଙ୍କୁ ସେମାନଙ୍କ ଫିଟନେଓ ୨୦୨୭ ବିଶ୍ବକପ୍ ପର୍ଯ୍ୟନ୍ତ ରଖିବାକୁ ପଡ଼ିବ । ଯଦି ସେମାନେ ଫିଟ୍ ରହିବେ, ବିଶ୍ବକପ୍ ବି ଖେଳି ପାରିବେ । ଏହାସହ ମହମ୍ମଦ ଶାମୀଙ୍କୁ ନେଇ ମଧ୍ୟ ପ୍ରତିକ୍ରିୟା ରଖିଛନ୍ତି ପଠାନ ।
ପଠାନ କହିଛନ୍ତି, ମୁଁ ରୋହିତଙ୍କ ସହ କଥା ହୋଇଥିଲି । ସେ ତାଙ୍କ ଫିଟନେସକୁ ନେଇ ବହୁତ ଗମ୍ଭୀର ଅଛନ୍ତି । ବିରାଟ ବି ଇଂଲଣ୍ଡରେ ପ୍ରାକ୍ଟିସ୍ କରୁଛନ୍ତି । ମୋର ପୂରା ବିଶ୍ବାସ ରହିଛି ଏହି ଦୁଇ ଖେଳାଳିଙ୍କୁ ଫିଟ୍ ରହିବାକୁ ପଡିବ । ମୁଁ ମହମ୍ମଦ ଶାମୀଙ୍କ ଏକ ବୟାନ ଶୁଣିଛି । ଏଥିରେ ସେ ବିଶ୍ବକପ୍ ଖେଳିବାକୁ ଇଚ୍ଛା ଥିବା କହୁଛନ୍ତି । ଏହା ଭଲ କଥା ଯେ, ସବୁ ଖେଳାଳି ସେମାନଙ୍କୁ ଫିଟନେସକୁ ନେଇ ବହୁତ ଗମ୍ଭୀର ଅଛନ୍ତି । ଆଗାମୀ ଦିନରେ ଏହା ସ୍ଥିର ହୋଇଯିବ ଏମାନେ ୨୦୨୭ ବିଶ୍ବକପରେ ଖେଳିବେ ନା ନାହିଁ ।
ସୂଚନାଯୋଗ୍ୟ, ବିରାଟ ଏବଂ ରୋହିତ ଶେଷ ଥର ୨୦୨୫ ଚାମ୍ପିୟନ୍ସ ଟ୍ରଫିରେ ଖେଳିଥିଲେ । ଏହି ଟୁର୍ଣ୍ଣାମେଣ୍ଟରେ ଉଭୟଙ୍କ ପ୍ରଦର୍ଶନ ଦମଦା ଥିଲା । ଆଉ ଏହି କାରଣରୁ ଭାରତ ଟ୍ରଫି ହାସଲ କରିବାକୁ ସକ୍ଷମ ହୋଇଥିଲା । ଫାଇନାଲରେ ଭାରତ ନ୍ୟୁଜିଲାଣ୍ଡକୁ ହରାଇ ଟ୍ରଫି ହାସଲ କରିଥିଲା । ଏମାନଙ୍କ ବ୍ୟତୀତ ଶାମୀ ମଧ୍ୟ ଟୁର୍ଣ୍ଣାମେଣ୍ଟରେ ଖେଳିଥିଲେ । ଚଳିତବର୍ଷ ଅକ୍ଟୋବରରେ ଭାରତ ଅଷ୍ଟ୍ରେଲିଆ ସହ ଦିନିକିଆ ସିରିଜ ଖେଳିବ । ଆଉ ଏଥିରେ ଉଭୟ ରୋହିତ ଏବଂ ବିରାଟଙ୍କୁ ପୁଣି ଥରେ ପଡ଼ିଆରେ ଦର୍ଶକ ଦେଖିବାକୁ ପାଇବେ ।
ଶାମୀଙ୍କ କଥା କହିବା ତ, ୨୦୨୫ ଆଇପିଏଲରେ ବହୁତ ଖରାପ ବୋଲିଂ କରିଥିଲେ । ସନରାଇଜର ହାଇଦ୍ରାବାଦ ତରଫରୁ ୯ଟି ମ୍ୟାଚ ଖେଳି ୫୬.୧୭ ପ୍ରତିଶତରେ ମାତ୍ର ୬ ଓ୍ବିକେଟ ନେବାକୁ ସକ୍ଷମ ହୋଇଥିଲେ । ବାରମ୍ବାର ଆହତ କାରଣରୁ ଟିମ୍ ଇଣ୍ଡିଆର ନିୟମିତ ଭାବେ ଭେଳି ପାରୁନାହାନ୍ତି । ଏମିତି ସ୍ଥିତିରେ ଭାରତୀୟ ଟିମକୁ ତାଙ୍କର ପ୍ରତ୍ୟାବର୍ତ୍ତନ କେବେ ହେବ ତାହା ବର୍ତ୍ତମାନ କହିବା କଷ୍ଟକର ।
