spot_img
Home Blog Page 1194

ଜେଲରେ ନିଶା ଖାଇବାକୁ ବିକଳ ହେଉଛି ସାହିଲ, ମୁସ୍କାନର ଅବସ୍ଥା ସଙ୍ଗୀନ

ନନ୍ଦିଘୋଷ ବ୍ୟୁରୋ: ମେରଟର ସୌରଭ ରାଜପୁତଙ୍କ ହତ୍ୟାକାରୀ ପତ୍ନୀ ମୁସ୍କାନ ଏବଂ ତାଙ୍କ ପ୍ରେମିକ ସାହିଲ ଏବେ ଜେଲରେ ରହିଛନ୍ତି । ହତ୍ୟା କରି ଡ୍ରମରେ ରଖିଥିବା ଅଭିଯୁକ୍ତଙ୍କୁ କଠୋର ଦଣ୍ଡ ଦେବାକୁ ସବୁଠି ଦାବି କରାଯାଇଛି । ତେବେ ଉଭୟ ଅଭିଯୁକ୍ତ ଏବେ ନିଶା ଖାଇବାକୁ ବିକଳ ହେଉଥିବା ଖବର ଶୁଣିବାକୁ ମିଳିଛି । ଅଭିଯୁକ୍ତ ସାହିଲ ନିଶା ପାଇଁ ଡହଳ ବିକଳ ହେଉଥିବାବେଳେ ମୁସ୍କାନର ଅବସ୍ଥା ଏବେ ସଙ୍ଗୀନ ହୋଇ ଯାଇଛି । ଉଭୟ ଜେଲରେ ନିଶା ମାଗିଥିଲେ । ମାତ୍ର ସେମାନଙ୍କୁ ନଦେବାରୁ ଅବସ୍ଥା ଖରାପ ହୋଇ ଯାଇଛି । ସେମାନଙ୍କୁ ଏବେ ଜେଲର ନିଶା ନିବାରଣ କେନ୍ଦ୍ରରେ ରଖାଯାଇଛି । କୁହାଯାଉଛି କି, ସାହିଲ ହିଁ ମୁସ୍କାନକୁ ନିଶା ଦେଇ ଅଭ୍ୟାସ ପରିଣତ କରାଇଥିବା ଅଭିଯୋଗ ମଧ୍ୟ ହୋଇଛି । ତେବେ ଉଭୟ ମାତ୍ରାଧିକ ନିଶାରେ ବୁଡ଼ି ରହିଥିବାରୁ ଏମିତି ଏକ କାଣ୍ଡ ଭିଆଇଛନ୍ତି ।

ମହାନଦୀ ଜଳ ବିବାଦ ପ୍ରସଙ୍ଗ : ଛତିଶଗଡ଼ ଏବଂ ଓଡ଼ିଶା ମୁଖ୍ୟମନ୍ତ୍ରୀଙ୍କ ମଧ୍ୟରେ ଆଲୋଚନାକୁ ବିଜେଡିର କଟାକ୍ଷ

ନନ୍ଦିଘୋଷ ବ୍ୟୁରୋ: ମହାନଦୀକୁ ନେଇ ଛତିଶଗଡ଼ ଏବଂ ଓଡ଼ିଶା ମୁଖ୍ୟମନ୍ତ୍ରୀଙ୍କ ମଧ୍ୟରେ ଆଲୋଚନାକୁ ନେଇ ବିଜେଡିର କଟାକ୍ଷ। ଆମେ ସମସ୍ତେ ମହାନଦୀ ବିବାଦର ସମାଧାନ ଚାହୁଁଛୁ ବୋଲି କହିଛନ୍ତି ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ।ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଶାସନ କାଳରେ ଅନେକ ଥର ଏ ନେଇ ଉଦ୍ୟମ ହୋଇଛି। ବାରମ୍ବାର କେନ୍ଦ୍ର ଓ ଛତିଶଗଡ଼ ସହ ଆଲୋଚନା ହୋଇଛି।ଏକାଧିକ ଥର ତ୍ରିପାଖିକ ଆଲୋଚନା ହୋଇଛି। ହେଲେ ଛତିଶଗଡ଼ର ଜିଦଖୋର ମନୋଭାବ ପାଇଁ ସମାଧାନ ହୋଇପାରିନି। ଯଦି ଉଭୟ ମୁଖ୍ୟମନ୍ତ୍ରୀ ଆଲୋଚନା କରିଛନ୍ତି ତାହା ସ୍ୱାଗତଯୋଗ୍ୟ। ହେଲେ କେବଳ ଚା କପ ଉପରେ ଆଲୋଚନା ନ କରି ଯଦି ସମାଧାନର ଇଚ୍ଛା ଅଛି ଛତିଶଗଡ଼ ନିର୍ମାଣ କରୁଥିବା ବ୍ୟାରେଜ କାମ ବନ୍ଦ କରୁ ବୋଲି କହିଛନ୍ତି ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ। ଅନେକ ବ୍ୟାରେଜ କାମ ଶେଷ ହୋଇସାରିଲାଣି। ଟ୍ରିପଲ ଇଞ୍ଜିନ ସରକାର କାମ ବନ୍ଦ କରି ସମାଧାନର ରାସ୍ତା ବାହାର କରନ୍ତୁ।କେବଳ ଟେବୁଲରେ ଆଲୋଚନା କରି କାମ ଚାଲୁ ରହିଲେ କୌଣସି ଲାଭ ନାହିଁ। ଯଦି ଉଭୟ ସରକାର ଫଳପ୍ରଦ ଆଲୋଚନା ସହ ଆପୋଷ ସାମଧନ ଚାହୁଁଛନ୍ତି ତାହାଲେ କାମ ପ୍ରଥମେ ବନ୍ଦ କରି ଆଲୋଚନା କରନ୍ତୁ।ଏମିତି କି ମାମଲା ଟ୍ରିବ୍ୟୁନାଲରେ ଅଛି। ତେଣୁ ଉଭୟ ସରକାର ଆପୋଷ ସମାଧାନ କରିପାରିବେ କି ନାହିଁ ଦେଖନ୍ତୁ। ନୂଆ ସରକାର ସବୁବେଳେ ପୂର୍ବ ସରକାର ଉପରେ ଦୋଷ ଦେଉଛନ୍ତି। ଏବେ ବିଜେପି ସରକାର ଅଛନ୍ତି। ତେଣୁ ତୁରନ୍ତ ସମାଧାନର ରାସ୍ତା ବାହାର କରିବାକୁ ରାଜ୍ୟ ସରକାରଙ୍କୁ ଆହ୍ବନ ଦେଇଛି ବିଜେଡି ।

ଜହଁରା ନଦୀ ବଞ୍ଚାଅ ଆନ୍ଦୋଳନ କରିବେ ବିଜେଡି ନେତା

ନନ୍ଦିଘୋଷ ବ୍ୟୁରୋ: ଛତିଶଗଡ଼ ସୀମାନ୍ତରେ ଜହଁରା ନଦୀ ବଞ୍ଚାଅ ଆନ୍ଦୋଳନ କରିବେ ବିଜେଡି ନେତା। ପୂର୍ବତନ ବିଜେଡି ବିଧାୟକ ରବି ନନ୍ଦଙ୍କ ନେତୃତ୍ବରେ ଏହି ଆନ୍ଦୋଳନ କରାଯିବ। ଛତିଶଗଡ ସମସ୍ତ ନିୟମକୁ ଉଲ୍ଲଂଘନ କରି ନଦୀ ମୁହାଣରେ ବାଲି ବସ୍ତା ପକାଇ ଏକ ତରଫା ଭାବେ ନିଜ ଅଞ୍ଚଳକୁ ପାଣି ଟାଣି ନେଇଛି। ପାଣି ନଆସିବାରୁ ପ୍ରଭାବିତ ହେଉଛନ୍ତି ଚାଷୀ। ନଦୀ ଉପରେ ନିର୍ଭର କରୁଥିବା କୋଟପାଡ଼ ବ୍ଲକର ୮ଟି ପଞ୍ଚାୟତର ଚାଷୀଙ୍କ ଉଠା ଜଳସେଚନ ବ୍ୟବସ୍ଥା ସମ୍ପୂର୍ଣ୍ଣ ଭାବେ ଅଚଳ ହୋଇପଡିଛି।

