ନନ୍ଦିଘୋଷ ବ୍ୟୁରୋ: ଜୁଲାଇ ୫ରେ ୱେବ ସିରିଜରେ ମିର୍ଜାପୁର-୩ ପ୍ରାଇମ ଭିଡିଓ ରିଲିଜ ହୋଇଛି । ୨୦୧୮ ମସିହାରେ ଆରମ୍ଭ ହୋଇଥିବା ଏହି କାହାଣୀକୁ ଲୋକେ ଆଜି ଯାଏଁ ମନେ ରଖିଛନ୍ତି । ଏବେ ଏହାର ତୃତୀୟ ସିଜନ ଆମାଜନ ପ୍ରାଇମ ଭିଡିଓରେ ରିଲିଜ ହୋଇଛି । ରିଲିଜ ପୂର୍ବରୁ ଏହି ସିରିଜକୁ ସିନେ ପ୍ରେମି ଖୁବ ଦିନରୁ ଅପେକ୍ଷା କରି ରହିଥିଲେ । ଦ୍ବିତୀୟ ସିଜନରେ ଦର୍ଶକେ ଦେଖିଥିବା କାହାଣୀ ପରେ କଣ ଘଟଣା ଘଟିବ ତାହା ଜାଣିବାକୁ ସମସ୍ତେ ଇଚ୍ଛା ରଖିଥିଲେ ।
ଜୁଲାଇ ୫ ତାରିଖରେ ପ୍ରାଇମ ଭିଡିଓରେ ରିଲିଜ ହୋଇଥିବା ଏହି ସିରିଜ କିନ୍ତୁ ଆଶାନୁସାରେ ଲୋକଙ୍କୁ ମନୋରଞ୍ଜନ କରିପାରିନାହିଁ । କହିରଖୁଛୁ ଯେ, କିଛି ଦିନ ପୁର୍ବରୁ ମିର୍ଜାପୁରର ମୁଖ୍ୟ ଚରିତ୍ର ଅଲୀ ଫଜଲ ନିଜ ଏକ୍ସ ହ୍ୟାଣ୍ଡେଲରେ ପ୍ରକାଶ କରିଥିଲେ ଯେ ପଞ୍ଚାୟତ ସିରିଜ ସହିତ ମିର୍ଜାପୁରର କିଛି ଲିଙ୍କ ଜଡି ରହିଛି । ଯାହାକୁ ଶୁଣିବାପରେ ଫ୍ୟାନ୍ସ ମଧ୍ୟରେ ଫିଲ୍ମକୁ ନେଇ ଉତ୍ସାହ ଦୁଇଗୁଣ ବଢିଯାଇଥିଲା ଏବଂ ଏହାକୁ ଉତ୍କଣ୍ଠାର ସହ ଅପେକ୍ଷା କରି ରହିଥିଲେ ପ୍ରସଂଶକ । ଅଲୀ ଏକ ସାକ୍ଷାତକାରରେ କହିଥିଲେ ଯେ, ମିର୍ଜାପୁରର ପ୍ରଥମ ଦୁଇଟି ଏପିସୋଡରେ ପଞ୍ଚାୟତର ଜିତେନ୍ଦ୍ର କୁମାର ନଜର ଆସିବେ। କିନ୍ତୁ ମିର୍ଜାପୁର ରିଲିଜ ପରେ ଅଲୀ ଫଜଲଙ୍କ ଏହି କଥାର କିଛି ମୂଲ୍ୟ ରହିନଥିଲା । ମିର୍ଜାପୁର ସିରିଜରେ କୌଣସି ସ୍ଥାନରେ ପଞ୍ଚାୟତ ସିରିଜକୁ ନେଇ କିଛି ଦେଖାଯାଇନଥିବା ବେଳେ ଜିତେନ୍ଦ୍ର କୁମାର ମଧ୍ୟ ସିରିଜରେ ନଜର ଆସିନାହାନ୍ତି । ତେବେ ଅଲୀ ଫଜଲ ଫ୍ୟାନ୍ସଙ୍କୁ ମିଛ କହିଥିବା ସାଧାରଣରେ ଚର୍ଚ୍ଚା ଲାଗିରହିଛି ।
ଏହି ଖବର ଭାଇରାଲ ହେବାପରେ ଏହାକୁ ନେଇ ଖୋଦ ଜିତେନ୍ଦ୍ର କୁମାର ମତ ରଖି କହିଥିଲେ ଯେ, ତାଙ୍କୁ ଏ ବିଷୟରେ କୌଣସି ସୂଚନା ନାହିଁ ବା ସେ କିଛି ଜାଣିନାହାନ୍ତି । ବା ମିର୍ଜାପୁରରେ ଏପର୍ଯ୍ୟନ୍ତ କୌଣସି ତାଙ୍କର ଚରିତ୍ର ନାହିଁ । ତେବେ ଦର୍ଶକଙ୍କ କହିବା ଅନୁଯାୟୀ, ମିର୍ଜାପୁର-୩ର ନିର୍ମାତା ଦର୍ଶକଙ୍କୁ ମିଛ କହି ଧୋକା ଦେବା ସହ ପ୍ରତିଶୃତି ପାଳନ କରିନାହାନ୍ତି ।
