ଭୁବନେଶ୍ୱର : ଖଲ୍ଲିକୋଟ ହିଂସା ଘଟଣାରେ ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ ଉଦବେଗ ପ୍ରକାଶ କରିଛନ୍ତି । ସୋସିଆଲ ମିଡିଆ ଏକ୍ସରେ ପ୍ରତିକ୍ରିୟା ରଖି ନବୀନ କହିଛନ୍ତି, ଏଭଳି ଘଟଣା ପାଇଁ ସେ ମର୍ମାହତ ଓ ଦୁଃଖିତ । ଗଣତନ୍ତ୍ର ପାଇଁ ଏହା ଶୁଭଙ୍କର ନୁହେଁ । ମୃତ ବ୍ଯକ୍ତିଙ୍କ ଶୋକସନ୍ତପ୍ତ ପରିବାରକୁ ସେ ସମବେଦନା ଜଣାଇବା ସହ ଆହତଙ୍କ ଆଶୁ ଆରୋଗ୍ଯ କାମନା କରିଛନ୍ତି । ଗଞ୍ଜାମ ଜିଲ୍ଲା ଖଲ୍ଲିକୋଟ ନିର୍ବାଚନମଣ୍ଡଳିରେ ଗତକାଲିଠାରୁ ନିର୍ବାଚନୀ ହିଂସା ଦେଖିବାକୁ ମିଳିଛି । କୃଷ୍ଣଶରଣପୁରଠାରେ ପୋଷ୍ଟର ମରାକୁ କେନ୍ଦ୍ର କରି ବିଜେଡି ଓ ବିଜେପି କର୍ମୀଙ୍କ ମଧ୍ଯରେ ମୁହାଁମୁହିଁ ପରିସ୍ଥିତି ଏବଂ ଆକ୍ରମଣ ଓ ପ୍ରତିଆକ୍ରମଣ ହୋଇଥିଲା । ଏଥିରେ ବିଜେଡିର ୮ ଜଣ କର୍ମୀ ଗୁରୁତର ହୋଇଥିବାବେଳେ ବିଜେପିର ଜଣେ କର୍ମୀଙ୍କର ମୃତ୍ଯୁ ହୋଇଛି । ମୃତକ ହେଲେ ଦିଲ୍ଲୀପ ପାହାନ । ବିଜେଡିର ୮ ଜଣ ଗୁରୁତରଙ୍କୁ ବ୍ରହ୍ମପୁର ଏମକେସିଜିରେ ଭର୍ତ୍ତି କରାଯାଇଛି । ଗତକାଲି ମଧ୍ଯରାତ୍ରିରେ ଖଲ୍ଲିକୋଟ ବିଜେଡି ବିଧାୟକ ତଥା ପ୍ରାର୍ଥୀ ସୂର୍ଯ୍ୟମଣି ବୈଦ୍ଯଙ୍କ ଭାସଭବନ ସାମ୍ନାରେ ବିଜେପି କର୍ମୀମାନେ ଅଭାବନୀୟ ପରିସ୍ଥିତି ସୃଷ୍ଟି କରିଥିଲେ । ଘର ସାମ୍ନାରେ ଥିବା ଗାଡ଼ିଗୁଡ଼ିକୁ ଠେଙ୍ଗା ଓ ଲୁହା ରଡରେ ବାଡ଼େଇ ଚୂରମାର କରିଛନ୍ତି । ଆଜି ସକାଳୁ କିଛି ବିଜେପି କର୍ମୀ ଖଲ୍ଲିକୋଟ ଥାନା ଆଗରେ ରୁଣ୍ଡ ହୋଇଛନ୍ତି । ଘଟଣାକୁ ଦୃଷ୍ଟିରେ ରଖି ପୋଲିସ ପ୍ରଶାସନ ପକ୍ଷରୁ ସୁରକ୍ଷା ବ୍ଯବସ୍ଥାକୁ ବଢ଼ାଯାଇଛି ।
ସ୍ଲୋଭାକିଆ ପ୍ରଧାନମନ୍ତ୍ରୀଙ୍କ ଉପରେ କିଏ ଓ କେମିତି କଲା ଆକ୍ରମଣ ?
