ନନ୍ଦିଘୋଷ ବ୍ୟୁରୋ: ବିଧାୟକଙ୍କ ପୁଅ କଲେ ଆତ୍ମହତ୍ୟା । ଦୁଃଖରେ ଭାଙ୍ଗି ପଡ଼ିଲା ପରିବାର । ବିହାରର ବରିଷ୍ଠ କଂଗ୍ରେସ ନେତା ତଥା ବିଧାୟକ ଶକିଲ ଅହମ୍ମଦ ଖାନଙ୍କ ୧୮ ବର୍ଷୀୟ ପୁଅ ପାଟନାସ୍ଥିତ ସରକାରୀ ବାସଭବନରେ ଜୀବନ ହାରି ଦେଇଛନ୍ତି । ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ଦେଇଛି । ସେପଟେ ଏହି ଘଟଣାକୁ ନେଇ ସଚିବାଳୟ ଡିସିପି କହିଛନ୍ତି କି, ଘଟଣାର ତଦନ୍ତ ଜାରି ରହିଛି । ବିହାରର ଜଣେ ଜଣାଶୁଣା ଟାଣୁଆ କଂଗ୍ରେସ ନେତା ଭାବେ ଶକିଲ ଜଣାଶୁଣା । ତେବେ ତାଙ୍କ ପୁଅର ଜୀବନ ହାରିବା କଥା ଶୁଣିବା ପରେ ଶୋକ ପ୍ରକାଶ କରିଛନ୍ତି ପପୁ ଯାଦବ । ଶୋକସନ୍ତପ୍ତ ପରିବାରକୁ ପପୁ ଯାଦବ ସମବେଦନା ଜଣାଇଛନ୍ତି । ତେବେ ବିଧାୟକଙ୍କ ପୁଅ କାହିଁକି ଏଭଳି ଏକ ଚରମ ପଦକ୍ଷେପ ନେଲେ ତାହା ଜଣା ପଡ଼ିନାହିଁ । ଘଟଣାକୁ ନେଇ କଂଗ୍ରେସର ବହୁ ବରିଷ୍ଠ ନେତାମାନେ ମଧ୍ୟ ଶୋକ ପ୍ରକାଶ କରିଥିବା ଦେଖିବାକୁ ମିଳିଛି ।
ପାକିସ୍ତାନୀଙ୍କୁ ବାନ୍ଧି ନିଜ ଦେଶକୁ କ’ଣ ପାଇଁ ଫେରାଉଛି ସାଉଦି ଆରବ ?
ନନ୍ଦିଘୋଷ ବ୍ୟୁରୋ: ସାଉଦି ଆରବରେ ପାକିସ୍ତାନୀଙ୍କ ଲଜ୍ଜାଜନକ କାର୍ଯ୍ୟକଳାପ। ଉମରାହକୁ ଆସି ଭିକ ମାଗୁଛନ୍ତି ପାକିସ୍ତାନୀ। ପାକିସ୍ତାନ ଭିକାରୀ ସାଉଦି ଆରବରେ ବଢି ଚାଲିଛନ୍ତି। ଏନେଇ ସାଉଦି ସରକାର ପାକିସ୍ତାନୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।
ହଜ କିମ୍ବା ଉମରାହ ନାମରେ ସାଉଦି ଆରବକୁ ଯାଉଥିବା ପାକିସ୍ତାନୀଙ୍କ କାର୍ଯ୍ୟକଳାପ ଉପରେ ସାଉଦି ସରକାର କଡା ଆଭିମୁଖ୍ୟ ଗ୍ରହଣ କରିଛନ୍ତି । ଉମରାହରେ ଭିକ ମାଗୁଥିବା ପାକିସ୍ତାନୀଙ୍କୁ ଗିରଫ କରି ନିଜ ଦେଶକୁ ପଠାଇବା ଆରମ୍ଭ କରିଛି ସାଉଦି ଆରବ। ସାଉଦି ସରକାର ପାକିସ୍ତାନର ଶାହବାଜ ସରିଫ ସରକାରଙ୍କୁ ଚେତାବନୀ ସତ୍ତ୍ୱେ ଏହାକୁ ନିୟନ୍ତ୍ରଣ କରାଯାଇପାରି ନାହିଁ । ଏହାଦ୍ୱାରା ଇସଲାମାବାଦ ଅପମାନିତ ହେଉଛି। ଏହାର ପ୍ରଭାବ ସିଧାସଳଖ ପାକିସ୍ତାନୀ ଉମରାହ ଏବଂ ହଜ୍ ଯାତ୍ରୀଙ୍କ ଉପରେ ପଡ଼ିଛି ।
