ରାଜଗାଙ୍ଗପୁର ଲାଞ୍ଜିବେର୍ଣ୍ଣାରେ ନିଆଁରେ ଜଳି କଲେଜ ଛାତ୍ରୀ ପ୍ରାଣହରାଇବା ଘଟଣାରେ ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ଉଦବେଗ। ଏହା ଅତ୍ୟନ୍ତ ହୃଦୟବିଦାରକ ବୋଲି କହିଛନ୍ତି ନବୀନ। ଏପରି ଦୁଃଖଦ ସମୟରେ ପରିବାରବର୍ଗଙ୍କ ପ୍ରତି ଗଭୀର ସମବେଦନା ଜଣାଇବା ସହ ଛାତ୍ରୀଙ୍କ ଅମର ଆତ୍ମାର ସଦଗତି କାମନା କରିଛନ୍ତି। ଜୀବନରୁ ମାରିଦେବା ପାଇଁ ପୂର୍ବରୁ ଧମକ ମିଳିଥିବା ନେଇ ପରିବାର ଲୋକେ କହିବା ପରେ ବି ସରକାରଙ୍କ ନିଷ୍କ୍ରିୟତା ସମସ୍ତଙ୍କୁ ଆଶ୍ଚର୍ଯ୍ୟ କରୁଛି। ସରକାର କେତେ ଆଉ ନିରୀହ ଜୀବନ ଏପରି ଜଳିବାକୁ ଛାଡିଦେବେ ? ଓଡିଶାରେ ବଢୁଥିବା ଏହିପରି ଘଟଣାକୁ ରୋକିବା ଦିଗରେ ସରକାରଙ୍କ ଉଦାସୀନତା ଅପରାଧୀଙ୍କ ସାହସ ବଢାଉଛି। ଲୋକେ ଅସୁରସ୍ଥିତ ହେଉଛନ୍ତି, ଅପରାଧୀମାନେ ଖୁଲମଖୁଲା ବୁଲୁଛନ୍ତି। ସରକାର ସୁରକ୍ଷା କାହାକୁ ଦେଉଛନ୍ତି ବୋଲି କହିଛନ୍ତି ବିରୋଧୀ ଦଳ ନେତ। ରାଜ୍ୟରେ ଆଇନଶୃଙ୍ଖଳା ବ୍ୟବସ୍ଥା ସଜାଡ଼ିବା ଦିଗରେ ସରକାର କଠୋର ହୁଅନ୍ତୁ। ଲୋକଙ୍କୁ ନ୍ୟାୟ ମିଳୁ। ଅପରାଧୀଙ୍କ ଉପରେ ତୁରନ୍ତ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି କହିଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ।
FIFA ବିଶ୍ବକପ ୨୦୨୬ ଶିଡ୍ୟୁଲ: ୪୮ ଟିମଙ୍କ ମଧ୍ୟରେ ଖେଳାଯିବ ୧୦୪ ମ୍ୟାଚ
ଫିଫା ବିଶ୍ବକପ ୨୦୨୬ ପାଇଁ ଶିଡ୍ୟୁଲ ଜାରି କରାଯାଇଛି । ୪୮ଟି ଟିମଙ୍କ ମଧ୍ୟରେ ୧୦୪ଟି ମ୍ୟାଚ ଖେଳାଯିବ । ଇତିହାସର ସବୁଠାରୁ ବଡ଼ ଫୁଟବଲ ଟୁର୍ଣ୍ଣାମେଣ୍ଟର ଶୁଭାରମ୍ଭ ଜୁନ ୧୧ରେ ମେକ୍ସିକୋ ସିଟିରେ ଆରମ୍ଭ ହେବ । ପ୍ରଥମ ଥର ୩୨ ନୁହନ୍ତି, ବରଂ ୪୮ଟି ଟିମ ମଧ୍ୟରେ ହେବ କଡ଼ା ଟକ୍କର । କନାଡ଼ା, ଆମେରିକା ଓ ମେକ୍ସିକୋ ପ୍ରଥମ ଥର ମିଳିତ ଭାବେ ଏହି ଟୁର୍ଣ୍ଣାମେଣ୍ଟର ଆୟୋଜନ କରୁଛନ୍ତି । ୩୯ ଦିନ ଧରି ଏହି ବିଶ୍ବସ୍ତରୀୟ ଟୁର୍ଣ୍ଣାମେଣ୍ଟ ଚାଲିବ ।
ଆସନ୍ତା ବର୍ଷ ଜୁନ ମାସ ୧୧ ତାରିଖ ଦ୍ବିପ୍ରହର ୩ଟା ସ୍ଥାନୀୟ ସମୟରେ ମ୍ୟାଚ ଆରମ୍ଭ ହେବ । ମେକ୍ସିକୋ ଟିମ ନିଜର ଘରୋଇ ଦର୍ଶକଙ୍କ ସାମ୍ନାରେ ପ୍ରଥମ ମ୍ୟାଚ ଖେଳିବ । ସେଥିପାଇଁ ଓପନିଂ ମ୍ୟାଚ୍ ବେଶ୍ ରୋମାଞ୍ଚକର ହେବ । ଜୁଲାଇ ୧୯ରେ ନ୍ୟୁ ୟର୍କ- ନ୍ୟୁ ଜର୍ସି ଷ୍ଟାଡିୟମରେ ହେବ । ଅଣ-ସ୍ପନସର ବ୍ରାଣ୍ଡସକୁ ପ୍ରମୋସନ କରିବା ପାଇଁ ଫିଫା ସମସ୍ତ ଷ୍ଟାଡିୟମର ନାମ ପରିବର୍ତ୍ତନ କରିଛି । ବିଶ୍ବକପରେ ୧୨ଟି ରହିଛି ଯାହାକି ଏ’ ଠାରୁ ଆରମ୍ଭ କରି ଏଲ ପର୍ଯ୍ୟନ୍ତ ରହିଛି । ପ୍ରତି ଗ୍ରୁପରେ ୪ଟି ଲେଖାଏଁ ଟିମ୍ ରହିଥିବା ବେଳେ ସବୁ ଟିମ୍ ନିଜ ଗ୍ରୁପରେ ୩-୩ଟି ମ୍ୟାଚ ଖେଳିବେ । ଜୁନ ୧୧-୧୭ ଗ୍ରୁପ ଷ୍ଟେଜ, ଜୁନ ୨୮-ଜୁଲାଇ ୩ ରାଉଣ୍ଡ ଅଫ ୩୨, ଜୁଲାଇ ୪-୭ ରାଉଣ୍ଡ ଅଫ ୧୬, ଜୁଲାଇ ୯-୧୧ କ୍ବାର୍ଟର ଫାଇନାଲ, ଜୁଲାଇ ୧୪-୧୫ ସେମିଫାଇନାଲ, ଥାର୍ଡ-ପ୍ଲେସ ମ୍ୟାଚ ଜୁଲାଇ ୧୮ରେ ଓ ଫାଇନାଲ ଜୁଲାଇ ୧୯ରେ ଖେଳାଯିବ ।
ନିଖିଳ ଓଡ଼ିଶା ଆୟୁଷ ଛାତ୍ର ସଂଗଠନ ପକ୍ଷରୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଅନଶନ
ନିଖିଳ ଓଡ଼ିଶା ଆୟୁଷ ଛାତ୍ର ସଂଗଠନର ଧାରଣା ଗୋଟିଏ ମାସ ପୁରି ଯାଇଥିବାବେଳେ ଆଜିଠୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ସାମୁହିକ ଆମରଣ ଅନଶନରେ ବସିଛନ୍ତି। ତେବେ ଯେ ପର୍ଯ୍ୟନ୍ତ ସରକାର ଆଠ ଦଫା ଦାବି ଶୁଣିବେ ନାହିଁ ସେ ପର୍ଯ୍ୟନ୍ତ ଏଭଳି ଆମରଣ ଅନଶନରେ ବସିଲେ ବୋଲି ଚେତାବନୀ ଦେଇଛନ୍ତି ଛାତ୍ର ସଂଘ । ଆଠ ଦିନ ହୋଇଗଲା ଓହୋରାତ୍ର ଧର୍ମଘଟ ଯୋଗୁଁ ବନ୍ଦ ରହିଛି ସମ୍ବଲପୁର ହମିଓ ପ୍ୟାଥି କଲେଜ। ଫଳରେ ନାହି ନ ଥିବା ଅସୁବିଧା ଭୋଗୁଛନ୍ତି ରୋଗୀ।
କଟକରେ ପଲିଥିନ ପ୍ରସ୍ତୁତ ଫ୍ୟାକ୍ଟ୍ରିରେ ବଡ଼ଧରଣର ଅଗ୍ନିକାଣ୍ଡ
କଟକ ପଲିଥିନ ପ୍ରସ୍ତୁତ ଫ୍ୟାକ୍ଟ୍ରିରେ ଅଗ୍ନିକାଣ୍ଡ। ଜଗତପୁର ଗୁଜରପୁର ଅଞ୍ଚଳରେ ଜଗା କାଳିଆ ପଲିପ୍ୟାକ୍ ଏଣ୍ଟରପ୍ରାଇଜେସ୍ ନାମକ ପଲିଥିନ୍ ନିର୍ମାଣ ୟୁନଟରେ ବଡ଼ଧରଣର ଅଗ୍ନିକାଣ୍ଡ ଘଟିଛି। ଘଟଣାସ୍ଥଳରେ କଟକ ଓ ଚାଉଳିଆଗଞ୍ଜ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରୁଛନ୍ତି । କଟକ ଜିଲ୍ଲା ଜଗତପୁର ଥାନା ବସନ୍ତବିହାର ଅଞ୍ଚଳରେ ଘଟିଛି ଏ ଅଗ୍ନକାଣ୍ଡ। ବସନ୍ତବିହାର ଅଂଚଳର ସୁଧୀର କୁମାର ନାଥ ନାମକ ବ୍ୟକ୍ତିଙ୍କ ପଲି ପ୍ୟାକିଂ କମ୍ପାନୀରେ ଅଗ୍ନିକାଣ୍ଡ ଘଟିଥିଲା। କୋଟି କୋଟି ଟଙ୍କାର ସମ୍ପତି ନଷ୍ଟ ହୋଇଥିବାର ସୂଚନା ମିଳିଛି। ଆଜି ସକାଳୁ କମ୍ପାନୀରେ କାମ ଚାଲୁଥିବା ବେଳେ ସର୍ଟସର୍କିଟ ଯୋଗୁ ଅଗ୍ନିକାଣ୍ଡ ଘଟିଥିବା ନେଇ କମ୍ପାନୀ ମାଲିକ ସୂଚନା ଦେଇଛନ୍ତି। ଶ୍ରମିକଙ୍କ କୌଣସି କ୍ଷତି ହୋଇନଥିବା ଜଣାପଡିଛି। ଆମ୍ବୁଲାନ୍ସ ଓ ଅଗ୍ନିଶମବାହିନୀର ୫ ଟିମ ନିଆଁ ଲିଭାଇବା ପାଇଁ ଚେଷ୍ଟା ଚଳାଇଛନନ୍ତି।
