ବିଚ୍ ରାସ୍ତାରେ ଯୁବ ଇଞ୍ଜିନିୟରଙ୍କୁ ଚାପୁଡା ମାରି ଚର୍ଚ୍ଚାରେ ମହାରାଷ୍ଟ୍ର ବିଧାୟିକା
1 min read
ମୁମ୍ୱାଇ : ବିଧାୟିକାଙ୍କ ଦବଙ୍ଗଗିରି । ବିଚ ରାସ୍ତାରେ ଜୁନିୟର ଇଞ୍ଜିନିୟରଙ୍କୁ ଚାପୁଡା ମାରି ଚର୍ଚ୍ଚାରେ ମହାରାଷ୍ଟ୍ରର ମୀରା ଭୟାଦର MLA ଗୀତା ଜୈନ । ସିବିଲ ଇଞ୍ଜିନିୟରଙ୍କ କଲର ଭିଡି ବିଧାୟିକା ଚାପୁଡ଼ା ମାରୁଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ।
ମ୍ୟୁନିସିପାଲ କର୍ପୋରେସନ ପକ୍ଷରୁ ଜବରଦଖଲ ଉଚ୍ଛେଦ ଚାଲିଥିବା ବେଳେ ଜୁନିୟର ଇଞ୍ଜିନିୟରଙ୍କୁ ବିଧାୟିକା ଗାଳିଗୁଲଜ କରିବା ସହ ଚାପୁଡ଼ା ମାରୁଥିବା ଦେଖାଯାଇଛି । ସରକାରୀ ଜମି ଉପରେ ଘର କରି ରହିଥିବା ପରିବାରକୁ ବିନା ନୋଟିସରେ ହଟାଇବା ସହ ଘର ଭାଙ୍ଗିବାକୁ ନେଇ ବିଧାୟିକା ଏଭଳି ଆକ୍ସନ ନେଇଥିବା ଜଣାପଡ଼ିଛି ।
ଗୀତା ଜୈନ୍ ପୂର୍ବରୁ ସହରର ବିଜେପି ମେୟର୍ ଥିଲେ । ୨୦୧୯ ବିଧାନସଭା ନିର୍ବାଚନରେ ସେ ସ୍ୱାଧୀନ ପ୍ରାର୍ଥିନୀ ଭାବେ ବିଜୟୀ ହୋଇ ବିଧାୟିକା ହୋଇଥିଲେ। ସମ୍ପ୍ରତି ମହାରାଷ୍ଟ୍ରର ବିଜେପି-ଶିବସେନା ସରକାରଙ୍କୁ ସମର୍ଥନ କରୁଛନ୍ତି ଗୀତା ।