ପାକିସ୍ତାନର ଫେଡେରାଲ ତଦନ୍ତକାରୀ ଏଜେନ୍ସି (FIA) କହିଛି ଯେ, ସାଉଦି ଆରବରୁ ୧୦ ଜଣ ସନ୍ଦିଗ୍ଧଙ୍କୁ ବିତାଡିତ କରାଯାଇଛି । ଏହିମାନେ ଉମରାହ ଭିସା ନେଇ ସାଉଦି ଆରବରେ ଭିକ ମାଗୁଥିଲେ ।
ନଭେମ୍ବର ୨୦୨୩ ରେ, ପାକିସ୍ତାନ ଗୃହମନ୍ତ୍ରୀ ମୋହସିନ୍ ନାକଭି ସାଉଦି ଆରବକୁ କହିଥିଲେ ଯେ, ଭିକ ମାଗିବା ପାଇଁ ଉମରାହ କିମ୍ବା ହଜ ଭିସା ବ୍ୟବହାର କରୁଥିବା ପାକିସ୍ତାନୀମାନଙ୍କ ବିରୋଧରେ ଦେଶବ୍ୟାପୀ କଟକଣା ଜାରି କରାଯାଇଛି।
ଫେବୃଆରୀ ୨ରେ FIA ଏକ ବିବୃତ୍ତିରେ କହିଛି ଯେ, କରାଚି ବିମାନବନ୍ଦରରେ ଏକ ବଡ ଅପରେସନରେ ଉମରାହ ଅଭିମୁଖେ ଯାତ୍ରା କରୁଥିବା କିଛି ସନ୍ଦିଗ୍ଧଙ୍କୁ ଧରାହୋଇଛି । ପ୍ରାଥମିକ ତଦନ୍ତରୁ ଜଣାପଡିଛି ଯେ ଏହି ଲୋକମାନେ ସାଉଦି ଆରବରେ କିଛି ମାସ ଭିକ ମାଗୁଥିଲେ । ଏମାନଙ୍କୁ ଗିରଫ କରାଯାଇ ପଚରାଉଚାରା ଜାରି ରହିଛି । ବିମାନ ବନ୍ଦର ଉପରେ ତୀକ୍ଷ୍ଣ ନଜର ରଖାଯାଇଛି ବୋଲି ଏଫଆଇଏ କହିଛି। ବିଦେଶ ଭ୍ରମଣ କରୁଥିବା ଯାତ୍ରୀମାନଙ୍କୁ ପୁଙ୍ଖାନୁପୁଙ୍ଖ ଯାଞ୍ଚ କରାଯାଉଛି ଏବଂ ଭିକ ମାଗୁଥିବା ଲୋକଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ବୋଲି FIA କହିଛି।
ରେଲୱେ ଟ୍ରାକରେ କାର,ଡ୍ରାଇଭର ହାଲତ ଦେଖି ଲୋକ କାବା
ନନ୍ଦିଘୋଷ ବ୍ୟୁରୋ: ରେଲଓ୍ବେ ଟ୍ରାକରେ ଟ୍ରେନ ବଦଳରେ ଦେଖିବାକୁ ମିଳିଲା କାର । ବଡ଼ ଦୁର୍ଘଟଣା ପୂର୍ବରୁ ବର୍ତ୍ତି ଯାଇଛନ୍ତି । କର୍ଣ୍ଣାଟକରୁ ନଜରକୁ ଆସିଛି ଏଭଳି ଖବର । ଜଣେ ମଦ୍ୟପ ଡ୍ରାଇଭର କାରକୁ ଭାରସାମ୍ୟ ହରାଇ ଟ୍ରେନ୍ ଟ୍ରାକ ଉପରକୁ ନେଇ ଯାଇଛନ୍ତି । ଭାଗ୍ୟ ଭଲ ସେହି ସମୟରେ କୌଣସି ଟ୍ରେନ୍ ଆସି ନଥିବାରୁ ଅଳ୍ପକେ ବର୍ତ୍ତି ଯାଇଛନ୍ତି । ରେଲଓ୍ବେ କର୍ମାଚାରୀମାନେ କାରକୁ ଉଦ୍ଧାର କରିଥିଲେ । ପ୍ରଥମେ ସେ ଟିକେଟ୍ କାଉଣ୍ଟର ପାଖକୁ ଆସିଥିଲେ । ପରେ ସିଧା ସଳଖ ପ୍ଲାଟଫର୍ମରେ ଗାଡ଼ିକୁ ଭାରସାମ୍ୟ ହରାଇ ଭର୍ତ୍ତି କରି ଦେଇଥିଲେ ।
