ବିଜେପି ମାନୁନି ଗାଇଡଲାଇନ୍, ଫେରାଦ ହେଲା ବିଜେଡି
ଭୁବନେଶ୍ୱର: ନିର୍ବାଚନ ଗାଇଡଲାଇନ୍ ମାନୁନି ବିଜେପି । ନିର୍ବାଚନ ଆଦର୍ଶ ଆଚରଣବିଧି ଉଲଙ୍ଘନ ଅଭିଯୋଗରେ ବିଜେପି ବିରୋଧରେ ରାଜ୍ୟ ନିର୍ବାଚନ କମିଶନଙ୍କୁ ଫେରାଦ୍ ହୋଇଛନ୍ତି ବିଜେଡି ପ୍ରତିନିଧି ଦଳ । ଖୋର୍ଦ୍ଧା ଜିଲ୍ଲାର 30 ନମ୍ବର ଜୋନ୍ର ବିଜେପି ଜିଲ୍ଲାପରିଷଦ ପ୍ରାର୍ଥୀ ସସ୍ମିତା ପତି ନାମାଙ୍କନ ବେଳେ ଆଦର୍ଶ ଆଚରଣ ବିଧି ଉଲଙ୍ଘନ କରିଥିବା ଅଭିଯୋଗ ହୋଇଛି ।
କୋଭିଡ କଟକଣାରେ ୫ଜଣଙ୍କୁ ନେଇ ନାମାଙ୍କନ ଭରିବାକୁ ଗାଇଡଲାଇନ୍ ଜାରି ହୋଇଛି । ତେବେ 100 ଜଣରୁ ଅଧିକ ସମର୍ଥକଙ୍କୁ ନେଇ ସସ୍ମିତା ନାମାଙ୍କନ ଦାଖଲ କରିଥିଲେ । ଯାହାର ଭିଡିଓ ଆୟୋଗଙ୍କ ନିକଟରେ ଦାଖଲ କରିଛି ବିଜେଡି । ଏଣୁ ଏହା ବିରୋଧରେ ଦୃଢ କାର୍ଯ୍ୟନୁଷ୍ଠାନ ନେବାକୁ ଆୟୋଗଙ୍କ ପାଖରେ ଅଭିଯୋଗ କରିଛି ବିଜେଡି ।
