ଭୁବନେଶ୍ବର : ବାତ୍ୟା ‘ଦାନା’ ସମୟରେ ରାଜ୍ୟ ସରକାରଙ୍କ କାର୍ଯ୍ୟକ୍ରମକୁ ନେଇ ବର୍ଷିଛି ବିଜେଡି । ବଜେଡି ନେତ୍ରୀ ଲେଖାଶ୍ରୀ ସାମନ୍ତସିଂହାର ଏକ ସାମ୍ବାଦିକ ସମ୍ମିଳନୀରେ ବାତ୍ଯା ପରିଚାଳନାରେ ବିଫଳତାକୁ ନେଇ ରାଜ୍ଯ ସରକାର ତାତ୍ସଲ୍ଯ କରିଛନ୍ତି । ସେ କହିଛନ୍ତି, ୧୫ ଦିନରୁ ଅଧିକ ହେଲା ବାତ୍ଯା ସମ୍ପର୍କରେ ସୂଚନା ମିଳିଥିଲା । ରାଜ୍ଯ ସରକାର ବିପର୍ଯ୍ୟୟରୁ ସୁଯୋଗ ଖୋଜୁଥିଲେ । ରାଜ୍ଯ ସରକାର ଲୋକହସାର ପାତ୍ର ହୋଇଛନ୍ତି । ସାଇକ୍ଲୋନ ଦାନାକୁ ନେଇ ସରକାର କାହାଣୀ ରଚୁଥିଲେ । ଜିରୋ କାଜୁଆଲିଟି ସ୍ଲୋଗାନର ଭିତ୍ତି ନାହିଁ । ରାଜ୍ଯରେ ୪ ଜଣଙ୍କ ମୃତ୍ଯୁ ଘଟିଛି । ସେମାନଙ୍କ ମଧ୍ୟରୁ ରାଜନଗରରେ ୩ ଜଣଙ୍କ ପ୍ରାଣହାନି ଘଟିଥିବା ବେଳେ ମୁଖ୍ଯମନ୍ତ୍ରୀଙ୍କ ନିଜ ଅଞ୍ଚଳରେ ଜଣେ ପ୍ରାଣ ହରାଇଛନ୍ତି । ୧୯୯୯ରେ ରାଜ୍ଯରେ ଥିଲା ମାତ୍ର ୨୩ଟି ବାତ୍ଯା ଆଶ୍ରୟସ୍ଥଳ । ୨୦୨୪ରେ ଏହି ସଂଖ୍ଯା ହୋଇଥିଲା ୯୦୦ । ୪୫୦ଟି ବାତ୍ଯା ଆଶ୍ରୟସ୍ଥଳ ଅତ୍ଯାଧୁନିକ ଥିଲା । ବାତ୍ଯା ନେଇ ରାଜ୍ଯ ସରକାର ଆତଙ୍କ ସୃଷ୍ଟି କରାଇଲେ । ଲ୍ଯାଣ୍ଡଫଲ ବେଳେ ପବନର ଗତି ବହୁତ କମ୍ ଥିଲା । ଏହି ଧରଣର ବାତ୍ଯାରେ ଲୋକଙ୍କୁ ସ୍ଥାନାନ୍ତର ଅନାବଶ୍ଯକ ଥିଲା । ୟାସ୍ ବାତ୍ଯା ବେଳେ ୧୮୫ କିମି ବେଗରେ ପବନ ବହିଥିଲା । ୟାସ ବେଳେ ୧୦ ଲକ୍ଷ ଲୋକଙ୍କୁ ସ୍ଥାନାନ୍ତର କରାଯାଇଥିଲା । କେତେ ଲୋକଙ୍କୁ ବାସ୍ତବରେ ସ୍ଥାନାନ୍ତର କରାଗଲା ତାହା ସରକାର ସ୍ପଷ୍ଟ କରନ୍ତୁ । ବାତ୍ଯା ସମ୍ପର୍କରେ ରାଜ୍ଯ ସରକାର ଶ୍ବେତପତ୍ର ଜାରି କରନ୍ତୁ । କେତେ ଲୋକ ସ୍ଥାନାନ୍ତରିତ ହୋଇଛନ୍ତି? କେଉଁ ଆଶ୍ରୟସ୍ଥଳୀରେ କେତେ ଲୋକ ରହିଛନ୍ତି ? ଜିରୋ କାଜୁଆଲିଟି ନେଇ ମଧ୍ୟ ସରକାର ଶ୍ବେତପତ୍ର ଆଣନ୍ତୁ । ବାରମ୍ବାର ମିଛ କହି ମିଛକୁ ସତରେ ପ୍ରମାଣିତ କରିବାର ଅପଚେଷ୍ଟା ଚଳାଇଛନ୍ତି ।

ଅନ୍ୟପଟେ ପୂର୍ବତନ ମୁଖ୍ଯମନ୍ତ୍ରୀ ନବୀନ ପଟ୍ଟନାୟକଙ୍କ ବିଶ୍ବସ୍ତରୀୟ ରେକର୍ଡ ରହିଛି । ବାତ୍ଯା ପରିଚାଳନାରେ ନବୀନ ସରକାର ଇତିହାସ ରଚିଥିଲେ । ବିଗତ ୨୪ବର୍ଷରେ ନବୀନ ଯାହା କରିଥିଲେ ତାହାକୁ ରାଜ୍ଯବାସୀ ମନେପକାଉଛନ୍ତି ।  ୨୪ ବର୍ଷ ଭିତରେ ଓଡ଼ିଶା ଅନେକ ବିପର୍ଯ୍ୟୟର ଶିକାର ହୋଇଛି । ତତକାଳୀନ ନବୀନ ସରକାର ଜିରୋ କାଜୁଆଲିଟିକୁ ପ୍ରାଥମିକତା ଦେଇଥିଲେ । ରାଜ୍ଯରେ ବିପର୍ଯ୍ୟୟ ପରିଚାଳନାର ବିଶାଳ ଭିତ୍ତିଭୂମି ତିଆରି ହୋଇଥିଲା । ତାହାର ଫଳ ସ୍ବରୂପ ଆଜି ଓଡ଼ିଶା ସଫଳତାର ମୁକାବିଲା କରିପାରୁଛି । ନବୀନ ସରକାରଙ୍କ ମଡେଲକୁ ଜାତିସଂଘ ବି ପ୍ରଶଂସା କରିଥିଲା । ହେଲେ ବର୍ତ୍ତମାନ ମୁଖ୍ଯମନ୍ତ୍ରୀ ମୋହନ ମାଝି ଓଡିଶାବାସୀଙ୍କର କମ୍ ପ୍ରଧାନମନ୍ତ୍ରୀଙ୍କ ସାର୍ଟିପିକେଟ ଲୋଡାକଲେ । ବାତ୍ଯାରେ ମନ୍ତ୍ରୀମାନଙ୍କ ଭାଷଣବାଜି ଚାଲିଥିଲା । ଫଟୋ ରାଜନୀତିରେ ବିଶ୍ବାସ କଲେ ରାଜ୍ଯ ସରକାର । ନବୀନଙ୍କ ସମସ୍କନ୍ଧ ହେବା ଲାଗି ଚାଲିଥିଲା ପ୍ରତିଯୋଗିତା ।