ତେବେ ମଦ୍ୟପ ଡ୍ରାଇଭରଙ୍କ ନାମ ରାକେଶ ବୋଲି ଜଣା ପଡ଼ିଛି । ସେ ଏତେ ପରିମାଣରେ ମଦ୍ୟପାନ କରିଥିଲେ କି, ନିଜେ ନିଜକୁ ମଧ୍ୟ ନିୟନ୍ତ୍ରଣ କରିପାରୁନଥିବା ଦେଖିବାକୁ ମିଳିଥିଲା । ତେବେ ରେଲଓ୍ବେ କର୍ମଚାରୀମାନେ ମଧ୍ୟରାତ୍ରରେ ଜେସିବି ଡକାଇ ଗାଡ଼ିକୁ ଟ୍ରାକରୁ ବାହାର କରିଥିଲେ । ଏବେ ଡ୍ରାଇଭର ଏବଂ ଗାଡ଼ି ପୋଲିସ ହେପାଜତରେ ରହିଥିବା ସୂଚନା ମିଳିଛି ।
ସେୟାର ବଜାର ପାଇଁ ଫେବୃଆରୀ ଆତଙ୍କର ମାସ
ନନ୍ଦିଘୋଷ ବ୍ୟୁରୋ: ସେୟାର ମାର୍କେଟକୁ ନେଇ ବଡ ଭବିଷ୍ୟବଣୀ । ଚଳିତ ମାସ ଫେବୃଆରୀରେ ସେୟାର ମାର୍କେଟ ଇତିହାସରେ ସବୁଠାରୁ ବଡ ହ୍ରାସ ଘଟିପାରେ । ଏହି ଭବିଷ୍ୟବାଣୀ କରିଛନ୍ତି ବିଶ୍ୱ ପ୍ରସିଦ୍ଧ ଏବଂ ବେଷ୍ଟସେଲର ପୁସ୍ତକ ‘ରିଚ୍ ଡ୍ୟାଡ୍ ପୁଅର ଡ୍ୟାଡ୍’ ଲେଖକ ରବର୍ଟ କିୟୋସାକି।
ଯଦି ଆପଣ ସେୟାର ମାର୍କେଟରେ ଟଙ୍କା ନିବେଶ କରୁଛନ୍ତି ତେବେ ଏହି ଖବର ଆପଣଙ୍କ ପାଇଁ ବେଶ୍ ଉପଯୋଗୀ। ବିଶ୍ୱ ପ୍ରସିଦ୍ଧ ଏବଂ ବେଷ୍ଟସେଲର ପୁସ୍ତକ ‘ରିଚ୍ ଡ୍ୟାଡ୍ ପୁଅର ଡ୍ୟାଡ୍’ର ଲେଖକ ବଜାରକୁ ନେଇ ଏକ ବଡ଼ ଭବିଷ୍ୟବାଣୀ କରିଛନ୍ତି। ଆମେରିକୀୟ ବ୍ୟବସାୟୀ ତଥା ବେଷ୍ଟସେଲର ଲେଖକ ରବର୍ଟ କିୟୋସାକି କହିଛନ୍ତି ଯେ, ଏହି ମାସ ଅର୍ଥାତ୍ ଫେବୃଆରୀରେ ଷ୍ଟକ୍ ମାର୍କେଟ ଇତିହାସରେ ସବୁଠାରୁ ବଡ ହ୍ରାସ ଘଟିବ ।
କିୟୋସାକି ତାଙ୍କ ସୋସିଆଲ ମିଡିଆ ଆକାଉଣ୍ଟ ଏକ୍ସରେ ଲେଖିଛନ୍ତି ଯେ, ୨୦୨୧୩ ରେ ମୁଁ ଚେତାବନୀ ଦେଇଥିଲି ଯେ ସେୟାର ବଜେରରେ ସବୁଠାରୁ ବଡଧରଣର ଆତଙ୍କ ଦେଖିବା ପାଇଁ ମିଳିବ । ଏବଂ ସେହି ଆତଙ୍କ ଚଳିତ ମାସ ଫେବୃଆରୀରେ ଘଟିବ ବୋଲି କିୟୋସାକି କହିଛନ୍ତି । ଆହୁରି ମଧ୍ୟ ସେ ଲେଖିଛନ୍ତି ଯେ, ଏଥିରେ ଖୁସି ଖବର ହେଉଛି ଯେ, ଏହି କ୍ରାସ ଯୋଗୁଁ ସବୁକିଛି ଶସ୍ତା ହୋଇଯିବ । କାର ଏବଂ ଘରଗୁଡ଼ିକ ଶସ୍ତା ମୂଲ୍ୟରେ ଉପଲବ୍ଧ ହେବ। ସେ ତାଙ୍କ ପୁସ୍ତକରେ କହିଛନ୍ତି ଯେ, ଲୋକମାନେ କ୍ରିପ୍ଟୋ, ସୁନା ଓ ରୂପା ବିନିଯୋଗ କରିବା ଉଚିତ୍।
