ପଦମପୁର ଉପନିର୍ବାଚନ ପୂର୍ବରୁ ମାତିଲେ ବିଜେପି କର୍ମୀ, ଆକ୍ରମଣରେ ମହିଳା ଗୁରୁତର

ବରଗଡ: ପଦମପୁର ଉପ ନିର୍ବାଚନରେ ବିଜେପିକୁ ଘାରିଛି ପରାଜୟ ଭୟ । ସେଥିପାଇଁ ବିଜେପି କର୍ମୀ ଦହିଗାଁ ପଞ୍ଚାୟତ ବୁବୁଡ଼ା ଗାଁରେ ଗୁଣ୍ଡାଗିରି କରିଥିବା ଅଭିଯୋଗ ହୋଇଛି । ବରିହା ସମ୍ପ୍ରଦାୟ ଉପରେ ମରଣାନ୍ତକ ଆକ୍ରମଣ କରିଛନ୍ତି ବିଜେପି କର୍ମୀ । ଆକ୍ରମଣରେ ବୁବୁଡ଼ା ଗାଁର ସଞ୍ଜୁ ବରିହା ଗୁରୁତର ଆହତ ହୋଇ ଡ଼ାକ୍ତରଖାନାରେ ଭର୍ତ୍ତି ହୋଇଛନ୍ତି ।

ତାଙ୍କୁ ପ୍ରଥମେ ପଦମପୁର ଡ଼ାକ୍ତରଖାନା ପରେ ବରଗଡ଼ ଜିଲ୍ଲା ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି । ସଞ୍ଜୁଙ୍କ ମୁଣ୍ଡରେ ଗୁରୁତର କ୍ଷତ ଥିବା ଦେଖିବାକୁ ମିଳିଛି । ଗତକାଲି ନିର୍ବାଚନୀ ପ୍ରଚାର ସମୟରେ ସଞ୍ଜୁ ବିଜେଡ଼ିର ପ୍ରାର୍ଥୀ ବର୍ଷାଙ୍କ ଜିନ୍ଦାବାଦ ନାରା ଦେଉଥିବା ସମୟରେ ବିଜେପି କର୍ମୀ ରିଙ୍କୁ ମେହେର ସଞ୍ଜୁଙ୍କୁ ଏକ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ଫଳରେ ତାଙ୍କ ମୁଣ୍ଡ ସହିତ ଶରୀରର ବିଭିନ୍ନ ସ୍ଥାନରେ ଗଭୀର ଆଘାତ ଲାଗିଥିଲା ।

ଗାଁ ଲୋକମାନେ ସଞ୍ଜୁଙ୍କୁ ଗୁରୁତର ଅବସ୍ଥାରେ ଉଦ୍ଧାରକରି ଘରକୁ ଆଣିବା ପରେ ପରିବାର ଲୋକେ ତାଙ୍କୁ ପଦମପୁର ଡ଼ାକ୍ତରଖାନାକୁ ଚିକିତ୍ସା ପାଇଁ ଆଣିଥିଲେ । ପଦମପୁରରେ ପ୍ରାଥମିକ ଚିକିତ୍ସା ପରେ ସଞ୍ଜୁଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ବରଗଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି ।