‘ମୌସୁମୀ ଅଧିବେଶନରେ ବିରୋଧୀଙ୍କ ପ୍ରଶ୍ନର ଦିଆଯିବ ତଥ୍ୟଭିତ୍ତିକ ଉତ୍ତର’

ଭୁବନେଶ୍ୱର: ବିଧାନସଭାର ମୌସୁମୀ ଅଧିବେଶନ ଲାଗ ପ୍ରସ୍ତୁତି ହୋଇଛି ବିଜେଡି ରଣନୀତି । ମଙ୍ଗଳବାର ଅନୁଷ୍ଠିତ ବିଜେଡି ବିଧାୟକ ଦଳ ବୈଠକରେ ବ୍ଳୁ -ପ୍ରିଣ୍ଟ ପ୍ରସ୍ତୁତ କରିଛି ଦଳ । ବୈଠକ ସମ୍ପର୍କରେ ଗଣମାଧ୍ୟମକୁ ସୂଚନା ଦେଇ ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ କହିଛନ୍ତ ଯେ, ଗ୍ରମାଞ୍ଚଳ ବାସଗୃହ, ଏମ୍ଏସ୍‌ପି ପ୍ରସଂଗ ଉଠାଇବ ବିଜେଡି  । ଧାନର ସର୍ବନିମ୍ନ ସହାୟକ ମୂଲ୍ୟକୁ ନେଇ ସ୍ୱାମୀନାଥନ୍ କମିଟି ସୁପାରିସ୍ ଲାଗୁ କରିବା ପାଇଁ ଗୃହରେ ଦାବି କରିବୁ  । ୧୨ଟି ବିଲ ଚଳିତ ବିଧାନସଭାରେ ଆସିବ | ଗୃହ ଚାଲୁଥିବା ସମୟରେ ଆହୁରି ବିଲ ମଧ୍ୟ ଆସିବାର ସମ୍ଭାବନା ରହିଛି  । ବିରୋଧୀ ଯେଉଁ ଯେଉଁ ପ୍ରସଙ୍ଗ ଆଣିବେ ଆମେ ମୁକାବିଲା କରିବାକୁ ପ୍ରସ୍ତୁତ । ଆମ ପାଖରେ ମଧ୍ୟ କେନ୍ଦ୍ର ଅବହେଳା ନେଇ ଅନେକ ପ୍ରସଙ୍ଗ ଅଛି, ଆମେ ମଧ୍ୟ ଗୃହରେ ଉପସ୍ଥାପନା କରିବୁ । ଗୁରୁଜୀ ମାନସ ଦାସଙ୍କ ମାନବବାଦ ସଂଗଠନ ନେଇ ପ୍ରତିକ୍ରିୟା ଦେଇଛନ୍ତି ସରକାରୀ ଦଳ ମୁଖ୍ୟ ସଚେତକ, ଆଇନ ତା ବାଟରେ ଯାଉଛି, ପୋଲିସ ତା କାମ କରୁଛି, ସରକାର ଚୁପ ବସି ନାହାନ୍ତି | ବିଧାନସଭାରେ ପ୍ରସଙ୍ଗ ଉଠିଲେ ଆମେ ଜବାବ ଦବୁ |

ଏଥିସହିତ ପଢ଼ନ୍ତୁ: ଚାକିରିରୁ ବିଦା ହେବା ପରେ ଅତିଥି ଅଧ୍ୟାପକଙ୍କ ଆତ୍ମାହୂତି ଉଦ୍ୟମ