ବଜେଟ୍ ପରେ ଆଜି ସେୟାର ବଜାରରେ ବଡ଼ ଧରଣ ହ୍ରାସ ଘଟିଛି । ସୋମବାର ସକାଳୁ ଡାଇନରୁ ଆରମ୍ଭ ହୋଇଛି । ଉଭୟ ନିଫ୍ଟି ଏବଂ ସେନ୍ସେକ୍ସରେ ହ୍ରାସ ଘଟିଛି । ଚୀନ, କାନାଡ଼ା ଏବଂ ମେକ୍ସିକୋ ଉପରେ ଆମେରିକାର ଟ୍ୟାକ୍ସ ବୃଦ୍ଧି ପରେ ସେୟାର ମାର୍କେଟରେ ବଡ଼ ଧରଣର ହଇଚଇ ସୃଷ୍ଟି ହୋଇଛି । ସେନ୍ସେକ୍ସ ୭୦୦ ଅଙ୍କ ହ୍ରାସ ହୋଇ ୭୬, ୮୨୭.୯୫ରେ ପହଞ୍ଚି ଥିବାବେଳେ ନିଫ୍ଟି ୨୦୭.୯୦ ଅଙ୍କର ହ୍ରାସ୍ ହୋଇ ୨୩,୨୭୪.୨୫ ଅଙ୍କରେ ପହଞ୍ଚିଛି । ତେବେ ସୋମବାର ସେୟାର ବଜାର ଖୋଲୁ ଖୋଲୁ ମାର୍କେଟ ଦ୍ରୁତ ଗତିରେ ହ୍ରାସ ହେବା ଆରମ୍ଭ ହୋଇଥିଲା । ସେୟାର ମାର୍କେଟର ପ୍ରମୁଖ ସୂଚକାଙ୍କ ମଧ୍ୟ ଏବେ ହ୍ରାସ ଘଟିଛି । ଏପରିକି ପ୍ରମୁଖ କମ୍ପାନୀମାନଙ୍କର ସେୟାରରେ ମଧ୍ୟ ହ୍ରାସ ଘଟିଛି ।
ଚାଲିପାରୁନି ସଂସଦର ଉଭୟ ଗୃହ, କୁମ୍ଭମେଳାରେ ଦଳା ଚକଟା ଘଟଣାକୁ ନେଇ ବିରୋଧୀଙ୍କ ହଙ୍ଗାମା
ନନ୍ଦିଘୋଷ ବ୍ୟୁରୋ: ବଜେଟ ଅଧିବେଶନରେ ରାଷ୍ଟ୍ରପତିଙ୍କ ଅଭିଭାଷଣ ନେଇ ଧନ୍ୟବାଦ ପ୍ରସ୍ତାବ ଉପରେ ଲୋକସଭା ଏବଂ ରାଜ୍ୟସଭାରେ ଚାଲିଛି ଆଲୋଚନା। ଦକ୍ଷିଣ ଦିଲ୍ଲୀର ବିଜେପି ସାଂସଦ ରାମବୀର ସିଂହ ବିଧୁରୀ ଲୋକସଭାରେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଉପସ୍ଥାପନ କରିଛନ୍ତି। ଆଜି ଲୋକସଭାର ହଟ୍ଟଗୋଳରୁ ଆରମ୍ଭ ହେଲା ଗୃହ କାର୍ଯ୍ୟ । ବିରୋଧୀ ସାଂସଦମାନେ ମହାକୁମ୍ଭ ଅଘଟଣ ନେଇ ହଟ୍ଟଗୋଳ କରିଥିଲେ। କୁମ୍ଭମେଳା ଦଳାଚକଟା ନେଇ ଆଲୋଚନା ଦାବି କରି ବିରୋଧୀ ହଙ୍ଗାମା କରିଥିଲେ। ବିରୋଧୀ ସାଂସଦ ମାନେ ସ୍ଲୋଗାନ ଦେଇ ଲୋକସଭା ବାଚସ୍ପତି ଓମ୍ ବିର୍ଲାଙ୍କ ସମ୍ମୁଖରେ ପହଞ୍ଚିଥିଲେ। ଗୃହ ଚଳାଇବାକୁ ନିଜ ନିଜ ଆସନରେ ବସିଯିବାକୁ ସାଂସଦ ମାନଙ୍କୁ କହିଥିଲେ ବାଚସ୍ପତି। ଦିନ ଗୋଟାଏରେ ଲୋକସଭାରେ ବିବୃତି ରଖିବେ ବିରୋଧୀ ଦଳ ନେତା ରାହୁଲ ଗାନ୍ଧି। ସେହିପରି ରାଜ୍ୟସଭାରେ ମଧ୍ୟ ବିରୋଧୀ ପ୍ରବଳ ହଟ୍ଟଗୋଳ କରିଛନ୍ତି। ପ୍ରୟାଗ କୁମ୍ଭମେଳା ଅଘଟଣ ନେଇ ଗୃହରେ ଆଲୋଚନା ଦାବି କରିଥିଲେ ବିରୋଧୀ। ଏହାକୁ ନେଇ ପ୍ରବଳ ହଟ୍ଟଗୋଳ କରିବା ସହ ରାଜ୍ୟସଭାରେ କକ୍ଷ ତ୍ଯାଗ କରିଥିଲେ ବିରୋଧୀ
