ପଦମପୁର ଉପନିର୍ବାଚନ ଫଳାଫଳର ସମୀକ୍ଷା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଭୁବନେଶ୍ୱର: ପଦମପୁରର ଉପନିର୍ବାଚନ ଫଳାଫଳର ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପଦମପୁରବାସୀଙ୍କୁ ଦିଆଯାଇଥିବା ପ୍ରତିଶ୍ରୁତି କେମିତି ପୂରଣ ହେବ, ତା ଉପରେ ନବୀନ ଗୁରୁତ୍ୱ ଦେଇଛନ୍ତି । ଯେଉଁ ସବୁ ପ୍ରତିଶ୍ରୁତି ଦିଆଯାଇଛି, ସେ ସବୁ ପାଳନ କରାଯିବ । ପଦ୍ମପୁର ଓ ସେଠାକାର ଲୋକଙ୍କ ବିକାଶକୁ ଗୁରୁତ୍ୱ ଦିଆଯାଇଛି । ମୁଖ୍ୟମନ୍ତ୍ରୀ ପଦ୍ମପୁର ନିଶ୍ଚୟ ଯିବେ କିନ୍ତୁ ତାରିଖ ସ୍ଥିର ହୋଇନି । ପଦମପୁର ବିକାଶକୁ ସେ ନିଜେ ତଦାରଖ କରୁଛନ୍ତି ।

ମୁଖ୍ୟମନ୍ତ୍ରୀ ସବୁବେଳେ ଲୋକଙ୍କ ସେବା କରିବାକୁ କହିଆସୁଛନ୍ତି । ଦଳ ଆହୁରି ଲୋକଙ୍କ ସେବା କରି ଆଶୀର୍ବାଦ ନେବ । ଆହୁରି ଭରସା ଜିତିବାକୁ ଦଳ ଉଦ୍ୟମ କରିବ । ମୁଖ୍ୟମନ୍ତ୍ରୀଙ୍କ ସ୍ୱପ୍ନ ପୂରଣ କରିବାକୁ ସମସ୍ତ ଚେଷ୍ଟା କରାଯିବ । ବିଜେଡି ବଡ଼ ଦଳ । ତେଣୁ ୨୦୨୪ ପାଇଁ ବଡ଼ ପ୍ରସ୍ତୁତି କରିବ ଦଳ ବୋଲି ସମୀକ୍ଷା ବୈଠକ ପରେ ନେତା ପ୍ରତିକ୍ରିୟାରେ କହିଛନ୍ତି ।