ଗଂଜାମ ଶେରଗଡ଼ ଥାନା ଅନ୍ତର୍ଗତ ଗୋଠଗାଁରେ ଜଣେ ଯୁବକଙ୍କୁ ନିର୍ମମ ହତ୍ୟା। ହତ୍ୟାର ଶିକାର ହୋଇଥିବା ଯୁବକ ଜଣକ ହେଲେ ପାଟପୁର ଥାନା ଅନ୍ତର୍ଗତ ପି. ଜଗନ୍ନାଥପୁର ଗ୍ରାମର ଚନନ୍ଦ ବିଷୋୟୀ। ସେ କଙ୍କରଡ଼ା ଗ୍ରାମରେ ଭଡ଼ାରେ ରହୁଥିଲେ।ଗତ ବିଳମ୍ବିତ ରାତିରେ ଚନ୍ଦନ କିଛି ଯୁବକ ସହ ଗୋଠଗାଁ ସରପଞ୍ଚ କୃଷ୍ଣ ସୁଆଁସିଆଙ୍କ ଘର ସମ୍ମୁଖରେ ପାଟି ତୁଣ୍ଡ କରିଥିଲେ। ସେଠାରେ ବଚସା ପରେ ଘଟଣା ଉଗ୍ର ହୋଇଥିଲା। ସରପଞ୍ଚ ଓ ଚନ୍ଦନଙ୍କ ଗୋଷ୍ଠୀ ମଧ୍ୟରେ ମାରପିଟ ହୋଇଥିଲା। ଘଟଣାସ୍ଥଳରେ ଛୁରୀ ସହ ଅନ୍ୟ ହତିଆର ପଡିରହିଛି। ଚନ୍ଦନଙ୍କ ମୃତଦେହକୁ ପୋଲିସ ଜବତ କରି ହିଂଜିଳିକାଟୁ ମେଡିକାଲରେ ରଖିଥିବା ବେଳେ ଅଧିକ ତଦନ୍ତ କରୁଛି।
ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମରାନ ଖାଁଙ୍କ ଭଉଣୀଙ୍କ ଉପରକୁ ଅଣ୍ଡାମାଡ
ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମରାନ ଖାଁଙ୍କ ଭଉଣୀ ଆଲିମା ଖାନୁମଙ୍କ ଉପରକୁ ଅଣ୍ଡାମାଡ। ପାକିସ୍ତାନ ରାଓଲପିଣ୍ଡିର ଦୁଇ ମହିଳା ଗିରଫ। ତୋଷଖାନା ମାମଲାରେ ଗିରଫ ହୋଇ ଆଦିଆଲା ଜେଲରେ ବନ୍ଦୀ ଥିବା ଇମରାନଙ୍କ ଭଉଣୀ ଜେଲ ବାହାରେ ଏକ ସାମ୍ବାଦିକ ସମ୍ମିଳନୀ କରୁଥିବାବେଳେ ତାଙ୍କ ଉପରେ ଅଣ୍ଡାମାଡ ହୋଇଥିଲା। ଗିରଫ ଦୁଇ ମହିଳା ପାକିସ୍ତାନ ତେହରିକ-ଇ-ଇନସାଫର କର୍ମୀ ବୋଲି ଜଣାଯାଇଛି। ଅଣ୍ଡାମାଡ ଘଟଣାକୁ ବିଭିନ୍ନ ମହଲରୁ ନିନ୍ଦା କରାଯାଇଥିବାବେଳେ ଇମରାନଙ୍କ ପରିବାରକୁ ସୁରକ୍ଷା ଦାବି କରାଯାଇଛି। ସୁରକ୍ଷା ନେଇ ସରକାର ପଦକ୍ଷେପ ନିଅନ୍ତୁ ବୋଲି ଦାବି ଉଠିଛି। ଅଣ୍ଡାମାଡ଼ ଘଟଣା ପରେ ପିଟିଆଇ ସମର୍ଥକମାନେ ଏହାର ନିନ୍ଦା କରିଛନ୍ତି। ଏପରିକି ଘଟଣା ପଛରେ ପାକ୍ ସେନାମୁଖ୍ୟ ଅସିମ ମୁନୀର ଓ ନୁନ୍ ଲିଗର ହାତ ରହିଛି ବୋଲି ଅଭିଯୋଗ ହୋଇଛି।
ନୂତନ ସ୍କୁଲ ନିର୍ମାଣ ଦାବିରେ ଗେଟ ଆଗରେ ଛାତ୍ରଛାତ୍ରୀ ଓ ଅଭିଭାବକଙ୍କ ଧାରଣା