ଆସନ୍ତା ୧୨ ତାରିଖରେ ବସିବ ବିଜେଡି ବିଧାୟକ ଦଳ ବୈଠକ
ନନ୍ଦିଘୋଷ ବ୍ୟୁରୋ: ଆସନ୍ତା ୧୨ ତାରିଖରେ ବସିବ ବିଜେଡି ବିଧାୟକ ଦଳ ବୈଠକ । ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହେବ । ତେବେ ଶଙ୍ଖ ଭବନରେ ସଂଧ୍ୟା ୫ଟାରେ ଏହି ବୈଠକ ବସିବାକୁ ଥିବାବେଳେ ବିଧାନସଭା ପାଇଁ ରଣନୀତି ପ୍ରସ୍ତୁତ କରାଯିବ ।
ସେପଟେ ଆଜି ଆରମ୍ଭ ହୋଇଛି ବିଜେଡି ସମନ୍ୱୟ କମିଟି ବୈଠକ । କମିଟି ଅଧ୍ୟକ୍ଷ ଦେବୀ ମିଶ୍ରଙ୍କ ଅଧ୍ୟକ୍ଷତା ଶଙ୍ଖ ଭବନରେ ବୈଠକ ଚାଲିଛି । ବିଜୁ ଜନତା ଦଳର ସଭ୍ୟ ସଂଗ୍ରହ ଓ ଆସନ୍ତା ବିଜୁ ଜୟନ୍ତୀ ପାଳନ ନେଇ ଆଲୋଚନା । ଏଥିସହ ଆଗକୁ ହେବାକୁ ଥିବା ସାଙ୍ଗଠନିକ ନିର୍ବାଚନ ନେଇ ବି ଖସଡ଼ା ପ୍ରସ୍ତୁତ ହେଉଛି।
ଖଣ୍ଡଗିରି ଯାତ୍ରାରେ ଅଶ୍ଲୀଳ ନୃତ୍ୟ ବନ୍ଦ କରିବାକୁ ବିଏମସିର ନିର୍ଦ୍ଦେଶ
ନନ୍ଦିଘୋଷ ବ୍ୟୁରୋ: ଖଣ୍ଡଗିରି ଯାତ୍ରାରେ ଅଶ୍ଲୀଳ ନୃତ୍ୟ ବନ୍ଦ କରିବାକୁ ବିଏମସିର ନିର୍ଦ୍ଦେଶ। ଅଶ୍ଲୀଳ ନୃତ୍ୟ ବନ୍ଦ ପାଇଁ ଯାତ୍ରା ପାର୍ଟି ମାଲିକଙ୍କୁ ଦିଆଯାଇଛି ନିର୍ଦ୍ଦେଶ। ଏନେଇ ବିଏମସି କମିଶନର ସୂଚନା ଦେଇଛନ୍ତି । ଖଣ୍ଡଗିରିର ମର୍ଯ୍ୟାଦା ହାନି ନ କରିବାକୁ ପାର୍ଟି ମାଲିକଙ୍କୁ କୁହାଯାଇଛି । ନିୟମ ଉଲ୍ଲଂଘନ କଲେ କଡ଼ା କାର୍ଯ୍ୟାନୁଷ୍ଠାନ ହେବ ବୋଲି କହିଛନ୍ତି ବିଏମସି କମିଶନର ରାଜେଶ ପ୍ରଭାକର ପାଟିଲ । ଆସନ୍ତାକାଲିଠାରୁ ଆରମ୍ଭ ହେଉଛି ଖଣ୍ଡଗିରିରେ ମାଘସପ୍ତମୀ ମେଳା । ମେଳା ପୂର୍ବରୁ ଆଜି ଖଣ୍ଡଗିରିରେ ବିଏମସି କମିଶନର ସମୀକ୍ଷା କରିଛନ୍ତି । ସ୍ୱଚ୍ଛ ପରିମଳ ବ୍ୟବସ୍ଥା ଉପରେ ବିଏମସି ଫୋକସ କରିଛି । ସ୍ଥାୟୀ ଆଲୋକୀକରଣ, ପାନୀୟଜଳ ଓ ମୋବାଇଲ ଟଏଲେଟକୁ ଅଧିକ ଗୁରୁତ୍ୱ ଦିଆଯାଇଛି । ପାଞ୍ଚକୁଣ୍ଡର ଖୁବ ଶୀଘ୍ର ହେବ ପୁନର ଉଦ୍ଧାର । ୧୦୦ ମିଟର ବ୍ୟବଧାନରେ ନିୟୋଜିତ ହେବେ ଜଣେ ଲେଖାଏଁ ସ୍ୱାସ୍ୟ କର୍ମୀ । ପରିବେଷ ସଫା ସୁତାର ରହିବ, ସେଥି ପ୍ରତି ଯତ୍ନବାନ ହେବାକୁ ଜନସାଧାରଣଙ୍କୁ ବିଏମସି କମିଶନର ରଜେଶ ପ୍ରଭାକର ପାଟିଲ ଅନୁରୋଧ କରିଛନ୍ତି ।
ଇସ୍ରୋର ୧୦୦ତମ ସାଟେଲାଇଟ ମିଶନରେ ବାଧା
ନନ୍ଦିଘୋଷ ବ୍ୟୁରୋ: ଇସ୍ରୋର ୧୦୦ତମ ସାଟେଲାଇଟ ମିଶନରେ ବାଧା। ନାଭିଗେସନ୍ ସାଟେଲାଇଟ୍ରେ ଗତକାଲି ଏକ ଯାନ୍ତ୍ରିକ ତ୍ରୁଟି ଦେଖାଦେବା ପରେ ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋର ୧୦୦ତମ ରକେଟ୍ ମିଶନରେ ବାଧା ଉପୁଜିଛି। ISRO ପକ୍ଷରୁ ଏହାର ୱେବସାଇଟରେ ମିଶନରେ ତ୍ରୁଟି ନେଇ ସୂଚନା ପ୍ରଦାନ କରିଛି। କକ୍ଷପଥପରେ ସାଟେଲାଇଟକୁ ଅବସ୍ଥାନ ଲାଗି ଥ୍ରଷ୍ଟକୁ ଜ୍ଵଳନ ଲାଗି ଅକ୍ସିଡାଇଜରକୁ ପ୍ରବେଶ କରିବା ପାଇଁ ଇସ୍ରୋର ୧୦୦ତମ ସାଟେଲାଇଟ ମିଶନରେ ବାଧା।
ନାଭିଗେସନ୍ ସାଟେଲାଇଟ୍ରେ ଗତକାଲି ଏକ ଯାନ୍ତ୍ରିକ ତ୍ରୁଟି ଦେଖାଦେବା ପରେ ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋର ୧୦୦ତମ ରକେଟ୍ ମିଶନରେ ବାଧା ଉପୁଜିଛି। ISRO ପକ୍ଷରୁ ଏହାର ୱେବସାଇଟରେ ମିଶନରେ ତ୍ରୁଟି ନେଇ ସୂଚନା ପ୍ରଦାନ କରିଛି। କକ୍ଷପଥପରେ ସାଟେଲାଇଟକୁ ଅବସ୍ଥାନ ଲାଗି ଥ୍ରଷ୍ଟକୁ ଜ୍ଵଳନ ଲାଗି ଅକ୍ସିଡାଇଜରକୁ ପ୍ରବେଶ କରିବା ପାଇଁ ଭାଲବ୍ ଖୋଲି ନଥିଲା। ଫଳରେ ଉପଗ୍ରହକୁ ନିର୍ଦ୍ଦିଷ୍ଟ କକ୍ଷପଥ ସ୍ଲଟ୍ରେ ସ୍ଥାପନ କରିବା ଦିଗରେ କକ୍ଷପଥ ବୃଦ୍ଧି କାର୍ଯ୍ୟ କରାଯାଇପାରି ନାହିଁ। ୟୁ ଆର ରାଓ ସାଟେଲାଇଟ୍ କେନ୍ଦ୍ର ଦ୍ୱାରା ନିର୍ମିତ ଉପଗ୍ରହ NVS-୦୨ କୁ ଭାରତ ଉପରେ ନିର୍ଦ୍ଦିଷ୍ଟ କକ୍ଷପଥରେ ସ୍ଥାପନ କରାଯିବାର ଥିଲା। ଉପଗ୍ରହରେ ଥିବା ତରଳ ଇଞ୍ଜିନ୍ ଠିକ୍ ଭାବରେ କାର୍ଯ୍ୟ ନକରିବାରୁ ଏହାକୁ ନିର୍ଦ୍ଦିଷ୍ଟ କକ୍ଷପଥକୁ ପଠାଇବା ପ୍ରୟାସ ବିଳମ୍ବ ହେଉଛି। ଆବଶ୍ୟକ ସ୍ଥଳେ ଏହା ସମ୍ପୂର୍ଣ୍ଣ ଭାବେ ଫେଲ୍ ମଧ୍ୟ ହୋଇଯାଇପାରେ ବୋଲି ଇସ୍ରୋ ପକ୍ଷରୁ କୁହାଯାଇଛି।