କ୍ରିକେଟ ବ୍ୟାଟ ଭିତରେ ଗଞ୍ଜେଇ ଚାଲାଣ
କ୍ରିକେଟ ବ୍ୟାଟ ଭିତରେ ଗଞ୍ଜେଇ ଚାଲାଣ। ବ୍ୟାଟ ଭାଙ୍ଗି ଗଞ୍ଜେଇ ବାହାର କଲା ରେଲୱେ ପୋଲିସ। ବ୍ରହ୍ମପୁର ଷ୍ଟେସନରୁ ଧରାପଡ଼ିଲା ଗଞ୍ଜେଇ ବେପାରୀ। ଖୋର୍ଦ୍ଧା RPF ଓ ବ୍ରହ୍ମପୁର GRPର ଚେକିଂ ବେଳେୋ ଧରାପଡ଼ିଲା ଗଂଜଇ ବେପରୀ। ଗିରଫ ୨ ଅଭିଯୁକ୍ତ ପଶ୍ଚିମବଙ୍ଗ ମୁର୍ଶିଦାବାଦର ଅଂଚଳର। ବ୍ରହ୍ମପୁର ଜିଆରପିଏସ ଓ ଖୋର୍ଦ୍ଧା ଆରପିଏଫର ମିଳିତ ଟିମ ଚଢାଉ କରି ବ୍ରହ୍ମପୁର ଷ୍ଟେସନରେ ଗଞ୍ଜେଇ ଜବତ କରିଥିଲେ। ଗିରଫ ଦୁଇ ହେଲେ ପଶ୍ଚିମବଙ୍ଗର ମୁର୍ଶିଦାବାଦ ଜିଲ୍ଲାର ଅଲ୍ଲୀ ହୁସେନ ଓ ରୋନି ଶେଖ। ବଡ଼ ବଡ଼ ବ୍ୟାଗ ଓ ପ୍ଲାଷ୍ଟିକ ବ୍ୟାଟ୍ ଭିତରେ ଗଂଜେଇ ଭର୍ତ୍ତି କରି ଚାଲାଣ କରୁଥିଲେ। କାର୍ଯ୍ୟନିର୍ବାହୀ ମାଜିଷ୍ଟ୍ରେଟ୍ ଏବଂ ସାକ୍ଷୀଙ୍କ ଉପସ୍ଥିତିରେ ସମ୍ପୂର୍ଣ୍ଣ ଯାଞ୍ଚ ଏବଂ ୨୩ଟି ବ୍ୟାକପ୍ୟାକ୍ ଏବଂ ୧୦ଟି କ୍ରିକେଟ୍ ବ୍ୟାଟ୍ ଭିତରେ ଲୁଚାଇ ରଖାଯାଇଥିବା ଜଣାପଡିଥିଲା। ମୋଟ ସାଢେ ୧୭ କେଜି ଗଞ୍ଜେଇ ଜବତ କରାଯାଇଛି। ଉଭୟ ଅଭିଯୁକ୍ତଙ୍କୁ ଏନଡିପିଏସ ଆଇନ ଅନୁଯାୟୀ ଗିରଫ କରାଯାଇଛି। ସାଇଣ୍ଟିଫିକ ପରୀକ୍ଷା ପାଇଁ ନମୁନା ସଂଗ୍ରହ କରାଯାଇଛି। କେଉଁଠୁ ଗଂଜେଇ ଚାଲାଣ ହେଉଥିଲା ଏବଂ କାହା ନିକଟକୁ ଯାଉଥିଲା ଏସବୁର ତନାଘନା ଚାଲିଛି
କାହିଁକି ସୃଷ୍ଟି ହେଲା ଇଣ୍ଡିଗୋ ସଙ୍କଟ ? ଏହା ପଛର କାରଣ ସ୍ପଷ୍ଟ କଲେ ପାଇଲଟ
