ନନ୍ଦିଘୋଷ ବ୍ୟୁରୋ: ଫିଲିପାଇନ୍ସରେ ଭୂମିକମ୍ପ । ସକାଳୁ ସକାଳୁ ୭.୭ ତିବ୍ରତାର ଝଟକା । ସୁନାମୀ ଆଲର୍ଟ । ସମୁଦ୍ରକୂଳ ଅଞ୍ଚଳରେ ରହୁଥିବା ଲୋକଙ୍କୁ ସୁରକ୍ଷିତ ସ୍ଥାନକୁ ଚାଲିଯିବାକୁ ପରାମର୍ଶ । ସୋମବାର ଭୋର ସକାଳୁ ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି । ମାତ୍ର ଗୋଟିଏ ଘଣ୍ଟା ମଧ୍ୟରେ ପୃଥିବୀ ୩ଥର କମ୍ପି ଉଠିଛି।
ଏହି ଭୂମିକମ୍ପର ତୀବ୍ରତା ରିକ୍ଟର ସ୍କେଲରେ ୭.୭ ମାପ କରାଯାଇଛି । ଫିଲିପାଇନ୍ସ ଦ୍ୱୀପ ମିଣ୍ଡାନାଓରେ ଭୂମିକମ୍ପ ଝଟକା ଦେଇଥିଲା । ଫଳରେ ଫିଲିପାଇନ୍ସ ଏବଂ ଇଣ୍ଡୋନେସିଆର କିଛି ଅଂଶ ପାଇଁ ସୁନାମି ସତର୍କତା ଜାରି କରାଯାଇଛି । ନ୍ୟାସନାଲ୍ ସେଣ୍ଟର ଫର୍ ସିସମୋଲୋଜି ଅନୁଯାୟୀ ଫିଲିପାଇନ୍ସରେ ଗୋଟିଏ ଘଣ୍ଟା ମଧ୍ୟରେ ୩ଟି ଭୂମିକମ୍ପ ଅନୁଭୂତ ହୋଇଥିଲା ।
. ସକାଳ ୫ଟା ୦୭ ରେ ହୋଇଥିଲା ଏବଂ ଏହାର ତୀବ୍ରତା ରିକ୍ଟର ସ୍କେଲରେ ୭.୭ ଥିଲା।
. ସକାଳ ୫ଟା ୧୮ରେ ହୋଇଥିଲା ଏବଂ ଏହାର ତୀବ୍ରତା ରିକ୍ଟର ସ୍କେଲରେ ୬.୪ ଥିଲା ।
.ସକାଳ ୬ଟା ୨୫ରେ ହୋଇଥିଲା ଏବଂ ଏହାର ତୀବ୍ରତା ରିକ୍ଟର ସ୍ଲେଲରେ ୬.୬ ଥିଲା ।
ଫିଲିପାଇନ୍ସ ନିକଟରେ ହୋଇଥିବା ବିଶାଳ ଭୂମିକମ୍ପ ପରେ ଜାପାନ ଏହାର ପ୍ରଶାନ୍ତ ମହାସାଗର ଉପକୂଳର କିଛି ଅଂଶ ପାଇଁ ସୁନାମି ଚେତାବନୀ ଜାରି କରିଛି । ଏକମିଟରରୁ ଅଧିକ ଉଚ୍ଚ ଜୁଆର ଆସିବାର ସମ୍ଭାବନା ଥିବାରୁ ସୁରକ୍ଷିତ ସ୍ଥାନକୁ ଚାଲିଯିବାକୁ ପରାମର୍ଶ ଦିଆଯାଇଛି ।
ସତର୍କ ସୂଚନା: ଏହାସହ ଆଗାମୀ କିଛି ସମୟରେ ପରବର୍ତ୍ତୀ ଝଟକା ଯୋଗୁଁ କ୍ଷୟକ୍ଷତି ହେବା ଆଶଂକା କରାଯାଇଛି । ଏହା ପୂର୍ବରୁ ରବିବାର ଭାରତ ସମେତ କିଛି ଦେଶରେ ଭୂକମ୍ପ ଝଟକା ଅନୁଭୂତ ହୋଇଥିଲା ।