ଗତ ବୁଧବାର ଆନ୍ଧ୍ରପ୍ରଦେଶର ଶ୍ରୀହରିକୋଟାରୁ GSLV-F15କୁ ସଫଳତାର ସହ ଉତକ୍ଷେପଣ କରାଯାଇଥିଲା। ଏହି ମିଶନ ଇସ୍ରୋ ଅଧ୍ୟକ୍ଷ ଭି ନାରାୟଣନଙ୍କ ଦାୟିତ୍ଵ ଗ୍ରହଣ ପରେ ପ୍ରଥମ ମିସନ। ଚଳିତ ବର୍ଷ ISROର ଏହା ପ୍ରଥମ ସାଟେଲାଇଟ ଉତକ୍ଷେପଣ। ଭାଲବ୍ ଖୋଲି ନଥିଲା। ଫଳରେ ଉପଗ୍ରହକୁ ନିର୍ଦ୍ଦିଷ୍ଟ କକ୍ଷପଥ ସ୍ଲଟ୍ରେ ସ୍ଥାପନ କରିବା ଦିଗରେ କକ୍ଷପଥ ବୃଦ୍ଧି କାର୍ଯ୍ୟ କରାଯାଇପାରି ନାହିଁ। ୟୁ ଆର ରାଓ ସାଟେଲାଇଟ୍ କେନ୍ଦ୍ର ଦ୍ୱାରା ନିର୍ମିତ ଉପଗ୍ରହ NVS-୦୨ କୁ ଭାରତ ଉପରେ ନିର୍ଦ୍ଦିଷ୍ଟ କକ୍ଷପଥରେ ସ୍ଥାପନ କରାଯିବାର ଥିଲା। ଉପଗ୍ରହରେ ଥିବା ତରଳ ଇଞ୍ଜିନ୍ ଠିକ୍ ଭାବରେ କାର୍ଯ୍ୟ ନକରିବାରୁ ଏହାକୁ ନିର୍ଦ୍ଦିଷ୍ଟ କକ୍ଷପଥକୁ ପଠାଇବା ପ୍ରୟାସ ବିଳମ୍ବ ହେଉଛି। ଆବଶ୍ୟକ ସ୍ଥଳେ ଏହା ସମ୍ପୂର୍ଣ୍ଣ ଭାବେ ଫେଲ୍ ମଧ୍ୟ ହୋଇଯାଇପାରେ ବୋଲି ଇସ୍ରୋ ପକ୍ଷରୁ କୁହାଯାଇଛି। ଗତ ବୁଧବାର ଆନ୍ଧ୍ରପ୍ରଦେଶର ଶ୍ରୀହରିକୋଟାରୁ GSLV-F15କୁ ସଫଳତାର ସହ ଉତକ୍ଷେପଣ କରାଯାଇଥିଲା। ଏହି ମିଶନ ଇସ୍ରୋ ଅଧ୍ୟକ୍ଷ ଭି ନାରାୟଣନଙ୍କ ଦାୟିତ୍ଵ ଗ୍ରହଣ ପରେ ପ୍ରଥମ ମିସନ। ଚଳିତ ବର୍ଷ ISROର ଏହା ପ୍ରଥମ ସାଟେଲାଇଟ ଉତକ୍ଷେପଣ।
ସେୟାର ବଜାର ପାଇଁ ଭିଲେନ୍ ସାଜିଲା ଆମେରିକା, କେଇ ମିନିଟରେ ଡୁବିଲା ନିବେଶକଙ୍କ ୫ ଲକ୍ଷ କୋଟି ଟଙ୍କା
ନନ୍ଦିଘୋଷ ବ୍ୟୁରୋ: ସେୟାର ମାର୍କେଟରେ ଲାଗିଛି ନିଆଁ । ମାତ୍ର କିଛି ସମୟ ମଧ୍ୟରେ ନିବେଶକଙ୍କ ୫ ଲକ୍ଷ କୋଟି ଟଙ୍କା ବୁଡ଼ି ଯାଇଛି । ସଦ୍ୟତମ ସୂଚନା ଅନୁସାରେ ସୋମବାର ସେୟାର ବଜାରରେ ବଡ଼ ଧରଣ ହ୍ରାସ ଘଟିଛି । ସୋମବାର ସକାଳୁ ଡାଇନରୁ ଆରମ୍ଭ ହୋଇଛି । ଉଭୟ ନିଫ୍ଟି ଏବଂ ସେନ୍ସେକ୍ସରେ ହ୍ରାସ ଘଟିଛି । ତେବେ ଏହାର ମୁଖ୍ୟ କାରଣ ଟ୍ରମ୍ପ ବୋଲି କୁହାଯାଉଛି । ଆମେରିକାର ରାଷ୍ଟ୍ରପତିଙ୍କ ଘୋଷଣା ପରେ ଏଭଳି ଘଟିଥିବା କୁହାଯାଉଛି । ଚୀନ, କାନାଡ଼ା ଏବଂ ମେକ୍ସିକୋ ଉପରେ ଆମେରିକାର ଟ୍ୟାକ୍ସ ବୃଦ୍ଧି ପରେ ସେୟାର ମାର୍କେଟରେ ବଡ଼ ଧରଣର ହଇଚଇ ସୃଷ୍ଟି ହୋଇଛି । ସେନ୍ସେକ୍ସ ୭୦୦ ଅଙ୍କ ହ୍ରାସ ହୋଇ ୭୬, ୮୨୭.