spot_img
Home Blog Page 1196

ଡିଲିମିଟେସନ ବୈଠକ : ନବୀନ ପଟ୍ଟନାୟକଙ୍କୁ ଧନ୍ୟବାଦ

ନନ୍ଦିଘୋଷ ବ୍ୟୁରୋ: ତାମିଲନାଡୁ ମୁଖ୍ୟମନ୍ତ୍ରୀ ଏମ.କେ. ଷ୍ଟାଲିନଙ୍କ ଦ୍ୱାରା ଆହୂତ ସୀମା ନିର୍ଦ୍ଧାରଣ ସମ୍ପର୍କିତ ମିଳିତ (Joint Action Committee) କାର୍ଯ୍ୟକାରୀ କମିଟି ବୈଠକରେ ବିଜୁ ଜନତା ଦଳ ପକ୍ଷରୁ ପ୍ରତିନିଧିତ୍ବ କରିବାର ସୁଯୋଗ ଦେଇଥିବାରୁ ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧିଦଳ ନେତା ନବୀନ ପଟ୍ଟନାୟକଙ୍କୁ ଧନ୍ୟବାଦ ଓ କୃତଜ୍ଞତା।

ଜନସଂଖ୍ୟା ନିୟନ୍ତ୍ରଣ ଭଳି ଏକ ଜାତୀୟ କାର୍ଯ୍ୟକ୍ରମକୁ ଓଡ଼ିଶା ସଫଳ ଭାବେ କାର୍ଯ୍ୟକାରୀ କରିଥିବାରୁ ଲୋକଙ୍କ ଗଣତାନ୍ତ୍ରିକ ପ୍ରତିନିଧିତ୍ୱ ଏବଂ ଅଧିକାର ସୁନିଶ୍ଚିତ କରିବା ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ବୈଠକ।  ବିଜୁ ଜନତା ଦଳ ଓଡ଼ିଶାର ଲୋକଙ୍କ ସ୍ୱାର୍ଥର ସାମ୍ବିଧାନିକ ସୁରକ୍ଷା ଦେବା ପାଇଁ ପ୍ରୟାସ କରିବ। ଆମ ଦେଶର ସର୍ବୋଚ୍ଚ ପ୍ରତିନିଧି ସଭା (ଲୋକସଭା) ଆସନ ସଂଖ୍ୟା ନିର୍ଣ୍ଣୟ କରିବା ପାଇଁ ଜନସଂଖ୍ୟାକୁ ଏକମାତ୍ର ମାନଦଣ୍ଡ ହେବା ଉଚିତ୍ ନୁହେଁ। ଦ୍ୱିତୀୟତଃ, ବିଜୁ ଜନତା ଦଳ ସଭାପତି ନବୀନ ପଟ୍ଟନାୟକ କେନ୍ଦ୍ର ସରକାରଙ୍କୁ ସମସ୍ତ ଦଳ ସହିତ ଏକ ବିସ୍ତୃତ ଆଲୋଚନା କରିବାକୁ ପରାମର୍ଶ ଦେଇଛନ୍ତି ଯାହା ଦ୍ୱାରା ଗଣତନ୍ତ୍ର ପାଇଁ ସୁଦୂରପ୍ରସାରୀ ପ୍ରଭାବ ପକାଇଥିବା ଏହି ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ସହମତି ହେବା ସହ ଏକ ସମୃଦ୍ଧ ଭାରତବର୍ଷ ଗଠନର ଜାତୀୟ ଆବଶ୍ୟକତା ପୂରଣ ହେଇପାରିବ।

ଏହି ଜାତୀୟ ସମ୍ମିଳନୀରେ ଯୋଗଦେଇ ପୂର୍ବତନ ମନ୍ତ୍ରୀ ତଥା ବିଜୁ ଜନତା ଦଳ କାର୍ଯ୍ୟକ୍ରମ ରୂପାୟନ କମିଟିର ଆବାହକ ସଞ୍ଜୟ କୁମାର ଦାସବର୍ମା ତାଙ୍କ ବକ୍ତବ୍ୟରେ କହିଛନ୍ତି ଜନସଂଖ୍ୟା ନିୟନ୍ତ୍ରଣ କରିବାରେ ଆମ ରାଜ୍ୟ ଓଡ଼ିଶା ଭାରତ ସରକାରଙ୍କର ଜନସଂଖ୍ୟା ନିୟନ୍ତ୍ରଣ ଭଳି ଏକ ଜାତୀୟ କାର୍ଯ୍ୟକ୍ରମକୁ ନିଷ୍ଠାର ସହ କାର୍ଯ୍ୟକାରୀ କରିଛି। ଜାତୀୟ ପ୍ରଗତିରେ ଓଡ଼ିଶାର ଯୋଗଦାନ ଅତୁଳନୀୟ। ଓଡ଼ିଶାର ଖଣିଜ ସମ୍ପଦ କେବଳ ରାଜ୍ୟ ନୁହେଁ ଭାରତ ବର୍ଷ ଅର୍ଥନୀତି କୁ ସମୃଦ୍ଧ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନେଇଛି। ଆମର ଖଣିଜ ସମ୍ପଦ କୁ ନେଇ ଦେଶ ବିକଶିତ ହୋଇଛି।

ଓଡ଼ିଶାର ଚାଷୀ କୂଳର ଅଦ୍ୟମ ପରିଶ୍ରମ ଓ ପୂର୍ବତନ ନବୀନ ସରକାରଙ୍କ ସଫଳ କୃଷି ନିତି ଫଳରେ ଓଡ଼ିଶାର କୃଷକ, ଭାରତ ବର୍ଷର ଖାଦ୍ୟ ଭଣ୍ଡାର କୁ ତୃତୀୟ କୃଷି ଉତ୍ପାଦନକାରୀ ପ୍ରମୁଖ ରାଜ୍ୟ ଭାବେ ରେ ଭାରତ ବର୍ଷର ଅର୍ଥନୀତିକୁ ଓଡ଼ିଶାର ଚାଷୀ କୂଳର ଅବଦାନ ଅତୁଳନୀୟ । ପ୍ରଜାତନ୍ତ୍ର ରେ ଓଡ଼ିଶାର ପ୍ରତିନିଧିତ୍ଵ କେବଳ ଏକ ରାଜନୈତିକ ଆବଶ୍ୟକତା ନୁହେଁ ଏହା ଆମର ସାମ୍ବିଧାନିକ ଅଧିକାର। ଏହି ବୈଠକକୁ ରାଜ ନୈତିକ ଦୁଷ୍ଟି କୋଣରୁ ବିଚାର ନକରି ୨୦୨୬ ମସିହାରେ ହେବାକୁ ଯାଉଥିବା ଜନଗଣନା ରେ ଓଡ଼ିଶା ର ସାମ୍ବିଧାନିକ ଅଧିକାର ଅକ୍ଷୁର୍ଣ୍ଣ ରହିବା ପାଇଁ ଆମକୁ ପ୍ରତ୍ୟେକ ସ୍ତରରେ ସଂଗ୍ରାମ କରିବାକୁ ପଡିବ। ଏହି ଜାତୀୟ ସମ୍ମିଳନୀରେ ପୂର୍ବତନ ରାଜ୍ୟସଭା ସାଂସଦ ଅମର ପଟ୍ଟନାୟକ ବିଜୁ ଜନତା ଦଳ ପକ୍ଷରୁ ମତ ବିନିମୟ କରିଛନ୍ତି।

ବିଷାକ୍ତ ହେଉଛି ଓଡିଶାର ଲାଇଫଲାଇନ୍

ନନ୍ଦିଘୋଷ ବ୍ୟୁରୋ: ବିଷ ପାଲଟିଗଲାଣି ମହାନଦୀର ଅମୃତ ଧାରା । ଗୋଟିଏ ପଟେ ଛତିଶଗଡ଼ ସରକାର ଉପରମୁଣ୍ଡରେ ସମସ୍ତ ଗେଟ୍ ବନ୍ଦ କରିଦେଇଥିବା ବେଳେ ଅନ୍ୟପଟେ ସହରର ବିଷାକ୍ତ ପାଣି ସିଧାସଳଖ ମହାନଦୀରେ ପଡୁଛି । ଯାହାକୁ ନେଇ ଚିନ୍ତା ପ୍ରକଟ କଲେଣି ସହରବାସୀ । ପୂର୍ବରୁ ଅଧିକ ପାଣି ଆସିବା ଫଳରେ ଆବର୍ଜନା ସବୁ ଭସାଇ ନେଉଥିଲେ । ହେଲେ ଏବେ ପାଣି କମିଥିବାରୁ ଜଳ ଅଧିତ ଦୂଷିତ ହେଉଛି । ତେଣୁ ଏହା ବ୍ଯବହାର ଉପଯୋଗି ନଥିବା ଲୋକେ ଅଭିଯୋଗ କରିଛନ୍ତି ।

ବିଷାକ୍ତ ହେଉଛି ଓଡିଶାର ଲାଇଫଲାଇନ୍ । ଜହର ପାଲଟୁଛି ମହାନଦୀର ଅମୃତ ଧାରା । ଜୀବ ଜଗତ ଉପରେ ପଡିବ ପ୍ରଭାବ । ଚିନ୍ତା ପ୍ରକଟ କଲେ ବୁଦ୍ଧିଜୀବୀ ଓ ପରିବେଶବିତ୍ । ଭଲଭାବରେ ଦେଖନ୍ତୁ ଏହି ଜମି ରହିଥିବା ପାଣିକୁ । ଆପଣ ଭାବୁଥିବେ ଏହା କୌଣସି ଆବର୍ଜନାମୟ ଗାଡିଆ କିମ୍ବା ଡ୍ରେନର ଦୃଶ୍ୟ । କିନ୍ତୁ ଏହା ଓଡ଼ିଶାର ଜୀବନ ରେଖା ମହାନଦୀର ବିଷାକ୍ତମୟ ପାଣି । ପୂର୍ବରୁ  ସମ୍ବଲପୁର ସହରର ଏହି ସ୍ଥାନ ମାନଙ୍କରେ ମହାନଦୀର ପାଣିକୁ ପାନୀୟ ଜଳ ଭାବେ ବ୍ୟବହାର କରୁଥିଲେ ସହରବାସୀ । କିନ୍ତୁ ଏବେ ତାହା ଶୌଚ ହେବା ବି ମୁସ୍କିଲ ପାଲଟିଲାଣି । ଛତିଶଗଡ଼ର ମନମାନି ଯୋଗୁଁ ଉପରମୁଣ୍ଡରୁ ପାଣି କମ ଆସୁଛି । ଫଳରେ ମହାନଦୀରେ ଜଳ ଧାରା କମିଛି । ତେଣୁ ଡ୍ରେନ ପାଣି ମିଶିବା ପରେ ଏହା ଏକପ୍ରକାର ବିଷାକ୍ତ ହୋଇଛି ।

ତେବେ ସମ୍ବଲପୁର ମହାନଗର ନିଗମ ସହରର ବର୍ଜ୍ୟବସ୍ତୁ ତଥା ଡ୍ରେନ ପାଣି ସିଧା ସଳଖ ମହାନଦୀରେ ମିଶୁଛି । ସହରର ବାଲିବନ୍ଦା ହେଉ କି ଦୂର୍ଗlପାଲୀ ସବୁଠି ସମାନ ଅବସ୍ଥା । ପୂର୍ବରୁ ଯେତେବେଳେ ମହାନଦୀରେ ଅଧିକ ପାଣି ଆସୁଥିଲା, ସେତେବେଳେ ଏହାର ପ୍ରବାହ ଆବର୍ଜନା ଭସାଇ ନେଉଥିଲା । କିନ୍ତୁ ଏବେ ସ୍ଥିତି ଭିନ୍ନ । କମ ପାଣି ଥିବାରୁ ବର୍ଜ୍ଯଜଳ ମିଶି ଏହାକୁ ଦୂଷିତ କରିଛି । ତୁରନ୍ତ ଏହାର ସମାଧାନ ନକଲେ ଆଗାମୀ ଦିନରେ ଜନଜୀବନ ପ୍ରଭାବିତ ହେବା ସହ ଏହି ପାଣି ଉପରେ ନିର୍ଭରର ସହୁଥିବା ଜୀବଜନ୍ତୁ ଓ କୃଷିକାର୍ଯ୍ଯ ପ୍ରଭାବିତ ହେବା ଆଶଂକା ସୃଷ୍ଟି ହୋଇଛି ।

ଶୌଚାଳୟ ଭିତରେ ପ୍ରସ୍ତୁତ ହେଉଥିଲା ମଦ, ପୋଲିସ କଲା ରେଡ୍

ନନ୍ଦିଘୋଷ ବ୍ୟୁରୋ: ରାଜଧାନୀରେ ବହୁଛି ଦେଶୀ ମଦର ସୁଅ । ଶାସ୍ତ୍ରୀ ନଗରରେ ଅଞ୍ଚଳରେ ପୋଲିସ ରେଡ୍ ସମୟରେ ବିପୁଳ ଦେଶୀ ମଦ ଜବତ  । ଶୌଚାଳୟ ଭିତରେ ପ୍ରସ୍ତୁତ ହେଉଥିଲା ମଦ । ହୋଟେଲ ପାଇଖାନା ଭିତରେ ଚାଲୁଥିଲା ଦେଶି ମଦ ଫ୍ୟାକ୍ଟ୍ରି। ଶାସ୍ତ୍ରୀ ନଗର ଟ୍ରାଫିକ ସାମ୍ନାରେ ଥିବା ହୋଟେଲରେ ରେଡ କରିଛି କମିଶନରେଟ୍ ପୋଲିସ । ହଜାର ହଜାର ଦେଶୀ ମଦ ନଷ୍ଟ, ମଦ ପ୍ରସ୍ତୁତ ସମଗ୍ରୀ ଜବଦ କରିଛି ପୋଲିସ । ମାମଲାରେ ୨ ଜଣଙ୍କୁ ଗିରଫ କରାଯାଇଛି । ସାମ୍ନାରେ ହୋଟେଲ ଏଣ୍ଡ ଫାଷ୍ଟ ଫୁଡ୍ ରେଷ୍ଟୁରାଣ୍ଟ କିନ୍ତୁ ଭିତରେ ଦେଶୀ ମଦ କାରଖାନା ଚାଲିଥିଲା । ବେଆଇନ୍ ଭାବରେ ସହର ଭିତରେ ତିଆରି ହେଉଥିଲା ଦେଶି ମଦ । ହୋଟେଲ ପାଇଖାନାରେ ୨ ବର୍ଷ ହେବ ତିଆରି ହେଉଥିଲା ମଦ ଓ ରାଜଧାନୀ ର ବିଭିନ୍ନ ସ୍ଥାନରେ ବିକ୍ରି ହେଉଥିଲା । ସନ୍ଦେହ ନ ହେବା ପାଇଁ ହୋଟେଲ ମାଲିକ ସାମ୍ନାରେ ଲଗେଇଥିଲା ବୋର୍ଡ । ଗତ କିଛିଦିନ ତଳେ ସାଲିଆ ସାହିରେ ବିପୁଳ ମଦ ଜବତ କରିବା ସହ ମଦ ତିଆରି ସାମଗ୍ରୀ ଜବତ କରିଥିଲେ ଅବକାରୀ ବିଭାଗ ।

ଜଙ୍ଗଲରୁ ଅଜଣା ବ୍ୟକ୍ତିଙ୍କ ଖପୁରୀ, ପିଞ୍ଜରା ହାଡ ଜବତ

ନନ୍ଦିଘୋଷ ବ୍ୟୁରୋ: ଗଞ୍ଜାମ ଜିଲ୍ଲା ସୋରଡ଼ା ଥାନା କୋଟାମଣି ପାହାଡ ତଳ ଜଙ୍ଗଲରୁ ଅଜଣା ବ୍ୟକ୍ତିଙ୍କ ଖପୁରୀ, ପିଞ୍ଜରା ହାଡ ଜବତ । ଘଟଣାସ୍ଥଳରୁ ପ୍ୟାଣ୍ଟ୍ ସାର୍ଟ ସହ ଅଧା ପୋଡ଼ା ଅବସ୍ଥାରେ ଦୁଇଟି ମୋବାଇଲ ଓ ମାଳି ଜବତ କରିଛି ପୋଲିସ। ଜଣେ ବ୍ୟକ୍ତି ଜଙ୍ଗଲକୁ କାଠ ଆଣିବା ପାଇଁ ଯାଇଥିବା ବେଳେ ମଣିଷ ଖପୁରୀ , ଓ ହାଡ ପଡ଼ିଥିବା ଦେଖିବାକୁ ପାଇଥିଲେ। ସେ ସ୍ଥାନୀୟ ସରପଞ୍ଚଙ୍କୁ ଜଣାଇବା ପରେ ସରପଞ୍ଚ ସୋରଡ଼ା ଥାନାକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ସୋରଡ଼ା ପୋଲିସ ପହଞ୍ଚି ଖପୁରୀ ଓ ହାଡ ଜବତ କରିଛି । ପୁରୁଷ ପ୍ୟାଣ୍ଟ ହୋଇଥିବାରୁ ହାଡ କଙ୍କାଳ ଗୁଡ଼ିକ କୌଣସି ବ୍ୟକ୍ତିଙ୍କ ହୋଇଥିବା ଅନୁମାନ କରାଯାଉଛି। ସାଇଣ୍ଟଫିକ ଟିମର ତଦନ୍ତ ପରେ ଉକ୍ତ ବ୍ୟକ୍ତିଙ୍କ ସମ୍ପୂର୍ଣ୍ଣ ପରିଚୟ ସହ ମୃତ୍ୟୁର କାରଣ ଜଣାପଡିବ ବୋଲି ସୋରଡ଼ା ଥାନା ଅଧିକାରୀ କହିଛନ୍ତି ।

ଝଡ଼ି ପଡ଼ୁଛି ବଉଳ, ଚିନ୍ତାରେ ଆମ୍ବ ଚାଷୀ

ନନ୍ଦିଘୋଷ ବ୍ୟୁରୋ: ଚାଷୀଙ୍କୁ ଘାରିଛି ଆମ୍ବ ଅମଳ ଚିନ୍ତା । ଚଳିତ ବର୍ଷ ପ୍ରତିକୂଳ ପାଗ ଯୋଗୁଁ କେଉଁଠି ଆମ୍ବ ବଉଳିଛି ତ କେଉଁଠି ନାହିଁ । ଆଉ ବଉଳି ଥିବା ଗଛରେ ବର୍ଷା ନଥିବାରୁ ଆମ୍ବ ଝଡିପଡୁଛି । ଫଳରେ ବର୍ଷକର ଅମଳକୁ ନେଇ ଚିନ୍ତାରେ ଚାଷୀ । ଝଡି ଯାଉଛି ବଉଳ । ଆମ୍ବ ଚାଷୀଙ୍କୁ ଘାରିଛି ଅମଳ ଚିନ୍ତା । କଳାହାଣ୍ଡି ଜିଲ୍ଲା ଧର୍ମଗଡ ଉପଖଣ୍ଡର କଲମପୁର, ଧର୍ମଗଡ, ଜୁନାଗଡ଼, କୋକସରା, ଗୋଲାମୁଣ୍ଡା ଓ ଜୟପାଟଣା ବ୍ଲକରେ ପାଖାପାଖି ୨ଶହ ଆମ୍ବ ଚାଷୀ ଥିବା ବେଳେ ୨ ହଜାର ହେକ୍ଟରରେ ଆମ୍ବ ଚାଷ କରାଯାଏ । ପ୍ରତିବର୍ଷ ଫଗୁଣ ମାସ ଆସିଲେ ଆମ୍ବ ବଉଳି ଥାଏ । ହେଲେ ଚଳିତ ବର୍ଷ ଆମ୍ବ ବଉଳ ସମୟରେ କେଉଁଠି ଆମ୍ବ ବଉଳିଛି ତ କେଉଁଠି ନାହିଁ । ଆଉ ବଉଳି ଥିବା ଗଛରେ ବର୍ଷା ନଥିବାରୁ ଆମ୍ବ ଝଡିପଡୁଛି । ଫଳରେ ଚଳିତ ବର୍ଷ ଚାଷୀଙ୍କ ଆମ୍ବ ଅମଳ ସାଙ୍ଗକୁ ପରିବାର ପ୍ରତି ପୋଷଣ ଆଶା ମଉଳି ଯାଇଛି ।

ଗତ ବର୍ଷ ଜିଲ୍ଲାରେ ପ୍ରାୟ ୧୦ ହଜାର ମେଟ୍ରିକ୍ ଟନ୍ ଆମ୍ବ ଅମଳ ହୋଇଥିବା ବେଳେ ପୂର୍ବ ସରକାରଙ୍କ ମିଶନ ଶକ୍ତି ଜରିଆର ଆମ୍ବ କିଣାଯାଇଥିଲା । ଏଥିସହିତ ରାଜ୍ଯ ତଥା ରାଜ୍ୟ ବାହାରକୁ ଆମ୍ବ ରପ୍ତାନୀ ହୋଇଥିଲା । ହେଲେ ଚଳିତ ଥର ଆମ୍ବ ଅମଳ ଆଶା କ୍ଷୀଣ ହୋଇଛି । ସେପଟେ ଚଳିତ ବର୍ଷ ଆମ୍ବ ଦର ବୃଦ୍ଧି ଆଶଙ୍କା ରହିଥିବା ସହିତ ଗତବର୍ଷ କଳାହାଣ୍ଡି ଆମ୍ବ ଦୁବାଇକୁ ଯାଇଥିବା କହିଛନ୍ତି ଜିଲ୍ଲା ସହକାରୀ ଉଦ୍ୟାନ ନିର୍ଦ୍ଦେଶକ । ଚାଷ କାମ ଯାହାର କେତେ ଦୁଃଖ ତାହାର  । ଚାଷ କାମ କରି ନିଜେ ଚଳିବା ସହ ଅନ୍ୟକୁ ଆହାର ଯୋଗାଉଥିବା ଚାଷୀ କେତେ ବେଳେ ଧାନ ଚାଷ, କପା ଚାଷ, ଆଖୁ ଚାଷ, ମକା ଚାଷ କରି କ୍ଷତି ସହୁଥିବା ବେଳେ ଏବେ ଆମ୍ବ ଚାଷରେ କ୍ଷତି ସହୁଛି  ।

ମରଣଯନ୍ତା ପାଲଟିଛି ବାଲିଗୁଡ଼ା ଠାରୁ ସିନ୍ଧିଗୁଡ଼ା ପର୍ଯ୍ୟନ୍ତ ରାସ୍ତା

ନନ୍ଦିଘୋଷ ବ୍ୟୁରୋ: ୯ କୋଟି ଟଙ୍କା ବ୍ୟୟ ବରାଦରେ ଚାଲିଛି ରାଜ୍ୟ ରାଜପଥର ମରାମତି କାର୍ଯ୍ୟ । କିନ୍ତୁ ଠିକାଦାର ମନମୁଖୀ କାର୍ଯ୍ୟ ଚଳାଇଥିବା ବେଳେ କାର୍ଯ୍ୟର ତଦାରଖ କରୁନାହାନ୍ତି ଦାୟିତ୍ଵରେ ଥିବା ଯନ୍ତ୍ରୀ । ସେପଟେ ରାସ୍ତା କାମ ଚାଲୁଥିବା ନେଇ କୌଣସି ସୂଚନା ଫଳକ ଲଗାଯାଇନାହିଁ । ଫଳରେ ଭାରସାମ୍ଯ ହରାଇ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ଯୁ ଘଟିଥିବା ବେଳେ ଅନେକ ଆହତ ହେଲେଣି ।

କନ୍ଧମାଳ ଜିଲ୍ଲା ବାଲିଗୁଡ଼ା ଠାରୁ ବୌଦ୍ଧ ଜିଲ୍ଲା ସୀମାନ୍ତ ସିନ୍ଧିଗୁଡ଼ା ରାସ୍ତାର ଦୃଶ୍ୟ । ୯ କୋଟି ଟଙ୍କା ବ୍ୟୟରେ ଚାଲିଛି ଏହି ରାଜ୍ୟ ରାଜପଥର ମରାମତି କାର୍ଯ୍ୟ । ଗୋଟିଏ ପଟେ ନିମ୍ନ ମାନର କାର୍ଯ୍ୟ ଚାଲିଥିବା ବେଳେ ରାସ୍ତାରେ ଲାଗିନାହିଁ ସୂଚନା ଫଳକ । ଫଳରେ ସେହି ବାଟ ଦେଇ ଦୈନନ୍ଦିନ ଯିବା ଆସିବା କରୁଥିବା ଲୋକମାନେ ବାରମ୍ବାର ଦୁର୍ଘଟଣାର ସମ୍ମୁଖୀନ ହେଉଛନ୍ତି । ଗତ କିଛିଦିନ ମଧ୍ୟରେ ବାରଖମା ନିକଟରେ ଭାରସାମ୍ୟ ହରାଇ ଦୁର୍ଘଟଣାରେ ପୁନିନାଟ ଗାଁର ଜଣେ ଯୁବକଙ୍କ ମୃତ୍ୟୁ ଘଟିଛି । ଏଥିସହିତ ଅନେକ ବାଇକ ଆରୋହୀ ଦୁର୍ଘଟଣାରେ ଆହତ ହୋଇ ଚିକିତ୍ସିତ ହେଉଥିବା ଜଣାପଡ଼ିଛି । ସେପଟେ ଅଞ୍ଚଳବାସୀଙ୍କ ଯାତାୟତର ସୁବିଧା ପାଇଁ ଯଦି ରାସ୍ତାର ମରାମତି କରାଯାଉଛି ତେବେ ନିୟମ ଅନୁଯାୟୀ କାହିଁକି କରାଯାଉନାହିଁ ବୋଲି ପ୍ରଶ୍ନ କରିଛନ୍ତି ଅଞ୍ଚଳବାସୀ ।