ସ୍କୁଲ ଫାଟକରେ ପଡିଲା ତାଲା । ଗେଟ ଆଗରେ ଛାତ୍ରଛାତ୍ରୀ ଓ ଅଭିଭାବକଙ୍କ ଧାରଣା । ନୂତନ ବିଦ୍ୟାଳୟ ନିର୍ମାଣ ନହେବା ପର୍ଯ୍ୟନ୍ତ ଖୋଲିବ ନାହିଁ ସ୍କୁଲ । ଏମିତି ପ୍ରତିବାଦରେ ଧାରଣା ଦେଇଛନ୍ତି ବାସୁଦେବପୁର ବ୍ଲକର କିସ୍ମତ କୃଷ୍ଣପୁର ପଞ୍ଚାୟତର ବହୁମାଘେରୀ ସ୍କୁଲର ଅଭିଭାବକ ଓ ଛାତ୍ରଛାତ୍ରୀ। ଗତକାଲି ବିଦ୍ୟାଳୟରେ ସ୍କୁଲ ଛାତରୁ ପ୍ଲାଷ୍ଟର ଖସି ୩ ଜଣ ଗୁରୁତର ଆହତ ହୋଇ ମେଡିକାଲରେ ଭର୍ତ୍ତି ହୋଇଥିଲୋ। ଗ୍ରାମବାସୀଙ୍କ ପକ୍ଷରୁ BDO, BEO, ଓ ଜିଲ୍ଲାପାଳଙ୍କୁ ଦେଖାକରି ଅଭିଯୋଗ ପ୍ରକୋଷ୍ଠରେ ଅଭିଯୋଗ କରିଥିଲେ । ଗତକାଲି ଠାରୁ ଘଟଣା ଘଟିଥିଲେ ମଧ୍ଯ ଏପର୍ଯ୍ୟନ୍ତ କୌଣସି ପ୍ରଶାସନିକ ଅଧିକାରୀ ଘଟଣାସ୍ଥଳରେ ପହଞ୍ଚି ନାହାନ୍ତି । ଉତ୍ତୋକ୍ତ ଗ୍ରାମବାସୀ ଫାଟକ ଅଗରେ ସକାଳ ଠାରୁ ଧାରଣା ବସି ରହିଛନ୍ତି । ନୂଆ ଘର ତିଆରି ନହେବା ଧାରଣା ହଟିବ ନାହିଁ ବୋଲି କହିଛନ୍ତି ଅବିଭାବକ ।
ନୂଆ ବ୍ଲକ ଗଠନ ପାଇଁ ଦାବି: ରାଜରାସ୍ତାକୁ ଓହ୍ଲାଇବାକୁ ଚେତାବନୀ
ସରକାରଙ୍କ ପକ୍ଷରୁ ନୂତନ ବ୍ଲକ, ପଂଚାୟତ ଓ ନିର୍ବାଚନ ମଣ୍ଡଳୀ ସଂମ୍ପ୍ରସାରଣ ପାଇଁ ପ୍ରକିୟା ଆରମ୍ଭ ନେଇ ଘୋଷଣା ପରେ ଏବେ ଦେଖା ଦେଲାଣି ବିବାଦ । ଗୋଟିଏ ବ୍ଲକକୁ 2ରୁ ଅଧିକ ବ୍ଲକ ଗଠନ ପାଇଁ ଦାବି ଜୋରଦାର ହୋଇଛି । ବାଲେଶ୍ୱର ଖଇରା ବ୍ଲକ 37ଗୋଟି ପଂଚାୟତକୁ ନେଇ ଗଠିତ । ବଡ଼ ବ୍ଲକ ହୋଇଥିବା ବେଳେ ସରକାରଙ୍କ ଘୋଷଣାକୁ ଆଖି ଆଗରେ ରଖି ଖଇରା ବ୍ଲକର ଅନ୍ତରା ପଂଚାୟତକୁ ବ୍ଲକ କରିବା ନେଇ ଜିଲ୍ଲାପାଳଙ୍କ ନିକଟରେ ଦାବି କରିଥିଲେ।ଏବେ ଖଇରା ବ୍ଲକ ଡୁଙ୍ଗୁରା ପଂଚାୟତ ଠାରେ 10ଗୋଟି ପଂଚାୟତର ସରପଞ୍ଚ, ସମିତି ସଭ୍ୟ ଓ ଅନ୍ୟ ସଦସ୍ୟମାନେ ଡୁଙ୍ଗୁରା ପଞ୍ଚାୟତକୁ ନୂତନ ବ୍ଲକ କରିବାକୁ ଦାବି ଜୋରଦାର କରିଛନ୍ତି । ଯଦି ଦାବି ପୂରଣ ନହୁଏ ରାଜରାସ୍ତାକୁ ଓହ୍ଲାଇବାକୁ ଚେତାବନୀ ଦେଇଛନ୍ତିl ବ୍ଲକ ଗଠନ ସମସ୍ତ ସୁବିଧା ଡୁଙ୍ଗୁରା ପଂଚାୟତରେ ଥିବାବେଳେ ଡୁଙ୍ଗୁରା ପଞ୍ଚାୟତକୁ ନୂତନ ବ୍ଲକ ଗଠନ ନେଇ ଅଂଚଳବାସୀ କହିଛନ୍ତି ।
