ଭୁବନେଶ୍ବର: ରାଜଧାନୀରେ ବେପରୁଆ ଗାଡି ଚାଳନା । ସହିଦ ନଗର ରୁପାଲି ଛକ ନିକଟରେ ଟ୍ରାଫିକ ନିୟମର ଧଜ୍ଜିଆ ଉଡାଇଲେ ଯୁବକ । ରାଲିରେ ଯିବା ସମୟରେ ବେପରୁଆ ଗାଡି ଚଳାଇ ଦୁର୍ଘଟଣା ଘଟାଇଛନ୍ତି ସେହି ଯୁବକ।
ଏହାର Exclusive ଭିଜୁଆଲ ଲାଗିଛି ନନ୍ଦିଘୋଷ ଟିଭି ହାତରେ । ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓ ଟି ସତ୍ୟ ନଗର ବିଏମସି ଅଫିସ ସମ୍ମୁଖରୁ ରୂପାଲି ଛକ ମଧ୍ୟରେ ରେକର୍ଡ କରାଯାଇଛି । କମିଶନରେଟ ପୋଲିସର ଦୃଷ୍ଟି ମଧ୍ୟ ଆକର୍ଷଣ କରାଯାଇଛି।
ଭୁବନେଶ୍ବର: ଅସଲି ବୋତଲ, ନକଲି ମଦ । ମଦ ଦୋକାନରେ ଅବକାରୀ ଚଢାଉ । ନକଲି ମଦ ବିକ୍ରି ଅଭିଯୋଗରେ ଚଢାଉ କରିଛଇ ଅବାକାରୀ ବିଭାଗ । ଭୁବନେଶ୍ବର ବରମୁଣ୍ଡାରେ ଥିବା ଏକ ମଦ ଦୋକାନରେ ଏହି ଚଢାଉ ରହିଛି ।
ରେଡ୍ ବେଳେ ବିପୁଳ ପରିମାଣର ନକଲି ଓ ଅପମିଶ୍ରଣ ମଦ ଜବତ ହୋଇଛି । ବହୁ ବୋତଲରେ ପାଣି ମିଶା ମଦ ଥିବା ଜଶଣିବାକୁ ମିଳିଛି । ଚଢାଉ ଏବେ ବି ଜାରି ରହିଥିବା ବେଳେ କେତେ ପରିମାଣର ମଦ ଜବତ କରାଯାଇଛି ତାହା ସ୍ପଷ୍ଟ ହୋଇନାହିଁ ।
ଭୁବନେଶ୍ବର: ହୁ ହୁ ହୋଇ ବଢୁଛି ଜରୁରୀ ସାମଗ୍ରୀର ଦାମ । ଆଳୁ ପିଆଜ ପରେ ଏବେ ତେଲ ମହଙ୍ଗା । କେନ୍ଦ୍ର ସରକାର ପାମୋଲିନ, ସୂର୍ଯ୍ୟମୁଖୀ ଏବଂ ସୋୟାବିନ ତେଲ ଉପରେ ଆମଦାନୀ ଶୁଳ୍କ ବଢ଼ାଇ ଗ୍ରାହକଙ୍କ ଉପରେ ବୋଝ ଉପରେ ନଳିତା ବିଡ଼ା ଲଦି ଦେଇଛନ୍ତି । ଶୁଳ୍କ ବୃଦ୍ଧି ଫଳରେ ଖୁଚୁରା ବଜାରରେ ବିଭିନ୍ନ ପ୍ରକାର ଖାଇବା ତେଲ ଦରରେ ୨୦ ଟଙ୍କା ବୃଦ୍ଧି ଘଟିଛି।