ଇଣ୍ଡିଗୋ ସଙ୍କଟକୁ ନେଇ ପାଇଲଟସଙ୍କ ପକ୍ଷରୁ ଗମ୍ଭୀର ଅଭିଯୋଗ ଅଣାଯାଇଛି । ପାଇଲଟସଙ୍କ ପକ୍ଷରୁ କୁହାଯାଇଛି, ଏୟାର ଲାଇନ୍ସ ତରଫରୁ ଫ୍ଲାଇଟ ସଙ୍କଟକୁ ଜାଣିଶୁଣି ସୃଷ୍ଟି କରାଯାଇଛି । ସରକାରଙ୍କ ତରଫରୁ ଅଣାଯାଇଥିବା ଫ୍ଲାଇଟ ଡ୍ୟୁଟି ଟାଇମ୍ ଲିମିଟେସନ (FDTL)ର ପରିବର୍ତ୍ତିତ ନିୟମକୁ ପ୍ରତ୍ୟାହାର କରିବା ପାଇଁ ଏହା କରାଯାଇଥିଲା । ମ୍ୟାନେଜମେଣ୍ଟ ତରଫରୁ ନୂଆ ସୁରକ୍ଷା ନିୟମକୁ ଲାଗୁ କରିବାରେ ଜାଣିଶୁଣି ବାଧା ସୃଷ୍ଟି କରାଯାଇଥିଲା । ଏହା ମଧ୍ୟରେ ବି ଇଣ୍ଡିଗୋ ଏୟାରଲାଇନ୍ସର ସମସ୍ୟା ଠିକ୍ ହୋଇନାହିଁ । ଆଜି ୭ମ ଦିନ ଓ ଏବେ ବି ଅଲଗା ଅଲଗା ବିମାନ ବନ୍ଦରରେ ଫ୍ଲାଇଟସକୁ ରେଗୁଲେସନ ଠିକ୍ ହୋଇ ପାରିନାହିଁ ।
ଜଣେ ପାଇଲଟ୍ କହିଛନ୍ତି, ଇଣ୍ଡଇଗୋ ଗୋଟିଏ ଦିନରେ ପାଖାପାଖି ୨,୨୦୦ ଫ୍ଲାଇଟସ ଚଳାଇଥାଏ । ଯଦି ୬୫ କ୍ୟାପ୍ଟେନ ଓ ୧୨ ଫାଷ୍ଟ ଅଫିସରଙ୍କ ଉପରେ ପ୍ରଭାବ ପଡ଼େ, ତେବେ ଏହା କେବଳ ୫-୭ ପ୍ରତିଶତ ଫ୍ଲାଇଟସ ଉପରେ ପ୍ରଭାବ ପକାଇବ । ଦୁଇ ବର୍ଷ ପୂର୍ବରୁ ଅଣାଯାଇଥିବା ପରିବର୍ତ୍ତିତ ନିୟମ FDTL ନିୟମକୁ ପ୍ରତ୍ୟାହାର କରିବା ପାଇଁ ବାଧ୍ୟ କରାଯାଉଛି । ସେହିପରି ଫ୍ଲାଇଟସ ସୁରକ୍ଷା ବିପଦରେ ଥିବା ଏୟାରଲାଇନ ପାଇଲଟସ ଆସୋସିଏସନ ଅଫ୍ ଇଣ୍ଡିଆର ସଭାପତି କହିଛନ୍ତି ।
୬୮ ଲକ୍ଷ ଟଙ୍କାର ବ୍ରାଉନସୁଗର ଜବତ: ୨ ଜଣଙ୍କୁ ଗିରଫ କଲା ଅବକାରୀ ବିଭାଗ