ଭୁଶୁଡ଼ିଲା କୋଠା: ୨ ମୃତ, ୭ ଆହତ
ରାଜସ୍ଥାନ ଜୟପୁରରେ ଭୁଶୁଡ଼ିଲା କୋଠା। ୨ ଜଣଙ୍କ ମୃତ୍ୟୁ ଘଟିଥିବାବେଳେ ଆହତ ହୋଇଛନ୍ତି ୭ ଜଣ। ଜୟପୁରର ସୁଭାଷ ଛକରେ ଘଟିଛି ଅଘଟଣ। କ୍ରମାଗତ ବର୍ଷା ଯୋଗୁ ଏହି ଅଘଟଣ ଘଟିଛି। ଏଡିସିପି ଉତ୍ତର ଦୁର୍ଗସିଂ ରାଜପୁରୋହିତ କହିଛନ୍ତି- କୋଠାଟି ଭୁଶୁଡିବାବେଳେ ଘର ଭିତରେ ଥିଲେ ୧୯ଜଣ। ୨ ଜଣ ପ୍ରାଣ ହରାଇଥିବାବେଳେ ୭ ଆହତ ହୋଇଛନ୍ତି। ଅନ୍ଯମାନେ ବର୍ତ୍ତି ଯାଇଛନ୍ତି। ଘଟଣାସ୍ଥଳରେ ଉଦ୍ଧାରକାରୀ ଟିମ୍ ପହଞ୍ଚି ବିପନ୍ନଙ୍କୁ ଉଦ୍ଧାର କରିଥିଲେ। ଗତ ୩ ଦିନ ଧରି ରାଜସ୍ଥାନରେ କ୍ରମାଗତ ବର୍ଷା ଜାରି ରହିଛି। ରାଜ୍ୟର ଅଧିକାଂଶ ଜିଲ୍ଲାରେ ବର୍ଷା ଯୋଗୁ ଜନଜୀବନ ପ୍ରଭାବିତ ହୋଇଛି। ସେପଟେ ରାଜ୍ୟରେ ଆସନ୍ତା ୨ ଦିନ ଆହୁରି ଅଧିକ ବର୍ଷା ହେବ ବୋଲି ସୂଚନା ଦେଇଛି ପାଣିପାଗ ବିଭାଗ।
ଭାରତ, ରୁଷ, ଚୀନ୍ ସମେତ ଅନେକ ଦେଶ ସାହାର୍ଯ୍ୟର ହାତ ବଢାଇଛନ୍ତି, କିନ୍ତୁ ଆମେରିକା କାହିଁକି ଦେଲା ପଛଘୁଞ୍ଚା ?
ନନ୍ଦିଘୋଷ ବ୍ୟୁରୋ: ଆଫଗାନିସ୍ତାନରେ ହୋଇଥିବା ଭୟଙ୍କର ଭୂମିକମ୍ପରେ ହଜାର ହଜାର ଲୋକଙ୍କର ଜୀବନ ଯାଇଛି ଏବଂ ଲକ୍ଷ ଲକ୍ଷ ଲୋକ ବାସହୀନ ହୋଇଛନ୍ତି। ସରକାରୀ ସଂଖ୍ୟା ଅନୁଯାୟୀ, ଏପର୍ଯ୍ୟନ୍ତ ୨୨୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇସାରିଛି, ଯେତେବେଳେ ହଜାର ହଜାର ଲୋକ ବାସହୀନ ହୋଇଛନ୍ତି। ତାଲିବାନ କ୍ଷମତାକୁ ଆସିବା ପରେ ଏହି ବିପର୍ଯ୍ୟୟ ୨୦୨୧ ମସିହାରେ ତୃତୀୟ ବଡ଼ ଭୂମିକମ୍ପ।
ଏହି ଦୁଃଖଦ ଘଟଣା ପରେ ଭାରତ, ରୁଷ, ଚୀନ୍, ତୁର୍କମେନିସ୍ତାନ ସମେତ ଅନେକ ଦେଶ ସାହାଯ୍ୟ ପଠାଇଥିଲେ, ଯେତେବେଳେ ବିଶ୍ୱର ସବୁଠାରୁ ବଡ଼ ଶକ୍ତି ଭାବରେ ବିବେଚିତ ଆମେରିକାର ମତ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ପ୍ରଶ୍ନ ଉଠାଯାଉଛି ଯେ ଯେତେବେଳେ ସମଗ୍ର ବିଶ୍ୱ ଆଫଗାନିସ୍ତାନର କ୍ଷତକୁ ସୁସ୍ଥ କରିବା ପାଇଁ ଆଗକୁ ଆସିଥିଲା, ସେତେବେଳେ ଆମେରିକା କାହିଁକି ଚୁପ୍?