ଦିନକ ତଳେ ସୋରିଷ ତେଲ ଦର ଲିଟର ପିଛା ୧୪୦ ଟଙ୍କା ଥିବାବେଳେ ଆଜି ଏହା ୧୬୦ ଟଙ୍କାରେ ବିକ୍ରି ହେଉଛି। ସେହିଭଳି ବିଭିନ୍ନ ପ୍ରକାର ରିଫାଇନ ତେଲ ପୂର୍ବରୁ ଲିଟର ପିଛା ୧୦୮ ଟଙ୍କାରେ ବିକ୍ରି ହେଉଥିବାବେଳେ ଆଜି ବିଭିନ୍ନ ସ୍ଥାନରେ ୧୨୦ରୁ ୧୩୦ ଟଙ୍କା ଭଳି ଉଚ୍ଚଦାମରେ ବିକ୍ରି ହେଉଛି।
କେନ୍ଦ୍ର ସରକାର ୧୩ ତାରିଖରେ ପାମୋଲିନ, ସୋୟାବିନ ଏବଂ ସୂର୍ଯ୍ୟମୁଖୀ ତେଲ ଉପରେ ୨୦ ପ୍ରତିଶତ ମୂଳ ଆମଦାନୀ ଶୁଳ୍କ ଲଗାଇବା ସହିତ ତାହାକୁ ୧୪ ତାରିଖରୁ ଲାଗୁ ନେଇ ନିର୍ଦ୍ଦେଶନାମା ଜାରି କରିଥିଲେ। ଏହାଦ୍ବାରା ଅଶୋଧିତ ଖାଇବା ତେଲ ଉପରେ ପ୍ରଭାବୀ ଆମଦାନି ଟିକସ ୫.୫ ପ୍ରତିଶତ ପରିବର୍ତ୍ତେ ୨୭.୫ ପ୍ରତିଶତକୁ ବଢ଼ିଯାଇଛି। ସେହିଭଳି ରିଫାଇନ୍ ଖାଇବା ତେଲର ପ୍ରଭାବୀ ଆମଦାନୀ ଶୁଳ୍କ ୧୩.୭୫ ପ୍ରତିଶତ ପରିବର୍ତ୍ତେ ୩୫.୭୫ ପ୍ରତିଶତକୁ ବଢ଼ିଯାଇଛି। ଆମଦାନୀ ଶୁଳ୍କ ବୃଦ୍ଧିର ପ୍ରଭାବ ସାଧାରଣ ଖାଉଟିଙ୍କ ଉପରେ ସିଧାସଳଖ ପଡ଼ିଛି।
ତେଲକୋଇ: ବେଣା ଗାଁରେ ହାତୀ ପଲଙ୍କ ଉପଦ୍ରବ। ଘର ଭାଙ୍ଗି ଧାନ ଚାଉଳ ଖାଇବା ସହ ଦଶ ହଜାର ଟଙ୍କା ଖାଇଗଲେ ହାତୀ। ତେଲକୋଇ ରେଞ୍ଜ ଅଧୀନ ତେଲକୋଇ ଫରେଷ୍ଟ ବିଟ୍ ର ବେଣା ଗାଁରେ ୫ ଟିକିଆ ହାତୀ ପଲଙ୍କ ଉପଦ୍ରବ। ଦୁଇଟି ଘର ଭାଙ୍ଗିଛନ୍ତି ହାତୀ।
ଘର ଭିତରେ ଶୋଇଥିବା ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି। ସୂଚନା ଅନୁଯାୟୀ ଗତକାଲି ବିଳମ୍ବିତ ରାତି ପ୍ରାୟ ୧୧ ବେଳକୁ ପାଞ୍ଚ ଟିକିଆ ହାତୀ ପଲ ବେଣା ଗାଁ ମୁଣ୍ଡା ସାହିରେ ଧଶେଇ ପଶିଥିଲେ। ପ୍ରଥମେ ରବିନ୍ଦ୍ର ପାତ୍ର ଙ୍କ ବାଇଗଣ ବାଡିକୁ ଦଳି ମକଚି ନଷ୍ଟ କରିବା ପରେ ଘର ଭାଙ୍ଗି ଧାନ ଚାଉଳ ଟେକି ନେଇଯାଇଥିଲେ ହାତୀ ପଲ।
ଧାନ ବସ୍ତା ଭିତରେ ରବିନ୍ଦ୍ର ରଖିଥିବା ଦଶ ହଜାର ଟଙ୍କାକୁ ମଧ୍ୟ ଧାନ ସହ ଖାଇଯାଇଥିଲେ ହତୀପଲ। ସେପଟେ ବାବୁରାମ ମୁଣ୍ଡାଙ୍କ ଘର ଭାଙ୍ଗି ଦେବା ସହ ହାଣ୍ଡି ଡେକଚିକୁ ହାତୀ ପଲ ଭାଙ୍ଗି ଦେଇଛନ୍ତି।