ରାଜ୍ଯ ରାଜପଥର ମରାମତି କାର୍ଯ୍ଯ ଠିକାଦାର ନିମ୍ନମାନର କରୁଥିବା ବେଳେ ଦାୟିତ୍ଵରେ ଥିବା ଯନ୍ତ୍ରୀ ଏହାର ଉପଯୁକ୍ତ ତଦାରଖ କରୁନଥିବା ଅଭିଯୋଗ କରିଛନ୍ତି ଅଞ୍ଚଳବାସୀ । ସେପଟେ ରାସ୍ତା ମରାମତି କାର୍ଯ୍ୟ ଅଦ୍ୟାବଧି ଚାଲିଥିବା ବେଳେ ଦି ଦିନ ନଯାଉଣୁ ରାସ୍ତାର ଅନେକ ଜାଗାରୁ ପିଚୁ ଉଠିଗଲାଣି । ଏନେଇ ସମ୍ପୃକ୍ତ ଠିକାଦାର ଏବଂ ବିଭାଗୀୟ ଅଧିକାରୀଙ୍କୁ ଅଞ୍ଚଳବାସୀ ଜଣାଇବା ସତ୍ବେ ଏଯାବତ୍ କିଛି ସୁଫଳ ମିଳିପାରିନାହିଁ । ଅନ୍ୟପଟେ ରାସ୍ତା କାମ ସଠିକ ଭାବେ ନକଲେ ଆଗାମୀ ଦିନରେ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ଅଞ୍ଚଳବାସୀ । ସେପଟେ ପୂର୍ତ୍ତ ବିଭାଗର ଅଧିକ୍ଷଣ ଯନ୍ତ୍ରୀ କହିଛନ୍ତି , ଅଞ୍ଚଳ ଗସ୍ତ କରି ସ୍ଥିତି ଅନୁଧ୍ଯାନ କରିବା ସାଙ୍ଗକୁ ନିୟମ ଅନୁଯାୟୀ ଠିକ୍ ଢଙ୍ଗରେ କାର୍ଯ୍ୟ କରିବା ପାଇଁ ଠିକାଦାରଙ୍କୁ ତାଗିଦ୍ କରିବି ।

ଶରଣ ଶ୍ରୀକ୍ଷେତ୍ର ମାରଦାରେ ‘ ବ୍ରହ୍ମ ଶରଣମ୍’  ଚିତ୍ରକଳା କର୍ମଶାଳା ଅନୁଷ୍ଠିତ

ନନ୍ଦିଘୋଷ ବ୍ୟୁରୋ: ଗଞ୍ଜାମ ଜିଲ୍ଲାର ପୋଲସରା ବ୍ଳକ ଅନ୍ତର୍ଗତ ଶିଳ୍ପଗ୍ରାମ ମଥୁରା ପଞ୍ଚାୟତ ନିକଟସ୍ଥ ଲୀଳା କ୍ଷେତ୍ର ଶରଣ ଶ୍ରୀକ୍ଷେତ୍ର ମାରଦା ପୀଠ ପରିସରରେ ‘ ବ୍ରହ୍ମ ଶରଣମ୍ ‘ ଜାତୀୟ ଚିତ୍ରଶିଳ୍ପୀ ଶିବିର ଅନୁଷ୍ଠିତ ହୋଇଯାଇଛି। ଶ୍ରୀ ଜଗନ୍ନାଥଙ୍କ ଲୀଳାମୟ କଥାବସ୍ତୁକୁ ଲୋକଲୋଚନକୁ ଆଣିବାର ପ୍ରୟାସ ନେଇ ଉଡ୍ ଫାୟାର ଓ ଭିଜନ କେୟାରର ସହଯୋଗିତା ଏବଂ ଗଞ୍ଜାମ ଏକାଡେମୀ ଅଫ୍ ଫାଇନ୍ ଆର୍ଟ ଓ ଚନ୍ଦମା ଆର୍ଟ ଫାଉଣ୍ଡେସନର ମିଳିତ ପରିଚାଳନାରେ ଅନୁଷ୍ଠିତ ତିନି ଦିନିଆ କର୍ମଶାଳା ମଥୁରା ମଠାଧିଶ ପୁଜ୍ୟପାଦ ମହନ୍ତ ସୁନ୍ଦର ରାମଦାସଙ୍କ ସଭାପତିତ୍ବରେ ଅନୁଷ୍ଠିତ ଉଦ୍ଘାଟନୀ ସଭା ଅନୁଷ୍ଠିତ ହୋଇଥିଲା । ଏହି ସଭାରେ ବିଶିଷ୍ଠ ଚିତ୍ରଶିଳ୍ପୀ ବଳଦେବ ମହାରଥା, ଜଗନ୍ନାଥ ତତ୍ବ ଗବେଷକ ଡଃ ଅସିତ ମହାନ୍ତି, ଅନନ୍ୟ ଶ୍ରୀ ଜଗନ୍ନାଥର ସମ୍ପାଦକ ପିତବାସ ରାଉତରାୟ, ଗବେଷକ ଡଃ ବ୍ରଜକିଶୋର ପାଢି, ଗବେଷକ ଡଃ ବିଭୁତି ମହାପାତ୍ର ,ଗଞ୍ଜାମ ଜିଲ୍ଲା ସଂସ୍କୃତି ଅଧିକାରୀ ରବି ନାରାୟଣ ବେହେରା,ଉଡ୍ ଫାୟାରର ଫାଉଣ୍ଡର ସନ୍ତୋଷ ଚୌଧୁରୀ ,ଭିଜନ କେୟାର୍ ର ଫାଉଣ୍ଡର ଶ୍ରୀମନ୍ଥ ମିଶ୍ର ,ନାରାୟଣ ମହାଙ୍କୁଡ, ଅନିଲ କୁମାର ପାତ୍ର ପ୍ରମୁଖ ବ୍ୟକ୍ତି ବିଶେଷ ଯୋଗଦେଇ ଅଂଶ ଗ୍ରହଣକାରୀ ଚିତ୍ରଶିଳ୍ପୀମାନଙ୍କୁ ଉତ୍ସାହିତ କରିଥିଲେ।