ଢେଙ୍କାନାଳ ଜିଲ୍ଲା କାମାକ୍ଷାନଗରର ମୁଣ୍ଡିଦେଉଳି ସାହିରେ ବ୍ରାଉନସୁଗାର କାରବାର ବେଳେ ଅବକାରୀ ବିଭାଗର ଚଢ଼ାଉ । ୬୮ ଲକ୍ଷ ଟଙ୍କାର ବ୍ରାଉନସୁଗର ଜବତ । ୨ ଜଣଙ୍କୁ ଗିରଫ କଲା ଅବକାରୀ ବିଭାଗ । ଗିରଫ ହୋଇଥିବା ଦୁଇ ଜଣ ମୁଣ୍ଡିଦେଉଳି ସାହିର ମାଆ ମମତା ସାହୁ ଓ ପୁଅ ଆକାଶ ସାହୁ ବୋଲି ଜଣାପଡିଛି । ବ୍ୟବସାୟରେ ସାମିଲ ଥିବା ଆଉ ଜଣେ ପୁଅ ଫେରାର ହୋଇଯାଇଛି । ଏହି ମା ଓ ପୁଅ ଗ୍ୟାଙ୍ଗ ଦୀର୍ଘ ଦିନ ଧରି କାମାକ୍ଷାନଗର ଅଞ୍ଚଳରେ ବ୍ରାଉନସୁଗାର ବ୍ୟବସାୟ କରି ଆସୁଥିଲେ l ଖବର ପାଇ ଅବକାରୀ ବିଭାଗ ଆଜି ମା, ପୁଅ ଗ୍ୟାଙ୍ଗ ଉପରେ ଚଢ଼ାଉ କରି ବ୍ରାଉନସୁଗାର ଜବତ କରିବା ସହିତ ଗିରଫ କରିବାରେ ସକ୍ଷମ ହୋଇଛି l ଢେଙ୍କାନାଳ ଜିଲ୍ଲାରେ ଏତେ ବଡ଼ ପରିମାଣରେ ବ୍ରାଉନସୁଗାର ଜବତ ହେବା ଏହା ପ୍ରଥମ ଘଟଣା । ଗିରଫ ମା ଓ ପୁଅଙ୍କୁ ଆଜି କୋର୍ଟ ଚାଲାଣ କରାଯିବା ନେଇ ଅବକାରୀ ଉପ ଅଧିକ୍ଷକ ସାୱନ ଭୋଳ କହିଛନ୍ତି l
ବିଧାନସଭା ଶୀତ ଅଧିବେଶନ: ଆଜି ଗୃହରେ ଆସିବ ୨୦୨୫ ମସିହା ପାଇଁ ଅତିରିକ୍ତ ବ୍ୟୟ ମଞ୍ଜୁରୀ ବିଲ୍
ବିଧାନସଭା ଶୀତ ଅଧିବେଶନ। ଆଜି ଗୃହରେ ଆସିବ ୨୦୨୫ ମସିହା ପାଇଁ ଅତିରିକ୍ତ ବ୍ୟୟ ମଞ୍ଜୁରୀ ବିଲ୍। ବିଲ୍ ଆଗତ କରିବେ ଅର୍ଥ ବିଭାଗ ଦାୟିତ୍ଵରେ ଥିବା ମୁଖ୍ୟମନ୍ତ୍ରୀ। ଗତ ୨୮ ତାରିଖରେ ୨୦୨୫-୨୬ ଆର୍ଥିକ ବର୍ଷ ପାଇଁ ୧୭ ହଜାର ୪୪୦ କୋଟି ଟଙ୍କାର ଅତିରିକ୍ତ ବଜେଟ୍ ଗୃହରେ ଉପସ୍ଥାପିତ ହୋଇଥିଲା। ଏହି ଅତିରିକ୍ତ ବଜେଟ ଉପରେ ଡିସେମ୍ବର ୪ ତାରିଖରୁ ୬ ତାରିଖ ପର୍ଯ୍ୟନ୍ତ ବିଭିନ୍ନ ବିଭାଗର ଖର୍ଚ୍ଚ ଦାବି ଉପରେ ହୋଇଥିଲା ଆଲୋଚନା। ସରକାର ବଜେଟ ଆକାର ବଡ଼ କରି ବାହାବା ନେଉଥିଲା ବେଳେ ବଜେଟ ଅର୍ଥ ଖର୍ଚ୍ଚ କରିପାରୁନାହାନ୍ତି ବୋଲି ବିରୋଧୀ ସରକାରଙ୍କୁ ଟାର୍ଗେଟ କରି ଆସୁଛନ୍ତି।