ବାଲେଶ୍ବର: ଉତ୍ତର ଓଡିଶାରେ ପ୍ରବଳ ବର୍ଷା। ଏତେ ବର୍ଷା ଯେ, ବାଲେଶ୍ବରରେ ରାସ୍ତା ଉପରେ ଚାଲୁଛି ଆଣ୍ଠୁଏ ପାଣି। ନୂଆସାହି ଅଞ୍ଚଳରେ ସ୍ଥିତି ସାଂଘାତିକ। ଲଗାଣ ବର୍ଷା ଯୋଗୁଁ ପାଣି ନିସ୍କାସନ ହୋଇନପାରି ରାସ୍ତା ଉପରେ ଚାଲିଛି। ଲଘୁଚାପ ଜନିତ ବର୍ଷା ଯୋଗୁଁ ବିଭିନ୍ନ ସ୍ଥାନରେ ଜମି ରହିଛି ପାଣି। ଏଥିପାଇଁ ଯାତାୟାତ ବାଧାପ୍ରାପ୍ତ ପାଇଛି। ସ୍କୁଲ କଲେଜ ଯିବାକୁ ପିଲା ସମସ୍ଯାର ସାମ୍ନା କରୁଛନ୍ତି।
ଲଘୁଚାପ ଜନିତ ବର୍ଷା ଯୋଗୁଁ ବିପଦ ସଙ୍କେତ ଅତିକ୍ରମ କରି କ୍ରମଶଃ ବୃଦ୍ଧି ପାଉଛି ଜଳକା ନଦୀର ଜଳସ୍ତର। ବାଲେଶ୍ବର ମଥାନୀ ଠାରେ ବିପଦ ସଙ୍କେତ ୬.୫୦ ମିଟର ରହିଥିବା ବେଳେ ଆଜି ସକାଳ ୭ଟା ସୁଦ୍ଧା ଜଳସ୍ତର ବୃଦ୍ଧି ପାଇ ୬.୮୦ ମିଟରରେ ପ୍ରବାହିତ ହେଉଛି। ବଙ୍ଗୋପସାଗରେ ସୃଷ୍ଟି ହୋଇଥିବା ଲଘୁଚାପ ଯୋଗୁ ଗତ ଦୁଇଦିନ ଧରି ବାଲେଶ୍ବର ସମେତ ଜଳକା ନଦୀର ଉପର ମୁଣ୍ତ ପଡୋଶୀ ମୟୁରଭଞ୍ଜ ଜିଲ୍ଲାରେ ପ୍ରବଳ ବର୍ଷା ଲାଗି ରହିଛି।
ମୟୂରଭଞ୍ଜ ଜିଲ୍ଲାର ରାସଗୋବିନ୍ଦପୁର, ମୋରଡା, ଶୁଳିଆପଦା, ଚିତ୍ରଡା ଅଞ୍ଚଳରେ ପ୍ରବଳ ବର୍ଷା କାରଣରୁ କ୍ରମଶଃ ବୃଦ୍ଧି ପାଉଛି ନଦୀର ଜଳସ୍ତର। ପ୍ରବଳ ବର୍ଷା ଲାଗି ରହିଥିବାରୁ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଚାଷ ଜମି ସବୁ ବୁଡିଯିବା ସହିତ ୨୦ରୁ ଅଧିକ ଗାଁ ଭିତରକୁ ପାଣି ପଶିଛି। ସେପଟେ କେନ୍ଦୁଝର ସାହାରପଡ଼ା କୁମୁଳାବାହାଳୀ ନିକଟ ତେଲ ନଦୀ ପୋଲ ଉପରେ ୩ ଫୁଟର ପାଣି। କେନ୍ଦୁଝର ମୟୁରଭଞ୍ଜ ମଧ୍ୟରେ ଯୋଗାଯୋଗ ବିଛିନ୍ନ ହୋଇଛି।