ମାର୍ଚ୍ଚ ୨୧ ରୁ ମାର୍ଚ୍ଚ ୨୩ ତାରିଖ ପର୍ଯ୍ୟନ୍ତ ଅନୁଷ୍ଠିତ ଏହି କର୍ମଶାଳାରେ ରବୀନ୍ଦ୍ର କୁମାର ମହାରଣା, ଜଗବନ୍ଧୁ ମହାପାତ୍ର, ରାଜେନ୍ଦ୍ର ମହାରଣା ପ୍ରମୁଖ ନିମନ୍ତ୍ରିତ ଚିତ୍ରଶିଳ୍ପୀଙ୍କ ସହ ଅରୁଣ କୁମାର ଜେନା, ଅଶୋକ କୁମାର ବେହେରା, ରାଜ କିଶୋର ମହାରଣା, ଜୋସ୍ନାରାଣି ବିଶ୍ବାଳ, ଲିପିଶ୍ରୀ ନାୟକ, ମମତା ସାମନ୍ତରାୟ, ସନ୍ତୋଷ କୁମାର ମହାରଣା, ସୁବାସ ପୂଜାରୀ,ବିଭୁତି ଦାସ, ରାଜେଶ ନାୟକ, ଡଃ ସ୍ଥିତଧୀ ରଥ, ଜନାର୍ଦ୍ଦନ ପରମଗୁରୁ, ନିବେଦିତା ପଟ୍ଟନାୟକ, ପ୍ରଦୀପ କୁମାର ପାଣ୍ଡେ, ପ୍ରଦୋଷ ସ୍ବାଇଁ, ପ୍ରିୟଦର୍ଶିନୀ ମହାନ୍ତି, ଶକ୍ତିମାନ ପଣ୍ଡା, ଜ୍ୟୋତିର୍ମୟୀ ପଟ୍ଟନାୟକ, ଚିତ୍ରସେନ ବିଶୋଇ ପ୍ରମୁଖ ଯୋଗଦେଇ ନିମ୍ବ କାଷ୍ଠ ନିର୍ମିତ ଦାରୁ ପୃଷ୍ଠ ଭୂମିରେ ପ୍ରଭୁ ଜଗନ୍ନାଥଙ୍କ ଲୀଳା ଆଧାରିତ ମହିମାକୁ ନିଜ ନିଜର ସୃଜନାତ୍ମକ ଚିନ୍ତାଧାରାରେ ରଙ୍ଗ ଓ ତୂଳୀର ଯାଦୁକରୀ ସ୍ପର୍ଶରେ କାଷ୍ଠ ଦାରୁକୁ ପୂର୍ଣ୍ଣତା ଲାଭ କରାଇଥିଲେ।

ପାରମ୍ପରିକ ଚିତ୍ରଶିଳ୍ପୀ ରବୀନ୍ଦ୍ର କୁମାର ମହାରଣାଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ଚିତ୍ରଶିଳ୍ପୀ ମାନଙ୍କୁ ଗଞ୍ଜାମ ଏକାଡେମୀ ଅଫ୍ ଫାଇନ୍ ଆର୍ଟ ଓ ମାରଦା ଉନ୍ନୟନ ପରିଷଦ ପକ୍ଷରୁ ପୁଷ୍ପଗୁଚ୍ଛ,ଉତରୀୟ ଓ ମାନପତ୍ର ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇ ଥିଲା। ଚିତ୍ରଶିଳ୍ପୀ ମାନଙ୍କ ଦ୍ଵାରା ଅଙ୍କିତ ଚିତ୍ରକଳାକୁ ନେଇ ଏକ ଅର୍ନ୍ତଜାତୀୟ ଚିତ୍ରକଳା ପ୍ରଦର୍ଶନୀ କରି ଜଗନ୍ନାଥ ସଂସ୍କୃତିର ପ୍ରଚାର ଓ ପ୍ରସାର କରାଯିବ ବୋଲି ସଂଯୋଜକ ଡଃ ସ୍ଥିତଧୀ ରଥ ସୂଚନା ଦେଇଛନ୍ତି। ଶେଷରେ ମାରଦା ମହୋତ୍ସବର ସଂପାଦକ ଅବସର ପ୍ରାପ୍ତ ସିଟି ସ୍କୁଲ ର ପ୍ରଧାନ ଶିକ୍ଷକ ଭବାନୀ ଶଙ୍କର ରଥ ଧନ୍ୟବାଦ ଅର୍ପଣ କରିଥିଲେ। ମାରଦା ଉନ୍ନୟନ ପରିଷଦର ସମସ୍ତ ସଦସ୍ୟ ଉପସ୍ଥିତ ରହି ଉକ୍ତ ତିନି ଦିନିଆ ଜାତୀୟ କର୍ମଶାଳାକୁ ସୁଚାରୁ ରୂପେ ପରିଚାଳନା କରିଥିଲେ।

 

ନାହିଁ ନାହିଁରେ ଚାଲିଛି ଦାରିଙ୍ଗବାଡି ବ୍ଲକ ଗଦାପୁର ଚିକିତ୍ସାଳୟ

ନନ୍ଦିଘୋଷ ବ୍ୟୁରୋ: ନାହିଁ ନାହିଁରେ ଚାଲିଛି ଗଦାପୁର ଚିକିତ୍ସାଳୟ । ଡାକ୍ତର ନଥିବାରୁ ଫାର୍ମାସିଷ୍ଟ ଓ ପିଅନଙ୍କ ଦ୍ଵାରା ଚାଲିଛି ରୋଗୀସେବା । ସଠିକ ସମୟରେ ଚିକିତ୍ସା ମିଳିପାରୁନଥିବାରୁ ଅନେକ ରୋଗୀ ମୃତ୍ଯୁ ମୁଖରେ ପଡୁଛନ୍ତି । ସମସ୍ୟା ନେଇ ବ୍ଲକ ପ୍ରଶାସନ ଠାରୁ ଆରମ୍ଭ କରି ଜିଲ୍ଲା ପ୍ରଶାସନ ନିକଟରେ ଜଣାଇଥିଲେ ମଧ୍ୟ କୌଣସି ସୁଫଳ ମିଳିପାରୁନାହିଁ ।