ସୌରଭଙ୍କ ପୋଷ୍ଟମର୍ଟମ ରିପୋର୍ଟରେ ସାଙ୍ଘାତିକ ସତ, ଜଣା ପଡ଼ିଲା କେତେ ନୃଂଶସ ହୋଇଥିଲେ ସ୍ତ୍ରୀ

ନନ୍ଦିଘୋଷ ବ୍ୟୁରୋ: ଉତ୍ତରପ୍ରଦେଶର ମେରଟର ହତ୍ୟା ଘଟଣା ସବୁଠି ଚର୍ଚ୍ଚାର ବିଷୟ ପାଲଟିଛି । ପ୍ରେମିକ ସହ ମିଶି ସ୍ବାମୀଙ୍କୁ ହତ୍ୟା କରିବା ଏବଂ ଡ୍ରମରେ ରଖିବା ଘଟଣା ସମସ୍ତଙ୍କୁ ଚକିତ କରିଛି । ତେବେ ସୌରଭ ରାଜପୁତଙ୍କ ପୋଷ୍ଟମର୍ଟମ ରିପୋର୍ଟ ଆସିଥିବାବେଳେ ଏଥିରୁ ଜଣା ପଡ଼ିଛି କି, କିଭଳି ଭାବେ ନୃଂଶସ ହୋଇଥିଲେ ସ୍ତ୍ରୀ ମୁସକାନ ଏବଂ ତାଙ୍କ ପ୍ରେମିକ । ସେମାନେ ଅତି ନିର୍ମମ ଭାବେ ହତ୍ୟା କରିଥିଲେ । ଶରୀରକୁ ଖଣ୍ଡ ଖଣ୍ଡ କରିଥିବାବେଳେ ମୁଣ୍ଡରୁ ଗଣ୍ଡରୁ ଅଲଗା କରିଥିଲେ । ଆଉ ଛଟପଟ ହୋଇ କଷ୍ଟ ପାଇଥିଲେ ସୌରଭ । ଏମିତି କିଛି କଷ୍ଟ ଦାୟକ ଖବର ସାମ୍ନାକୁ ଆସିଛି ।

ପୋଷ୍ଟମର୍ଟମ ରିପୋର୍ଟରେ ରହିଛି କି, ବେକ ପାଖରେ ଗଭୀର କ୍ଷତ ହୋଇଛି । ଉଭୟ କାନ ପାଖରେ ମଧ୍ୟ କଟା ଯାଇଛି । ଛାତିରେ ମଧ୍ୟ ଗଭୀର କ୍ଷତ ରହିଥିବାବେଳେ ମୁଣ୍ଡରୁ ଗଣ୍ଡିକୁ ସମ୍ପୂର୍ଣ୍ଣ ଭାବେ ଅଲଗା କରାଯାଇଥିଲା । ତେବେ ଏହି ଦୁଃଖଦ ଏବଂ ହୃଦୟ ବିଦାରକ ଖବର ଯିଏବି ଶୁଣୁଛି ସେ ଏହାକୁ ନିନ୍ଦା କରୁଛି ।

ତେବେ କହି ରଖୁଛୁ କି, ସୌରଭଙ୍କ ପତ୍ନୀ ମୁସକାନ ଏବଂ ତାଙ୍କ ପ୍ରେମିକ ସାହିଲ ମିଶି ଅତି ନୃଂଶସ ଭାବେ ହତ୍ୟା କରିଥିଲେ । ନିଶାରେ ଉଭୟ ସବୁବେଳେ ଚୁର ରହୁଥିଲେ । ଛାଡ଼ପତ୍ର ଦେବାକୁ ମନା କରିବାରୁ ସେମାନେ ହତ୍ୟା କରିଥିବା କହିଛନ୍ତି । ସୌରଭ ମନା କରିବାରୁ ତାଙ୍କୁ ମାରିବା ପରେ ଶରୀରକୁ ଖଣ୍ଡ ଖଣ୍ଡ କାଟି ଡ୍ରମରେ ରଖି ସିମେଣ୍ଟ ଦେଇ ପ୍ୟାକ୍ କରି ଦେଇଥିଲେ । ତେବେ ତାଙ୍କ ଝିଅ ଏହାକୁ ଦେଖିଥିଲେ । କୁନି ଝିଅଟି ପରେ ଏସମ୍ପର୍କରେ କହିଥିବାବେଳେ ପଡ଼ୋଶୀ ଲୋକଙ୍କ ଅଭିଯୋଗ ପରେ ପୋଲିସ ଘଟଣାର ତଦନ୍ତ ଚଳାଇ ଅନେକ ତଥ୍ୟ ସାମ୍ନାକୁ ଆଣିଛି ।