ଭାରତ, ରୁଷ, ଚୀନ୍ ସମେତ ଅନେକ ଦେଶ ସାହାର୍ଯ୍ୟର ହାତ ବଢାଇଛନ୍ତି:
ବିପର୍ଯ୍ୟୟ ପରେ, ଭାରତ ତୁରନ୍ତ ରିଲିଫ୍ ସାମଗ୍ରୀ ଏବଂ ଔଷଧ ପଠାଇଥିଲା। ରୁଷ, ଚୀନ୍, ତୁର୍କୀ, ପାକିସ୍ତାନ, ଇରାନ, ଦକ୍ଷିଣ କୋରିଆ, ବ୍ରିଟେନ୍ ଏବଂ ଅଷ୍ଟ୍ରେଲିଆ ଭଳି ଦେଶ ମଧ୍ୟ ଆଫଗାନିସ୍ତାନକୁ ସିଧାସଳଖ ସହାୟତା ପ୍ରଦାନ କରିଛନ୍ତି। ମିଳିତ ଜାତିସଂଘ ମଧ୍ୟ ବିଶ୍ୱ ସମ୍ପ୍ରଦାୟକୁ ପାଣ୍ଠି ବୃଦ୍ଧି କରିବାକୁ ନିବେଦନ କରିଛି। ମିଳିତ ଜାତିସଂଘ ବିକାଶ କାର୍ଯ୍ୟକ୍ରମ (UNDP) ପ୍ରତିନିଧି ଷ୍ଟିଫେନ୍ ରୋଡ୍ରିଗେଜ କହିଛନ୍ତି ଯେ ଆମେ ନିଶ୍ଚିତ ଭାବରେ ଟଙ୍କା, ସାମଗ୍ରୀ ଏବଂ ସେବା ଆକାରରେ କିଛି ସାହାଯ୍ୟ ପାଇଛୁ, କିନ୍ତୁ ଆବଶ୍ୟକତା ବହୁତ ଅଧିକ। ଭିତ୍ତିଭୂମି ଏବଂ ନିଯୁକ୍ତି ଖରାପ ଭାବରେ ନଷ୍ଟ ହୋଇଯାଇଛି।
ଆମେରିକାର ନୀରବତା ଉପରେ ଉଠିଛି ପ୍ରଶ୍ନ :
ସହାୟକ ଦେଶ ତାଲିକାରେ ଆମେରିକାର ନାମ ଏପର୍ଯ୍ୟନ୍ତ ନାହିଁ। ୱାଶିଂଟନ୍ କୌଣସି ରିଲିଫ୍ ସାମଗ୍ରୀ ପଠାଇ ନାହିଁ କିମ୍ବା କୌଣସି ଆର୍ଥିକ ସହାୟତା ଘୋଷଣା କରିନାହିଁ। ରଏଟର୍ସର ଏକ ରିପୋର୍ଟ ଅନୁଯାୟୀ, ଯେତେବେଳେ ଆମେରିକାର ବୈଦେଶିକ ବିଭାଗକୁ ପଚରାଗଲା ଯେ ଆମେରିକା ଜରୁରୀକାଳୀନ ସହାୟତା ପ୍ରଦାନ କରିବ କି ନାହିଁ, ସେମାନଙ୍କର ଉତ୍ତର ଥିଲା ଯେ ବର୍ତ୍ତମାନ ଆମ ପାଖରେ ଘୋଷଣା କରିବା ପାଇଁ କିଛି ନାହିଁ। ପୂର୍ବତନ ଆମେରିକୀୟ ଅଧିକାରୀ ଏବଂ ବିଶେଷଜ୍ଞମାନେ କହିଛନ୍ତି ଯେ ଏହି ନୀରବତା ବିଶ୍ୱ ବିପର୍ଯ୍ୟୟ ସହାୟତା ନେତା ଭାବରେ ଆମେରିକାର ଦଶନ୍ଧି ପୁରୁଣା ଭୂମିକା ଉପରେ ପ୍ରଶ୍ନ ଉଠାଇଛି।
ଆମେରିକା କାହିଁକି ସାହାଯ୍ୟ ଯୋଗାଇ ପାରିଲା ନାହିଁ