ସାଙ୍ଘାଇ: ବାତ୍ୟା ବେବିଙ୍କା ଯୋଗୁଁ ଛାରଖାର ଚୀନ । ଦୀର୍ଘ ୭୫ ବର୍ଷ ପରେ ଚୀନ୍ର ସାଙ୍ଘାଇ ଲ୍ୟାଣ୍ଡଫଲ କରିଛି ବାତ୍ୟା ବେବିଙ୍କା । ଘଣ୍ଟାପ୍ରତି ୧୫୦ କିମି ବେଗରେ ସାଙ୍ଘାଇରେ ବହୁଛି ପବନ । ସ୍ଥାନୀୟ ସମୟାନୁସାରେ ଆଜି ସକାଳ ସାଢେ ୭ଟା ସମୟରେ ଲ୍ୟାଣ୍ଡଫଲ କରିଛି ବେବିଙ୍କା ।
ସହରର ୪ ଲକ୍ଷରୁ ଊର୍ଦ୍ଧ୍ବ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଇଛି । ସହରକୁ ସଂଯୋଗ କରୁଥିବା ସମସ୍ତ ରାଜପଥକୁ ବନ୍ଦ କରିଦିଆଯାଇଛି । ରବିବାର ରାତିରୁ ସମସ୍ତ ଉଡାଣକୁ ବାତିଲ କରିଦିଆଯାଇଛି । ସେହିପରି ବସ୍ ଓ ଫେରୀ ସେବା ବି ବନ୍ଦ ରହିଛି ।
ବାତ୍ୟା ମୁକାବିଲା କରିବା ପାଇଁ ସାଙ୍ଘାଇରେ ୫୬ ହଜାରରୁ ଊର୍ଦ୍ଧ୍ବ ସୁରକ୍ଷାକର୍ମୀ ମୁତୟନ ଅଛନ୍ତି । କିଛିଦିନ ପୂର୍ବରୁ ଶକ୍ତିଶାଳୀ ବାତ୍ୟା ୟାଗୀ ଦକ୍ଷିଣ ଚୀନରେ ତାଣ୍ଡବ ରଚିଥିଲା । ଏଥିଯୋଗୁଁ ୪ ଜଣ ପ୍ରାଣ ହରାଇ ଥିବାବେଳେ ୯୫ରୁ ଊର୍ଦ୍ଧ୍ବ ଆହତ ହୋଇଥିଲେ । ସେହିପରି ଟେଲିକମ ସେବା ବାଧାପ୍ରାପ୍ତ ଯୋଗୁଁ ୧୨ ଲକ୍ଷ ଲୋକେ ପ୍ରଭାବିତ ହୋଇଥିଲେ ।
ୱାଶିଂଟନ: ଆମେରିକା ରାଷ୍ଟ୍ରପତି ନିର୍ବାଚନର ଠିକ ପୂର୍ବରୁ ଡୋନାଲ୍ଡ ଟ୍ରମ୍ପଙ୍କୁ ପୁଣିଥରେ ହତ୍ୟା ଉଦ୍ୟମ କରାଯାଇଛି । ଅଳ୍ପକେ ବର୍ତ୍ତି ଯାଇଛନ୍ତି ଟ୍ରମ୍ପ । ଫ୍ଲୋରିଡା ସ୍ଥିତ ଇଣ୍ଟରନ୍ୟାସନାଲ ଗଲ୍ଫ କୋର୍ସରେ ଖେଳୁଥିବା ସମୟରେ ଆତତାୟୀ ତାଙ୍କୁ ଟାର୍ଗେଟ କରିଥିଲେ । କିନ୍ତୁ ଏ ଅଘଟଣରୁ ଅଳ୍ପକେ ବର୍ତ୍ତି ଯାଇଛନ୍ତି । ଆକ୍ରମଣକାରୀ ଦୂରବୀନରେ ଏକେ ୪୭ ରାଇଫଲ ସଂଯୋଗ କରି ଟ୍ରମ୍ପଙ୍କୁ ଟାର୍ଗେଟ କରିଛି । ଦ୍ବିତୀୟ ଥର ଟ୍ରମ୍ପଙ୍କୁ ହତ୍ୟା ଉଦ୍ୟମ କରାଯାଇଛି । ଏହା ପୂର୍ବରୁ ଜୁଲାଇରେ ପେନସିଲଭେନିଆ ରାଲିରେ ହତ୍ୟା ଉଦ୍ୟମ କରାଯାଇଥିଲା ।