ନନ୍ଦଘୋଷ ବ୍ୟୁରୋ : ସ୍ଲୋଭାକିଆର ପ୍ରଧାନମନ୍ତ୍ରୀ ରବର୍ଟ ଫିକୋଙ୍କୁ ଏକାଧିକ ଗୁଳି ଚଳାଇବାରୁ ଗୁରୁତର ଅବସ୍ଥାରେ ତାଙ୍କୁ ଡାକ୍ତରଖାନା ନିଆଯାଇଥିଲା । ଛାତି ଏବଂ ପେଟରେ ଏକାଧିକ ଗୁଳି ବାଜିବା ଯୋଗୁଁ ସେ ସାଂଘାତିକ ଆଘାତ ପାଇଥିଲେ। ସେତେବେଳେ ପିଏମ ଫିକୋ ଏକ ସରକାରୀ ବୈଠକରେ ଅଧ୍ୟକ୍ଷତା କରିବା ପାଇଁ ହ୍ୟାଣ୍ଡଲୋଭା ସହରରେ ପହଞ୍ଚିଥିଲେ। ବୈଠକ ଶେଷ ହେବା ପରେ ଗୁଳି ଚାଳନା କରାଯାଇଥିଲା। ଫେକୋର ଅଫିସିଆଲ୍ ଫେସବୁକ୍ ପେଜ୍ ରେ ଏହି ସୂଚନା ମିଳିଥିଲା । ବର୍ତ୍ତମାନ ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ରହିଛି ।” ଏହି ଘଟଣା ଘଟିବାବେଳେ ଡେନିକ୍ ଏନ ସାମ୍ବାଦିକ ଘଟଣାସ୍ଥଳରେ ଉପସ୍ଥିତ ଥିଲେ। ସେ କହିଛନ୍ତି ଯେ ଚାରୋଟି ଗୁଳିର ଶବ୍ଦ ଶୁଣାଯିବା ପରେ ଫିକୋ ତଳେ ପଡିଯାଇଥିଲେ । ତାଙ୍କୁ ତୁରନ୍ତ ହସ୍ପିଟାଲକୁ ନିଆଯାଇଥିଲା । ଏହି ଦୃଶ୍ୟ ସିସିଟିଭିରେ ମଧ୍ୟ କଏଦ ହୋଇଛି । କେବଳ ସେତିକି ନୁହେଁ ସୁରକ୍ଷା କର୍ମୀ ଜିନ୍ସ ପିନ୍ଧିଥିବା ଜଣେ ବ୍ୟକ୍ତିଙ୍କୁ ଧରିଥିଲେ । ଯିଏ ଫିକୋଙ୍କୁ ଗୁଳିକରିଥିବା ସନ୍ଦହ କରାଯାଉଛୀ । ପରବର୍ତ୍ତି ସମୟରେ ଫିକୋଙ୍କୁ ହେଲିକପ୍ଟର ଯୋଗେ ବାନସ୍କାର ଏକ ଡାକ୍ତରଖାନାକୁ ନିଆଯାଇଥିଲା। ସ୍ଲୋଭାକିଆର ରାଷ୍ଟ୍ରପତି ଜୁଜାନା ତାଙ୍କ ରାଜନୈତିକ ପ୍ରତିଦ୍ୱନ୍ଦ୍ୱୀ ଉପରେ ହୋଇଥିବା ଆକ୍ରମଣକୁ ନେଇ ଦୁଃଖପ୍ରକାଶ କରି ଏହାକୁ ନିନ୍ଦାକରିବା ସହ କାପୁରୁଷର ଆକ୍ରମଣ ବୋଲି କହିଥିଲେ।
ୟୁରୋପୀୟ ୟୁନିଅନର ମୁଖ୍ୟ ଉର୍ସୁଲା ଭନ୍ ଡେର୍ ଲେଏନ୍ କହିଛନ୍ତି, “ଏଭଳି ହିଂସା କାର୍ଯ୍ୟ ଆମ ସମାଜରେ ସ୍ଥାନ ନାହିଁ। ଏହା ଗଣତନ୍ତ୍ରକୁ ଦୁର୍ବଳ କରେ | ପିଏମ ଫିକୋ ଏବଂ ତାଙ୍କ ପରିବାର ସହ ମୋର ସମବେଦନା ରହିଛି। ” ଏଥିସହ, ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନସ୍କି କହିଛନ୍ତି ଯେ କୌଣସି ଦେଶ, ଧର୍ମ କିମ୍ବା ଅଞ୍ଚଳରେ ହିଂସା ଆଦର୍ଶରେ ପରିଣତ ନହେବା ପାଇଁ ସମସ୍ତ ପ୍ରକାର ପ୍ରୟାସ କରାଯିବା ଉଚିତ। ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ ଏହି ଗୁଳିକୁ ଏକ ଘୃଣ୍ୟ ଅପରାଧ ବୋଲି କହିଛନ୍ତି।
