ବରଗଡ଼: ଧାନ ଏମଏସପି ବୃଦ୍ଧି ପାଇଁ ତେଜିଲା ଦାବି। ଚାଷୀଙ୍କ ହକ୍ ପାଇଁ ରାଜରାସ୍ତାକୁ ଓହ୍ଲାଇଲା ବିଜେଡି। ବରଗଡ଼ ଗାନ୍ଧୀ ଛକରେ ବିଜେଡିର ଧାରଣା। ଧାନର ଏମଏସପି ୨୯୩୦ ଟଙ୍କା ଦାବି କରିଛି ବିଜେଡି। ଏହାସହ କେନ୍ଦ୍ର ସରକାରଙ୍କ ଅବହେଳା ବିରୋଧରେ ବିଧାୟକ ଦେବେଶ ଆଚାର୍ଯ୍ୟଙ୍କ ନେତୃତ୍ୱରେ ବିଜୁ ଜନତା ଦଳ ପକ୍ଷରୁ ଗଣଧାରଣା ଓ ବିକ୍ଷୋଭ କରାଯାଉଛି ।
୨୦୧୮ରେ ଧାନର ସର୍ବନିମ୍ନ ସହାୟକ ମୂଲ୍ୟ ୨୯୩୦ କରିବାକୁ ବିଧାନସଭାରେ ସର୍ବସମ୍ମତ ପ୍ରସ୍ତାବ ଗୃହୀତ ହୋଇଥିଲା। ଓଡିଶା ବିଧାନସଭା ପକ୍ଷରୁ ଏହି ପ୍ରସ୍ତାବକୁ ବିଚାର ପାଇଁ କେନ୍ଦ୍ର ନିକଟକୁ ପଠାଯାଇଥିଲା। ୨୦୧୯ ନିର୍ବାଚନ ଇସ୍ତାହାରରେ ବିଜେପି ଧାନର ଉତ୍ପାଦନ ମୂଲ୍ୟ ତୁଳନାରେ ଦେଢଗୁଣା ଏମଏସପି କରିବାକୁ ଘୋଷଣା କରିଥିଲା। ହେଲେ ଏବେଯାଏଁ ଧାନର ଏମଏସପି ବୃଦ୍ଧି ନେଇ କେନ୍ଦ୍ର ସରକାର କୌଣସି ପଦକ୍ଷେପ ନେଇନାହାନ୍ତି। ଯାହାକୁ ନେଇ ତେଜିଛି ପ୍ରତିବାଦ।