ଦ୍ବିତୀୟ ଥର ହତ୍ୟା ଉଦ୍ୟମ ପରେ ଆମେରିକାର ପୂର୍ବତନ ରାଷ୍ଟ୍ରପତି ନିଜ ୱେବସାଇଟରେ ପୋଷ୍ଟ କରିଛନ୍ତି । ‘‘ସେ ଲେଖିଛନ୍ତି ଡର ନାହିଁ, ମୁଁ ସୁରକ୍ଷିତ । ମୁଁ ସମ୍ପୂର୍ଣ୍ଣ ଠିକ ଅଛି । ମୋତେ କେହି ଅଟକାଇ ପାରିବେନି . ମୁଁ କେବେ ହାରିବିନି’’ ।
ଏହି ଆକ୍ରମଣ ପରେ ସିକ୍ରେଟ ସର୍ଭିସ ଏଜେଣ୍ଟ ଆକ୍ରମଣକାରୀକୁ ଗିରଫ କରିଥିଲେ । ଟ୍ପମ୍ପ ଗଲ୍ଫ ଖେଳିବା ସମୟରେ ମାତ୍ର ୩୦୦ରୁ ୫୦୦ ମିଟର ଦୂରରେ ଟ୍ରମ୍ପକୁ ଆକ୍ରମଣ କରିଥିଲା ଆତତାୟୀ । ଦୂରବୀକ୍ଷଣ ଲାଗିଥିବା ଏକେ ୪୭ ଧରି ଏକ ବୁଦାରେ ସେ ଲୁଚିଥିଲା । କିନ୍ତୁ ଠିକ୍ ସମୟରେ ଅଙ୍ଗରକ୍ଷୀଙ୍କ ନଜର ତା ଉପରେ ପଡିବାରୁ ଟ୍ରମ୍ପ ଜୀବନରକ୍ଷା କରିପାରିଥିଲେ ।
ଭୁବନେଶ୍ବର: ଆଜି ହେଉଛି ବିଶ୍ୱକର୍ମା ପୂଜା । ଦେବଶିଳ୍ପୀ ବିଶ୍ୱକର୍ମା ସମସ୍ତ ଶିଳ୍ପ ଓ ଶିଳ୍ପୀଙ୍କ କୂଳଦେବତା । ଦେବଶିଳ୍ପୀଙ୍କ ପୂଜାକୁ ନେଇ ଓଡିଶାର ପୂରପଲ୍ଲୀ ଚଳଚଞ୍ଚଳ ହୋଇପଡିଛି । ବିଶେଷ କରି ଶିଳ୍ପ କାରଖାନା ମାନଙ୍କରେ ବିଶ୍ୱକର୍ମାଙ୍କ ପୂଜା ପାଳନ କରାଯାଉଛି । ପୂଜା ପାଇଁ ପାରାଦୀପ ସହର ଚଳଚଞ୍ଚଳ ହୋଇ ଉଠିଛି ।
ଦେବ ଶିଳ୍ପୀ ବିଶ୍ବକର୍ମାଙ୍କ ପୂଜାକୁ ନେଇ ଚଳଚଞ୍ଚଳ ବନ୍ଦର ନଗରୀ ପାରାଦୀପ । ବିଭିନ୍ନ ଶିଳ୍ପାନୁଷ୍ଠାନରେ ମଧ୍ୟ ଧୁମଧାମରେ ପାଳନ ହେଉଛି ବିଶ୍ବକର୍ମା ପୂଜା । ରାଉରକେଲାରେ ଦେବଶିଳ୍ପୀଙ୍କ ଆରାଧନା ପାଇଁ ବିଶେଷ ଆୟୋଜନ କରାଯାଇଛି ।
ଭୁବନେଶ୍ବର: ଆଜି ଉତ୍ତର ଓଡ଼଼ିଶାରେ ହେବ ପ୍ରବଳ ବର୍ଷା । ବଙ୍ଗୋପସାଗରେ ସୃଷ୍ଟ ଗଭୀର ଅବପାତର ତୀବ୍ରତା ଅଧିକ ରହିଛି । ପ୍ରଭାବରେ ଉତ୍ତର ଓଡ଼ିଶାରେ ବର୍ଷା ଲାଗିରହିବ ବୋଲି ସତର୍କ ସୂଚନା ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ପ୍ରବଳ ବର୍ଷା ପାଇଁ ମୟୂରଭଞ୍ଜକୁ ରେଡ୍ ଆଲର୍ଟ ଜାରି କରାଯାଇଛି ।