ରୋଷେଇ କରୁଥିବା ସମୟରେ ଘଟିଛି ଅଘଟଣ : ଗ୍ୟାସ୍ ନିଆଁରେ ଜଳିଗଲେ ମହିଳା

ନନ୍ଦିଘୋଷ ବ୍ୟୁରୋ: ଗ୍ୟାସରେ ରୋଷେଇ କରୁଥିବା ସମୟରେ ଘଟିଛି ଅଘଟଣ। ଗ୍ୟାସ୍ ନିଆଁରେ ଜଳିଗଲେ ମହିଳା। ଗୁରୁତର ଅବସ୍ଥାରେ ପ୍ରଥମେ ତାଙ୍କୁ ବ୍ରହ୍ମପୁର ବଡ଼ ମେଡ଼ିକାଲ ନିଆଯାଇଥିଲା ସେଠାରେ ତାଙ୍କର ଅବସ୍ଥା ସାଙ୍ଘାତିକ ହେବାରୁ ପରେ ତାଙ୍କୁ କଟକ ଏସ ସି ବି କୁ ସ୍ଥାନାନ୍ତର କରାଯାଇଛି। ଗୁରୁତର ମହିଳା ଜଣଙ୍କ ହେଉଛନ୍ତି ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ଆଡ଼ପଡା ପଂଚାୟତ ବାଲିଆ ଗ୍ରାମର ଝିଲି ସ୍ବାଇଁ। ଝିଲି ଗ୍ୟାସରେ ନିଜ ଘରେ ରୋଷେଇ କରୁଥିବା ସମୟରେ ହଠାତ ତାଙ୍କ ଲୁଗାରେ ନିଆଁ ଲାଗି ତାଙ୍କ ଶରୀରର ୫୦ ପ୍ରତିଶତ ପୋଡି ଯାଇଛି।

 

 

ଅକ୍ସନରେ ହୋଇଥିଲେ ଅନସୋଲ୍ଡ, ଏବେ ବଦଳିବ ଭାଗ୍ୟ

ନନ୍ଦିଘୋଷ ବ୍ୟୁରୋ: ଆଇପିଏଲ ୨୦୨୫ ମେଗା ଅକ୍ସନରେ ବିକ୍ରି ହୋଇନଥିଲେ ଭାରତୀୟ ଦ୍ରୁତ ବୋଲର ସାର୍ଦ୍ଧୁଲ ଠାକୁର । ତେବେ ଏବେ ତାଙ୍କ ଭାଗ୍ୟ ବଦଳିବ ବୋଲି କୁହାଯାଉଛି । ଲକ୍ଷ୍ନୌ ସୁପର ଜାଏଣ୍ଟ ପକ୍ଷରୁ ସେ ଖେଳିବେ ବୋଲି କୁହାଯାଉଛି । ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚରେ ସେ ଖେଳିପାରନ୍ତି ବୋଲି ଅନୁମାନ କରାଯାଉଛି । ଏବେ ସେ ଲକ୍ଷ୍ନୌ ଟିମ ସହ ନଜର ଆସିଛନ୍ତି । ତେବେ ମୋହସିନ ଖାନଙ୍କ ବଦଳରେ ସେ ଦଳରେ ସ୍ଥାନ ପାଇପାରନ୍ତି ବୋଲି କୁହାଯାଉଛି ।

ଲକ୍ଷ୍ନୌ ଏବେ ଚିନ୍ତାରେ ରହିଛି । କାରଣ ଦଳ ବିଶାଖାପାଟଣାମରେ ପହଞ୍ଚିଥିବାବେଳେ ଆସନ୍ତାକାଲି ନିଜର ପ୍ରଥମ ମ୍ୟାଚ ଖେଳିବ । ମାତ୍ର ମ୍ୟାଚ ପୂର୍ବରୁ ଖବର ଆସିଛି କି, ଦଳର ୪ ଜଣ ଖେଳାଳି ଏବେ ଆହତ ଅଛନ୍ତି । ତେବେ ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି ଏହି ୪ ଜଣ ଯାକ ପେସର ବୋଲର । ଏଣୁ ଦଳ ସାର୍ଦ୍ଧୁଲ ଠାକୁରଙ୍କ ଦଳରେ ସ୍ଥାନ ଦେଇପାରେ । ଅଭ୍ୟାସ ଶିବିରରେ ସାର୍ଦ୍ଧୁଲଙ୍କୁ ଦେଖିବାକୁ ମିଳିଥିବାବେଳେ ଯଦି ୪ ଜଣ ପେସର ବୋଲର କେହି ଫିଟ୍ ନହୁଅନ୍ତି ତାହେଲେ ଏମାନଙ୍କ ସ୍ଥାନରେ ସେ ସ୍ଥାନ ପାଇବେ ।