ପ୍ରକୃତରେ, ଏପ୍ରିଲରେ, ଟ୍ରମ୍ପ ପ୍ରଶାସନ ଆଫଗାନିସ୍ତାନ ପାଇଁ ପ୍ରାୟ $୫୬୨ ନିୟୁତ ମୂଲ୍ୟର ସହାୟତା ବନ୍ଦ କରିଦେଇଥିଲା। କାରଣ ଦର୍ଶାଯାଇଥିଲା ଯେ ଆମେରିକୀୟ ପାଣ୍ଠି ଗ୍ରହଣ କରୁଥିବା ମାନବିକ ସଂଗଠନଗୁଡ଼ିକ ତାଲିବାନକୁ ଟିକସ ଏବଂ ଫି ଭାବରେ ପ୍ରାୟ $୧୦.୯ ନିୟୁତ ପ୍ରଦାନ କରିଥିଲେ। ଏହି ନୀତି ଯୋଗୁଁ, ଆନ୍ତର୍ଜାତୀୟ ଉଦ୍ଧାର କମିଟି (IRC) ଦ୍ୱାରା ଦାବି କରାଯାଇଥିବା ଆମେରିକୀୟ ପାଣ୍ଠିପ୍ରାପ୍ତ ଚିକିତ୍ସା ଉପକରଣ ଆଫଗାନିସ୍ତାନକୁ ପଠାଯାଇପାରିଲା ନାହିଁ। ଏହି ଉପକରଣଗୁଡ଼ିକରେ ଷ୍ଟ୍ରେଚର, ପ୍ରାଥମିକ ଚିକିତ୍ସା କିଟ୍ ଏବଂ ଅତ୍ୟାବଶ୍ୟକ ଚିକିତ୍ସା ସାମଗ୍ରୀ ଅନ୍ତର୍ଭୁକ୍ତ।
ଜାତିସଂଘର ମାନବିକତା ମୁଖ୍ୟ ଟମ୍ ଫ୍ଲେଚର କହିଛନ୍ତି ଯେ ଏହି ସଙ୍କଟ ସ୍ପଷ୍ଟ ଭାବରେ ଦର୍ଶାଉଛି ଯେ କିପରି ହ୍ରାସ ପାଉଥିବା ସମ୍ବଳ ମାନବିକତା କାର୍ଯ୍ୟକୁ ପ୍ରଭାବିତ କରୁଛି। ବିପୁଳ ପାଣ୍ଠି ହ୍ରାସ ସ୍ୱାସ୍ଥ୍ୟ ଏବଂ ପୁଷ୍ଟିକର ସେବାକୁ ପଙ୍ଗୁ କରିଦେଇଛି, ବିମାନ ସେବା ବନ୍ଦ କରିଦେଇଛି ଏବଂ ରିଲିଫ୍ ଏଜେନ୍ସିଗୁଡ଼ିକୁ କାର୍ଯ୍ୟକୁ ହ୍ରାସ କରିବାକୁ ବାଧ୍ୟ କରିଛି।
ବିଷାକ୍ତ ଜଳବାୟୁ ଯୋଗୁ ବ୍ୟାପୁଛି ବିଭିନ୍ନ ପ୍ରକାର ରୋଗ
ପୁରୀ ଜିଲ୍ଲା ଚାରିଛକ ଥାନା ଅଧିନ ବିଲସାହି ଗ୍ରାମରେ ବିଷାକ୍ତ ଜଳବାୟୁ ଯୋଗୁ ବ୍ୟାପୁଛି ବିଭିନ୍ନ ପ୍ରକାର ରୋଗ।ଗାଁରେ ଛୋଟ ଠାରୁ ଆରମ୍ଭ କରି ବଡ଼ ପଯ୍ୟନ୍ତ ଏଥିରେ ଆକ୍ରାନ୍ତ ହେଉଥିବା ଦେଖିବାକୁ ମିଳିଛି।ସୂଚନା ଅନୁଯାୟୀ ଗାଁ ମଝିରେ ଥିବା ପୋଖରୀ ପାଣି ବିଷାକ୍ତ ହେବାରୁ ଏହିଭଳି ଘଟଣା ଘଟୁଥିବା ଜଣାପଡିଛି।