୯୫ରେ ପହଞ୍ଚି ଥିବାବେଳେ ନିଫ୍ଟି ୨୦୭.୯୦ ଅଙ୍କର ହ୍ରାସ୍ ହୋଇ ୨୩,୨୭୪.୨୫ ଅଙ୍କରେ ପହଞ୍ଚିଛି । ତେବେ ସୋମବାର ସେୟାର ବଜାର ଖୋଲୁ ଖୋଲୁ ମାର୍କେଟ ଦ୍ରୁତ ଗତିରେ ହ୍ରାସ ହେବା ଆରମ୍ଭ ହୋଇଥିଲା । ସେୟାର ମାର୍କେଟର ପ୍ରମୁଖ ସୂଚକାଙ୍କ ମଧ୍ୟ ଏବେ ହ୍ରାସ ଘଟିଛି । ଏପରିକି ପ୍ରମୁଖ କମ୍ପାନୀମାନଙ୍କର ସେୟାରରେ ମଧ୍ୟ ହ୍ରାସ ଘଟିଛି ।
ତେବେ ସେୟାର ମାର୍କେଟରେ ବଡ଼ ଧରଣର କ୍ଷତି ସହିଛନ୍ତି ନିବେଶକ । ବିଏସଇ ତାଲିକାଭୁକ୍ତ କମ୍ପାନୀ ଗୁଡ଼ିକର ଗତ ବାଣିଜ୍ୟ ଅଧିବେଶନରେ ୪୨୪ ଲକ୍ଷ କୋଟିରୁ ୪୧୯ କୋଟ ଲକ୍ଷକୁ ହ୍ରାସ ପାଇଛି । ଏହି କାରଣରୁ ନିବେଶକଙ୍କ ୫ ଲକ୍ଷ କୋଟି ଟଙ୍କା କ୍ଷତି ହୋଇଛି । ତେବେ ବଜେଟ ଘୋଷଣା ହେବା ପରେ ଆଶା ରହିଥିଲା କି ସେୟାର ମାର୍କେଟରେ ନିବେଶକମାନେ ଭଲ ଲାଭ ପାଇବେ । ମାତ୍ର ଆମେରିକାର ଟ୍ୟାକ୍ସ ବୃଦ୍ଧି ଘୋଷଣା ପରେ ସବୁକିଛି ଗଡ଼ବଡ଼ ହୋଇଯାଇଛି ।
ସମର୍ଥ ମାମଲା : ଦୁଇ ଦିନିଆ ରିମାଣ୍ଡରେ ଯିବ ମୁଖ୍ୟ ଅଭିଯୁକ୍ତ
ନନ୍ଦିଘୋଷ ବ୍ୟୁରୋ: ବହୁ ଚର୍ଚ୍ଚିତ ସମର୍ଥ କେନ୍ଦ୍ରରେ ନିର୍ଯାତନା ମାମଲାରେ ଦୁଇ ଦିନିଆ ରିମାଣ୍ଡରେ ମୁଖ୍ୟ ଅଭିଯୁକ୍ତକୁ ଆଣିବ ସମ୍ବଲପୁର ପୋଲିସ। ମୁଖ୍ୟ ଅଭିଯୁକ୍ତ ହରିଶ୍ଚନ୍ଦ୍ର ଦାସକୁ ୨ ଦିନିଆ ରିମାଣ୍ଡରେ ଆଣି ପଚରା ଉଚରା କରିବ ପୋଲିସ୍।ଏହାସହ ହୋଇଥିବା ଦୁଷ୍କର୍ମ ଅଭିଯୋଗରେ ଡାକ୍ତରୀ ପରୀକ୍ଷା କରାଯିବ।ତେବେ ସବୁଠାରୁ ବଡ଼କଥା ହେଲା ଏହି ଅନୁଷ୍ଠାନରେ କେମିତି ୬ଜଣଙ୍କର ମୃତ୍ୟୁ ହେଲା ତାହାର ମଧ୍ୟ ମାରାଥନ୍ ଜେରା କରିବ ସମ୍ବଲପୁର ପୋଲିସ୍। ସେପଟେ ଏହି ଘଟଣାକୁ ଗୁରୁତର ସହ ନେଇ କାର୍ଯ୍ୟାନୁଷ୍ଠାନ ଆରମ୍ଭ କରିଛି ସମ୍ବଲପୁର ଜିଲ୍ଲା ପ୍ରଶାସନ ।