ଗାଡ଼ିରେ ଆସିଲେ, କୁକୁରକୁ ହାଣି ପଳାଇଲେ : ସୋସିଆଲ ମିଡିଆରେ ଭିଡିଓ ଭାଇରାଲ

ନନ୍ଦିଘୋଷ ବ୍ୟୁରୋ: କୁକୁରକୁ ନିର୍ମମ ଭାବେ ହାଣିଲେ ଦୁର୍ବୃତ୍ତ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଟାଉନ ଥାନା ଗାନ୍ଧୀନଗର ସପ୍ତମ ଲାଇନ ରାସ୍ତାରେ । ଗତ ଶନିବାର ଦିନ ଗୋଟିଏ ସ୍କୁଟିରେ ୩ଜଣ ଯୁବକ ଆସି ଗୋଟିଏ ବୁଲା କୁକୁରକୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ପରେ ସେମାନେ ଘଟଣାସ୍ଥଳରୁ ଚମ୍ପଟ ମାରିଥିଲେ । ଘଟଣା ଆରମ୍ଭରୁ ଶେଷ ପର୍ଯ୍ୟନ୍ତ ସମସ୍ତ ଦୃଶ୍ୟ ନିକଟରେ ଲାଗିଥିବା ଏକ ସିସିଟିଭି କ୍ୟାମେରାରେ କଏଦ ହୋଇଛି । ବର୍ତ୍ତମାନ ଏହି ଘଟଣା ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି । ଅନ୍ୟପକ୍ଷରେ ୩ଟି ସ୍କୁଟିରେ ୮ଜଣ ଯୁବକ ଗାନ୍ଧୀନଗର କଣ ପାଇଁ ଆସିଥିଲେ ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । କୁକୁରକୁ ଆକ୍ରମଣ ନେଇ ଥାନାରେ ଅଭିଯୋଗ କରାଯାଇଛି । ପୋଲିସ ଦୁର୍ବୃତ୍ତମାନଙ୍କୁ ଧରିବାକୁ ଚେଷ୍ଟା ଜାରି ରଖିଛି । ଏଭଳି ଘଟଣାକୁ ପଶୁପ୍ରେମୀମାନେ ଦୃଢ଼ ନିନ୍ଦା କରିଛନ୍ତି । ଅଭିଯୁକ୍ତଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ସେମାନେ ଦାବି କରିଛନ୍ତି ।

ଚାଷୀଙ୍କ ପିଛା ଛାଡ଼ୁନି ସମସ୍ୟା : ବଇରୀ ସାଜିଲା କାଳବୈଶାଖୀ, ଉଜାଡି ଦେଲା ମୁଗ ଫସଲ

ନନ୍ଦିଘୋଷ ବ୍ୟୁରୋ: ଚାଷୀଙ୍କ ପିଛା ଛାଡ଼ୁନି ସମସ୍ୟା। କାଳ ବୈଶାଖୀ ବର୍ଷା, ପବନ ଉଜାଡି ଦେଲା ରବି ଫସଲ। । ପୁରୀ ଜିଲ୍ଲା ଅସ୍ତରଙ୍ଗ ଓ କାକଟପୁର ବ୍ଲକ ଅଞ୍ଚଳର ଘଟଣା। କିଛି ଦିନ ତଳେ ଟମାଟୋ ଚାଷ ନଷ୍ଟ ହୋଇଥିବା ବେଳେ ବର୍ତମାନ କାଳବୈଶାଖୀ ଉଜାଡି ଦେଇଛି ରବି ଫସଲ । ଏକର ଏକର ମୁଗଫସଲ ଶହ ପନିପରିବା ଫସଲ ମଧ୍ୟ ନଷ୍ଟ ହୋଇଛି । ଚଳିତ ବର୍ଷ ଦେବୀ ନଦୀ ଅବବାହିକା ଶହ ଅସ୍ତରଙ୍ଗ ଅଞ୍ଚଳ ବେଗୁନିଆବସ୍ତ, ନଈଗୁଆଁ, ଓସ୍ତପୁର, ଝାରିଆ ସମେତ ବିଭିନ୍ନ ଗାଁରେ ହେକ୍ଟର ହେକ୍ଟର ବିଲରେ ମୁଗ ଚାଷ କରିଥିଲେ । ଅଧିକାଂଶ ଚାଷୀ ଅନ୍ୟ ଜାଗାକୁ ଲିଜ ଆକାରରେ ଆଣି ଋଣ କରି ଚାଷ କରିଥିଲେ । କାଳ ବୈଶାଖୀ ବର୍ଷା ପାଈଁ ବ୍ୟାପକ ଫସଲ ନଷ୍ଟ ହୋଇଛି। ଉପୁଡ଼ା ହୋଇନଥିବା ମୁଗ ଛୁଇଁରେ ପାଣି ପଶି ଯିବାରୁ ସେଥିରୁ ଗଜା ବାହାରିଲାଣି । ବିଲରୁ ପାଣି ନିଷ୍କାସନ ହେବାରେ ମଧ୍ୟ ସମୟ ଲାଗିବ। ଆଗକୁ ଆଉ ବର୍ଷା ହେଲେ ସମ୍ପୂର୍ଣ୍ଣ ନଷ୍ଟ ହୋଇଯିବାର ସମ୍ଭାବନା ଦେଖାଦେଇଛି । ଋଣ କରି ଫସଲ କରିଥିବା ଚାଷୀ କିଭଳି ଭାବେ ଋଣ ପ୍ରରିଷୋଧ କରିବେ ସନେଇ ମୁଣ୍ଡରେ ହାତ ଦେଇ ବସିଛନ୍ତି ।