ସେହିପରି କେନ୍ଦୁଝର ବାଲେଶ୍ୱର ଓ ସୁନ୍ଦରଗଡ଼କୁ ଅରଞ୍ଜ ଓ ୧୧ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ବର୍ଷା ସମୟରେ ସମୁଦ୍ର ମଧ୍ୟରେ ଘଣ୍ଟାପ୍ରତି ୫୦ ରୁ ୬୦ କିମି ପବନ ବହିବାର ସମ୍ଭାବନା ରହିଛି । ଏଣୁ ମତ୍ସ୍ଯଜୀବୀଙ୍କୁ ସମୁଦ୍ର ଯିବାକୁ ବାରଣ କରାଯାଇଛି । ଉତ୍ତର ଉପକୂଳରେ ଥିବା ଧାମରା ଏବଂ ପାରାଦୀପ ବନ୍ଦରକୁ ୩ ନମ୍ବର ବିପଦ ସଂକେତ ଜାରି କରାଯାଇଛି । କାଲିଠୁ ବର୍ଷା କମିବା ସହ ଗରମ ଗୁଳୁଗୁଳି ଆରମ୍ଭ ହେବ । ସେପଟେ ଜୁନ ୧ ତାରିଖରୁ ଏ ପର୍ଯ୍ୟନ୍ତ ସାରା ରାଜ୍ୟରେ ୯୬୩ ଦଶମିକ ୫ ମିଲିମିଟର ବର୍ଷା ହୋଇଥିବା ବେଳେ ବର୍ତ୍ତମାନ ୮ ପ୍ରତିଶତ ନିଅଁଟିଆ ବର୍ଷା ରେକର୍ଡ କରାଯାଇଛି ।
ୱାଶିଂଟନ: ଗଲ୍ଫ କୋର୍ସରେ ଡୋନାଲଡ ଟ୍ରମ୍ପଙ୍କୁ ଗୁଳିମାଡ। ଟ୍ରମ୍ପ ଗଲଫ ଖେଳୁଥିବା ବେଳେ ଏହି ଗୁଳିକାଣ୍ଡ ହୋଇଛି। ଟ୍ରମ୍ପ ସୁରକ୍ଷିତ ଥିବା ତାଙ୍କ ଟିମ୍ ପକ୍ଷରୁ କୁହାଯାଇଛି। ଫ୍ଲୋରିଡ଼ାର ୱେଷ୍ଟ ପାମ୍ ବିଚ୍ ନିକଟରେ ଏହି ଘଟଣା ଘଟିଛି। ସେଠାରେ ଟ୍ରମ୍ପ ଗଲ୍ଫ ଖେଳୁଥିଲେ। ଗୁଳିକାଣ୍ଡ ନେଇ ଜଣକୁ ଅଟକ ରଖାଯାଇଛି।
ପ୍ରକୃତରେ ଟ୍ରମ୍ପଙ୍କୁ ହତ୍ଯା ଉଦ୍ଯମ ହୋଇଥିଲା କି ନାହିଁ, ସେ ନେଇ ତଦନ୍ତ କରୁଛି ପୋଲିସ। କିଏ ଗୁଳି ଚଳାଇଥିଲା, କାରଣ କଣ କିଛି ସ୍ପଷ୍ଟ ହୋଇନାହିଁ। ସିକ୍ରେଟ ସର୍ଭିସର ସୁରକ୍ଷା ବଳୟରେ ଅଛନ୍ତି ଟ୍ରମ୍ପ୍। ଏହା ଆଗରୁ ମଧ୍ୟ ଥରେ ତାଙ୍କ ଉପରେ ଆକ୍ରମଣ ହୋଇଥିଲା। ପ୍ରଚାର ବେଳେ ତାଙ୍କୁ ଗୁଳି କରାଯାଇଥିଲା। କିନ୍ତୁ କାନକୁ ଛୁଇଁ ଗୁଳି ଚାଲି ଯାଇଥିବାରୁ ବର୍ତ୍ତି ଯାଇଥିଲେ ଟ୍ରମ୍ପ।