ସୁରକ୍ଷା କର୍ମୀଙ୍କ ଆଖିକୁ ଲଙ୍କା ଗୁଣ୍ଡ ଫୋପାଡି ଫେରାର ହେଲେ ୪ ବାଳ ଅପରାଧୀ
ରାଜସ୍ଥାନ: ରାଜସ୍ଥାନ ହନୁମାନଗଡ଼ରେ ଥିବା ବାଲ ସ୍ୱଧାର ଗୃହରୁ ୪ ବାଳ ଅପରାଧୀ ଫେରାର । ସୁରକ୍ଷାକର୍ମୀଙ୍କ ଆଖିକୁ ଲଙ୍କା ଗୁଣ୍ଡା ଫୋପାଡି ଫେରାର ହୋଇଛନ୍ତି ୪ ବାଳ ଅପରାଧୀ। ପୋଲିସ ଏହି ଘଟଣାର ଛାନଭିନ୍ ଆରମ୍ଭ କରିଛି ।
ହନୁମାନଗଡ଼ ବାଳ ସ୍ୱଧାର ଗୃହର ନିରୀକ୍ଷକ ମନୋଜ କୁମାରଙ୍କ କହିବାନୁଯାୟୀ, ବାଳ ଅପରାଧୀମାନେ ସୁରକ୍ଷା କର୍ମୀଙ୍କୁ ପାଣି ପିଇବାକୁ ମାଗିଥିଲେ। ଏହାପରେ ସୁରକ୍ଷା କର୍ମୀଜଣକ ଗେଟ୍ ଖୋଲି ତାଙ୍କୁ ପାଣି ଦେଇଥିଲେ । ଏହାର ସୁଯୋଗ ନେଇ ବାଳ ଅପରାଧୀମାନେ ତାଙ୍କ ଆଖିକୁ ଲଙ୍କା ଗୁଣ୍ଡ ଫୋପାଡ଼ି ଫେରାର ହୋଇ ଯାଇଥିଲେ। ଏହି ଘଟଣାରେ ସୁରକ୍ଷାକର୍ମୀଙ୍କ ଅବହେଳା ରହିଥିବା ମଧ୍ୟ କୁହାଯାଉଛି ।
ବାଳ ଅପରାଧୀଙ୍କ ପଳାୟନ ଘଟଣା ସିସିଟିଭିରେ କଏଦ ହୋଇଛି । ସିସିଟିଭି ଫୁଟେଜରେ ଏହା ଦେଖିବାକୁ ମିଳିଛି ଯେ, କିପରି ଭାବେ ବାଳ ଅପରାଧୀମାନେ ସୁରକ୍ଷାକର୍ମୀଙ୍କ ଆଖିକୁ ଲଙ୍କାଗୁଣ୍ଡା ଫୋପାଡି ସେଠାରୁ ଦୌଡି ପଳାଇଯାଇଥିଲେ । ଏହି ଘଟଣାକୁ ନେଇ ପୋଲିସ ତଦନ୍ତ ଆରମ୍ଭ କରିଛି ।
ସେକ୍ସ ରାକେଟ୍ ମାମଲାରେ ୮ ଅଧିକାରୀ ଓ ପୋଲିସ ସମେତ ୨୧ ଗିରଫ
ଇଟ୍ଟାନଗର: ଅରୁଣାଚଳ ପ୍ରଦେଶ ପୋଲିସକୁ ବଡ ସଫଳତା । ନାବାଳିକାଙ୍କୁ ନେଇ ଚାଲିଥିବା ସେକ୍ସ ରାକେଟର ପର୍ଦ୍ଦାଫାସ। ଇଟ୍ଟାନଗରରେ ଏକ ଆନ୍ତଃରାଜ୍ୟ ସେକ୍ସ ମାମଲାର ପର୍ଦ୍ଦାଫାସ କରିଛି ଅରୁଣାଚଳ ପ୍ରଦେଶ ପୋଲିସ । ସେକ୍ସ ରାକେଟରେ ଫସିରହିଥିବା ୧୦ରୁ ୧୫ ବର୍ଷ ବୟସର ନାବାଳିକାଙ୍କୁ ଉଦ୍ଧାର କରାଯାଇଛି। ଏହି ଘଟଣାରେ ଦଲାଲ, ଗ୍ରାହକ, ପୋଲିସ ଅଧିକାରୀଙ୍କ ସମେତ ୨୧ ଜଣଙ୍କୁ ଗିରଫ କରାଯାଇଛି । ଗିରଫ ଗ୍ରାହକଙ୍କ ମଧ୍ୟରେ ୮ ଜଣ ସରକାରୀ କର୍ମଚାରୀ ମଧ୍ୟ ଅଛନ୍ତି।