ଦୀର୍ଘ ଦିନ ହେବ ଏହି ଗାଁରେ କିଛି ମୁଷ୍ଟିମୟ ଲୋକ ଗାଁ ପୋଖରୀରେ ଗାଈ ଗୋରୁଙ୍କ ଗୋବର,ଗୋ ମୂତ୍ର ସହିତ ନିଜ ଘରର ଲାଟିନ ପାଣି ସିଧା ସଳଖ ପାଇପ ଯୋଗେ ପୋଖରୀକୁ ଛାଡ଼ୁଛନ୍ତି। ପୋଖରୀ ପାଣିକୁ ବିଷାକ୍ତ କରିବା ସହିତ ସଂପୂଣ୍ଣ ଗ୍ରାମର ଜଳବାୟୁ ବିଷାକ୍ତ କରୁଥିବା ଅଭିଯୋଗ କରିଛନ୍ତି ଗ୍ରାମବାସୀ।ତେବେ ଏନେଇ ପ୍ରଥମେ ଗ୍ରାମବାସୀ ଚାରିଛକ ଥାନା ଓ ଏଡିପିଓଙ୍କୁ ଅଭିଯୋଗ କରିଥିବା ବେଳେ ଅଭିଯୋଗ ଆଧାରରେ ମମଲା ରୁଜୁ ହେଇଥିଲେ ମଧ୍ୟ କୌଣସି ସୁଫଳ ନମିଳିବାରୁ ଗ୍ରାମବାସୀ ପୁରୀ ଏସ୍ପି ଏବଂ ଜିଲ୍ଲାପାଳଙ୍କୁ ଭେଟି ଅଭିଯୋଗ କରିଥିଲେ।ହେଲେ ଏସପି ଓ ଜିଲ୍ଲାପାଳଙ୍କ ହସ୍ତକ୍ଷେପ ପରେ ମଧ୍ୟ ସମସ୍ୟାର ସମାଧାନ ହୋଇପାରିନି ବୋଲି ଅଭିଯୋଗ କରିଛନ୍ତି ଗ୍ରାମବାସୀ।ଏପଟେ ପୋଖରୀକୁ ଲାଗି ଏକ ସରକାରୀ ପ୍ରାଥମିକ ବିଦ୍ୟାଳୟ ରହିଥିବା ବେଳେ ସେଠାରେ ଗ୍ରାମର ଅନେକ କୋମଳ ମତି ଶିଶୁ ମାନେ ପଢୁଥିବା ବେଳେ ଅନେକ ଶିଶୁ ରୋଗାକ୍ରାନ୍ତ ହୋଇ ମୃତ୍ୟୁ ବରଣ କରିବା ଜଣାପଡ଼ିଛି।ତେବେ ଆଗାମୀ ଦିନରେ ଏହି ସମସ୍ୟାର ସମାଧାନ କରା ନଗଲେ ସମୂହ ଗ୍ରାମବାସୀ ରାଜରାସ୍ତାକୁ ଓହ୍ଲାଇବା ବୋଲି ଗ୍ରାମବାସୀ ଚେତାବନୀ ଦେଇଛନ୍ତି।
ଖଇରାକୁ ଏନଏସି ଦାବି ନେଇ ୬ ଘଣ୍ଟିଆ ଖଇରା ବନ୍ଦ ଡାକରା ଦେଲା ବିଜେଡି
ଆଜି ୬ ଘଣ୍ଟିଆ ଖଇରା ବନ୍ଦ। ଖଇରାକୁ ଏନଏସି ଦାବି ନେଇ ୬ ଘଣ୍ଟିଆ ଖଇରା ବନ୍ଦ ଡାକରା ଦେଇଛି ବିଜେଡି। ବିଜେଡି ଜିଲ୍ଲା ସଭାପତି ଜ୍ୟୋତି ପ୍ରକାଶ ପାଣିଗ୍ରାହୀ ଙ୍କ ନେତୃତ୍ୱ ରେ ଆଜି ସକାଳ 6 ଘଟିକା ଠାରୁ ମଧ୍ୟାହ୍ନ 12 ଘଟିକା ପର୍ଯ୍ୟନ୍ତ ଖଇରା ବଜାର ବନ୍ଦ ଡାକରା ଦିଆଯାଇଛି । ଏଥିରେ ବିଭିନ୍ନ ପଂଚାୟତର ଲୋକ ପ୍ରତିନିଧି ସମେତ ଅଂଚଳବାସି ମାନେ ଉପସ୍ଥିତ ଥିଲେ l ଆଗାମୀ ଦିନରେ ଯଦି ସରକାର ଦାବି ପୂରଣ ନକରନ୍ତି ବିଜେଡି ରାଜରାସ୍ତାକୁ ଓଲ୍ହାଇବା ନେଇ ଚେତାବନୀ ଦେଇଛି ବିଜେଡି l ଖଇରା ବଜାରରୁ ଆନ୍ଦୋଳନ କାରିଙ୍କ ସହିତ ଅଧିକ ଆଲୋଚନା କରୁଛନ୍ତି ଆମ ପ୍ରତିନିଧି ତପୋଧନ ବାରିକ॥
