ଭୁବନେଶ୍ୱର: ରସୁଲଗଡ ଓଭର ବ୍ରିଜରେ ସହଦେଵ ନାୟକଙ୍କ ମୁଣ୍ଡ କାଟି ହତ୍ୟା ମାମଲା । ପ୍ରେସମିଟ କରି ହତ୍ୟା କାଣ୍ଡର ଖୁଲାସା କଲେ ଭୁବନେଶ୍ୱର ଡିସିପି । ପୂର୍ବ ଶତୃତାରୁ ହତ୍ଯାକାଣ୍ଡ ଘଟିଥିବା ନେଇ ସୂଚନା ଦେଇଛନ୍ତି ଡିସିପି ପିନାକ ମିଶ୍ର । ଘଟଣାରେ ମାଷ୍ଟରମାଇଣ୍ଡଙ୍କ ସହ ୫ ଜଣଙ୍କୁ ଗିରଫ କରିଛି କମିଶନରେଟ ପୋଲିସ ।
ଡିସିପି କହିଛନ୍ତି, ମାମଲାର ମୁଖ୍ୟ ଅଭିଯୁକ୍ତ ଲଷ୍ମୀଧର ନାୟକ ହୋଇଥିବା ବେଳେ ହତ୍ୟାକାଣ୍ଡରେ ସହଯୋଗ କରିଥିଲେ ରକି ନାୟକ, ଲଷ୍ମୀ ନାୟକ, ଲିପିକା ନାୟକ, ରାକେଶ ନାୟକ । ଲକ୍ଷ୍ମୀଧର ନାୟକଙ୍କ ପତ୍ନୀ ଲିପିକା ହେଉଛନ୍ତି ଷଡଯନ୍ତ୍ରର ମୁଖ୍ୟ ସୂତ୍ରଧର । ହତ୍ୟା କରିବାକୁ ନିଜେ ସ୍ପଟକୁ ଯାଇଥିଲା ଲିପିକା । ଲିପିକାଙ୍କ ସହ ୪ ଜଣ ଦୁଇଟି ବାଇକରେ ଯାଇ ସହଦେଵକୁ ହତ୍ୟା କରିଥିଲେ । ଲିପିକା ପୂର୍ବରୁ ଅବକାରୀ ବିଭାଗ ଦ୍ୱାରା ବ୍ରାଉନ ସୁଗାର ମାମଲାରେ ଗିରଫ ହୋଇଥିଲା । ଗତ ୫ ତାରିଖରେ ଜେଲରୁ ବାହାରିବା ପରେ ହତ୍ୟା କରିବାକୁ ଯୋଜନା କରିଥିଲା ।
ତେବେ ୫ ଅଭିଯୁକ୍ତଙ୍କ ଠାରୁ ଦୁଇଟି ବାଇକ ସହ ହତ୍ୟାକାଣ୍ଡରେ ବ୍ୟବହୃତ ମରଣାସ୍ତ୍ର ଜବତ ହୋଇଛି । ଲିପିକାଙ୍କ ସହ ୩ ଜଣଙ୍କୁ ନୟାଗଡ଼ରୁ ଗିରଫ କରାଯାଇଥିବା ବେଳେ ଅନ୍ୟ ଜଣେ ଏବେ ବି ଫେରାର ଅଛନ୍ତି । ଆଉ କିଛି ଅଭିଯୁକ୍ତଙ୍କ ସମ୍ପୃକ୍ତି ନେଇ ସନ୍ଦେହ କରାଯାଉଛି। ସେ ଦିଗରେ ତଦନ୍ତ ଚାଲିଛି ବୋଲି କହିଛନ୍ତି ଡିସିପି ପିନାକ ମିଶ୍ର ।