ଗତ ଅକ୍ଟୋବର ସୁଦ୍ଧା ମୂଳ ବଜେଟ ମାତ୍ର ୩୯ ପ୍ରତିଶତ ଖର୍ଚ୍ଚ ହୋଇଛି। ଯାହାକୁ ନେଇ ବିଭାଗୀୟ ଖର୍ଚ୍ଚଦାବି ଆଲୋଚନାରେ ବିରୋଧୀ ସରକାରଙ୍କୁ ବିଭିନ୍ନ ପ୍ରଶ୍ନବାଣରେ ଘେରିଥିଲେ। ଆଜି ବ୍ୟୟମଂଜୁରୀ ବିଲ୍ ଆଲୋଚନା ବେଳେ ମଧ୍ୟ ସରକାରଙ୍କର ଆର୍ଥିକ ପରିଚାଳନାକୁ ନେଇ ବିରୋଧୀ ଟାର୍ଗେଟ କରିବା ଦେଖିବାକୁ ମିଳିବ। ପ୍ରଶ୍ନକାଳ ପରେ ଶୂନ୍ୟକାଳରେ ସଦସ୍ୟଙ୍କ ବିଭିନ୍ନ ପ୍ରସଙ୍ଗ ଆଲୋଚନା ପରେ ବ୍ୟୟ ମଞ୍ଜୁରୀ ବିଲ ଆଗତ ହେବ। ବ୍ୟୟ ମଂଜୁରୀ ବିଲ୍ ଉପରେ ଆଲୋଚନା ଥିବାରୁ ଆଜି ଗୃହରେ କୌଣସି ପ୍ରସଙ୍ଗରେ ମୁଲତବୀ ପ୍ରସ୍ତାବ ଆଲୋଚନା ହେବନାହିଁ।
ଆସନ୍ତାକାଲି ଭାରତ-ଦକ୍ଷିଣ ଆଫ୍ରିକା ଟି-ଟ୍ବେଣ୍ଟି ମ୍ୟାଚ: ଆଜି ବାରବାଟୀରେ ପ୍ରାକ୍ଟିସ କରିବେ ଉଭୟ ଟିମ୍
ଆସନ୍ତାକାଲି ବାରବାଟୀ ଷ୍ଟାଡିୟମରେ ଖେଳାଯିବ ଭାରତ-ଦକ୍ଷିଣ ଆଫ୍ରିକା ଟି ଟ୍ବେଣ୍ଟି ମ୍ୟାଚ। ପିଚ, ପଡିଆ, ଗ୍ୟାଲେରୀ ଓ ଭିଭିଆଇପି ଷ୍ଟାଣ୍ଡ ସବୁ ପ୍ରସ୍ତୁତ । ଆଜି ଉଭୟ ଟିମ ଆସି ପଡ଼ିଆରେ ନେଟ୍ ପ୍ରାକ୍ଟିସ କରିବେ। ପ୍ରଥମେ ଭାରତ ଏବଂ ସନ୍ଧ୍ୟାରେ ଦକ୍ଷିଣ ଆଫ୍ରିକା ଟିମ୍ ଅଭ୍ୟାସ କରିବେ । ଏହାକୁ ଦେଖିବା ଲାଗି ୭ ନମ୍ବର ଫାଟକ ଓ ୬ ନମ୍ବର ଗ୍ୟାଲେରି ଖୋଲା ରଖାଯିବ ।