ନନ୍ଦିଘୋଷ ବ୍ୟୁରୋ: ମହିଳା ପ୍ରସଙ୍ଗକୁ ନେଇ ସୁପ୍ରିମକୋର୍ଟଙ୍କ ବଡ଼ ରାୟ। ବିବାହ ପାଇଁ ଅସ୍ଵୀକାର କରିବା ମାନେ ନୁହଁ ଆତ୍ମହତ୍ୟା ଲାଗି ଉସୁକାଇବା। ଜଣେ ଯୁବତୀଙ୍କ ଆତ୍ମହତ୍ୟା ମାମଲାରେ ଏହି ଗୁରୁତ୍ଵପୂର୍ଣ୍ଣ ରାୟ ଶୁଣାଇଛନ୍ତି ସୁପ୍ରିମକୋର୍ଟ । ମୃତ ଯୁବତୀଙ୍କ ପକ୍ଷରୁ ହୋଇଥିବା ମାମଲାର ଶୁଣାଣି କରି ଦେଶର ସର୍ବୋଚ୍ଚ ନ୍ୟାୟାଳୟ ଏହି ବଡ଼ ରାୟ ଦେଇଛନ୍ତି । ସର୍ବୋଚ୍ଚ ଅଦାଲତ କହିଛନ୍ତି ବିବାହ ପାଇଁ ମନା କରିବା ଅର୍ଥ ନୁହେଁ ମହିଳାଙ୍କୁ ମରିବା ଲାଗି ପ୍ରବର୍ତ୍ତାଇବା । ସୁପ୍ରିମକୋର୍ଟ ଜଷ୍ଟିସ ବିଭି ନାଗରତ୍ନ ଓ ଜଷ୍ଟିସ ସତୀଶ ଚନ୍ଦ୍ର ଶର୍ମାଙ୍କ ଖଣ୍ଡପୀଠ ଏହି ଗୁରୁତ୍ଵପୂର୍ଣ୍ଣ ରାୟ ଶୁଣାଣିଛନ୍ତି ।
ଜଣେ ମହିଳାଙ୍କୁ ନେଇ ଏଭଳି ଅଭିଯୋଗ ଆଣିଥିଲେ ଯୁବତୀଙ୍କ ପରିବାର । ମହିଳାଙ୍କ ପୁଅଙ୍କୁ ଯୁବତୀ ଜଣକ ପ୍ରେମ କରୁଥିଲେ। ତେବେ ମହିଳାଙ୍କ ପୁଅ ବିବାହ ଲାଗି ମନା କରିଥିଲେ। ପରବର୍ତ୍ତୀ ସମୟରେ ଯୁବତୀ ଜଣଙ୍କ ଆତ୍ମହତ୍ୟା କରିଥିଲେ । ଯୁବତୀ ଜଣଙ୍କ ମହିଳାଙ୍କ ଉପରେ ଯୁବତୀଙ୍କୁ ନେଇ ଆପତ୍ତିଜନକ ଟିପ୍ପଣୀ କରିବା ଏବଂ ବିବାହକୁ ବିରୋଧ କରିବା ସହ ଯୁବତୀଙ୍କୁ ଆତ୍ମହତ୍ୟା ଲାଗି ଉସୁକାଇବା ଅଭିଯୋଗ ଆଣି ମାମଲା କରିଥିଲେ ଯୁବତୀଙ୍କ ପରିବାର । ମହିଳା ପରିବାର ପକ୍ଷରୁ ଏହି ଅଭିଯୋଗ ହୋଇଥିଲା। ତେବେ ଯୁବତୀଙ୍କୁ ଆତ୍ମହତ୍ୟା ଲାଗି ଉସୁକାଇବା ଭଳି କୌଣସି ଯୁବକ କିମ୍ବା ତାଙ୍କ ମାଆଙ୍କ ବିରୋଧରେ କୌଣସି ବଳିଷ୍ଠ ପ୍ରମାଣ ନଥିଲା । କୋର୍ଟ ମହିଳାଙ୍କ ବିରୋଧରେ ଥିବା ସମସ୍ତ ଅଭିଯୋଗକୁ ଖାରଜ କରି ଦେଇଥିଲେ।
