ନନ୍ଦିଘୋଷ ବ୍ୟୁରୋ: ’ପୁଷ୍ପା-୨’ । ଏବେ ବକ୍ସ ଅଫିସରେ ବେଶ ଭଲ ରୋଜଗାର କରୁଛି । ଦର୍ଶକଙ୍କ ମହଲରେ ବେଶ ଆଦୃତ ମଧ୍ୟ ହୋଇଛି । ଏବେ ସବୁ ହଲରେ ହାଉସଫୁଲ ରହିଛି । ପୁଷ୍ପା ଭଳି ପୁଷ୍ପା-୨ ମଧ୍ୟ ଗୋଟିଏ ପରେ ଗୋଟିଏ ଭାଙ୍ଗିବାରେ ଲାଗିଛି । ତେବେ ଫିଲ୍ମରେ ପୁଷ୍ପରାଜଙ୍କ ହିନ୍ଦି ଡାଏଲଗ ଶୁଣିଥିବେ ନିଶ୍ଚୟ । ଅଲ୍ଲୁଙ୍କ ଅଭିନୟ ସାଙ୍କକୁ ଡାଏଲଗ ଦର୍ଶକଙ୍କୁ ଶେଷ ପର୍ଯ୍ୟନ୍ତ ଦେଖିବା ପାଇଁ ବାନ୍ଧି ରଖି ପାରୁଛି । ତେବେ ଅଲ୍ଲୁଙ୍କ ହିନ୍ଦି ଭଏଲ ଡବିଂ କରିଛନ୍ତି ଜଣାଶୁଣା ବଲିଉଡ ଅଭିନେତା ଶ୍ରେୟସ ତଲପଣ୍ଡେ । ଏବେ ଫିଲ୍ମକୁ ଅପୂର୍ବ ସଫଳତା ମିଳିଥିବାବେଳେ ଏକ ଜାତୀୟ ଗଣମାଧ୍ୟକୁ ନିଜର ଇଣ୍ଟରଭିୟୁ ସମୟରେ ଅନେକ ସ୍କୃତି ସେ ବଖାଣିଛନ୍ତି । ତାଙ୍କୁ କିପରି ଭାବେ କାମ ମିଳିଲା ଏବଂ କିଭଳି ଭାବେ ନର୍ଭସ ଥିଲେ ।

ଫିଲ୍ମର ସଫଳତାକୁ ନେଇ ଯେତେବେଳେ ଶ୍ରୟସଙ୍କୁ ଶ୍ରେୟ ଦିଆଯାଇଥିଲା ସେ କହିଥିଲେ କି, ଏହା କେବଳ ନିର୍ଦ୍ଦେଶକ ଏବଂ ଅଲ୍ଲୁ ଅର୍ଜୁନ ଏବଂ ଟିମ ପାଇଁ ସମ୍ଭବ ହୋଇ ପାରିଛି । ଫିଲ୍ମର ଜ୍ବଳନ୍ତ ଅଭିନୟ ମୋତେ ସୁନ୍ଦର ଭାବେ ଭଏସ ଡବିଂ କରିବାକୁ ପ୍ରେରଣା ଦେଇଥିଲା ବୋଲି କହିଛନ୍ତି ଶ୍ରେୟସ । ଏହାସହ ତାଙ୍କୁ ଯେତେବେଳେ ପଚରା ଯାଇଥିଲା କି, ଯଦି ଏହି ଫିଲ୍ମର ରିମେକ ହୁଏ ତେବେ ତୁମେ ପୁଷ୍ପା ଭୂମିକାରେ ଅଭିନୟ କରିବ କି ? ଏହାର ଉତ୍ତରରେ ସେ କହିଛନ୍ତି କି, ମୁଁ ଏଯାବତ ଏଭଳି ଚରିତ୍ର ପାଇନାହିଁ । ଯଦି ମିଳେ ତାହେଲେ ଖୁସିରେ କରିବି ।

ଶ୍ରେୟସ କହିଛନ୍ତି କି, ମୋତେ କୁହାଯାଇଥିଲା କି, ଫିଲ୍ମର କ୍ଲାଇମାକ୍ସରେ ଏକ ଦୁଃଖ ସିନ୍ ରହିଛି । ଯାହାକି ଏକ ଛୋଟ ସିନ୍ । ମାତ୍ର ମୁଁ ଯେତେବେଳେ ଏହି ସିନକୁ ଦେଖି ଥିଲି ଭାବପ୍ରବଣ ହୋଇ ଯାଇଥିଲି । ଆଉ ଏକ ଶତପ୍ରତିଶତ ଦେବାକୁ ଚେଷ୍ଟା କରିଥିଲି । ଜଣେ କଳାକାର ଅଭିନୟ କରିଥିବାବେଳେ ତାଙ୍କ ପାଇଁ ଭଏସ ଡବିଂ କରିବା ବହୁତ କଷ୍ଟ । ତେବେ ହଲିଉଡ ଫିଲ୍ମର ହିନ୍ଦି ଭଏସ ଡବିଂ ମଧ୍ୟ କରିଛନ୍ତି ସେ । ଏହାସହ ବଲିଉଡ ବହୁ ହିଟ୍ ଫିଲ୍ମରେ ନଜର ଆସିଛନ୍ତି । କଙ୍ଗନାଙ୍କ ’ଏମରଜେନ୍ସି’ରେ ଏକ ଗୁରୁତ୍ବପୂର୍ଣ୍ଣ ଭୂମିକାରେ ସେ ଅଭିନୟ କରିଛନ୍ତି । ଆଗକୁ ’ହାଉସଫୁଲ୍-୫’, ଓ୍ବେଲକମ ଟୁ ଦ ଜଙ୍ଗଲ ଏବଂ ବାଗି-୪ ଭଳି ସିନେମାରେ ନଜର ଆସିଛନ୍ତି ।

ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି କି, ଯେତେବେଳେ ପୁଷ୍ପାର ଭଏସ ଡବିଂ ପାଇଁ ତାଙ୍କୁ କଲ ଯାଇଥିଲା ସେ ବେଶ ଖୁସି ହେବା ସହ ନର୍ଭସ ହୋଇଥିଲେ । ସାଉଥର ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ବହୁଫ୍ୟାନ୍ସ ରହିଥିବାବେଳେ ବଡ଼ ପ୍ରୋଜେକ୍ଟରେ ତାଙ୍କ ଭଏସ ଦେବାକୁ ନର୍ଭସ ହୋଇଥିଲେ । ଏମିତି ତାଙ୍କ ସହ ଭେଟ ହେବାକୁ ମଧ୍ୟ ଚାହିଁଥିଲେ । ମାତ୍ର ସେ ସୁଯୋଗ ତାଙ୍କ ମିଳିନଥିଲା ।