ବାରବାଟୀରେ ଏଥର ଜମିବ ଟି-ଟ୍ଵେଣ୍ଟି ଟକ୍କର। ପ୍ରଥମ ଥର ପାଇଁ ମଡ୍ ରେଡ୍ ପିଚ୍ ପ୍ରସ୍ତୁତ ହୋଇଛି। ଉଭୟ ବ୍ୟାଟିଂ ଓ ବୋଲିଂ ଭଲ ହେବ। ବଡ଼ ସ୍କୋର ହେବାର ଆଶା କରାଯାଇଛି। ୪୨ ହଜାର ଦର୍ଶକ ଦେଖିପାରିବେ ମ୍ୟାଚ। ମ୍ୟାଚ ଉପରେ କାକରର ପ୍ରଭାବକୁ ହ୍ରାସ କରିବା ପାଇଁ ପ୍ରୟୋଗ କରାଯିବ ସ୍ଵତନ୍ତ୍ର ରାସାୟନିକ ପଦାର୍ଥ। ଆଜି ସକାଳ ସାଢ଼େ ୧୧ଟାରେ ନେଟ୍ ପ୍ରାକଟିସ କରିବେ ଭାରତୀୟ ଟିମ୍। ସଂଧ୍ୟା ସାଢ଼େ ୪ଟାରେ ଦକ୍ଷିଣ ଆଫ୍ରିକାର ଖେଳାଳି ପ୍ରାକଟିସ୍ କରିବେ।
ଜାଡ଼ରେ ଥରୁଛି ଓଡ଼ିଶା: ଆଗାମୀ ୫ ଦିନ ଯାଏ ଜାଡ଼ରୁ ନାହିଁ ମୁକ୍ତି
ଜାଡ଼ରେ ଥରୁଛି ଓଡ଼ିଶା । ଆଭ୍ୟନ୍ତରୀଣ ଓଡ଼ିଶା ଅଧିକ ପ୍ରଭାବିତ । ଉପକୂଳ ଓଡ଼ିଶାର ବିଭିନ୍ନ ଜିଲ୍ଲାରେ ଥଣ୍ଡା ଶୁଷ୍କ ବାୟୁ ପ୍ରବାହ ଜାରି ରହିଛି। ଆଗାମୀ ୫ ଦିନ ଯାଏ ଜାଡ଼ରୁ ମୁକ୍ତି ନାହିଁ ବୋଲି ସ୍ପଷ୍ଟ କରିଛି ପାଣିପାଗ ବିଭାଗ । ସୁନ୍ଦରଗଡ଼, କଳାହାଣ୍ଡି, କନ୍ଧମାଳ, କୋରାପୁଟ, ସୋନପୁର, ବଲାଙ୍ଗୀରରେ ଘନ କୁହୁଡ଼ି ପଡ଼ିବ। ସୁନ୍ଦରଗଡ଼, କଳାହାଣ୍ଡି, କନ୍ଧମାଳ କୋରାପୁଟ ଘନ କୁହୁଡି ଦେଖାଯିବାର ସମ୍ଭାବନା ରହିଛି । ଗତ ୨୪ ଘଣ୍ଟାରେ ରାଉରକେଲାରେ ସବୁଠାରୁ କମ୍ 7.2 ତାପମାତ୍ରା ରେକର୍ଡ କରାଯାଇଥିବା ବେଳେ ଦାରିଙ୍ଗବାଡିରେ ୭.୫ ଡିଗ୍ରୀ ପାରଦ ରେକର୍ଡ ହୋଇଛି । ସେହିଭଳି ଝାରସୁଗୁଡା 7.6, କେନ୍ଦୁଝର 9.6, ଭୁବନେଶ୍ୱର 11.9, ସମ୍ବଲପୁର 12,ହୀରାକୁଦ 13.2,ବାଲେଶ୍ୱର 13.6, ପାରାଦ୍ୱୀପ 13.9, ଚାନ୍ଦବାଲି 14, ଗୋପାଳପୁର 15.9 ଓ ପୁରୀ 16.6 ରେକର୍ଡ କରାଯାଇଛି । ଆଗାମୀ ୬ ଦିନ ପର୍ଯ୍ୟନ୍ତ ପାଗ ଶୁଖିଲା ରହିବା ସହ ବର୍ଷା ହେବାର ସମ୍ଭାବନା ନାହିଁ ।