୬୦ କୋଟି ଟଙ୍କା ଠକେଇ ମାମଲାରେ ଶିଳ୍ପା ସେଟ୍ଟୀ ଏବଂ ରାଜ କୁନ୍ଦ୍ରାଙ୍କ ବିରୋଧରେ ଲୁକଆଉଟ୍ ନୋଟିସ୍
ନନ୍ଦିଘୋଷ ବ୍ୟୁରୋ: ପୁଣି ଅଡ଼ୁଆରେ ପଡ଼ିଛନ୍ତି ବଲିଉଡ଼ ଅଭିନତ୍ରୀ ଶିଳ୍ପା ସେଟ୍ଟୀ ଏବଂ ତାଙ୍କ ସ୍ଵାମୀ ରାଜ କୁନ୍ଦ୍ରା । ୬୦ କୋଟି ଟଙ୍କା ଠକେଇ ମାମଲାରେ ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀ ଏବଂ ତାଙ୍କ ସ୍ଵାମୀ ରାଜ କୁନ୍ଦ୍ରାଙ୍କ ନାମରେ ଲୁକ ଆଉଟ ସର୍କୁଲାର(ଏଲଓସି) ଜାରି କରାଯାଇଛି। ଏହି ଦମ୍ପତି ବାରମ୍ବାର ବିଦେଶ ଗସ୍ତ କରୁଥିବାରୁ ମୁମ୍ବଇ ପୁଲିସର ଅର୍ଥନୈତିକ ଅପରାଧ ଶାଖା(ଇଓଡବ୍ଲ୍ୟୁ) ପକ୍ଷରୁ ସେମାନଙ୍କ ନାମରେ ଏଲଓସି ଜାରି କରାଯାଇଛି।
ଅଭିଯୋଗ ଅନୁସାରେ, ଶିଳ୍ପା ଏବଂ ରାଜ ଜଣେ ବ୍ୟବସାୟୀ ଦୀପକ କୋଠାରୀ(୬୦)ଙ୍କ ସହିତ ଋଣ ଏବଂ ନିବେଶ ଡିଲ କରିଥିଲେ। ଯେଉଁଥିରେ ସେମାନେ ଉକ୍ତ ବ୍ୟବସାୟୀଙ୍କୁ ୬୦ କୋଟି ଟଙ୍କା ଠକିଥିବା ନେଇ ଗତ ଅଗଷ୍ଟ ୧୪ ତାରିଖରେ ଜୁହୁ ଥାନାରେ ଏକ ମାମଲା ରୁଜୁ ହୋଇଥିଲା। ଠକେଇ ପରିମାଣ ୧୦ କୋଟିରୁ ଅଧିକ ହୋଇଥିବାରୁ ମାମଲା ଇଓଡବ୍ଲ୍ୟୁକୁ ହସ୍ତାନ୍ତର କରାଯାଇଥିଲା । ଅଭିଯୋଗକାରୀ ଦୀପକଙ୍କର ଏକ ଆର୍ଥିକ ସଂସ୍ଥା ରହିଛି । ଦୀପକ ହେଉଛନ୍ତି ‘ଲୋଟସ କ୍ୟାପିଟାଲ ଫାଇନାନ୍ସିଆଲ ସର୍ଭିସେସ୍ ଲିମିଟେଡ’ର ମାଲିକ। ବେଷ୍ଟ ଡିଲ୍ ଟିଭି କମ୍ପାନୀରେ ପୁଞ୍ଜି ବିନିଯୋଗ କଲେ ଅଧିକ ସୁଧ ପ୍ରଦାନ କରାଯିବ ବୋଲି କୁନ୍ଦ୍ରା ସେତେବେଳେ ଦୀପକଙ୍କୁ ପ୍ରବର୍ତ୍ତାଇଥିଲେ।
