ନନ୍ଦିଘୋଷ ବ୍ୟୁରୋ: ଫାଇଲ ହଜିବା ଘଟଣାରେ ପୁଣି ସରକାରଙ୍କୁ ଟାର୍ଗେଟ କଲା ବିଜେଡି । ପ୍ରେସ ମିଟ କରି ବିଜେଡି କହିଛି, ଗତକାଲି ପୂର୍ବତନ ଆଇନ ମନ୍ତ୍ରୀ ଅରୁଣ ସାହୁ ପ୍ରଶ୍ନ କରିଥିଲେ ଯେ, ଫାଇଲ ହଜିଛି ନା ହଜାଇ ଦିଆଯାଇଛି ? ଏପରି ନାଟକ ବିଜେପିର ନୂଆ ନୁହେଁ । ଏମିତି ଡାହା ମିଛ ତଳରୁ ଶୀର୍ଷ ନେତୃତ୍ୱ କହିଥିଲେ ଯେ ରତ୍ନଭଣ୍ଡାର ଚାବି ତାମିଲନାଡୁ ପଳେଇଲା । ଏବେ ମହାପ୍ରଭୁ ଶ୍ରୀଜଗନ୍ନାଥ ସତ ପ୍ରକାଶ କରିବାରୁ ଲୋକେ ସତ ଜାଣିଲେ ।
ଏବେ ଆଉ ଏକ ମିଛ କହିବାକୁ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ ଚେଷ୍ଟା କରିଛନ୍ତି । ଏବେ ସେ ଜାଣିଲେ ଯେ, ଆଉ ରତ୍ନଭଣ୍ଡାର ପ୍ରସଙ୍ଗ କାମ କରୁନି । ତେଣୁ ଫାଇଲ ହଜିବା ପ୍ରସଙ୍ଗକୁ ଆଣିଛନ୍ତି ବୋଲି ବିଜେଡି ଅଭିଯୋଗ କରିଛି । ଯଦି ଫାଇଲ ହଜିଛି ତାହାଲେ ସେ ଦାୟୀ । CCTV ଦେଖି ତଦନ୍ତ କରନ୍ତୁ । ଯଦି CMO ନାକ ତଳୁ ଫାଇଲ ପଳେଇଲା ତେବେ ତାହେଲେ ଏହା ଏକ ହାସ୍ୟାସ୍ପଦ କଥା ।
ତେବେ ବିଜେଡି ଆହୁରି ମଧ୍ୟ କହିଛି ଯେ, ଆଇନଶୃଙ୍ଖଳା ବିଗିଡ଼ିଗଲାଣି । ରାଜ୍ୟ ସରକାର ଓ ବିଜେପିର ସବୁଠି ମୁଖା ଖୋଲିଛି । ତେଣୁ ଆଉ ମିଛ କୁହନି ଲୋକହସା ହିଁ ହେବ ବୋଲି ବିଜେଡି କହିଛି ।