ସ୍ଵାସ୍ଥ୍ଯ ବ୍ଯବସ୍ଥାର ବିକଳ ଚିତ୍ର । ମେଡିକାଲ ଅଛି ହେଲେ ଡାକ୍ତର ନଥିବାରୁ ବାଧାପ୍ରାପ୍ତ ହେଉଛି ରୋଗୀସେବା । ଫାର୍ମାସିଷ୍ଟ ଓ ପିଅନଙ୍କ ଦ୍ଵାରା ଚାଲିଛି ରୋଗୀ ସେବା । ଏ ହେଉଛି କନ୍ଧମାଳ ଜିଲ୍ଲା ଦାରିଙ୍ଗବାଡି ବ୍ଲକ ଅନ୍ତର୍ଗତ ଗଦାପୁର ଠାରେ ଥିବା ସ୍ଵାସ୍ଥ୍ଯ କେନ୍ଦ୍ରର ଦୃଶ୍ୟ । ଏହି ମେଡିକାଲ ଉପରେ ୪ ଗୋଟି ପଞ୍ଚାୟତର ୩୦ ହଜାର ଲୋକେ ନିର୍ଭର କରନ୍ତି । ହେଲେ ଏହି ସ୍ଵାସ୍ଥ୍ଯ କେନ୍ଦ୍ରରେ ଡାକ୍ତର ନଥିବାରୁ ରୋଗୀ ମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଫାର୍ମାସିଷ୍ଟ ଦିନ ୧୦ ଟାରେ ମେଡିକାଲ ଖୋଲିଲେ ୧୨ ଘଟିକାରେ ମେଡିକାଲ ବନ୍ଦ କରି ଘରକୁ ପଳାଉଥିବା ଲୋକେ ଅଭିଯୋଗ କରିଛନ୍ତି । ଲୋକମାନେ ସାମାନ୍ଯ ଥଣ୍ଡା କାଶ ହେଲେ ବାଧ୍ଯ ହୋଇ ପିଅନ ମାନଙ୍କ ଦ୍ଵାରା ଚିକିତ୍ସିତ ହେଉଛନ୍ତି । କିନ୍ତୁ ଝାଡ଼ା ବାନ୍ତି, ଟାଇଫଏଡ ଏବଂ ବ୍ରେନ ମ୍ୟାଲେରିଆ ଭଳି ରୋଗ ହେଲେ ବାଧ୍ଯ ହୋଇ ୩୦ କିଲୋମିଟର ଦୂର ଦାରିଙ୍ଗବାଡି ମେଡ଼ିକାଲ ଓ ୧୨୨ କିଲୋମିଟର ଦୂର ବ୍ରହ୍ମପୁର ମେଡ଼ିକାଲକୁ ଯାଉଛନ୍ତି ।

ଗଦାପୁର ଠାରେ ମେଡିକାଲ ଅଛି ହେଲେ ଡାକ୍ତର ନାହାନ୍ତି । ଯଦି ଡାକ୍ତର ଥାନ୍ତେ ତାହା ହେଲେ ମାଣ୍ଡିପଙ୍କାରେ ଆମ୍ବ ଟାକୁଆ ଯାଉ ଖାଇ ଛଟପଟ ହେଉଥିବା ଲୋକ ମାନେ ମଧ୍ୟ ବଞ୍ଚି ପାରିଥାନ୍ତେ । ପାଖରେ ମେଡିକାଲ ଥାଇ ମଧ୍ୟ ରୋଗୀ ଚିକିତ୍ସା ପାଇପାରିଲେ ନାହିଁ । ଯାହା ଫଳରେ ରୋଗୀ ମାନଙ୍କୁ ବ୍ରହ୍ମପୁର ମେଡିକାଲ ନେବା ଦ୍ୱାରା ଅଧା ରାସ୍ତାରେ କେତେ ଜଣଙ୍କର ଜୀବନ ଚାଲିଗଲା । ଏହି ସମସ୍ୟାକୁ ନେଇ ବ୍ଲକ ପ୍ରଶାସନ ଠାରୁ ଆରମ୍ଭ କରି ଜିଲ୍ଲା ପ୍ରଶାସନ ନିକଟରେ ଜଣାଇଥିଲେ ମଧ୍ୟ କୌଣସି ସୁଫଳ ମିଳିପାରୁନାହିଁ । ଏଥିପ୍ରତି ରାଜ୍ୟ ସରକାର ଦୃଷ୍ଟି ଦେବାକୁ ଦାବି କରିଛନ୍ତି ଅଞ୍ଚଳବାସୀ ।