ତଦନୁଯାୟୀ ଦୀପକ ଦୁଇଟି ଦଫାରେ ଯଥାକ୍ରମେ ୩୧.୯୫ ଏବଂ ୨୮.୫୩ କୋଟି ଟଙ୍କା କୁନ୍ଦ୍ରାଙ୍କ କମ୍ପାନୀରେ ବିନିଯୋଗ କରିଥିଲେ। ୨୦୧୬ରେ ବେଷ୍ଟ ଡିଲ୍ କମ୍ପାନୀ ଦେବାଳିଆ ଘୋଷିତ ହୋଇଥିବାବେଳେ ଶିଳ୍ପା ଏହି କମ୍ପାନୀର ନିର୍ଦେଶିକା ପଦରୁ ଇସ୍ତଫା ଦେଇଥିଲେ। ମୂଳଧନ ଫେରିପାଇବାକୁ ଦୀପକ ଏକାଧିକ ଥର ଉଦ୍ୟମ କରି ବିଫଳ ହେବାପରେ ଥାନାରେ ଏତଲା ଦେଇଥିଲେ। ଭାରତୀୟ ପିଙ୍ଗଳ କୋଡର ବିଭିନ୍ନ ଧାରା ଅନୁଯାୟୀ ମୁମ୍ବାଇ ପୋଲିସ ଶିଳ୍ପା ଓ କୁନ୍ଦ୍ରାଙ୍କ ବିରୋଧରେ ମାମଲା ରୁଜୁ କରିଥିଲା। ଅପରପକ୍ଷରେ ଏହି ଠକେଇ ଅଭିଯୋଗକୁ ଦମ୍ପତି ଖଣ୍ଡନ କରିଛନ୍ତି। କିନ୍ତୁ ଅଭିଯୋଗକାରୀଙ୍କ ଅଭିଯୋଗକ୍ରମେ ଏବେ ଚାଲିବ ତଦନ୍ତ ।
ମୁଖ୍ୟମନ୍ତ୍ରୀ କାମଧେନୁ ଯୋଜନା ପଡ଼ିଲା ମହଙ୍ଗା: ଗୋ ରକ୍ଷକ ନାମରେ ଗୁଣ୍ଡାଗିରି
ମୁଖ୍ୟମନ୍ତ୍ରୀ କାମଧେନୁ ଯୋଜନା ପଡ଼ିଲା ମହଙ୍ଗା। ଗୋ ରକ୍ଷକ ନାମରେ ଗୁଣ୍ଡାଗିରି। ଚାଷୀଙ୍କୁ ମାଡ଼ ମାରିଲେ ଗୋରକ୍ଷକ ବାହିନୀର ଗୁଣ୍ଡା। ଜୀବନ ହାରିଲା ନିଷ୍ପାପ କୁନି ବାଛୁରୀ। ଆନ୍ଧ୍ରରୁ ସିଠାଳ ଆସୁଥିବାବେଳେ ପଳାଶୁଣି ଛକ ନିକଟରେ ଘଟିଛି ଏହି ଘଟଣା। କାମଧେନୁ ଯୋଜନାରେ ଲୋନରେ ଦୁଇଟି ଗାଡ଼ିରେ ଚାରୋଟି ଗାଈ ସାଙ୍ଗକୁ ତିନୋଟି ବାଛୁରୀ ଆନ୍ଧ୍ରରୁ ଆଣିବା ବେଳେ ପଳାଶୁଣୀ ଛକ ନିକଟରେ ଅଟକାଇଥିଲେ ଦୁର୍ବୃତ୍ତ। ନିଜକୁ ଗୋରକ୍ଷକ ବାହିନୀର ଲୋକ କହି ପ୍ରମାଣପତ୍ର ମାଗିଥିଲେ। ଚାଷୀ ଜଣକ ପ୍ରମାଣ ପତ୍ର ଦେଵା ପରେ କାଗଜକୁ ଜାଲ ବୋଲି କହି ଉଲଗ୍ନ କରି ମାଡ଼ ମାରିଥିବା ଅଭିଯୋଗ କରିଛନ୍ତି ଚାଷୀ। ଏ ନେଇ ମଞ୍ଚେଶ୍ୱର ଥାନାର ଦ୍ୱାରସ୍ଥ ହୋଇଛନ୍ତି କଟକ ଜିଲ୍ଲା ସିଠାଳର ଚାଷୀ। ଏହି ଗଣ୍ଡଗୋଳ ଭିତରେ ଗୋଟିଏ ବାଛୁରୀ ଜୀବନ ହାରିଛି।