ପୋଲିସ ଅଧିକ ସୂଚନା ଦେଇ କହିଛି ଯେ, ଉଦ୍ଧାର ନାବାଳିକା ସମସ୍ତ ଆସାମ ଓ ଉଦଲଗୁରିର । ସେମାନଙ୍କୁ ପ୍ରଲୋଭନ ଦେଖାଇ ୨୦୨୦ ରୁ ୨୦୨୩ ମଧ୍ୟରେ ଇଟ୍ଟାନଗରକୁ ଅଣାଯାଇଥିଲା । ଏବଂ ସେଠାରେ ତାଙ୍କୁ ଗଣଦୁଷ୍କର୍ମ କରାଯାଇଥିଲା । ଉଦ୍ଧାର ହୋଇଥିବା ଝିଅଙ୍କ ମଧ୍ୟରୁ ଜଣେ ଆଠ ବର୍ଷର ଝିଅ ଥିବା ବେଳେ ୨୦୨୦ରେ ତାଙ୍କୁ ଇଟ୍ଟାନଗରକୁ ଅଣାଯାଇଥିଲା। ଏହାପରେ ସେ ଦଲାଲଙ୍କ ହାତରୁ ଖସିବାରେ ସଫଳ ହୋଇଥିଲେ । ପରେ ୨୦୨୨ରେ ଝିଅଟି ପୁଣି ଦଲାଲଙ୍କ ହାତରେ ଧରା ପଡିଯାଇଥିଲେ ।
ଉଦ୍ଧାର ହୋଇଥିବା ନାବାଳିକାଙ୍କ ମଧ୍ୟରୁ ୩ ଜଣଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ଅଛି । ସେମାନେ ଏଚ.ଆଇ.ଭି ଏଡସ୍ ଭଳି ଗମ୍ଭୀର ରୋଗରେ ପୀଡିତ ଅଛନ୍ତି । ପୋଲିସ ଆହୁରୀ ମଧ୍ୟ କହିଛି ଯେ, ଶିଶୁ ଚାଲଣ ଏବଂ ସେକ୍ସ ରାକେର୍ଟରେ ସମ୍ପୃକ୍ତ ଥିବା ବ୍ୟକ୍ତିଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ଦୁଇଟି ଭୟଙ୍କର ଦୁର୍ଘଟଣା ୧୨ମୃତ, ୧୬ ଆହତ
ନନ୍ଦିଘୋଷ ବ୍ୟୁରୋ : ଗୋଟିଏ ଦିନରେ ଦୁଇ ଦୁଇଟି ଭୟଙ୍କର ଦୁର୍ଘଟଣାରେ ଚାଲିଗଲା ୧୨ଜଣଙ୍କ ଜୀବନ । ସୂଚନା ଅନୁସାରେ ତାମିଲନାଡୁରେ ଯାତ୍ରୀବାହୀ ବସ୍ ଦୁର୍ଘଟଣାରେ ୪ ଜଣଙ୍କର ମୃତ୍ୟୁ। ଦୁର୍ଘଟଣାରେ ବସରେ ଥିବା ୧୫ ଯାତ୍ରୀ ଆହତ ହୋଇଛନ୍ତି। ତାମିଲନାଡୁ ମଦୁରାନ୍ଥକମ ଚେନ୍ନାଇ-ତ୍ରିଚୀ ଜାତୀୟ ରାଜପଥରେ ଘଟିଛି ମର୍ମନ୍ତୁଦ ଦୁର୍ଘଟଣା । ବସ୍ ଓ ଟ୍ରକ ମଧ୍ୟରେ ଧକ୍କା ଫଳରେ ଘଟିଛି ଦୁର୍ଘଟଣା। ଟ୍ରକକୁ ଓଭରଟେକ୍ କରୁଥିବାବେଳେ ବସଟି ନିୟନ୍ତ୍ରଣ ହରାଇଥିଲା। ଦୁର୍ଘଟଣା ଏତେ ଭୟଙ୍କର ଥିଲା ଯେ ବସର ସାମ୍ନା ପଟ୍ଟ ସପୂର୍ଣ୍ଣ ଭାଙ୍ଗିଯାଇଛି। ସମସ୍ତ ଆହତ ଯାତ୍ରୀଙ୍କୁ ଉଦ୍ଧାର କରାଯାଇ ଚେଙ୍ଗାଲପାଟ୍ଟୁ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ସେହିଭଳି ମଧ୍ୟପ୍ରଦେଶ ଇନ୍ଦୋରରେ ମଧ୍ୟ ଭୟଙ୍କର ସଡ଼କ ଦୁର୍ଘଟଣା ଘଟିଛି।। ଛିଡ଼ା ହୋଇଥିବା ଟ୍ରକକୁ ଧକ୍କା ଦେଲା ବୋଲେରୋ । ଦୁର୍ଘଟଣାରେ ୮ ଜଣଙ୍କ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ହୋଇଛନ୍ତି। ଇନ୍ଦୋର-ଅହମଦାବାଦ ଜାତୀୟ ରାଜପଥ ଘାଟାବିଲ୍ଲୋଡ ନିକଟରେ ଘଟିଛି ଦୁର୍ଘଟଣା। ମୃତକଙ୍କ ମଧ୍ୟରେ ଅଛନ୍ତି ଜଣେ ମହିଳା। ଦୁର୍ଘଟଣା ପରେ ଘଟଣାସ୍ଥଳରେ ଡ୍ରାଇଭର ଫେରାର୍ ହୋଇଯାଇଛି। ଖବର ପାଇ ସ୍ଥାନୀୟ ଲୋକେ ପହଞ୍ଚି ଉଦ୍ଧାର କରିଥିଲେ। ପରେ ପୋଲିସ ଓ ଆମ୍ବୁଲାନ୍ସ ପହଞ୍ଚି ମୃତଦେହ ଉଦ୍ଧାର କରିଛି।
ବିଞ୍ଝାରପୁରରେ ମାଟି ଅତଡ଼ା ଧସି ୩ ମୃତ
ବିଞ୍ଝାରପୁର : ମାଟି ଅତଡ଼ା ଧସି ୩ ମୃତ । ଯାଜପୁର ବିଞ୍ଝାରପୁର ବ୍ଲକ ଅଳକୁଣ୍ଡ ଥାନା ରାହାସଗୁହାଳି ଗାଁରେ ଘଟିଛି ଅଭାବନୀୟ ଘଟଣା । ଗତକାଲି ବିଳମ୍ବିତ ରାତିରେ ପାଇପ ବିଛାଉଥିବାବେଳେ ଶ୍ରମିକଙ୍କ ଉପରେ ମାଟି ଅତଡ଼ା ଧସିଥିଲା । ମାଟିରେ ପୋତି ହୋଇ ସମସ୍ତଙ୍କର ମୃତ୍ଯୁ ହୋଇଥିବା ସନ୍ଦେହ କରାଯାଉଛି । ଶ୍ରମିକମାନେ ବାହାର ରାଜ୍ଯର ହୋଇଥିବା ସୂଚନା ମିଳିଛି । ମୃତକଙ୍କ ପରିଚୟ ସ୍ପଷ୍ଟ ହୋଇନଥିବାବେଳେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ କରୁଛି । ସୂଚନା ଅନୁସାରେ କିଛିଦିନ ହେବ ଯାଜପୁର ବିଞ୍ଝାରପୁର ବ୍ଲକ ଅଳକୁଣ୍ଡ ଅଞ୍ଚଳରେ ପାଇପ୍ ବିଛାଯିବା କାର୍ଯ୍ୟ ଚାଲୁଛି । ବାହାର ରାଜ୍ୟରୁ ଶ୍ରମିକମାନେ ଆସି କାମ କରୁଥିଲେ । କେଉଁ ପରିସ୍ତିତିରେ ଏଭଳି ଏକ ଅଭାବନୀୟ ଘଟଣା ଘଟିଲା ସେନେଇ କାରଣ ଖୋଜୁଛି ପୋଲିସ । ଅପରପକ୍ଷେ ମୋଟ କେତେ ଜଣ ଶ୍ରମିକ କାର୍ଯ୍ୟ କରୁଥିଲେ । ସେମାନଙ୍କ ମଧ୍ୟରେ କୌଣସି ଶତୃତା ଥିଲା କି ? ଯଦି ମାଟି ଅତଡା ଖସି ମୃତ୍ୟୁ ହୋଇଛି ତାହେଲେ ଘଟଣା ସ୍ଥଳରେ ଆଓ କେଉଁମାନେ ଉପସ୍ଥିତ ଥିଲେ ତାହାର ମଧ୍ୟ ତଦନ୍ତ କରୁଛି ପୋଲିସ ।
ମୁଖ୍ୟମନ୍ତ୍ରୀଙ୍କ ରୋଡ ଶୋ’ ପାଇଁ ଜାରିହେଲା ଟ୍ରାଫିକ କଟକଣା
ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ରୋଡ ଶୋ ଲାଗି ଟ୍ରାଫିକ କଟକଣା ଜାରି କରାଯାଇଛି। ଆଜି ଅପରାହ୍ନ ୪ଟା ୩୦ ମିନିଟ ଠାରୁ ରୋଡ ଶୋ ସରିବା ପର୍ଯ୍ୟନ୍ତ ଏହି ଟ୍ରାଫିକ୍ କଟକଣା ଜାରି କରାଯାଇଛି। ଭୁବନେଶ୍ଵର ୟୁନିଟ୬ ସ୍ଥିତ ଗଙ୍ଗନଗର ଛକଠାରୁ ଏଲଆଇସି ଅଫିସ ଛକଠାରୁ ବାମ ପାର୍ଶ୍ଵ ରାସ୍ତା ଦେଇ ଗୋପବନ୍ଧୁ ଛକ, ଓୟୁଏଟି ଗେଷ୍ଟ ହାଉସ ଛକରୁ ଡାହାଣ ପାର୍ଶ୍ଵ ରାସ୍ତା ଦେଇଅ ୟୁନିଟ-୮ ଡିଏଭି ସ୍କୁଲ ଛକ, ଏଚଡିଏଫସି ବ୍ୟାଙ୍କ ଛକଠାରୁ ବାମ ପାର୍ଶ୍ଵ ରାସ୍ତା ଦେଇ ବାଲୁଙ୍କେଶ୍ଵର ମନ୍ଦିର ଛକ, ମମତାଜ ଅଲି ସ୍କୁଲ, ଶ୍ରୀକୃଷ୍ଣ କ୍ଲବ ଠାରୁ ଡାହାଣ ପାର୍ଶ୍ଵ ରାସ୍ତା ଦେଇ ବେହେରା ସାହି ଛକ, ନିକ୍କୋ ପାର୍କ ଛକ, ବାୟାବାବା ମଠ ଠାରୁ ବାମ ପାର୍ଶ୍ଵ ରାସ୍ତା ଦେଇ ରୂପାଲୀ ଛକଠାରୁ ୟୁଟର୍ଣ୍ଣ ନେଇ ରାମମନ୍ଦିର ଛକ, ଶ୍ରୀୟା ଛକ, ମାଷ୍ଟର କ୍ଯାଣ୍ଟିନ ଦେଇ ଶିଶୁ ଭବନ ଛକ ରାସ୍ତା ପର୍ଯ୍ୟନ୍ତ କୌଣସି ପ୍ରକାରର ଯାନବାହାନ ଯିବା ଆସିବା କରିପାରିବ ନାହିଁ। ଏହି ସବୁ ରାସ୍ତା ଗୁଡିକୁ ସଂଯୋଗ କରୁଥିବା ସମସ୍ତ ଗଳି ରାସ୍ତାରୁ କୌଣସି ପ୍ରକାର ଯାନବାହନ ସେହି ରାସ୍ତାକୁ ଯିବାକୁ ଦିଆଯିବ ନାହିଁ। ଏହି ସବୁ ରାସ୍ତାରେ ନଯାଇ ଅନ୍ୟ ରାସ୍ତା ଦେଇ ଯାତାୟାତ କରିବାକୁ କମିଶନରେଟ ପୋଲସି ପକ୍ଷରୁ ଜନସାଧାରଣଙ୍କୁ ଅନୁରୋଧ କରାଯାଇଛି।
ଦୁଇ ଶକ୍ତିଶାଳୀ ରାଷ୍ଟ୍ରର ମୁଖ୍ୟ ପୁଟିନ-ଜିନପିଙ୍ଗଙ୍କ ବୈଠକ ଉପରେ ରହିଛି ବିଶ୍ୱର ନଜର
ନନ୍ଦିଘୋଷ ବ୍ୟୁରୋ : ଚିନ୍ ରେ ଏପରି ଏକ ସଭା ହେବାକୁ ଯାଉଛି, ଯାହା ଉପରେ ସମଗ୍ର ବିଶ୍ୱ ବାସୀ ନଜର ରଖିଛନ୍ତି। ନାଟୋ ଟେନସନରେ ଅଛି, ଆମେରିକା ମଧ୍ୟ ଚିନ୍ତିତ। ବିଭିନ୍ନ ପ୍ରକାରର କଳ୍ପନାଜଳ୍ପନା କରାଯାଉଛି । ତେବେ ଆଜି ପୁଟିନ ଏବଂ ଜିନପିଙ୍ଗଙ୍କ ମଧ୍ୟରେ ହୋଇଥିବା ବିଶେଷ ବୈଠକରେ କ’ଣ ଘଟିବ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ପଞ୍ଚମ ଥର ରାଷ୍ଟ୍ରପତି ଭାବରେ ଶପଥ ଗ୍ରହଣ କରିବା ପରେ ପୁଟିନ ପ୍ରଥମ ଥର ପାଇଁ ଚୀନ୍ ଗସ୍ତ କରୁଛନ୍ତି। ପାଶ୍ଚାତ୍ୟ ସହର ସହ ଋଷର ତିକ୍ତତା ଏବଂ ୟୁକ୍ରେନ ସହିତ ଚାଲିଥିବା ଯୁଦ୍ଧ ମଧ୍ୟରେ ବିଶ୍ୱର ଦୁଇଟି ବଡ ଶକ୍ତିର ବୈଠକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି। ଗତ ବର୍ଷ ପୁଟିନ ଏବଂ ଜିନପିଙ୍ଗ ମଧ୍ୟ ଦ୍ୱିପାକ୍ଷିକ ଆଲୋଚନା କରିଥିଲେ। ଏହି ବାର୍ତ୍ତାଳାପ ପରେ ଜିନପିଙ୍ଗ କହିଥିଲେ ଯେ ଏଭଳି ପରିବର୍ତ୍ତନ ଘଟୁଛି ଯାହା ଗତ ୧୦୦ ବର୍ଷ ମଧ୍ୟରେ ହୋଇନାହିଁ, ଆମେ ଦୁହେଁ ଏକାଠି ଏହି ପରିବର୍ତ୍ତନକୁ ଆଗେଇ ନେଉଛୁ। ପୁଟିନ ମଧ୍ୟ ଏଥିରେ ରାଜି ହୋଇଥିଲେ।
ଚୀନ୍ ଏବଂ ଋଷ ମଧ୍ୟରେ ଘନିଷ୍ଠତା ବଢୁଛି
ଚୀନ୍ ଏବଂ ଋଷ ମଧ୍ୟରେ ଘନିଷ୍ଠତା କ୍ରମାଗତ ଭାବେ ବୃଦ୍ଧି ପାଉଛି | ଦୁଇ ଦେଶର ବରିଷ୍ଠ ନେତାଙ୍କ ମଧ୍ୟରେ ବସୁଥିବା ବନ୍ଧୁତା ଏହାର ଏକ ଉଦାହରଣ | ବାସ୍ତବରେ, ୨୦୨୩ ମସିହାରେ, ଜିନପିଙ୍ଗ ରାଷ୍ଟ୍ରପତି ହେବା ପରେ ମସ୍କୋ ଗସ୍ତରେ ଯାଇଥିଲେ। ବର୍ତ୍ତମାନ ପୁଟିନ୍ ମଧ୍ୟ ପଞ୍ଚମ ଥର ରାଷ୍ଟ୍ରପତି ହେବା ପରେ ତାଙ୍କର ପ୍ରଥମ ଗସ୍ତ ପାଇଁ ଚୀନ୍ କୁ ଚୟନ କରିଛନ୍ତି। ସେ ୧୬ ଏବଂ ୧୭ ମଇରେ ବେଜିଂରେ ରହିବେ | ଏହି ସମୟରେ ଦୁଇ ଦେଶ ମଧ୍ୟରେ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା ହେବ। ପୂର୍ବତନ କୂଟନୀତିଜ୍ଞ କହିଛନ୍ତି ଯେ ଭ୍ଲାଦିମିର ପୁଟିନ ଚୀନ୍ ଯାଉଛନ୍ତି କାରଣ ଚୀନ ଋଷକୁ ସାହାଯ୍ୟ କରୁଛି। ସେମାନଙ୍କୁ ଅସ୍ତ୍ର ନ ଦେବା, କିନ୍ତୁ ସେମାନଙ୍କୁ ଗୁରୁତ୍ୱପୂର୍ଣ୍ଣ ଉପାଦାନ ଦେବା କ୍ଷେତ୍ରରେ | ଆମେରିକା ଅତ୍ୟଧିକ କ୍ରୋଧିତ, ଆମେରିକା ଚୀନ୍ ଉପରେ ପ୍ରତିବନ୍ଧକ ଲଗାଇଛି, ଋଷ ଉପରେ ମଧ୍ୟ ପ୍ରତିବନ୍ଧକ ଲଗାଇଛି। ଏହିପରି, ଏହି ଦୁଇ ଦେଶ ଆମେରିକାର ଶିକାର ହେଉଛନ୍ତି ଏବଂ ବର୍ତ୍ତମାନ ସେମାନେ ଏକାଠି ହୋଇ ଚ୍ୟାଲେଞ୍ଜ କରୁଛନ୍ତି।
ଅନ୍ୟପଟେ ନାଟୋ ମୁଖ୍ୟ ଜେନ୍ସ ଷ୍ଟୋଲଟେନ୍ବର୍ଗ କହିଛନ୍ତି ଯେ ଆଜି ୟୁକ୍ରେନରେ ଯାହା ଘଟୁଛି ତାହା ତାଇୱାନରେ ହୋଇପାରେ, ସେ କହିଛନ୍ତି, ଯେ ଆମେରିକାକୁ ସବୁପରିସ୍ଥିତିରେ ୟୁକ୍ରେନକୁ ସମର୍ଥନ ଜାରି ରଖିବାକୁ ପଡ଼ିବ। ଏହା ଆମେରିକା ନିଜର ସୁରକ୍ଷା ପାଇଁ ବିନିଯୋଗ କରିବା ପରି | ପୂର୍ବତନ କୂଟନୀତିଜ୍ଞ ଦୀପକ ଭୋହରା କହିଛନ୍ତି ଯେ ନାଟୋ ବର୍ତ୍ତମାନ ଏକ ପରିହାସରେ ପରିଣତ ହୋଇଛି, ଏଥିରେ ଥିବା ସମସ୍ତ ଦେଶ ମଧ୍ୟରେ ଆମେରିକାକୁ ବାଦ ଦିଅନ୍ତୁ, କିଛି ପରିମାଣରେ ବ୍ରିଟେନ ଏହାର ଅବଶିଷ୍ଟ ସଦସ୍ୟମାନେ କୌ ଣସି ଯୁଦ୍ଧ କରିନାହାଁନ୍ତି, ସେମାନଙ୍କୁ ଯୁଦ୍ଧ କରିବାକୁ ପଡ଼ିବ ।