ଆହୁରି ୩ ଦିନ କାଳବୈଶାଖୀ ବର୍ଷାରେ ଭିଜିବ ଓଡ଼ିଶା

ନନ୍ଦିଘୋଷ ବ୍ୟୁରୋ: କାଳବୈଖାଖୀ ପ୍ରଭାବରେ ଆହୁରି ୨୪ ଘଣ୍ଟା ପ୍ରବଳ ବର୍ଷା ହେବ। ୧୨ ଜିଲ୍ଲାକୁ ଅରେଞ୍ଜ ଓ୍ୱାର୍ଣ୍ଣିଙ୍ଗ ସହ କୁଆପଥର ମାଡ଼ ହେବାର ସତର୍କତା ଜାରି କରାଯାଇଛି। ଆଜି ଅନେକ ସ୍ଥାନରେ ବର୍ଷା ହେବା ସହିତ କିଛି ସ୍ଥାନରେ ପ୍ରବଳ ବର୍ଷା ହୋଇଛି। ୭ରୁ ୧୧ ସେମି ବର୍ଷା ରେକର୍ଡ କରାଯାଇଛି।  ବାଲେଶ୍ୱର ,ଭଦ୍ରକ, ଯାଜପୁର,କେନ୍ଦ୍ରାପଡା, ମୟୂରଭଞ୍ଜ ଓ କେନ୍ଦୁଝରରେ ଅରେଞ୍ଜ ଓ୍ୱାର୍ଣ୍ଣିଙ୍ଗ ଜାରି କରିଛି ପାଣିପାଗ କେନ୍ଦ୍ର । ବିଜୁଳି ଘଡଘଡି ସହ ହାଲୁକାରୁ ମଧ୍ୟମ ଧରଣର ଓ  କୁଆପଥର ବର୍ଷାକୁ  ନେଇ ଜଗତସିଂହପୁର,କଟକ, ଢେଙ୍କାନାଳ, ଅନୁଗୁଳ ଦେଓଗଡ ଓ ସୁନ୍ଦରଗଡରେ  ଅରେଞ୍ଜ ଓ୍ୱାର୍ଣ୍ଣିଙ୍ଗ ଜାରି କରିଛି ପାଣିପାଗ କେନ୍ଦ୍ର । ଏହି ସମୟରେ ୫୦ ରୁ ୬୦ କିମି ପବନ ବହିବାର ସମ୍ଭାବନା ରହିଛି। ସେହିପରି ଝାରସୁଗୁଡା, ସୋନପୁର ବରଗଡ଼, ସମ୍ବଲପୁର,  ବୌଦ୍ଧ, ନୟାଗଡ, କନ୍ଧମାଳ, କଳାହାଣ୍ଡି ପୁରୀ ଗଜପତି, ଗଂଜାମ,  ରାୟଗଡା,କୋରାପୁଟ ମାଲକାନଗିରି, ନୂଆପଡା,ବଲାଙ୍ଗୀର ଓ ନବରଙ୍ଗପୁର ରେ ବିଜୁଳି ଘଡଘଡି ବର୍ଷାକୁ ନେଇ ୟେଲୋ ୱାର୍ଣ୍ଣିଂ ଜାରି କରିଛି  ପାଣିପାଗ ବିଭାଗ। ଆସନ୍ତା କାଲିଠାରୁ ବର୍ଷାର ପରିମାଣ କମିବ। ୨୪ ତାରିଖ ଯାଏ ରାଜ୍ୟରେ କାଳ ବୈଶାଖୀ ବର୍ଷା ହେବାର ସମ୍ଭାବନା ଥିବା ବେଳେ ୨୫ ପରେ ପାଗରେ ପରିବର୍ତ୍ତନ ଆସିବ। ପରେ ଧୀରେ ଧୀରେ ତାପମାତ୍ରା ବଢିବା ସହ ୨ ରୁ ୫ ଡିଗ୍ରୀ ତାପମାତ୍ରା ପୁଣି ବୃଦ୍ଧି ହେବ ଓ ଅସମ୍ଭାଳ ତାତି ଦେଖାଯିବ ବୋଲି ପୂର୍ବାନୁମାନ ପାଣିପାଗ ବିଭାଗ। ବାରିପଦାରେ ସର୍ବାଧିକ ୧୨୩.୪ ମିମି ବର୍ଷା ହୋଇଛି। କେନ୍ଦୁଝର ଯୋଡ଼ାରେ ୮୪.୫ ମିମି,  ସୁନ୍ଦରଗଡ ରାଜଗାଙ୍ଗପୁରରେ  ୭୦.୨ ମିମି, କେନ୍ଦୁଝର ସରପଡା ରେ ୬୧.୬ ମିମି ବର୍ଷା ରେକର୍ଡ ହୋଇଛି।

https://www.youtube.com/watch?v=iHjJqZIcIWQ

ଜାଲ ନମ୍ବର ପ୍ଲେଟ ଲଗାଇ ମିନିଟ୍ରକରେ ଗଞ୍ଜେଇ ଚାଲାଣ ବେଳେ ମାଡ଼ି ବସିଲା ଅବକାରୀ ଟିମ୍

ନନ୍ଦିଘୋଷ ବ୍ୟୁରୋ: ଗଜପତିରୁ ପୁରୀକୁ ଗଞ୍ଜେଇ ଚୋରା ଚାଲାଣ ବେଳେ ମାଡ଼ିବସିଲା ଅବକାରୀ ଟିମ୍।  ଜାଲ ନମ୍ବର ପ୍ଲେଟ ଲଗାଇ ମିନିଟ୍ରକରେ ଗଞ୍ଜେଇ ଚାଲାଣ ହେଉଥିଲା। ବିଶ୍ଵସ୍ତ ସୂତ୍ରରୁ ଖବର ପାଇ ମାଡ଼ିବସିଲା ଖୋର୍ଦ୍ଧା ଏବଂ ବାଲୁଗାଁ ଅବକାରୀ ବିଭାଗର ସ୍ଵତନ୍ତ୍ର ଟିମ୍ । ୧୬ନମ୍ବର ଜାତୀୟ ରାଜପଥ ଚଣ୍ଡେଶ୍ୱର ଓଭର ବ୍ରିଜ ଉପରେ ଏକ ବାଇକ୍ ଏବଂ ମିନିଟ୍ରକକୁ ଧରିଛି ଏହି ସ୍ଵତନ୍ତ୍ର ଟିମ୍। ବିପୁଳ ପରିମାଣର ଗଞ୍ଜେଇ ଜବତ କରିବା ସହ ଦୁଇଜଣଙ୍କୁ ଗିରଫ କରାଯାଇଛି। ଗଜପତିରୁ ପୁରୀ କୁ ଏହି ଗଞ୍ଜେଇ ସବୁ ପ୍ୟାକ୍ କରାଯାଇ ଚାଲାଣ କରାଯାଉଥିଲା। ଜବତ ଗଞ୍ଜେଇର ପରିମାଣ ୯ କୁଇଣ୍ଟାଲ ରୁ ଅଧିକ ହେବ। ଏହାର ଆନୁମାନିକ ମୂଲ୍ୟ ୯ଲକ୍ଷ ଟଙ୍କା ହେବ। ଜବତ ଟ୍ରକ୍ ରେ ଏକାଧିକ ଜାଲ ନମ୍ବର ପ୍ଲେଟ ରଖାଯାଇ ରାସ୍ତାରେ ପୋଲିସ ଏବଂ ଅବକାରୀ ବିଭାଗକୁ ଚକମା ଦେଇ ଏହି ରାକେଟ ଖସି ଯାଉଥିବା ତଦନ୍ତ ବେଳେ ଜଣାପଡିଛି।