ଜଗତସିଂହପୁର-ଜନତାକୋଠି ବହି ଗୋଦାମରେ ଭୟାବହ ଅଗ୍ନିକାଣ୍ଡ

ନନ୍ଦିଘୋଷ ବ୍ୟୁରୋ: ଜଗତସିଂହପୁର ଜିଲ୍ଲା ଜନତାକୋଠି ବହି ଗୋଦାମରେ ଭୟାବହ ଅଗ୍ନିକାଣ୍ଡ । ବୁକ ଆଣ୍ଡ ସାହୁ ଏଜେନ୍ସି ଗୋଦାମରେ ଅଗ୍ନିକାଣ୍ଡ ହୋଇଛି । ଅଗ୍ନିକାଣ୍ଡରେ ଦୁଇ ଜଣ ଗୁରୁତର ହୋଇଛନ୍ତି । ସେମାନଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ଅଗ୍ନିଶମ ବାହିନୀ ପକ୍ଷରୁ ନିଆଁ ଲିଭା ଯାଉଛି । ସେପଟେ ବାଲିକୁଦା ପୋଲିସର ଘଟଣାର ତଦନ୍ତ ଜାରି ରହିଛି ।

ବରୀ ପୋଲିସକୁ ସଫଳତା, ବିପୁଳ ପରିମାଣର ମଦ ଜବତ

ନନ୍ଦିଘୋଷ ବ୍ୟୁରୋ: ଯାଜପୁର ଜିଲ୍ଲା ବରୀ ପୋଲିସକୁ ସଫଳତା । ବିପୁଳ ପରିମାଣର ଦେଶୀ, ବିଦେଶୀ ଚୋରା ମଦ ଜବତ କରିଛି ବରୀ ପୋଲିସ । ନାଥପୁର ଅଞ୍ଚଳରେ ଚୋରା ମଦ ବ୍ୟବସାୟ ନେଇ ଅଭିଯୋଗ ହୋଇ ଆସୁଥିଲା । ଏନେଇ ଗତକାଲି ବରୀ ପୁଲିସର ଏକ ଟିମ ନାଥପୁର ଅଞ୍ଚଳରେ ଚଢାଉ କରି ବିପୁଳ ପରିମାଣର ଦେଶୀ ବିଦେଶୀ ମଦ ଜବତ କରିଛି । ବରୀ ପୋଲିସ ଗତକାଲି ସନ୍ଧ୍ୟାରେ ଦୁଇ ଚୋରା ମଦ ବ୍ୟବସାୟୀଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ବିପୁଳ ପରିମାଣର ମଦ ଜବତ କରିଛି ।   ବ୍ୟବସାୟୀ ଦୁଇଜଣ ଧାରପୁର ଅଞ୍ଚଳର ହୋଇଥିବା ବେଳେ ବରୀ ଅଞ୍ଚଳର ବିଭିନ୍ନ ସ୍ଥାନରେ ଚୋରା ମଦ ବ୍ୟବସାୟ କରୁଥିଲେ ।