ଯାଜପୁରରେ ବସ୍ ସହ ଡମ୍ଫର ମୁହାଁ ମୁହିଁ ଧକ୍କା, ୧୧ ଯାତ୍ରୀ ଆହତ
ବରି : ଯାଜପୁର ୨୦ନଂ ଜାତୀୟ ରାଜପଥ ମହେଶ୍ୱର ପୁର ପେଟ୍ରୋଲ ପମ୍ପ ନିକଟରେ ବସ୍ ସହ ଡମ୍ଫର ମୁହାଁ ମୁହିଁ ଧକ୍କା । ୧୧ ଯାତ୍ରୀ ଆହତ, ବରିରୁ କଟକ ଯାଉଥିବା ଦେବଯାନୀ ନାମକ ବସ୍ ସହ ଏକ ଚିପ୍ସ ବୋଝେଇ ଡମ୍ଫର୍ ସାମ୍ନା ସlମ୍ନୀ ଧକ୍କା ହୋଇଛି । ଫଳରେ ୧୧ ରୁ ଉର୍ଦ୍ଧ ଯାତ୍ରୀ ଆହତ ହୋଇଥିବା ସୂଚନା ମିଳିଛି । ତୁରନ୍ତ ଯାତ୍ରୀମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି । ଦୁର୍ଘଟଣା ହେବା ଫଳରେ ରାସ୍ତାର ଉଭୟ ପାର୍ଶ୍ଵରେ ଅଟକି ରହିଛି ଶତାଧିକ ଗାଡ଼ି ମଟର। ସୂଚନା ଅନୁସାରେ ଯାଜପୁର ବରି ଅଞ୍ଚଳରୁ ବସଟି କଟକ ଅଭିମୁଖେ ପ୍ରତ୍ୟେକ ଦିନ ଜାତାୟତ କରେ । ଆଜି ସକାଳୁ ସକାଳୁ ମଧ୍ୟ ବସଟି କଟକ ଅଭିମୁଖେ ଆସୁଥିଲା ୬ଟା ୧୫ ମିନିଟ୍ ସମୟରେ ଅପରପଟରୁ ଆସୁଥିବା ଚିପ୍ସ ବୋଝେଇ ଡମ୍ଫର ସହ ସାମ୍ନାରୁ ଧକ୍କା ଦେଇଥିଲା ।
ବିଞ୍ଝାରପୁରରେ ବିଜୟ ସହ ଇତିହାସ ରଚିବ ବିଜେଡି : ପ୍ରମିଳା
ବିଞ୍ଝାରପୁର : ବିଞ୍ଝାରପୁରରେ ବିଜେଡିର ଶକ୍ତି ପ୍ରଦର୍ଶନ। ବିଞ୍ଝାରପୁର ବ୍ଲକ ବାଛଳ ପଞ୍ଚାୟତରେ ବିଜେଡିର କର୍ମୀ ସମ୍ମିଳନୀ ଆୟୋଜିତ ହୋଇଯାଇଛି । ଏହି କାର୍ଯ୍ୟକ୍ରମରେ ବିଞ୍ଝାରପୁର ନିର୍ବାଚନମଣ୍ଡଳିର ବିଜୁ ଜନତା ଦଳ ପ୍ରାର୍ଥୀ ପ୍ରମିଳା ମଲ୍ଲିକ ଯୋଗ ଦେବା ସହ ବିରୋଧୀଙ୍କ ଉପରେ ବର୍ଷିଥିଲେ | କର୍ମୀ ସମ୍ମିଳନୀରେ ଯୋଗଦେଲେ ହଜାର ହଜାର ମହିଳା। ଏହି କାର୍ଯ୍ୟକ୍ରମରେ ପଞ୍ଚାୟତର ପ୍ରାୟ ସମସ୍ତ ଲୋକ ଉପସ୍ଥିତ ଥିବାବେଳେ ମହିଳାଙ୍କ ସଂଖ୍ୟା ସବୁଠୁ ଅଧିକ ଥିଲା | ଚଳିତ ନିର୍ବାଚନରେ ଏଠାରେ ବିଜୁ ଜନତା ଦଳ ଏକ ତରଫା ଭାବେ ବିଜୟ ହାସଲ କରିବା ସହ ଇତିହାସ ରଚିବ ବୋଲି ସ୍ଥାନୀୟ ଜନତାମାନେ ଆଶା ପ୍ରକଟ କରିଛନ୍ତି |